Community News & Updates

Stay informed with the latest happenings, achievements, and announcements from our community.

All News

calendar_today October 16, 2026

Rajkot : નોકરીમાંથી પાણીચું મળતા બદલાની આગમાં સર્જાયો લૂંટનો પ્લાન, જેમાં મેનેજરે જાન ગૂમાવ્યો

રાજકોટના આજી જીઆઈડીસી વિસ્તારમાં આવેલી તન્વી ગોલ્ડ નામની સોના-ચાંદીની પેઢીમાં બનેલી લૂંટ વિથ મર્ડરની ઘટનાનો રાજકોટ ક્રાઈમ બ્રાંચ અને સ્થાનિક પોલીસે ગણતરીના કલાકોમાં પર્દાફાશ કરી દીધો છે. પેઢીના મેનેજર લાલજીભાઈ પર ત્રણ રાઉન્ડ ફાયરિંગ કરી ઢાળી દઈ રૂ. 1.53 કરોડની કિંમતના સોના-ચાંદીના દાગીના તથા રોકડની લૂંટ ચલાવનાર ઉત્તર પ્રદેશની શાતિર ગેંગના 8 સાગરીતો અને ટિપ આપનાર 2 સ્થાનિકો મળી કુલ 10 આરોપીઓની પોલીસે ધરપકડ કરી, તેમની પાસેથી સોનું-ચાંદી, બે કાર, 8 મોબાઈલ સહિત કુલ રૂ. 1.57 કરોડની મતા કબજે કરી વધુ પૂછતાછ કરવાની કાર્યવાહી હાથ ધરી છે.લૂંટ વિથ મર્ડરની ઘટનામાં જેસીપી ચેતન માંડલિકે જણાવ્યું હતું કે, સૂત્રધાર અશ્વિનીકુમાર ઉર્ફે લંકેશ રાજપૂતને 5 મહિના અગાઉ જ તન્વી ગોલ્ડ પેઢીમાંથી નોકરીમાંથી કાઢી મૂકવામાં આવ્યો હતો. આ બાબતનો ખાર રાખી લંકેશે પેઢીને લૂંટવાનો પ્લાન ઘડી કાઢયો હતો. તેણે પેઢીમાં કામ કરતા કર્મચારી શૈલેષ ખરવારને પોતાની સાથે મિલાવી લીધો હતો. શૈલેષે માલની હેરફેર અને સમયની તમામ ગુપ્ત માહિતી પહોંચાડી હતી. બનાવના દિવસે અનુરાગસિંહ રાજપૂતે રિવોલ્વરથી મેનેજર લાલજીભાઈ સરધારા પર ફાયરિંગ કરી તેમની હત્યા કરી અને લૂંટને અંજામ આપ્યો હતો.બનાવ બનતા જ સીપી બ્રજેશ કુમાર ઝાએ ક્રાઈમ બ્રાંચ, એસઓજી અને એલસીબીની અલગ-અલગ ટીમો બનાવી તપાસ કરતા સીસીટીવી ફૂટેજમાં દેખાયેલી શંકાસ્પદ કારને ટ્રેક કરવા સ્પેશિયલ સોફ્ટવેરનો ઉપયોગ કરાયો હતો, જેમાં ગાડી ટાટા ટીગોર હોવાનું ખૂલ્યું હતું. રાજકોટ પોલીસે તુરંત જ આંતરરાજ્ય સંકલન સાધી રાજસ્થાન બોર્ડર પર નાકાબંધી કરાવી હતી. રાજસ્થાનના પિંડવાડા પોલીસ સ્ટેશન વિસ્તારમાંથી ટાટા ટીગોર કારમાં નાસી છૂટેલા 4 આરોપીઓને ઝડપી લીધા બાદ, અન્ય આરોપીઓ કિયા સોનેટ કારમાં નાસી છૂટેલા ઉદયપુરના બડગાંવ ખાતેથી વધુ બે તથા કચ્છ સામખીયાળી પાસેથી અન્ય આરોપીઓને ઝડપી લેવાયા હતા.પોલીસે તપાસ કરતા આરોપીઓએ સોના-ચાંદીનો મુદ્દામાલ પોતાના બૂટમાં અને કારની સીટ નીચે છુપાવ્યો હતો. જેમાં રૂ. 1.48 કરોડની કિંમતના 9 46 ગ્રામ સોનું, રૂ. 4.30 લાખની કિંમતનો 2 કિલો ચાંદીનો ડસ્ટ પાવડર, બે કાર તથા 8 મોબાઈલ ફોન મળી કુલ રૂ. 1.57 કરોડનો મુદ્દામાલ પોલીસે કબજે કર્યો હતો. તેમજ પકડાયેલા આરોપીઓ પૈકી લંકેશ, અજિતકુમાર અને અનુરાગસિંહ સામે અગાઉ ઉત્તર પ્રદેશ અને હરિયાણામાં હત્યાનો પ્રયાસ અને સાપરાહ મનુષ્યવધ જેવા ગંભીર ગુના નોંધાયેલા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

Rajkot : માસૂમ બાળકીને પાંચમા માળેથી ફેંકી હત્યા કરનાર માતા પાસે પોલીસે કરાવ્યું રિકન્સ્ટ્રક્શન

રાજકોટના કુવાડવા રોડ પર ડી-માર્ટ પાછળ આવેલી શહીદ ઉધમસિંહ ટાઉનશીપમાં બે વર્ષની માસૂમ સ્નેહલની હત્યાના ચકચારી બનાવમાં પોલીસે બાળકીની માતાની ધરપકડ કરી, પૂછતાછ બાદ તેને ઘટનાસ્થળે લઈ જઈને રિકન્સ્ટ્રક્શન કરાવ્યું હતું. જે માતાના ખોળામાં બાળકી રમતી હતી, એ જ માતાએ બીજા લગ્ન કરવાની ઘાતકી લાલચે પોતાની જ દીકરીને પાંચમા માળેથી નીચે ફેંકી મોતને ઘાટ ઉતારી હતી. બી-ડિવિઝન પોલીસે આરોપી માતાને કોર્ટમાં રજૂ કરતા તેને જેલ હવાલે કરવાનો હુકમ કર્યો હતો.પોલીસ સૂત્રોના જણાવ્યા મુજબ, આરોપી માતા પૂનમબેનને તેના પતિ સંજયભાઈ સાથે પૈસાની બાબતે અવારનવાર ઉગ્ર માથાકૂટ થતી હતી, તેમજ અગાઉ બાળકીના ઓપરેશન માટે પણ નાણાંની વ્યવસ્થા કરવા બાબતે ઘરમાં કકળાટ થયો હતો. પતિ સાથે મનમેળ ન રહેતાં પૂનમબેન છેલ્લા એક વર્ષથી માસૂમ સ્નેહલ સાથે કુવાડવા રોડ પર પિયરમાં જ રહેતી હતી. દરમિયાન, આર્થિક સ્થિતિ અત્યંત નબળી બનતાં અને બીજા લગ્ન કરવાની ઘેલછામાં તેણે બેવર્ષની માસૂમ બાળકીની હત્યા કરી હતી.આ બનાવમાં બી-ડિવિઝન પોલીસ સ્ટેશનના પી.આઈ. જી.આર. ચૌહાણ સહિતની ટીમે બાળકીની હત્યા કરનાર માતા પૂનમબેનની ધરપકડ કરી, તેને ઘટનાસ્થળ એટલે કે શહીદ ઉધમસિંહ ટાઉનશીપના પાંચમા માળે લઈ જઈને રિકન્સ્ટ્રક્શન કરાવ્યું હતું અને ત્યારબાદ આરોપીને જેલ હવાલે કરવામાં આવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

Morbi : વીજલાઈન વળતરના મુદે ચાલતા આંદોલન વચ્ચે પ્રથમવાર ખેડૂતો અને સરકાર વચ્ચે મેરેથોન બેઠક

ખેતીની જમીનમાંથી પસાર થતી વીજલાઇન અને ટાવર ઊભા કરવાના મુદ્દે છેલ્લા ઘણા મહિનાઓથી ચાલતા ખેડૂત આંદોલનમાં હવે સુખદ ઉકેલ આવે તો નવાઈ નહિ. ખેડૂતોના પડતર પ્રશ્નોના કાયમી નિરાકરણ માટે રાજ્યના પાટનગર ગાંધીનગર ખાતે સરકાર અને ખેડૂત પ્રતિનિધિઓ વચ્ચે એક લાંબી બેઠક યોજાઈ હતી. જેમાં એક સામાજિક સંસ્થાના હોદ્દેદારે મધ્યસ્થીની ભૂમિકા ભજવતા ખેડૂતોએ સરકાર સમક્ષ નુકસાની અને વળતરને લગતા વિવિધ મુદ્દાઓ રજૂ કર્યા છે. સરકારે આ તમામ માંગણીઓ ધ્યાનપૂર્વક સાંભળી હતી. હવે રાજ્યના સર્વોચ્ચ સ્તરેથી આ અંગેનો અંતિમ નિર્ણય લેવામાં આવશે તેવી આશા બંધાઈ છે. ખેડૂતોની જમીનમાંથી પસાર થતી હાઈટેન્શન વીજલાઇનના વળતર અને કામગીરી દરમિયાન થતા નુકસાનના મુદ્દે મોરબીના જેતપર ગામના ખેડૂતોના નેજા હેઠળ ચાલતી ગુજરાત સત્યાગ્રહ છાવણી દ્વારા છેલ્લા પાંચ મહિનાથી લડત ચાલી રહી છે. આ લડતના ભાગરૂપે 20 જેટલા ખેડૂત પ્રતિનિધિઓ ઓચિંતા જ ગાંધીનગર દોડી ગયા હતા. જ્યાં ઊર્જા મંત્રી, કૃષિ મંત્રી અને અન્ય સંબંધિત ઉચ્ચ અધિકારીઓ સાથે ખેડૂત આગેવાનોની એક મહત્વપૂર્ણ બેઠક યોજાઈ હતી. આ બેઠકમાં ઉમિયાધામ-સિદસરના ઉપપ્રમુખે મધ્યસ્થી તરીકે મહત્વની ભૂમિકા ભજવી હતી. ખેડૂતો દ્વારા વળતર અને વીજ પોલ અંગેના 24 જેટલા મુદ્દાઓ પર અઢી કલાક સુધી ઝીણવટભરી અને તકનીકી ચર્ચા કરવામાં આવી હતી. સામાજિક જવાબદારીના ભાગરૂપે મધ્યસ્થી કરનાર આગેવાને સરકાર અને ખેડૂતો વચ્ચે હકારાત્મક સંવાદ પર ભાર મૂક્યો હતો.આ મેરેથોન મિટિંગમાં સરકાર દ્વારા ખેડૂતોની વેદના અને સમસ્યાઓને સાંભળવામાં આવી હતી. બેઠક પૂર્ણ થયા બાદ ખેડૂત આગેવાન નેહુલભાઈ અમૃતિયા સહિતના પ્રતિનિધિઓએ જણાવ્યું હતું કે, સરકારે તેમની તમામ રજૂઆતો સાંભળી છે અને હવે મંત્રીઓ દ્વારા તમામ 24 મુદ્દાઓ મુખ્યમંત્રી સમક્ષ રજૂ કરવામાં આવશે. ત્યારબાદ ખેડૂતોને વધુ ચર્ચા માટે બોલાવીને સરકાર પોતાનો નિર્ણય જાહેર કરશે. લાંબા સમયથી પડતર આ પ્રશ્નનો ટૂંક સમયમાં સંતોષકારક નિકાલ આવશે તેવી ખેડૂતો અપેક્ષા રાખી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward