Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Vadodara: વાઘોડિયામાં મધરાત્રે સગીરા પર દુષ્કર્મ, નરાધમની ગણતરીના કલાકોમાં ધરપકડ

વાઘોડિયામાં સગીરા પર દુષ્કર્મની ગંભીર ચોંકાવનારી ઘટના સામે આવી છે. વાઘોડિયા પોલીસે ઝડપી કાર્યવાહી કરી આરોપી કિશનની ગણતરીના કલાકોમાં ધરપકડ કરી છે. આરોપી વિરુદ્ધ પોક્સો એક્ટ સહિત દુષ્કર્મની કલમો હેઠળ ગુનો નોંધી કાયદેસરની કાર્યવાહી હાથ ધરવામાં આવી છે.આરોપીએ અંધારાનો લાભ લઈ ગુનાહિત કૃત્ય આચર્યું મળતી માહિતી મુજબ, આ બનાવ 29 ડિસેમ્બર, 2025ના રોજ મધરાત્રિએ બન્યો હતો. વાઘોડિયા ટાઉન વિસ્તારમાં રહેતી 15 વર્ષની સગીરા પોતાના ઓરડામાં ઊંઘી રહી હતી, ત્યારે આરોપીએ અંધારાનો લાભ લઈ ગુનાહિત કૃત્ય આચર્યું હતું. કિશન વાઘોડિયામાં એક બર્થડે પાર્ટીમાં હાજરી આપવા આવ્યો હતો આરોપી કિશન વાઘોડિયામાં એક બર્થડે પાર્ટીમાં હાજરી આપવા આવ્યો હતો અને ઉત્તરાયણ નજીક હોવાથી દોરા રંગવાના હેતુસર રાત્રી રોકાણ કર્યું હતું. સગીરા ઉદાસ અને ગભરાયેલી રહેવા લાગતા પરિવારને શંકા ગઈ ઘટના બાદ સગીરા ઉદાસ અને ગભરાયેલી રહેવા લાગતા પરિવારને શંકા ગઈ હતી. પૂછપરછ દરમિયાન સગીરાએ પોતાની માતાને સમગ્ર ઘટના અંગે માહિતી આપી હતી. બાદમાં માતાએ પરિવારજનો સાથે ચર્ચા કરી વાઘોડિયા પોલીસ મથકે પહોંચીને આરોપી વિરુદ્ધ ફરિયાદ નોંધાવી હતી. ગણતરીના કલાકોમાં આરોપીની ધરપકડ કરી ફરિયાદ મળતાં જ વાઘોડિયા પોલીસે ઘટનાની ગંભીરતા ધ્યાને લઈ તાત્કાલિક કાર્યવાહી કરી અને ગણતરીના કલાકોમાં આરોપીની ધરપકડ કરી હતી. હાલ પોલીસ દ્વારા વધુ તપાસ હાથ ધરવામાં આવી છે. આ પણ વાંચો----     Vadodara: પ્રેમસંબંધનો કરુણ અંત, મંગેતર યુવતીએ જ યુવકની હત્યા કરી, પોસ્ટમોર્ટમ રિપોર્ટે પોલ ખોલી

Read Full Story arrow_forward

calendar_today January 2, 2026

Junagadh: નેતાઓના 'શુભ મુહૂર્ત'ની પ્રતીક્ષામાં કેદ જનતાનું આરોગ્ય કેન્દ્ર!, ભાડાના મકાનમાં થઇ રહી છે સારવાર

લોકશાહીમાં ઈંટ-પથ્થરની ઈમારતો ચણાઈ જવી એ વિકાસની નિશાની હોઈ શકે, પરંતુ જ્યારે એ ઈમારતો માત્ર નેતાઓના હસ્તે ઉદ્ઘાટનના 'શુભ મુહૂર્ત'ની રાહ જોતી પડી રહે, ત્યારે તે વિકાસ જનતા માટે અભિશાપ બની જાય છે. કંઇક આવી જ વ્યથા છે જૂનાગઢના ખલીલપુર રોડ પર બનેલા નવા પ્રાથમિક આરોગ્ય કેન્દ્રની... જૂનાગઢના આરોગ્ય કેન્દ્રને કોનું ગ્રહણ? જૂનાગઢમાં આધુનિક તબીબી સુવિધાઓથી સજ્જ આ બિલ્ડીંગ તૈયાર થયાને આજે છ મહિના જેટલો લાંબો સમય વીતી ગયો છે. તેમ છતાં, રાજકીય ઈચ્છાશક્તિના અભાવે આ કેન્દ્ર હજુ સુધી કાર્યરત થઈ શક્યું નથી. નવાઈની વાત એ છે કે, જે વિસ્તારની જનતા માટે આ કરોડોના ખર્ચે કેન્દ્ર ઊભું કરાયું છે, તેઓ આજે પણ આરોગ્યની પાયાની સુવિધાઓ માટે વલખાં મારી રહ્યા છે. ભાડાના મકાનમાં કરાઇ રહી છે સારવાર ભાડાના મકાનમાં પીડાતી પ્રજા વર્તમાન સમયમાં આ વિસ્તારનું આરોગ્ય કેન્દ્ર શાંતેશ્વર વિસ્તારમાં એક સાંકડા અને સુવિધા વગરના ભાડાના મકાનમાં ચાલી રહ્યું છે. ત્યાં જગ્યાના અભાવે દર્દીઓને ભારે અગવડતા પડે છે અને મેડિકલ સ્ટાફ પણ મર્યાદિત સંસાધનોમાં કામ કરવા મજબૂર છે. પ્રશ્ન એ થાય છે કે જ્યારે પોતાની માલિકીનું ભવ્ય અને સુવિધાજનક મકાન તૈયાર છે, તો પછી જનતાને શા માટે ભાડાના ડાબલા જેવા મકાનમાં ધકેલવામાં આવે છે? તંત્ર કરી રહી છે લૂલો બચાવ તંત્રનો બચાવ બીજી તરફ, મહાનગરપાલિકાના કમિશનર આ મામલે 'ફિનિશિંગ ટચ'નું ગાણું ગાઈ રહ્યા છે. તેમનું કહેવું છે કે હજુ થોડું ટેકનિકલ કામ બાકી છે, જે પૂર્ણ થયા બાદ જ કેન્દ્ર ખુલ્લું મુકાશે. પરંતુ સવાલ એ છે કે શું આ "બાકી કામ" છ મહિનાથી પૂર્ણ થઈ શક્યું નથી? કે પછી અસલી કારણ કોઈ રાજકીય નેતાની તારીખ મેળવવાનું છે? હજારો લોકોના સ્વાસ્થ્ય સાથે જોડાયેલો આ મુદ્દો હવે ગંભીર બન્યો છે. શું તંત્ર પોતાની ઉદાસીનતા ત્યાગીને માનવતાના ધોરણે આ કેન્દ્ર વહેલી તકે ખુલ્લું મૂકશે, કે પછી સામાન્ય જનતાએ હજુ લાંબો સમય 'તારીખ'ની રાહ જોવી પડશે? તે તો આવનારો સમય જ બતાવશે. આ પણ વાચોઃ Morbi: રોડ, રસ્તા અને પાણી વગરની 4 સોસાયટીઓના રહીશોના કલેક્ટર કચેરી ખાતે ધરણા

Read Full Story arrow_forward

calendar_today January 2, 2026

Devbhoomi Dwarka : જામ ખંભાળીયા નજીક હિટ એન્ડ રન, વૃદ્ધ બાઇક ચાલક ગંભીર રીતે ઇજાગ્રસ્ત

જામ ખંભાળીયા નજીક અકસ્માતની ચોંકાવનારી ઘટના બની છે, જેમાં એક ઇનોવા કાર ચાલકે બાઇકને અડફેટે લઇ ટક્કર મારતા બાઇક ચાલક ગંભીર ઇજાગ્રસ્ત થયો છે.ઇનોવા કાર ચાલકે બાઇકને ટક્કર મારી મળતી માહિતી મુજબ, કુવાડિયા ગામ નજીક ઇનોવા કાર પુરપાટ ઝડપે આવી હતી અને કાર ચાલકે બાઇકને અડફેટે લઇ ટક્કર મારી હતી કાર ચાલક સ્થળ પરથી નાસી છુટ્યો બાદ કાર ચાલક સ્થળ પરથી નાસી છુટ્યો હતો. હીટ એન્ડ રન ઘટનામાં બાઇક ચાલક પ્રવિણસિંહ ચૌહાણ નામના વૃદ્ધ ગંભીર ઈજાગ્રસ્ત થયા છે. તાત્કાલિક નજીકની હોસ્પિટલ ખસેડવામાં આવ્યા ઇજાગ્રસ્ત બાઇક ચાલકને 108 એમ્બ્યુલન્સ દ્વારા તાત્કાલિક નજીકની હોસ્પિટલ ખસેડવામાં આવ્યા છે. દ્વારકા જિલ્લામાં વધતી જતી હિટ એન્ડ રન ઘટનાઓને લઈને લોકોમાં ચિંતા વ્યાપી છે.આ પણ વાંચો----    Vadodara: પ્રેમસંબંધનો કરુણ અંત, મંગેતર યુવતીએ જ યુવકની હત્યા કરી, પોસ્ટમોર્ટમ રિપોર્ટે પોલ ખોલી

Read Full Story arrow_forward