Community News & Updates

Stay informed with the latest happenings, achievements, and announcements from our community.

All News

calendar_today January 3, 2026

Surat: લિંબાયત પોલીસ સ્ટેશનનો રાજ્યમાં રેકોર્ડ, વર્ષ 2025માં સૌથી વધુ 100 આરોપીઓ સામે પાસા હેઠળ કાર્યવાહી

શહેરના લિંબાયત વિસ્તારમાં અસામાજિક તત્વો અને માથાભારે ગુનેગારો પર લગામ કસવા માટે પોલીસ એક્શન મોડમાં જોવા મળી રહી છે. વર્ષ 2025 દરમિયાન સુરતની લિંબાયત પોલીસે રાજ્યમાં સૌથી વધુ પાસા (PASA) હેઠળ કાર્યવાહી કરવાનો નવો રેકોર્ડ સ્થાપિત કર્યો છે. પોલીસે આખા વર્ષ દરમિયાન કુલ 100 આરોપીઓ પર પાસા લગાવી તેમને ગુજરાતની વિવિધ જેલોના સળિયા પાછળ ધકેલી દીધા છે.ડિસેમ્બરમાં જ 39 આરોપીઓ સામે સપાટોલિંબાયત પોલીસની કામગીરીની સૌથી નોંધપાત્ર બાબત એ છે કે, વર્ષના છેલ્લા મહિના એટલે કે ડિસેમ્બરમાં જ પોલીસે આક્રમક વલણ અપનાવીને 39 આરોપીઓ વિરુદ્ધ પાસા હેઠળ કાર્યવાહી કરી હતી. આ કાર્યવાહીને કારણે ગુનેગારોમાં ફફડાટ વ્યાપી ગયો છે.કેવા ગુનેગારોને જેલ ભેગા કરાયા?લિંબાયત પોલીસે સમાજમાં અશાંતિ ફેલાવતા વિવિધ પ્રકારના ગુનેગારોની યાદી તૈયાર કરી હતી. જેમાં મુખ્યત્વે નીચે મુજબના ગુનાઓમાં સંકળાયેલા લોકોનો સમાવેશ થાય છે.મારામારી, હુમલો અને હત્યાના પ્રયાસ જેવા કેસમાં સંકળાયેલા શખ્સો. ચોરી, લૂંટફાટ અને મિલકત પચાવી પાડનારા તત્વો.દારૂબંધીના કાયદાનો ભંગ કરી દારૂના વેચાણ અને હેરાફેરીમાં સંકળાયેલા લિસ્ટેડ બુટલેગરો.ગુજરાતની વિવિધ જેલમાં મોકલાયાપાસા હેઠળ ધરપકડ કરવામાં આવેલા 100 જેટલા આરોપીઓને માત્ર સુરત જ નહીં, પરંતુ ગુજરાતની અલગ-અલગ જેલો જેવી કે અમદાવાદ, વડોદરા, રાજકોટ અને ભુજની જેલોમાં મોકલી આપવામાં આવ્યા છે. લિંબાયત પોલીસની આ કડક કાર્યવાહીને પગલે વિસ્તારમાં કાયદો અને વ્યવસ્થાની સ્થિતિ વધુ મજબૂત બની છે.આ પણ વાંચો: ઉત્તરાયણ પૂર્વે પોલીસ એક્શનમાં, માંડવી પતંગ બજારમાં ચાઈનીઝ દોરી અને તુક્કલ અંગે સઘન ચેકિંગ

Read Full Story arrow_forward

calendar_today January 3, 2026

Bhavnagar News: બગદાણાના નવનીત બાલધિયા પર હુમલાનો કેસ, મંત્રી કુંવરજી બાવળીયા પીડીતને મળવા પહોંચ્યા

બગદાણાના સેવક નવનીતભાઈ બાલધિયા પર થયેલા જીવલેણ હુમલાના ઘેરા પ્રત્યાઘાતો આખા રાજ્યમાં પડી રહ્યા છે. આ ઘટનાને પગલે કોળી સમાજમાં ભારે રોષ છે, ત્યારે પીડિતની ખબર પૂછવા માટે સમાજના દિગ્ગજ રાજકીય નેતાઓ મહુવા દોડી આવ્યા હતા. મહુવાની હનુમંત હોસ્પિટલ ખાતે સારવાર લઈ રહેલા નવનીતભાઈની મુલાકાતે કેબિનેટ મંત્રી કુંવરજી બાવળીયા, જૂનાગઢના સાંસદ રાજેશ ચુડાસમા અને પૂર્વ સાંસદ ભારતીબેન શિયાળ પહોંચ્યા હતા.સાંસદ રાજેશ ચુડાસમા, ભારતી શિયાળ પીડિતને મળ્યાઆ નેતાઓએ પીડિત અને તેમના પરિવારને મળીને સાંત્વના પાઠવી હતી અને સમગ્ર ઘટના અંગે વિગતવાર ચર્ચા કરી હતી. થોડા દિવસો પહેલા મંત્રી કુંવરજી બાવળીયા અને માયાભાઈ આહિરની મુલાકાતને લઈને સોશિયલ મીડિયામાં ચર્ચાઓ જાગી હતી. આ અંગે સ્પષ્ટતા કરતા મંત્રીએ જણાવ્યું હતું કે, માયાભાઈ સાથેની મુલાકાત માત્ર એક સરકારી કાર્યક્રમને લઈને ઔપચારિક હતી, તેને આ ઘટના સાથે કોઈ લેવા-દેવા નથી. માયાભાઇને મળ્યા હોવાની વાત પર કુંવરજીનું નિવેદનકુંવરજી બાવળીયાએ વધુમાં જણાવ્યું હતું કે, નવનીતભાઈને યોગ્ય ન્યાય મળે અને પોલીસ આ કેસમાં તટસ્થ અને યોગ્ય દિશામાં તપાસ કરે તે અમારી પ્રાથમિકતા છે. આ મુદ્દે રજૂઆત કરવા માટે કોળી સમાજના તમામ આગેવાનો આગામી સોમવારે ગાંધીનગર જશે. સમાજના નેતાઓની આ સક્રિયતા જોતા આગામી દિવસોમાં તપાસની ગતિ તેજ બને તેવી શક્યતા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 3, 2026

Banaskantha: અજાપુરાની ઘરફોડ ચોરીનો ભેદ ઉકેલાયો, ભડીયો લુહાર મુદ્દામાલ સાથે ઝડપાયો

બનાસકાંઠા જિલ્લામાં મિલકત સંબંધિત ગુનાઓ ડામવા માટે પોલીસ અધિક્ષક પ્રશાંત સુંબેની સૂચનાથી એલ.સી.બી. પોલીસ એક્શનમાં છે. આ દરમિયાન ડીસા રૂરલ પોલીસ મથકની હદમાં આવતા અજાપુરા ગામે થયેલી ચોરીનો ભેદ ઉકેલવામાં પોલીસને સફળતા મળી છે. પોલીસે ચોરીના રોકડ નાણાં સાથે કુખ્યાત આરોપીને દબોચી લીધો છે.ચોરીનો ભેદ ઉકેલવામાં પોલીસ સફળબનાસકાંઠા LCBની ટીમ જ્યારે ડીસા રૂરલ વિસ્તારમાં પ્રોહિબિશન અને મિલકત સંબંધી ગુનાઓની તપાસમાં હતી, ત્યારે તેમને ભોયણ ગામેથી ચોક્કસ બાતમી મળી હતી. બાતમી હતી કે, બે દિવસ પહેલા અજાપુરાના ‘બાળાગૌરી એન્ટરપ્રાઈઝ’ નામની દુકાનમાં ચોરી કરનાર શખ્સ મુદ્દામાલ સાથે ભોયણ બસ સ્ટેન્ડ તરફ આવી રહ્યો છે. બાતમીના વર્ણન મુજબના શખ્સને પોલીસે કોર્ડન કરીને ઝડપી પાડ્યો હતો.ચોરીની કબૂલાત અને મુદ્દામાલ જપ્તપકડાયેલા આરોપીની આકરી પૂછપરછ કરતા તેણે અજાપુરાની દુકાનમાં ચોરી કરી હોવાની કબૂલાત કરી હતી. પોલીસે આરોપી પાસેથી ચોરીમાં ગયેલી તમામ રોકડ રકમ ₹47,870/- કબજે કરી છે. આ કામગીરીથી ડીસા રૂરલ પોલીસ સ્ટેશનમાં નોંધાયેલા ગુનાનો ભેદ ગણતરીના કલાકોમાં ઉકેલાઈ ગયો છે.પોલીસની સતર્કતાની પ્રશંસાજિલ્લા પોલીસ વડાના માર્ગદર્શન હેઠળ LCB પી.આઈ. અને તેમની ટીમે જે રીતે ફિલ્ડમાં રહીને ટેકનિકલ અને હ્યુમન ઇન્ટેલિજન્સના આધારે આરોપીને પકડ્યો છે, તેનાથી ગુનેગારોમાં ફફડાટ વ્યાપી ગયો છે. હાલ આરોપી સામે કાયદેસરની કાર્યવાહી હાથ ધરી તેને જેલ ભેગો કરવાની તજવીજ શરૂ કરાઈ છે.આ પણ વાંચો: લિંબાયત પોલીસ સ્ટેશનનો રાજ્યમાં રેકોર્ડ, વર્ષ 2025માં સૌથી વધુ 100 આરોપીઓ સામે પાસા હેઠળ કાર્યવાહી

Read Full Story arrow_forward