Community News & Updates

Stay informed with the latest happenings, achievements, and announcements from our community.

All News

calendar_today January 23, 2026

Ahmedabad News : હાઇકોર્ટની ફટકાર, ‘સેવન્થ ડે સ્કૂલે પોતાને પૈસા છાપવાનું મશીન બનાવી દીધું છે, સુરક્ષાનું શું?’

અમદાવાદની સેવન્થ ડે સ્કૂલને સરકાર હસ્તક લેવાના મુદ્દે ગુજરાત હાઇકોર્ટમાં થયેલી સુનાવણી દરમિયાન અદાલતે શાળા તંત્રનો આકરો ઉધડો લીધો હતો. હાઇકોર્ટે ગંભીર નોંધ લેતા જણાવ્યું હતું કે, આ શાળાએ શિક્ષણને બદલે પોતાને માત્ર 'પૈસા છાપવાનું મશીન' બનાવી દીધું છે. જ્યારે શાળાએ રજૂઆત કરી કે સરકાર હસ્તક લેવાતા એડમિશન રોકાયા છે, ત્યારે કોર્ટે ધારદાર સવાલ કર્યો હતો કે, જે માતા-પિતાએ શાળાની બેદરકારીને કારણે પોતાનું સંતાન ગુમાવ્યું છે, શું તમે તેમને તેમનું બાળક પાછું આપી શકશો? અદાલતે સ્પષ્ટ શબ્દોમાં કહ્યું કે તમે આર્થિક વળતર આપી શકો છો, પણ ગુમાવેલું જીવન નહીં.રોકડમાં ફી અને સુરક્ષામાં શૂન્ય બીજી તરફ, સરકારે હાઇકોર્ટમાં પક્ષ રાખતા જણાવ્યું હતું કે, શાળા મેનેજમેન્ટની ભયંકર બેદરકારીને કારણે જ તેને સરકાર હસ્તક લેવાની ફરજ પડી છે. વારંવાર DEO દ્વારા નોટિસ આપવા છતાં શાળાએ કોઈ સંતોષકારક જવાબ આપ્યો નહોતો. એટલું જ નહીં, ફી રોકડમાં સ્વીકારવા બાબતે પણ શાળા કોઈ પૂરાવા રજૂ કરી શકી નથી. હાઇકોર્ટે શાળાના પ્રિન્સિપાલ બદલવાની દલીલને પણ ફગાવી દેતા મેનેજમેન્ટની આકરી ઝાટકણી કાઢી હતી અને વાલીઓ તેમજ બાળકોની સુરક્ષા અંગે ચિંતા વ્યક્ત કરી હતી. આ પણ વાંચો : Dahod News : લીમખેડામાં 56 વર્ષીય શિક્ષકે અગમ્ય કારણોસર ટૂંકાવ્યું જીવન, ગળેફાંસો ખાઈ કાયો આપઘાત

Read Full Story arrow_forward

calendar_today January 23, 2026

Union Budget 2026 : હાઉસિંગ લોન લેનાર માટે સારા સમાચાર! બજેટ 2026થી અપેક્ષાઓ ઉંચી

કેન્દ્રીય બજેટ 2026 હવે બહુ નજીક આવી ગયું છે. નાણામંત્રી નિર્મલા સીતારમણ 1 ફેબ્રુઆરી, 2026ના રોજ સંસદમાં તેમનું બજેટ રજૂ કરશે. આ ખાસ વાત છે કે, ઓછામાં ઓછા દાયકામાં પહેલી વાર બજેટ રવિવારે રજૂ થવાનું છે. આ તેમનું સતત નવમું બજેટ ભાષણ હશે, જેને લઈને દેશભરમાં ભારે ઉત્સુકતા જોવા મળી રહી છે.  27 જાન્યુઆરીએ સર્વપક્ષીય બેઠક બજેટ પહેલા 27 જાન્યુઆરીએ સર્વપક્ષીય બેઠક અને સંસદના બજેટ સત્રની શરૂઆત થશે. આ દરમિયાન અનેક ક્ષેત્રો પોતાની માંગ સરકાર સમક્ષ રજૂ કરી રહ્યા છે. તેમાં સૌથી મહત્વની માંગ રિયલ એસ્ટેટ અને હાઉસિંગ ક્ષેત્ર તરફથી આવી રહી છે. રિયલ એસ્ટેટ ક્ષેત્ર રિયલ એસ્ટેટ ક્ષેત્ર સાથે જોડાયેલી સંસ્થા NAREDCO (National Real Estate Development Council) એ સરકાર સમક્ષ માગ કરી છે કે હાઉસિંગ લોન પર મળતી વ્યાજ કપાતની મર્યાદા વર્તમાન રૂ. 2 લાખથી વધારીને રૂ. 5 લાખ કરવી જોઈએ. હાલ આવકવેરા કાયદાની કલમ 24(b) હેઠળ ઘરલોન પર માત્ર 2 લાખ રૂપિયા સુધી વ્યાજ કપાતની છૂટ મળે છે, જે આજના મોંઘવારીના સમયમાં અપૂરતી સાબિત થઈ રહી છે. NAREDCOનું કહેવું છે કે જો આ મર્યાદા વધારવામાં આવે તો મધ્યમ વર્ગના લોકો ઘર ખરીદવા માટે વધુ પ્રોત્સાહિત થશે. પરિણામે હાઉસિંગ ડિમાન્ડ વધશે, રિયલ એસ્ટેટ સેક્ટરને ગતિ મળશે અને અર્થવ્યવસ્થાને પણ ફાયદો થશે. એસ્ટેટ ક્ષેત્રને ‘ઉદ્યોગ’નો દરજ્જો આ સાથે જ રિયલ એસ્ટેટ ક્ષેત્રને ‘ઉદ્યોગ’નો દરજ્જો આપવાની પણ માગ ઉઠી છે. જો આ ક્ષેત્રને ઉદ્યોગ તરીકે માન્યતા મળે તો ડેવલોપર્સને સસ્તી લોન, વધુ ફંડિંગ અને નીતિગત સહાય મળશે, જેનાથી ઘરોનાં ભાવ સ્થિર રહી શકે છે. આ ઉપરાંત, પોસાય તેવા આવાસ (Affordable Housing) ની વ્યાખ્યામાં પણ ફેરફાર કરવાની માગ કરવામાં આવી છે. હાલમાં 45 લાખ રૂપિયા સુધીના ઘરોને જ પોસાય તેવા માનવામાં આવે છે. NAREDCOનું કહેવું છે કે શહેરી વિસ્તારોમાં જમીન અને બાંધકામ ખર્ચ વધતાં હવે 90 લાખ રૂપિયા સુધીના ઘરોને પોસાય તેવા આવાસમાં સામેલ કરવાં જોઈએ.જો સરકાર આ માંગ સ્વીકારે તો જો સરકાર આ માંગ સ્વીકારે તો પ્રથમ વખત ઘર ખરીદનારાઓને મોટો લાભ મળશે. ખાસ કરીને મહાનગરો અને ટિયર-2 શહેરોમાં રહેતા લોકો માટે આ નિર્ણય ખૂબ જ ઉપયોગી સાબિત થઈ શકે છે. કુલ મળીને જોવામાં આવે તો બજેટ 2026માં હાઉસિંગ લોન, આવકવેરા રાહતો અને રિયલ એસ્ટેટ ક્ષેત્ર માટે મોટા એલાન થવાની સંભાવનાઓ છે. હવે સૌની નજર 1 ફેબ્રુઆરી પર ટકી છે કે સરકાર મધ્યમ વર્ગ અને ઘર ખરીદનારાઓને કેટલો મોટો રાહત પેકેજ આપે છે.આ પણ વાંચો : Union Budget 2026 : બજેટ પહેલા કેમ અધિકારીઓને ‘લોક-ઇન’ કરવામાં આવે છે? જાણો

Read Full Story arrow_forward

calendar_today January 23, 2026

BMC Mayor : કઇ પાર્ટીના હશે મેયર ? એકનાથ શિંદેએ આપી પહેલી પ્રતિક્રિયા

મુંબઈ મહાનગરપાલિકામાં મેયર પદ માટે અનામત નક્કી થયાના એક દિવસ પછી ડેપ્યુટી સીએમ અને શિવસેનાના વડા એકનાથ શિંદેની પ્રતિક્રિયા સામે આવી. તેમણે મુંબઈના મેયર કોણ બનશે તે અંગે સ્પષ્ટ જવાબ આપ્યો ન હતો. તેમણે કહ્યું હતું કે મેયર મહાયુતિ (મહાગઠબંધન) માંથી હશે. જોકે તેમણે એમ પણ કહ્યું હતું કે તેઓ સત્તા અને પદ માટે ગઠબંધન નથી. તેથી હવે પ્રશ્ન એ છે કે શું શિવસેનાએ દાવેદારી છોડી દીધી છે. આ આગામી દિવસોમાં સ્પષ્ટ થશે.સીએમ ફડણવીસ છે દાવોસ મહારાષ્ટ્રના મુખ્યમંત્રી દેવેન્દ્ર ફડણવીસ હાલમાં દાવોસમાં છે અને પાછા ફરવાના છે. સૂત્રોના જણાવ્યા અનુસાર શિવસેના અને ભાજપના નેતાઓ વચ્ચેની બેઠકમાં તેમના પાછા ફર્યા પછી મેયર પદ અંગે નિર્ણય લેવામાં આવશે. એક વાત સ્પષ્ટ છે કે આ વખતે મેયર પદ માટે એક મહિલા ઉમેદવાર હશે. વિધાનસભા અધ્યક્ષ રાહુલ નાર્વેકરના સંબંધી હર્ષિતા નાર્વેકર સહિત અનેક નામો ભાજપ ક્વોટામાંથી રેસમાં છે. ભાજપ અને શિવસેના પાસે બહુમતીથી વધુ કાઉન્સિલરો ભાજપનો દાવો એટલા માટે પણ મજબૂત માનવામાં આવે છે કારણ કે તે બીએમસીમાં સૌથી મોટો પક્ષ બન્યો છે. ભાજપે શિવસેના સાથે જોડાણ કરીને ચૂંટણી લડી હતી અને 227 માંથી 89 બેઠકો જીતી હતી. એકનાથ શિંદેની શિવસેનાને ફક્ત 29 બેઠકો મળી હતી. કુલ મળીને કુલ 118 બેઠકો છે અને બીએમસીમાં સરકાર બનાવવા માટે 114 કાઉન્સિલરોના સમર્થનની જરૂર પડે છે. પરિણામે ભાજપ અને શિવસેના પાસે બહુમતીથી વધુ છે. 16 જાન્યુઆરીએ પરિણામ થયા જાહેર મહારાષ્ટ્ર મ્યુનિસિપલ કોર્પોરેશનની ચૂંટણીના પરિણામો 16 જાન્યુઆરીએ જાહેર કરવામાં આવ્યા હતા. 22 જાન્યુઆરીએ લોટરી દ્વારા મેયર પદ માટે અનામત જાહેર કરવામાં આવ્યા હતા. હજુ સુધી કોઈ પણ મ્યુનિસિપલ કોર્પોરેશનમાં મેયર પદ માટે કોઈ પણ પક્ષે પોતાના ઉમેદવારોની જાહેરાત કરી નથી. જો કે બધા રાજકીય પક્ષો સમીકરણો પર કામ કરવામાં વ્યસ્ત છે.

Read Full Story arrow_forward