Ahmedabad:વટવામાં સામાન્ય બાબતે યુવકે પત્ની સાથે મળી પાડોશી મિત્ર પર ચપ્પાથી હુમલો કર્યો
વટવા વિસ્તારમાં એક યુવકને તેના મિત્ર અને પત્નીએ સાથે મળી ચપ્પાના ઘા મારતા યુવકે પોલીસ સ્ટેશનમાં દંપતિ સામે ફરિયાદ નોંધાવી છે.વટવાના ઇન્સાનિયતનગરમાં 31 વર્ષીય તસ્લીમહુસેન શેખ ઈલેક્ટ્રિક રિપેરિંગનું કામકાજ કરે છે. તસ્લીમની બાજુમાં તેનો મિત્ર અકરમબેગ રહે છે. અકરમબેગ ભંગારનું કામકાજ કરતો હોવાથી તેણે લોડિંગ ટેમ્પાની જરૂરીયાત રહેતી હોવાથી તસ્લીમને કહ્યું હતું. તસ્લીમનો અન્ય મિત્ર લોડીંગ રિક્ષા, ટેમ્પો જેવા વ્હીકલો સસ્તા ભાડે આપતો હોય છે. જેથી તસ્લીમે અકરમબેગને ભાડેથી લોંડીગ ટેમ્પો લઇ અપાવ્યો હતો. અકરમબેગ ભંગાર ભરીને કામ અર્થે નિકળ્યા હતા, તે સમયે પોલીસે રોકીને ડોક્યુમેન્ટ માંગતા જરૂરી પુરાવા મળી ન આવતા ટેમ્પો ડિટેઇન કર્યો હતો. તસ્લીમે તેને રિક્ષા છોડાવી આપવા અને દંડની રકમ ભરવા માટે કહ્યુ તો અકરમબેગે ઝઘડો કર્યો હતો. ગત. 7 જાન્યુઆરીએ તસ્લીમ અને તેની પત્ની બન્ને ચાલવા નિકળ્યા હતા ત્યારે અકરમબેગ અને તેની પત્નીએ શેના પૈસા માટે ઝઘડો કરો છો તેમ કહીને તસ્લીમ સાથે બબાલ કરીને ચપ્પાનો ઘા માર્યો હતો. લોકોનું ટોળું ભેગુ થઇ જતા બન્ને ત્યાંથી ભાગી ગયા હતા. આ અંગે તસ્લીમે વટવા પોલીસ સ્ટેશનમાં અકરમબેગ અને તેની પત્ની સામે ફરિયાદ નોંધાવતા પોલીસે તપાસ આદરી હતી. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
