Community News & Updates

Stay informed with the latest happenings, achievements, and announcements from our community.

All News

calendar_today February 6, 2026

Ahmedabad News : અમદાવાદની સેવન્થ ડે સ્કૂલમાં વિદ્યાર્થીઓ વચ્ચે ફરી મારામારી, શર્ટ પર બ્લેડ મારી બટન તોડી વિદ્યાર્થીને મરાયો માર

અમદાવાદના ખોખરામાં આવેલી સેવન્થ ડે સ્કૂલ ફરી વિવાદમાં આવી છે અને સામાન્ય અદાવત રાખી વિદ્યાર્થીને અન્ય વિધાર્થીને માર માર્યો છે, સમગ્ર ઘટનામાં વિદ્યાર્થીના પિતાએ ખોખરા પોલીસ મથકમાં ફરિયાદ નોંધાવી છે અને પોલીસે સમગ્ર કેસમાં તપાસનો ધમધમાટ શરૂ કર્યો છે, હાલ સ્કૂલનો વહિવટ સરકાર હસ્તક છે.અમદાવાદની સેવન્થ ડે સ્કૂલ ફરી એક વખત વિવાદમાં આવી અમદાવાદની સેવન્થ ડે સ્કૂલ વિવાદમાં આવી છે જેમાં ધોરણ 7ના વિધાર્થીને 3 વિધાર્થીઓએ ભેગા મળીને માર માર્યો છે અને બટન પણ તોડી નાખ્યા છે, ભોગ બનનાર વિધાર્થી મોનીટર હોવાથી તેણે અન્ય વિધાર્થીને લાઈનમાં આવવાનું કહેતા માર માર્યો હોવાની વાત સામે આવી છે, ખોખરા પોલીસ સ્ટેશનમાં ભોગ બનનાર વિદ્યાર્થીના પિતાએ ત્રણ વિદ્યાર્થીઓ સામે ફરિયાદ નોંધાવી છે. હાલમાં ડીઈઓની એક ટીમ સ્કૂલમાં પહોંચી છે અને તપાસ કરી શરૂ.અમદાવાદની જાણીતી સેવન્થ ડે સ્કૂલનો વહીવટ આખરે રાજ્ય સરકાર દ્વારા હસ્તગત કરી લેવામાં આવ્યો છે શાળામાં વહીવટી અને સલામતી (સેફ્ટી) સંબંધિત ગંભીર ખામીઓના પગલે લાંબા સમયથી ચાલી રહેલા વિવાદના અંતે સરકારે આ મહત્વનો નિર્ણય લીધો છે. સરકારના આ પગલાને વાલીઓએ ઉમળકાભેર વધાવી લીધો છે. વાલીઓએ ખુશી વ્યક્ત કરતા જણાવ્યું હતું કે, "સરકારે કરેલા નિર્ણયને અમે આવકારીએ છીએ. અમારા બાળકોનું ભવિષ્ય ન બગડે તે માટે યોગ્ય કામગીરી થાય તેવી અપેક્ષા છે." સેવન્થ ડે સ્કૂલ જ ગેરકાયદે ધમધમતી હોવાનો ભાંડો ફૂટયો હતો અત્યાર સુધીમાં ICSE બોર્ડ હોવાથી ડીઈઓ તપાસમાં જઈ શકતાં નહોતા. જોકે તપાસ થતાં સ્કુલમાં મંજુરી વિના જ વર્ગો શરૂ કર્યાનું બહાર આવ્યું છે. એ સિવાય લીઝધારક અને સંચાલક સંસ્થા અલગ-અલગ હોવાથી ભાડાકરારની શરતનો પણ ભંગ કર્યો છે. એ સિવાય AMCએ સ્કુલને માત્ર રૂ.૧૦ હજારના ભાડાપટ્ટે જમીન આપી છે, છતાં FRC સમક્ષ સ્કૂલે ફી મંજુર કરાવવા રૂ.૧.૫૯ કરોડ ભાડું રજૂ કર્યુ હોવાનું સામે આવ્યું છે. શહેરના મણિનગર વિસ્તારની ૧૦ હજાર કરતાં વધુ વિદ્યાર્થીઓને ભણાવતી સેવન્થ ડે સ્કૂલ જ ગેરકાયદે ધમધમતી હોવાનો ભાંડો ફૂટયો છે. હાલમાં જે સ્થળ પર સ્કૂલ કાર્યરત છે ત્યાંની કોઈ મંજૂરી જ ન હોવાનું સામે આવ્યું છે. આ પણ વાંચો : Valsad News : વલસાડની સરીગામ GIDCમાં કેમિકલ કંપનીમાં ગેસ લીકેજ, ત્રણથી વધુ લોકો ઇજાગ્રસ્ત થતા હોસ્પિટલ ખસેડાયા

Read Full Story arrow_forward

calendar_today February 6, 2026

Jamnagar: અડધી રાત્રે આતંક મચાવતી બાઇકર્સ ટોળકીને પોલીસે ભણાવ્યો પાઠ, 24 શખ્સો ઝડપાયા

જામનગર શહેરમાં શાંતિ ભંગ કરી અડધી રાત્રે બેફામ ડ્રાઇવિંગ અને દેકારા કરતી ટોળકીનો પોલીસે પર્દાફાશ કર્યો છે. સોશિયલ મીડિયામાં આ બાઇકર્સ ટોળકીનો વીડિયો વાયરલ થયા બાદ હરકતમાં આવેલી સીટી એ. ડિવિઝન પોલીસે કડક કાર્યવાહી કરી કાયદાનું ભાન કરાવ્યું છે.નેત્રમની મદદથી આરોપીઓ ટ્રેસ થયાશહેરના રાજમાર્ગો પર રીક્ષા, બુલેટ અને સ્કૂટર જેવા વાહનો સાથે આતંક મચાવતી આ ટોળકીને પકડવા માટે પોલીસે 'નેત્રમ' (CCTV) ટીમની મદદ લીધી હતી. સીસીટીવી ફૂટેજના આધારે પોલીસે ગણતરીના કલાકોમાં જ તમામ વાહનચાલકોને શોધી કાઢ્યા હતા.24 શખ્સો અને 13 વાહનો કબજેપોલીસની પ્રાથમિક તપાસ અને કાર્યવાહીમાં પોલીસે કુલ 24 સભ્યોને શોધી કાઢ્યા છે, જેમાં 5 સગીર (ટાબરિયા) પણ સામેલ છે.આતંક મચાવવા માટે વપરાયેલા 13 વાહનો (જેમાં રીક્ષા, બુલેટ અને અન્ય સ્કૂટર્સ સામેલ છે) પોલીસે કબજે કર્યા છે. પોલીસ સ્ટેશન લાવ્યા બાદ તમામ શખ્સોએ પોતાની ભૂલ સ્વીકારી હતી અને 'ભવિષ્યમાં ક્યારેય આવું કૃત્ય નહીં કરે' તેવી લેખિત અને મૌખિક કબૂલાત આપી હતી.આ પણ વાંચો: Rajkot: રેલવે પોલીસનો સપાટો, મુસાફરોને છરીની અણીએ લૂંટતી રીઢા ગુનેગારોની જોડી ઝડપાઈ

Read Full Story arrow_forward

calendar_today February 6, 2026

Railway News : પશ્ચિમ રેલવે દ્વારા હોળીના તહેવાર પર હોલિડે સ્પેશિયલ ટ્રેનોનું આયોજન કરાયું

તહેવારો દરમિયાન મુસાફરોની સુવિધા અને સરળ આવાગમન પ્રત્યે પોતાની પ્રતિબદ્ધતાને વધુ મજબૂત બનાવતાં, પશ્ચિમ રેલવે આવનારા હોળી તહેવાર દરમિયાન સંભવિત મુસાફર ભીડને સંભાળવા માટે વ્યાપક તૈયારીઓ સાથે સંપૂર્ણ રીતે સજ્જ છે. મુસાફરોની વધતી મુસાફરી માંગને પહોંચી વળવા માટે પશ્ચિમ રેલવે દ્વારા અત્યાર સુધી 231 હોલિડે સ્પેશિયલ ટ્રેન સેવાઓ જાહેર કરવામાં આવી છે. મુસાફર-કેન્દ્રિત અભિગમ અપનાવવામાં આવ્યો છે આ સ્પેશિયલ ટ્રેનો 01 માર્ચથી 22 માર્ચ, 2026 દરમિયાન દેશના વિવિધ ગંતવ્યો માટે ચલાવવામાં આવશે, જેમાં ઉત્તર અને પૂર્વ ભારતના મુખ્ય પ્રદેશો—ઉત્તર પ્રદેશ, બિહાર, રાજસ્થાન સહિત અન્ય મહત્વપૂર્ણ રાજ્યો પર વિશેષ ધ્યાન આપવામાં આવ્યું છે. આ સ્પેશિયલ ટ્રેનોની યોજના મુસાફરોને વધારાના મુસાફરી વિકલ્પો ઉપલબ્ધ કરાવવા તથા તહેવારો દરમિયાન આરામદાયક અને સુવિધાજનક મુસાફરી સુનિશ્ચિત કરવા માટે તૈયાર કરવામાં આવી છે. પશ્ચિમ રેલવે દ્વારા સ્પેશિયલ ટ્રેનોના સંચાલનની પૂર્વ આયોજન સાથે વિવિધ સેક્ટરોમાં આરક્ષણ પ્રવૃત્તિઓ અને મુસાફર માગની સતત દેખરેખ રાખીને એક સક્રિય અને મુસાફર-કેન્દ્રિત અભિગમ અપનાવવામાં આવ્યો છે. વધારાની સ્પેશિયલ ટ્રેનો અંગે પણ વિચારણા કરવામાં આવશે પશ્ચિમ રેલવેના મુખ્ય જનસંપર્ક અધિકારી વિનિત અભિષેક દ્વારા જારી કરાયેલ પ્રેસ વિજ્ઞપ્તિ અનુસાર, હોળી તહેવાર દરમિયાન મુસાફર ભીડના સુચારુ સંચાલન માટે પશ્ચિમ રેલવે વધારાની ટ્રેન સેવાઓ અને વ્યાપક મુસાફર સુવિધા પગલાં સાથે સંપૂર્ણ રીતે તૈયાર છે. બુકિંગ પેટર્ન અને મુસાફર આવાગમનની સતત દેખરેખ રાખવામાં આવી રહી છે તથા જ્યાં શક્ય હોય ત્યાં નિયમિત ટ્રેનોમાં કોચોની સંખ્યા પણ વધારવામાં આવી રહી છે. મુસાફરોની માંગના આધારે વધારાની સ્પેશિયલ ટ્રેનો અંગે પણ વિચારણા કરવામાં આવશે અને આવનારા દિવસોમાં વધુ ટ્રેનોની સૂચના જારી કરવામાં આવશે. મુસાફરોને પોતાની મુસાફરીની બહેતર યોજના બનાવવા માટે વિવિધ મીડિયા માધ્યમો દ્વારા સ્પેશિયલ ટ્રેનો અને મુસાફર સુવિધાઓનો વ્યાપક પ્રચાર-પ્રસાર સુનિશ્ચિત કરવામાં આવી રહ્યો છે. હોલ્ડિંગ વિસ્તારોમાં મુસાફરોની સુવિધા માટે બેઠકની વ્યવસ્થા કરાઈ વિનિતે વધુમાં જણાવ્યું કે મુખ્ય સ્ટેશનો પર ભારે મુસાફર ભીડની સંભાવનાને ધ્યાનમાં રાખીને પશ્ચિમ રેલવેના મુખ્ય ટર્મિનલો અને આરંભિક સ્ટેશનો પર વ્યાપક રીતે ભીડ વ્યવસ્થાપન વ્યવસ્થાઓ અગાઉથી અમલમાં મૂકવામાં આવી છે. મુંબઈ સેન્ટ્રલ, બાંદ્રા ટર્મિનસ, ઉધના, સુરત, અમદાવાદ સહિત અન્ય મહત્વપૂર્ણ સ્ટેશનો પર મુસાફરોના સુરક્ષિત અને વ્યવસ્થિત પ્રવેશ તથા બોર્ડિંગને નિયંત્રિત કરવા માટે સમર્પિત મુસાફર હોલ્ડિંગ વિસ્તારો ઉપલબ્ધ કરાવવામાં આવ્યા છે. આ હોલ્ડિંગ વિસ્તારોમાં મુસાફરોની સુવિધા માટે બેઠકોની વ્યવસ્થા, પીવાનું પાણી, શૌચાલય બ્લોક, પૂરતું પ્રકાશન, પંખા તેમજ જાહેર જાહેરાત પ્રણાલી જેવી આવશ્યક સુવિધાઓ ઉપલબ્ધ છે. અવરજવર અને ભીડથી બચાવ માટે વધારાના બુકિંગ કાઉન્ટર શરૂ આ ઉપરાંત, કતાર વ્યવસ્થાપન, મુસાફર માર્ગદર્શન અને સુરક્ષા સુનિશ્ચિત કરવા માટે મુખ્ય સ્ટેશનો પર આરપીએફ, જીઆરપી અને વાણિજ્યિક કર્મચારીઓની વધારાની તૈનાતીનું આયોજન કરવામાં આવ્યું છે. સીસીટીવી નજરદારી ચોવીસે કલાક ચાલુ છે અને સંવેદનશીલ સ્ટેશનો પર વરિષ્ઠ રેલ અધિકારીઓ તૈનાત રહેશે, જેથી કામગીરીની દેખરેખ રાખી જરૂર મુજબ તાત્કાલિક કાર્યવાહી સુનિશ્ચિત કરી શકાય. મુસાફરોની સરળ અવરજવર અને ભીડથી બચાવ માટે વધારાના બુકિંગ કાઉન્ટર, મોબાઇલ ટિકિટિંગ વ્યવસ્થાઓ અને ઘનઘોર જાહેર જાહેરાતો પણ ઉપલબ્ધ કરાવવામાં આવશે. મુસાફરો મુસાફરીની પૂર્વ આયોજન કરે હોલિડે સ્પેશિયલ ટ્રેનોના સંચાલન સાથે મજબૂત સ્ટેશન-સ્તરીય તૈયારીઓ અને સંકલિત ભીડ વ્યવસ્થાપન રણનીતિઓ, હોળી તહેવાર દરમિયાન મુસાફરોની સુરક્ષિત, વ્યવસ્થિત અને આરામદાયક મુસાફરી સુનિશ્ચિત કરવા માટે પશ્ચિમ રેલવેની સજ્જતાને પ્રતિબિંબિત કરે છે. પશ્ચિમ રેલવે તમામ મુસાફરોને અપીલ કરે છે કે તેઓ પોતાની મુસાફરીની પૂર્વ આયોજન કરે, નિર્ધારિત હોલ્ડિંગ વિસ્તારોનો ઉપયોગ કરે અને રેલવે સ્ટાફ તથા સુરક્ષા કર્મચારીઓનો સહયોગ આપે, જેથી તહેવારો દરમિયાન સૌ માટે સુચારુ આવાગમન અને સુખદ મુસાફરી અનુભવ સુનિશ્ચિત થઈ શકે.આ પણ વાંચો : Ahmedabad News : અમદાવાદની સેવન્થ ડે સ્કૂલમાં વિદ્યાર્થીઓ વચ્ચે ફરી મારામારી, શર્ટ પર બ્લેડ મારી બટન તોડી વિદ્યાર્થીને મરાયો માર

Read Full Story arrow_forward