Union Budget 2026: નાણામંત્રી કનુભાઇ દેસાઇએ કેન્દ્રિય બજેટને આવકાર્યુ, વ્યાપક જોગવાઇઓથી ગુજરાતનો વિકાસ વધુ ગતિથી આગળ વધશે
આજે સંસદમાં કેન્દ્રીય નાણામંત્રી નિર્મલા સીતારમણે રજૂ કરેલા કેન્દ્રીય બજેટ 2026 ને ગુજરાતના નાણામંત્રી કનુભાઈ દેસાઈએ આવકાર્યું છે. બજેટમાં ગુજરાતના સર્વાંગી વિકાસ માટે ઘણી મહત્વપૂર્ણ જોગવાઈઓ કરવામાં આવી છે,તેમ જણાવી કનુભાઈ દેસાઈએ પોતાનો આભાર વ્યક્ત કર્યો.મહત્વકાંક્ષી બજેટ માટે PM-નાણામંત્રીનો આભાર કનુભાઈ દેસાઈએ જણાવ્યુ કે, આ બજેટ રાજ્યના તમામ ક્ષેત્રો રોજગારી, આરોગ્ય, શિક્ષણ, અને માળખાકીય સુવિધા માટે અત્યંત મહત્વપૂર્ણ છે. તેમણે મુખ્યત્વે વડાપ્રધાન નરેન્દ્ર મોદી અને નાણામંત્રી નિર્મલા સીતારમણનો આભાર વ્યકત કર્યો હતો. ગુજરાતના વિકાસ માટે ઘણી મહત્વપૂર્ણ જોગવાઈઓ ગુજરાતના નાણામંત્રી કનુભાઈ દેસાઈએ કહ્યું કે, "આ બજેટમાં ગુજરાતના વિકાસ માટે અનેક સુદ્રઢ યોજનાઓ અને સંકલ્પો જાહેર કરવામાં આવ્યા છે. જેમાં જામનગરમાં આયુષ પાર્ક, ધોળાવીરાના વિકાસ અને મહિલાઓ માટે હોસ્ટેલ અને અન્ય સુવિધાઓનો સમાવેશ થાય છે. આ યોજનાઓથી રાજ્યના દરેક ક્ષેત્રમાં મહત્વપૂર્ણ અને સકારાત્મક ફેરફારો થશે." ગુજરાતને મહત્તમ લાભ થશે તેમણે વધુમાં ઉમેર્યુ કે, "આ બજેટમાં થયેલી જાહેરાતો અને જોગવાઈઓથી ગુજરાતને મહત્તમ લાભ થશે. રાજ્યના વિકાસ માટે આ મોટું પગલું છે, જેના દ્વારા ગુજરાતને દર વર્ષમાં વધુ વિકાસ પ્રાપ્ત થશે. વ્યાપક જોગવાઈઓથી વિકાસમાં વધુ ગતિ મળશે કનુભાઈ દેસાઈએ જણાવ્યું કે, કેન્દ્રીય બજેટમાં કરવામાં આવેલી વ્યાપક જોગવાઈઓના કારણે રાજ્યના વિકાસમાં ગતિ આવશે. આથી, ગુજરાત વિશ્વની આર્થિક દ્રષ્ટિએ એક અગ્રણી રાજ્ય તરીકે ઉભરશે. નાના કરદાતાઓ માટે ખાસ પ્રોત્સાહન આ સાથે, કનુભાઈ દેસાઈએ નાના અને મધ્યમ કરદાતાઓ માટે કરવામાં આવેલી જોગવાઈઓને વખાણીને જણાવ્યું કે, આ બજેટ મધ્યમ અને નાના ધંધાવાળાઓ માટે પ્રોત્સાહન આપતું છે, જે સમગ્ર રાજ્યના અર્થતંત્ર માટે મહત્વપૂર્ણ છે. આ પણ વાંચો----- Surat: વસંત ગજેરા પર ઇન્કમટેક્સનો ગાળિયો બન્યો મજબૂત, કાગળ પર કેટલા રૂપિયા બતાવ્યા તેની તપાસ શરૂ
Read Full Story arrow_forward
