Community News & Updates

Stay informed with the latest happenings, achievements, and announcements from our community.

All News

calendar_today January 3, 2026

Vadodara: સોમા તળાવ વિસ્તારમાં બે જૂથો વચ્ચે મારામારી, કાયદો અને વ્યવસ્થાના ધજાગરા

વડોદરા શહેરમાં ગુનેગારોને પોલીસ કે કાયદાનો કોઈ ડર રહ્યો ન હોય તેવું લાગી રહ્યું છે. શહેરના વ્યસ્ત ગણાતા સોમા તળાવ વિસ્તારમાં ગઈકાલે જાહેર માર્ગ પર બે જૂથો વચ્ચે લોહિયાળ અથડામણ થતા સમગ્ર વિસ્તારમાં અફરાતફરીનો માહોલ સર્જાયો હતો. આ ઘટનાનો વીડિયો સોશિયલ મીડિયામાં વાયરલ થતા પોલીસની કામગીરી સામે પણ સવાલો ઉઠી રહ્યા છે.જાહેર માર્ગ પર છૂટા હાથે મારામારીમળતી માહિતી મુજબ, સોમા તળાવ પાસે કોઈ જૂની અદાવત અથવા તાત્કાલિક બોલાચાલીને પગલે બે જૂથો આમને-સામને આવી ગયા હતા. મામલો એટલો બિચક્યો હતો કે બંને પક્ષોએ લાકડીઓ, ડાંગ અને અન્ય હથિયારો વડે એકબીજા પર હુમલો કરવાનું શરૂ કરી દીધું હતું. રસ્તાની વચ્ચે જ ચાલી રહેલી આ મારામારીમાં અનેક લોકોને ઈજાઓ પહોંચી હોવાના અહેવાલ છે.વીડિયો સોશિયલ મીડિયામાં વાયરલજ્યારે આ હિંસક દ્રશ્યો સર્જાયા, ત્યારે ત્યાંથી પસાર થતા વાહનચાલકો અને રાહદારીઓમાં ફફડાટ વ્યાપી ગયો હતો. આ દરમિયાન, એક જાગૃત નાગરિકે પોતાની ગાડીમાંથી આ સમગ્ર ઘટનાનો વીડિયો ઉતારી લીધો હતો, જે હવે સોશિયલ મીડિયામાં ખૂબ વાયરલ થઈ રહ્યો છે. વીડિયોમાં સ્પષ્ટ જોઈ શકાય છે કે કઈ રીતે અસામાજિક તત્વો પોલીસના ખોફ વગર જાહેર માર્ગ પર આતંક મચાવી રહ્યા છે.આ પણ વાંચો: પોલીસ કમિશનરની લાલ આંખ, નિયમ તોડનારા 1330 સરકારી કર્મચારીઓ દંડાયા, પોલીસકર્મીઓ પણ ન બચ્યા!

Read Full Story arrow_forward

calendar_today January 3, 2026

Maharashtra Politics: ભ્રષ્ટાચારનો આરોપ લગાવતા પહેલા આત્મમંથન કરો, BJPએ અજિત પવાર પર કર્યો પલટવાર

મહારાષ્ટ્રમાં રાજકીય વક્તવ્ય ફરી એકવાર તેજ બન્યું છે. ભારતીય જનતા પાર્ટીએ નાયબ મુખ્યમંત્રી અજિત પવાર દ્વારા પિંપરી-ચિંચવડ મ્યુનિસિપલ કોર્પોરેશનમાં ભ્રષ્ટાચાર અને દેવાના આરોપોનો જોરદાર જવાબ આપ્યો છે. પ્રદેશ ભાજપ પ્રમુખ રવિન્દ્ર ચવ્હાણે કહ્યું કે અજિત પવારે આરોપો લગાવતા પહેલા આત્મનિરીક્ષણ કરવું જોઈએ. અજિત પવારના નિવેદનથી બીજેપી લાલઘૂમ રવિન્દ્ર ચવ્હાણે શનિવારે કહ્યું હતું કે જો ભાજપ પણ આરોપો અને પ્રતિઆક્ષેપોની શ્રેણી શરૂ કરે છે, તો તે અજિત પવાર માટે ગંભીર સમસ્યાઓ ઊભી કરી શકે છે. તેમણે પવારને એ પણ સ્પષ્ટ કરવા કહ્યું કે તેઓ કયા પક્ષને નિશાન બનાવી રહ્યા છે - શું તેઓ વડા પ્રધાન નરેન્દ્ર મોદીના નેતૃત્વ હેઠળના પક્ષનો ઉલ્લેખ કરી રહ્યા છે? અજીત પવારના નિવેદનથી રાજકીય ગરમાવો ચૌહાણે કહ્યું કે અજિત પવારનું નિવેદન મ્યુનિસિપલ ચૂંટણીઓની પૃષ્ઠભૂમિ સામે આવે છે, જેનાથી તેના રાજકીય હેતુ પર પ્રશ્નો ઉભા થાય છે. નોંધનીય છે કે પિંપરી-ચિંચવડ મ્યુનિસિપલ કોર્પોરેશન 2017 થી 2022 સુધી ભાજપના શાસન હેઠળ હતું, ત્યારબાદ એક વહીવટદારની નિમણૂક કરવામાં આવી હતી. મ્યુનિસિપલ ચૂંટણીઓ હવે 15 જાન્યુઆરીએ યોજાવાની છે. ભાજપ પ્રમુખે કલ્યાણ-ડોંબિવલી સહિત અનેક સ્થળોએ ભાજપના ઉમેદવારોની બિનહરીફ ચૂંટણી ગઠબંધનની મજબૂતાઈને આભારી હતી. તેમણે કહ્યું કે ભાજપ અને એકનાથ શિંદેના નેતૃત્વ હેઠળની શિવસેના વચ્ચેના જોડાણે વિરોધ પક્ષને મેદાનમાંથી લગભગ ખતમ કરી દીધો છે. https://x.com/ANI/status/2007363167178133579શું બોલ્યા અજિત પવાર ? NCP પ્રમુખ અને નાયબ મુખ્યમંત્રી અજિત પવારે પુણેના પિંપરી ચિંચવાડ વિસ્તારમાં ભાજપ પર ભ્રષ્ટાચાર અને ખંડણીના ગંભીર આરોપો લગાવ્યા છે. મહારાષ્ટ્રના નાયબ મુખ્યમંત્રી અજિત પવારે કહ્યું કે ભાજપે પિંપરી ચિંચવાડ વિસ્તારમાં નોંધપાત્ર રકમ લૂંટી લીધી છે. તેમણે કહ્યું, "મારી પાસે પુરાવા છે કે ભાજપ ખંડણીમાં સામેલ છે. મારા પર પણ ₹70,000 કરોડના કૌભાંડનો આરોપ હતો, અને હું આરોપો લગાવનારાઓ સાથે બેઠો છું. શું તે બધા આજે મારી સાથે છે કે નહીં? મને કહો..." અજિત પવારનો વળતો પ્રહાર અને ટિકિટ વિવાદ અજિત પવારે મ્યુનિસિપલ ચૂંટણીઓમાં ગુનાહિત પૃષ્ઠભૂમિ ધરાવતા ઉમેદવારોને ટિકિટ આપવાનો બચાવ કર્યો હતો. તેમણે કહ્યું હતું કે દોષિત સાબિત ન થાય ત્યાં સુધી કોઈને ગુનેગાર કહી શકાય નહીં. પવારે ₹70,000 કરોડના સિંચાઈ કૌભાંડમાં તેમની સામેના આરોપોનો પણ ઉલ્લેખ કર્યો હતો. જોકે ગંભીર ગુનાહિત આરોપોનો સામનો કરી રહેલા અને હાલમાં જેલમાં બંધ ઉમેદવારોને ટિકિટ આપવાના NCPના નિર્ણયથી રાજકીય વિવાદ વધુ તીવ્ર બન્યો છે.

Read Full Story arrow_forward

calendar_today January 3, 2026

Ahmedabad News : લોકોના સ્વાસ્થ્ય સાથે ચેડાં કરનારા સાવધાન! ડુપ્લીકેટ દવાના ગોડાઉન પર ત્રાટક્યું ખોરાક અને ઔષધ નિયમન તંત્ર

અમદાવાદમાં લોકોના સ્વાસ્થ્ય સાથે ચેડાં કરતા નકલી દવાના કાળા કારોબાર પર ખોરાક અને ઔષધ નિયમન તંત્રએ (FDCA) લાલ આંખ કરી છે. તંત્રને મળેલી ચોક્કસ બાતમીના આધારે અમદાવાદના વિવિધ વિસ્તારોમાં દરોડા પાડીને બનાવટી દવાઓના વેચાણના મોટા રેકેટનો પર્દાફાશ કરવામાં આવ્યો છે. આ કાર્યવાહી દરમિયાન તંત્રએ આશરે 40 લાખ રૂપિયાથી વધુની કિંમતનો નકલી દવાઓનો જથ્થો અને અન્ય મુદ્દામાલ જપ્ત કર્યો છે. પરવાના વગર અને ધોરણોનું ઉલ્લંઘન કરીને વેચાતી આ દવાઓ દર્દીઓ માટે જીવલેણ સાબિત થઈ શકે તેમ હતી, જેને પગલે તંત્રએ કડક વલણ અપનાવ્યું છે.40 લાખની બનાવટી દવાઓ જપ્ત દરોડાની આ કાર્યવાહીથી અમદાવાદના ફાર્મા બજારમાં ખળભળાટ મચી ગયો છે. તપાસ અધિકારીઓના જણાવ્યા મુજબ, જપ્ત કરાયેલા જથ્થામાં એવી દવાઓનો સમાવેશ થાય છે જે જાણીતી બ્રાન્ડના નામે પેક કરીને વેચવામાં આવતી હતી. હાલમાં આ કૌભાંડમાં સામેલ શખ્સોની પૂછપરછ હાથ ધરવામાં આવી છે અને આ દવાઓ ક્યાંથી લાવવામાં આવી હતી તેમજ તેનું નેટવર્ક ક્યાં સુધી ફેલાયેલું છે તેની ઊંડી તપાસ કરવામાં આવી રહી છે. લોકોના જીવ જોખમમાં મૂકનાર તત્વો સામે કાયદેસરની કડક કાર્યવાહી કરવાની ખાતરી તંત્ર દ્વારા આપવામાં આવી છે. આ પણ વાચો : Valsad News : ભારતીય એકેડેમી સ્કૂલની દુખદ ઘટના, મેરેથોન દોડ બની દીકરી માટે અંતિમ સફર

Read Full Story arrow_forward