Community News & Updates

Stay informed with the latest happenings, achievements, and announcements from our community.

All News

calendar_today January 7, 2026

Rajkot News: મહાનગર પાલિકાની તિજોરી સફાચટ થઈ ગઈ, ખર્ચાઓને પહોંચી વળવા 200 કરોડની લોન લેવાશે

રાજકોટ મહાનગર પાલિકાની તિજોરી સફાચટ થઈ જતાં લોન લેવા સુધીનો વારો આવ્યો છે. મહાનગર પાલિકાના કામો માટે હવે 200 કરોડ સુધીની લોન લેવામાં આવશે તેવું જાણવા મળ્યું છે. મહાનગર પાલિકામાં ખર્ચમાં વધારો થતાં તિજોર પર બોજો વધ્યો છે. જેના કારણે લોન મેળવવાનો પ્રયાસ કરાઈ રહ્યો છે. ખર્ચમાં તોતિંગ વધારો થતાં લોન લેવાની તૈયારીઓ કરાઈ છે. રાજકોટ મનપા 200 કરોડની લોન લેશે રાજકોટ મહાનગર પાલિકામાં તિજોરી તળિયા ઝાટક થઈ જવા પામી છે. શહેરમાં ગાર્બેજ કલેક્શન ખર્ચ અને ફાયર મહેકમ ખર્ચ સહિતના ખર્ચાઓ વધી જતાં મહાનગર પાલિકાની તિજોરી પર બોજો વધ્યો છે. આ પ્રકારના ખર્ચાઓને પહોંચી વળવા માટે મહાનગર પાલિકાના શાસકો હવે લોન લેવાની તૈયારી કરી રહ્યાં છે. સરકારી અને ખાનગી બેંકો પાસેથી નાણાં મેળવવા માટે મ્યુનિસિપલ કમિશ્નરને સત્તા સોંપવામાં આવી છે. આ પણ વાંચોઃ Ahmedabad News: પ્રદૂષિત પાણીના પ્રશ્ને AMC એક્શન મોડમાં, સેમ્પલ રિપોર્ટ ત્વરિત મેળવવા અપાઇ સૂચના

Read Full Story arrow_forward

calendar_today January 7, 2026

Rajkot માં કોળી યુવાન પર હુમલાનો કેસ, ક્રાઈમ બ્રાન્ચે ત્રણ આરોપીઓને દબોચ્યા, DCP એ આપી વિગતો

રાજકોટમાં દાલ પકવાનના વેપારી એવા કોળી યુવાન પર થયેલા જીવલેણ હુમલાના કેસમાં પોલીસને મોટી સફળતા મળી છે. આ ગંભીર ગુના અંગે રાજકોટ ક્રાઈમ બ્રાન્ચના ડીસીપી જગદીશ બાંગરવાએ સત્તાવાર નિવેદન આપતા જણાવ્યું હતું કે, હુમલાખોરોને ઝડપી પાડવા માટે રચવામાં આવેલી ટીમોએ સઘન તપાસના અંતે ત્રણ ફરાર આરોપીઓની ધરપકડ કરી લીધી છે. ઝડપાયેલા આરોપીઓમાં દેવશી બાબુતર, શ્યામ બાબુતર અને કિશનનો સમાવેશ થાય છે. આ શખ્સોએ સામાન્ય બોલાચાલી કે અદાવતમાં વેપારી પર જીવલેણ હુમલો કર્યો હતો, જેના કારણે સમગ્ર પંથકમાં રોષ જોવા મળ્યો હતો.શહેરમાં કાયદો વ્યવસ્થા સામે સવાલ પોલીસ તપાસમાં સામે આવ્યું છે કે આ હુમલામાં કુલ પાંચ શખ્સો સામેલ હતા, જેમાંથી ત્રણ આરોપીઓ હવે પોલીસની કસ્ટડીમાં છે. જોકે, આ કેસમાં સંડોવાયેલા અન્ય બે શખ્સો હજુ પણ ફરાર છે અને પોલીસની પકડથી દૂર છે. ડીસીપીએ ખાતરી આપી છે કે બાકીના બે આરોપીઓના સંભવિત રહેઠાણો પર દરોડા પાડવામાં આવી રહ્યા છે અને ટૂંક સમયમાં તેમને પણ જેલના સળિયા પાછળ ધકેલી દેવામાં આવશે. હાલ પકડાયેલા ત્રણેય આરોપીઓની વધુ પૂછપરછ હાથ ધરાઈ છે જેથી હુમલા પાછળના મુખ્ય કારણો અને હથિયારો વિશે વધુ વિગતો જાણી શકાય. આ પણ વાંચો : Budget 2026: બજેટમાં ખેડૂતોને રાહતની અપેક્ષા, શું કિસાન સન્માન નિધિ યોજનાની રકમ વધારાશે?

Read Full Story arrow_forward

calendar_today January 7, 2026

Panchmahal : કાલોલ પોલીસે મેમો આપવાનું કહેતા જ ભાજપના મહિલા કોર્પોરેટર ઉશ્કેરાયા, પોલીસ સ્ટેશન માથે લીધું

પંચમહાલ જિલ્લાના કાલોલમાં પોલીસે બ્લેક ફિલ્મ વાળી કાર સામે ડ્રાઈવ યોજી હતી. આ દરમિયાન કોર્પોરેટર અને પોલીસ વચ્ચે બબાલ થઈ હતી. કોર્પોરેટર જ્યોત્સના બેલદારે પોલીસને જોઈ લેવાની ધમકી આપી હતી. કોર્પોરેટરના પરિવારે પણ પોલીસ સામે દાદાગીરી કરતાં ઘટના સ્થળ પર લોકોના ટોળા એકઠા થયા હતાં. આટલેથી નહીં અટકતા કોર્પોરેટરે પોલીસ સ્ટેશનમાં પણ ઉત્પાત મચાવ્યો હતો. કાલોલમા પોલીસે ટ્રાફિક ડ્રાઈવ યોજી હતી પંચમહાલ જિલ્લાના કાલોલમા પોલીસે ટ્રાફિક ડ્રાઈવ યોજી હતી. આ ડ્રાઈવ દરમિયાન બ્લેક ફિલ્મ વાળી કાર સામે પોલીસે પગલાં લેવાનું શરૂ કર્યું હતું. ત્યારે કાલોલ નગરપાલિકાના કોર્પોરેટર જ્યોત્સના બેલદાર અને પોલીસ વચ્ચે બ્લેક ફિલ્મ વાળી કારના મેમાને લઈને બબાલ થઈ હતી. કોર્પોરેટરના પરિવારે પણ પોલીસ સામે દાદાગીરી કરી હોવાનો આક્ષેપ કરવામાં આવ્યો છે. કોર્પોરેટરે પોલીસને જોઈ લેવાની ધમકી આપી હતી. કોર્પોરેટરની કારને બ્લેક ફિલ્મ લાગી હોવાથી પોલીસે તે કારનો પીછો કરીને ઉભી રાખી હતી. કોર્પોરેટરના પરિવારે પોલીસ સામે દાદાગીરી કરી આ દરમિયાન ભાજપ શાશિત કાલોલ નગરપાલિકાના કોર્પોરેટરના પરિવારે પોલીસ સામે દાદાગીરી કરી હોવાનો આક્ષેપ કરવામાં આવ્યો છે. પોલીસે મેમો આપવાની વાત કરતાં જ કોર્પોરેટર અને તેમના પરિવારજનો ઉશ્કેરાઈ ગયા હતાં અને પોલીસને જોઈ લેવાની ધમકી આપી હતી. તેમની દાદાગીરીનો વીડિયો પણ વાયરલ થયો હતો. આ વીડિયોમાં તેઓ પોલીસ સ્ટેશનમાં એવું કહેતા સંભળાય છે કે તમે મને લોકઅપમાં મુકી દો. પોલીસે સમગ્ર મામલે ફરિયાદ નોંધીને આગળની કાર્યવાહી હાથ ધરી હોવાની માહિતી મળી છે. આ પણ વાંચોઃ Gandhinagar News: નાયબ મુખ્યમંત્રી હર્ષ સંઘવીએ અધિકારીઓ સાથે બેઠક કરી, આગામી બજેટ સંદર્ભે બેઠકમાં ચર્ચા

Read Full Story arrow_forward