Halvad: સાપકડામાં પ્રેમ પ્રકરણમાં શ્રમિક યુવાનનો આપઘાત, 18 વર્ષીય યુવાને ઝેરી દવા પી જીવન ટૂંકાવ્યું
મોરબી જિલ્લાના હળવદ તાલુકાના સાપકડા ગામે એક હૃદયદ્રાવક ઘટના સામે આવી છે. અહીં ખેત મજૂરી કરતા એક માત્ર 18 વર્ષના યુવાને પ્રેમ પ્રકરણમાં નિરાશ થઈને ઝેરી દવા ગટગટાવી લેતા તેનું મોત નીપજ્યું છે. આ ઘટનાને પગલે શ્રમિક પરિવારમાં શોકનું મોજું ફરી વળ્યું છે.પ્રેમ પ્રકરણમાં ભર્યું અંતિમ પગલુંમળતી વિગતો અનુસાર, સાપકડા ગામની સીમમાં ખેત મજૂરી કરીને ગુજરાન ચલાવતા રાજેશ બારીયા (ઉંમર 18 વર્ષ) નામના યુવાને અચાનક ખેતરમાં વપરાતી ઝેરી દવા પી લીધી હતી. પ્રાથમિક તપાસમાં બહાર આવેલી વિગતો મુજબ, પ્રેમ પ્રકરણના કારણે માનસિક તણાવમાં આવી જઈ રાજેશએ આ અંતિમ પગલું ભર્યું હોવાનું ચર્ચાઈ રહ્યું છે.સારવાર મળે તે પહેલા જ દમ તોડ્યોયુવાને ઝેરી દવા પીતા જ તેની હાલત લથડી હતી, જેને પગલે તેને તાત્કાલિક સારવાર અર્થે ધ્રાંગધ્રાની હોસ્પિટલમાં ખસેડવામાં આવ્યો હતો. જોકે, ઝેરની અસર આખા શરીરમાં ફેલાઈ ગઈ હોવાથી ટૂંકી સારવાર બાદ હોસ્પિટલના બિછાને જ યુવાનનું મોત નીપજ્યું હતું. હોસ્પિટલ દ્વારા આ મામલે પોલીસને જાણ કરવામાં આવી હતી.આ પણ વાંચો: કતવારા પોલીસે આઇશર ટ્રકમાંથી 38 લાખનો વિદેશી દારૂ ઝડપ્યો, રાજસ્થાનથી ભાવનગર જતો જથ્થો પકડાયો
Read Full Story arrow_forward
