Ahmedabad:આજે પતંગરસિયાઓ ધાબે પતંગ ઉડાડશે, પેચ લડાવી ઊંધિયું-જલેબીની જ્યાફત પણ માણશે
આવતીકાલે 14 જાન્યુઆરી...ઉત્તરાયણ...સમગ્ર ગાંધીનગર શહેર અને જિલ્લો પતંગની મજા માણશે. સમગ્ર આકાશ રંગબેરંગી પતંગોથી છવાઈ જશે. પતંગ ઊડશે, કપાશે અને લૂંટાશે..આ ત્રણેયની મજા ગાંધીનગરના નાગરિકો ઊઠાવશે. સાથે સાથે ઊંધિયું-જલેબીની જ્યાફત પણ માણશે.પતંગ-દોરી મોંઘા છે. એટલે ઘણા લોકો પોતાના ખિસ્સા પ્રમાણે પણ ખરીદી કરી રહ્યા છે. મકાનના ધાબા આવતીકાલે પતંગ રસિયાઓથી ઊભરાશે. વર્ષમાં 363 દિવસ ફ્લેટ, મકાનના ધાબા સૂમસામ રહેતા હોય છે. માત્ર ઉત્તરાયણ અને વાસી ઉત્તરાયણ આ બે જ દિવસ લોકો પોતાના મકાનના ધાબા પર પસાર કરતા હોય છે. લોકોએ ઉત્તરાયણના પર્વને લઈને પોતાના મકાનના ધાબાની સાફસફાઈ પણ કરાવી લીધી છે. આજે મોડી રાત સુધી પતંગ-દોરી ઉપરાંત ગોગલ્સ, ગુંદરપટ્ટી, પીપૂડા સહિતની એસેસરિઝની ખરીદી બજારમાં જોવા મળી હતી. જે પતંગ બજારમાં અત્યારસુધી ખરીદી નહોતી, ત્યાં મોડીરાત સુધી ચહલપહલ રહી હતી. આજે કતલની રાત... પતંગની કિન્ના બાંધવામાં પસાર થશે. ધાબા પર ડીજે મ્યુઝિક સિસ્ટમ ગોઠવવાથી લઈને અન્ય તૈયારીઓમાં રાત પસાર કરવાની પદ્ધતિમાં હજુપણ કોઈ બદલાવ નથી આવ્યો. આવતીકાલે દિવસભર એય કાપ્યો છે, લૂંટયો છે...લપેટ..લપેટ જેવી ચિચીયારીઓ સાંભળવા મળશે. પતંગને ઢીલ દેવાના સૂર સાંભળવા મળશે. ઉત્તરાયણ-મકરસંક્રાતિના પર્વમાં દાન-પૂણ્યનો પણ મહિમા હોય છે. ગાયને લીલો ચારો નીરશે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
