Community News & Updates

Stay informed with the latest happenings, achievements, and announcements from our community.

All News

calendar_today January 8, 2026

Gandhinagar: ટાઈફોઈડના હાહાકાર વચ્ચે જિલ્લામાં કોંગો ફિવરનો કેસ નોંધાયો, દર્દીને અમદાવાદની હોસ્પિટલમાં ખસેડાયો

ગાંધીનગર શહેરમાં ટાઈફોઈડનો હાહાકાર મચી જવા પામ્યો છે. રોજ નવા કેસ સામે આવી રહ્યાં છે. ત્યારે જિલ્લામાં કોંગો ફિવરનો કેસ સામે આવતા ફફડાટ ફેલાયો છે. પીંડારડા ગામમાં કોંગો ફિવરનો કેસ નોંધાયો છે. કેસ પોઝિટિવ આવતા દર્દીને સારવાર માટે હોસ્પિટલ ખસેડવામાં આવ્યો છે. અમદાવાદની ખાનગી હોસ્પિટલમાં દર્દીને દાખલ કરવામાં આવ્યો છે.જિલ્લામાં પણ હવે કોંગો ફિવરનો કેસ સામે આવ્યો ગાંધીનગર શહેરમાં ટાઈફોઈડના કેસો સતત વધી રહ્યાં છે. ત્યારે જિલ્લામાં પણ હવે કોંગો ફિવરનો કેસ સામે આવ્યો છે.પિંડારડા ગામમાં કોંગો ફિવરનો કેસ સામે આવતા આરોગ્ય વિભાગની ટીમો દોડતી થઈ ગઈ છે. દર્દીનો રિપોર્ટ પોઝિટિવ આવતા તેને સારવાર માટે અમદાવાદની હોસ્પિટલમાં ખસેડવામાં આવ્યો છે. પીડારડા ગામમાં આરોગ્ય વિભાગની બે ટીમો ડિપ્લોય કરવામાં આવી છે. કોંગો ફિવરને પગલે પશુપાલન વિભાગ પણ સક્રિય થયો છે. ગામમાં સર્વેલન્સ અને દવા છંટકાવની કામગીરી હાથ ધરાઈ છે. આ પણ વાંચોઃ Surat: મનપાને મેગા અને મિલિયન પ્લસ સિટી કેટેગરીમાં એવોર્ડ, રાજ્ય કક્ષાએ સેકન્ડ બેસ્ટ પરફોર્મર શહેર

Read Full Story arrow_forward

calendar_today January 8, 2026

Mehsana News: વિજાપુરના હુસૈન ચોકમાં વૃક્ષ ધરાશાયી થતાં મોટી હોનારત, 12 વર્ષીય બાળકનું કરુણ મોત

Mehsana News: વિજાપુરના હુસૈન ચોકમાં વૃક્ષ ધરાશાયી થતાં મોટી હોનારત, 12 વર્ષીય બાળકનું કરુણ મોતમહેસાણા જિલ્લાના વિજાપુર શહેરમાં આજે એક હૃદયદ્રાવક ઘટના સામે આવી છે. શહેરના હુસૈન ચોક વિસ્તારમાં અચાનક એક વિશાળ વૃક્ષ ધરાશાયી થતાં તેની નીચે દબાઈ જવાથી 12 વર્ષના એક માસૂમ બાળકનું ઘટનાસ્થળે જ મોત નીપજ્યું હતું. આ કરુણ દુર્ઘટના આશિયાના સોસાયટી પાસે બની હતી. સોસાયટીમાં રહેતો 12 વર્ષીય મોહમ્મદ યાસીન અસ્પાક જ્યારે ત્યાંથી પસાર થઈ રહ્યો હતો અથવા હાજર હતો, ત્યારે અચાનક વિશાળ ઝાડ તેના પર ખાબક્યું હતું.વૃક્ષ ધરાશાયી થતા 12 વર્ષના બાળકનું મોતઝાડનું વજન એટલું વધારે હતું કે બાળક તેની નીચે ખરાબ રીતે દબાઈ ગયું હતું અને તેનું પ્રાણપંખેરુ ઉડી ગયું હતું. ઘટનાની જાણ થતાં જ આસપાસના લોકોના ટોળેટોળા ઉમટી પડ્યા હતા. સ્થાનિક તંત્રને જાણ કરાતા નગરપાલિકાની ટીમ જેસીબી અને કટર મશીન સાથે દોડી આવી હતી. ભારે જહેમત બાદ ઝાડને કાપીને બાળકનો મૃતદેહ બહાર કાઢવામાં આવ્યો હતો. વિજાપુર પોલીસે વધુ તપાસ હાથ ધરીમૃતદેહને પોસ્ટમોર્ટમ અર્થે વિજાપુર સિવિલ હોસ્પિટલ ખાતે ખસેડાયો હતો. આ ઘટનાની ગંભીરતા જોતા મામલતદાર અને વિજાપુર પોલીસ ઇન્સ્પેક્ટર પણ તાત્કાલિક ઘટનાસ્થળે પહોંચી ગયા હતા. પોલીસે ત્યારબાદ અકસ્માતે મોતનો ગુનો નોંધી આગળની તપાસ હાથ ધરી છે. હસતા-રમતા બાળકનું આ રીતે અકાળે અવસાન થતાં આશિયાના સોસાયટી અને હુસૈન ચોક વિસ્તારમાં શોકનું મોજું ફરી વળ્યું છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 8, 2026

TGBLના CEO પ્રતિક કનકિયાની કરાઈ ધરપકડ, તપાસમાં થયો ચોંકાવનારો ખુલાસો

એન્ફોર્સમેન્ટ ડિરેક્ટોરેટ (ED)એ ગ્રીન બિલિયન્સ લિમિટેડ (TGBL)ના CEO પ્રતીક કનકિયાની એક મોટા મની લોન્ડરિંગ કેસમાં ધરપકડ કરી છે. મુંબઈ ઝોનલ ઓફિસે તપાસ હાથ ધરી હતી અને આરોપી પર આશરે 47.32 કરોડ રૂપિયાના મની લોન્ડરિંગનો આરોપ છે. ધરપકડ બાદ પ્રતીક કનકિયાને મુંબઈની એક ખાસ PMLA કોર્ટમાં રજૂ કરવામાં આવ્યો હતો, જ્યાં કોર્ટે તેને 9 જાન્યુઆરી સુધી ED કસ્ટડીમાં મોકલી દીધો હતો. 50 કરોડની લોન છેતરપિંડીથી મેળવી EDની તપાસમાં જાણવા મળ્યું છે કે આરોપીઓએ ભારત સરકારના જાહેર ક્ષેત્રના ઉપક્રમ, બ્રોડકાસ્ટ એન્જિનિયરિંગ કન્સલ્ટન્ટ્સ ઈન્ડિયા લિમિટેડ (BECIL) પાસેથી આશરે રૂપિયા 50 કરોડની લોન છેતરપિંડીથી મેળવી હતી અને પછી લોનની રકમનો દુરુપયોગ કર્યો હતો, જેના પરિણામે બ્રોડકાસ્ટ એન્જિનિયરિંગ કન્સલ્ટન્ટ્સ ઈન્ડિયા લિમિટેડને નોંધપાત્ર નાણાકીય નુકસાન થયું હતું. ઉર્જા પ્રોજેક્ટના નામે છેતરપિંડી આ કેસ 2018માં શરૂ થયો હતો જ્યારે પુણે મ્યુનિસિપલ કોર્પોરેશને કચરાથી ઊર્જા પ્લાન્ટના નિર્માણ માટે ટેન્ડર બહાર પાડ્યું હતું. આ પ્રોજેક્ટ 2019માં વેરિએટ કન્સલ્ટન્ટ્સને સોંપવામાં આવ્યો હતો. 2020માં એક ખાસ હેતુ વાહન, વેરિએટ પુણે વેસ્ટ ટુ એનર્જી પ્રાઈવેટ લિમિટેડની રચના કરવામાં આવી હતી. બાદમાં આરોપીની કંપની, ધ ગ્રીન બિલિયન્સ લિમિટેડે, કંપનીને હસ્તગત કરવા માટે કરાર કર્યો અને BECIL સાથે એક કન્સોર્ટિયમ બનાવ્યું. IREDAએ આ પ્રોજેક્ટ માટે રૂપિયા 80 કરોડની લોન મંજૂર કરી, જેમાંથી BECILએ TGBLને રૂપિયા 50 કરોડનું ભંડોળ આપ્યું. ખોટા દસ્તાવેજોના આધારે લોન લીધી મળતી માહિતી મુજબ પ્રતીક કનકિયાએ તેમની ખાનગી કંપની દ્વારા અને BECILના કેટલાક ભૂતપૂર્વ કર્મચારીઓ સાથે મળીને બનાવટી અને બનાવટી દસ્તાવેજોના આધારે લોન મેળવી હતી. લોનની શરતોનું પાલન કરવામાં આવ્યું ન હતું અને સૌથી અગત્યનું પુણે મ્યુનિસિપલ કોર્પોરેશનના અધિકારીઓ દ્વારા પુષ્ટિ આપવામાં આવી છે તેમ પ્રોજેક્ટ સાઈટ પર કોઈ કામ શરૂ થયું ન હતું. પૈસાનો ખર્ચ કયા કરવામાં આવ્યો? તપાસમાં એ પણ બહાર આવ્યું છે કે પ્રોજેક્ટના નામે એકત્ર કરાયેલા પૈસા વ્યક્તિગત ખર્ચ અને વૈભવી જીવનશૈલી પાછળ ખર્ચવામાં આવ્યા હતા. આરોપીઓએ આ પૈસાનો ઉપયોગ મુંબઈ અને દિલ્હીના પોશ વિસ્તારોમાં મોંઘા વાહનો ખરીદવા, વૈભવી ઘરો ભાડે આપવા અને નવીનીકરણ કરવા માટે કર્યો હતો. આ પણ વાંચો: Mundra Port : અદાણી મુન્દ્રા પોર્ટે ક્રૂડ ઓઈલ લોજિસ્ટિક્સમાં નવો બેન્ચમાર્ક સ્થાપિત કર્યો, સંપૂર્ણ ભરેલા VLCCનું સફળ બર્થિંગ કરાવ્યું

Read Full Story arrow_forward