Community News & Updates

Stay informed with the latest happenings, achievements, and announcements from our community.

All News

calendar_today January 4, 2026

Gold Price Today : સોનું ખરીદવાનો પ્લાન છે? વર્ષના પહેલા રવિવારે જાણો તમારા શહેરના સોનાના ભાવ

સોનાને ઘણા વર્ષોથી સૌથી સુરક્ષિત રોકાણોમાંથી એક માનવામાં આવે છે, કારણ કે મોંઘવારી અને માર્કેટમાં થતા ઉતાર-ચઢાવ દરમિયાન તે સંપત્તિને બચાવવામાં સફળ રહ્યું છે. એક કિંમતી ધાતુ તરીકે, સોનું સદીઓથી માત્ર સમૃદ્ધિનું પ્રતીક જ નથી રહ્યું, પરંતુ મૂલ્યને સંગ્રહિત રાખવાનું એક વિશ્વસનીય સાધન પણ રહ્યું છે. તેથી અનિશ્ચિત સમયમાં સુરક્ષા શોધતા રોકાણકારો માટે સોનું એક લોકપ્રિય વિકલ્પ બની ગયું છે.આ અઠવાડિયામાં સોનું અને ચાંદીની કિંમતોમાં ભારે ફેરફારસોનાની કિંમતોમાં દરરોજ ઉતાર-ચઢાવ જોવા મળે છે. પરંતુ આ અઠવાડિયામાં સોનું અને ચાંદીની કિંમતોમાં ભારે ફેરફાર છતાં, અઠવાડિયાના છેલ્લે દિવસે એટલે કે આજે રવિવાર, 4 જાન્યુઆરીએ ઘરેલુ સર્રાફા બજારમાં સોનાં-ચાંદીના ભાવમાં કોઈ ફેરફાર થયો નથી. જોકે, ગઈકાલે શનિવારે સોનાની કિંમતોમાં ઘટાડો જોવા મળ્યો હતો. આજે સાપ્તાહિક રજા હોવાને કારણે ઘરેલુ વાયદા બજાર મલ્ટી કોમોડિટી એક્સચેન્જ (MCX) પર ટ્રેડિંગ બંધ છેમોટા શહેરોમાં સોનાનો ભાવ (ગુડ રિટર્ન્સ અનુસાર)શહેર24 કેરેટ પ્રતિ 10ગ્રામ 22 કેરેટ પ્રતિ 10 ગ્રામઅમદાવાદ1,35,8701,24,550રાજકોટ1,35,8701,24,550સુરત1,35,8701,24,550વડોદરા1,35,8701,24,550દિલ્હી1,35,9701,24,650મુંબઈ1,35,8201,24,550કોલકાતા1,35,8201,24,550મિસ્ડ કોલથી જાણો સોનાની હાલની કિંમત22 કેરેટ અને 18 કેરેટ સોનાના દાગીનાના રીટેલ દર જાણવા માટે, તમે 8955664433 પર મિસ્ડ કોલ કરી શકો છો. થોડા સમયમાં તમને SMS દ્વારા તાજેતરના દર મળવાની વ્યવસ્થા છે. સતત અપડેટ્સ અને વધુ માહિતી માટે, તમે IBJA વેબસાઇટ અથવા IBJA Rates પ્લેટફોર્મ પર મુલાકાત લઈ શકો છો. Disclaimer: અહીં દર્શાવેલ ભાવ જરૂરી નથી કે વાસ્તવિક પણ તેટલો જ હોય. સમય સમય મુજબ તથા શહેરો પ્રમાણે ભાવમાં ફેરફાર આવી શકે છે.આ પણ વાંચો- Bollywood Star : ક્યારેક માત્ર ₹500 કમાતો હતો આ એક્ટર! આજે 300 કરોડની સંપત્તિનો બેતાજ બાદશાહ!

Read Full Story arrow_forward

calendar_today January 4, 2026

Sayla news: ગેરકાયદે ખોદકામ પર તવાઈ, 3 કરોડથી વધુનો મુદ્દામાલ જપ્ત

સુરેન્દ્રનગર જિલ્લાના સાયલા તાલુકામાં ભૂમાફિયાઓ સામે પોલીસે લાલ આંખ કરી છે. સાયલાના જસાપર અને મદારગઢની સીમમાં લાંબા સમયથી ચાલી રહેલા ગેરકાયદેસર ખનીજ ખોદકામ પર સાયલા પોલીસ દ્વારા ઓચિંતી રેડ કરીને કરોડો રૂપિયાનો મુદ્દામાલ જપ્ત કરવામાં આવ્યો છે. આ કામગીરીથી સમગ્ર પંથકના ખનીજ ચોરોમાં ફફડાટ વ્યાપી ગયો છે.13 ડમ્પર અને 3 હિટાચી મશીન જપ્ત ઘટનાની મળતી માહિતી અનુસાર, સાયલા પોલીસને ચોક્કસ બાતમી મળી હતી કે, જસાપર-મદારગઢની સીમમાં મોટા પાયે ગેરકાયદેસર ખનીજ ચોરી થઈ રહી છે. મળેલી બાતમીના આધારે પોલીસ દ્વારા રેડ કરવામાં આવતા સ્થળ પરથી 13થી વધુ ડમ્પરો અને 3 હિટાચી મશીનો મળી આવ્યા હતા. પ્રાથમિક અંદાજ મુજબ, જપ્ત કરાયેલા વાહનો અને મશીનરીની કિંમત રૂપિયા 3 કરોડથી વધુ આંકવામાં આવી રહી છે. ખનીજ વિભાગની ભૂમિકા સામે સવાલ પોલીસના આ આકરા પ્રહાર બાદ સ્થાનિક ખનીજ વિભાગની કામગીરી સામે અનેક સવાલો ઉભા થયા છે. આટલા મોટા પાયે મશીનરીનો ઉપયોગ કરીને ખોદકામ થતું હોવા છતાં ખનીજ વિભાગ કેમ અજાણ હતું? પોલીસની આ કાર્યવાહીએ સાબિત કર્યું છે કે, વિસ્તારમાં મસમોટી ખનીજ ચોરીનું કૌભાંડ ચાલી રહ્યું હતું. હાલમાં પોલીસે તમામ વાહનો જપ્ત કરી આગળની તપાસ હાથ ધરી છે. આ રેડમાં હજુ પણ મોટા ખુલાસા થવાની અને ખનીજ ચોરીનો આંકડો વધવાની પૂરેપૂરી આશંકા છે. આ પણ વાંચો - Sayla: ગેરકાયદે ખનીજ ઉલેચવા માટેના 7 કૂવા ઝડપાયા

Read Full Story arrow_forward

calendar_today January 4, 2026

Banaskantha News : વીજળીના ઝટકાથી પગ કપાયા, હવે વીજળી વેગે દોડતો થયો છે બનાસકાંઠાનો આ ગગદાસ, વાંચો Inside Story

ગગદાસ રોજ સવારે 100 અને 200 મીટર રેસની તૈયારી કરી રહ્યો હોય છે ત્યારે તેના મનમાં એક જ સંકલ્પ હોય છે - ઓલિમ્પિકમાં ભારતનું પ્રતિનિધિત્વ કરીને રાજ્યને ગૌરવ અપાવવું. દિવ્યાંગ ગગદાસ પરમારની કરુણ કહાણી તેના પોતાના આત્મવિશ્વાસ, પરિવારની હૂંફ અને સરકારના સાથ-સહયોગથી પ્રેરણાદાયક કથામાં પરિવર્તિત રહી છે. ગગદાસના સપના કોઈ શેખચલ્લીનાં સપનાં નથી કારણ કે તે રાષ્ટ્રીય સ્તરે સ્વર્ણ અને કાંસ્ય પદક જીતી લાવ્યો છે અને અત્યારે આંતરરાષ્ટ્રીય પેરા ગેમ્સ તેમજ પેરા ઓલિમ્પિકની તૈયારીઓમાં સતત પરસેવો પાડી રહ્યો છે. ગદાસ વાવ-થરાદ જિલ્લાનો યુવાન છે. ખેતમજૂર થાનાભાઈ પરમારના પરિવારના આ દીકરાને વર્ષ 2017માં વીજળીનો કરંટ લાગ્યો અને સમગ્ર પરિવાર પર જાણે વીજળી પડી. જુવાનજોધ પુત્રના બન્ને પગ વીજળીને કારણે એટલા બળી ગયા હતા કે ઘૂંટણના નીચેના ભાગથી બન્ને પગ કપાવવા પડ્યા. પરિવારે સતત બે વર્ષ દીકરાની સારવાર કરી અને ગજા બહારનો અધધ આઠથી દસ લાખ રૂપિયાનો ખર્ચ કરીને દીકરાને નવજીવન અપાવ્યું. આજે આ દીકરો ગુજરાતને ગૌરવ અપાવવા સક્ષમ બન્યો છે. ગગદાસ પોતાના બન્ને પગ ગુમાવી ચૂક્યો હતો પરંતુ તેનો આત્મવિશ્વાસ અટલ હતો, તેણે આગળ અભ્યાસ માટે પાલનપુરની વાટ પકડી. પાલનપુરમાં વિદ્યામંદિર શાળાની દિવ્યાંગો માટેની હોસ્ટેલમાં રહીને ભણતાં ભણતાં ગગદાસને કોચ નીલેશભાઈ રબારી મળ્યાં, જેમના પ્રોત્સાહન અને પ્રયાસોથી ગગદાસ સ્પોર્ટ્સ તરફ વળ્યો અને નેશનલ ગેમ્સ પણ રમી શક્યો. ગગદાસે માત્ર છ મહિનાની તૈયારીઓ થકી ડિસ્ક થ્રો અને પેરા પાવરલિફ્ટિંગમાં રાષ્ટ્રીય સ્તરે ચંદ્રકો પણ પ્રાપ્ત કર્યા. આ સિદ્ધિઓ કંઈ નાનીસૂની નથી. ગગદાસને સામાજિક સંસ્થાઓ તરફથી પ્રોસ્થેટિક પગ પ્રાપ્ત થયા હતા, પરંતુ સ્પોર્ટ્સ ક્ષેત્રે આગળ વધવા માટે એડવાન્સ પ્રોસ્થેટિક પગ જરૂરી હતા. આ માટે રૂપિયા 14થી 15 લાખનો ખર્ચ થાય એમ હતો. આર્થિક રીતે નબળા અને એમાંય દવાખાનામાં ધોવાઈ ગયેલા પરિવાર માટે તો આ ખર્ચ શક્ય જ નહોતો ગગદાસે આત્મવિશ્વાસ ગુમાવ્યા વિના આ મામલે મુખ્યમંત્રી ભૂપેન્દ્રભાઈ પટેલની મદદ માગવાનું નક્કી કર્યું. ગાંધીનગર આવીને ગગદાસે મુખ્યમંત્રીને રજૂઆત કરી. સાલસ અને સંવેદનશીલ મુખ્યમંત્રી ભૂપેન્દ્રભાઈએ ગગદાસને મદદ કરવા માટે પોતાનાથી બનતા તમામ પ્રયાસો કર્યા, મુખ્યમંત્રીએ સરકારી સહાય ઉપરાંત સીએસઆર ફંડ થકી ગગદાસને તાત્કાલિક મદદ મળી શકે, એવા સફળ પ્રયાસો કર્યા, આજે ગગદાસને અદ્યતન તકનીકવાળા પ્રોસ્થેટિક પગ પ્રાપ્ત થયા છે સાથે સાથે ઉચ્ચ સ્તરનું કોચિંગ પણ મળી રહ્યું છે. ગગદાસને હવે ઓલિમ્પિક મેડલથી ઓછું કંઈ ખપતું નથી. દોડશે ગગદાસ, જીતશે ગુજરાત! આ પણ વાંચો : Junagadh News : જૂનાગઢના ગિરનારની ગોદમાં આજે 40મી રાજ્ય કક્ષાની ગિરનાર આરોહણ-અવરોહણ સ્પર્ધાનો પ્રારંભ થયો

Read Full Story arrow_forward