Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Aravalli જિલ્લા બાર એસોસિએશનમાં લોકશાહીનો વિજય: હીરાભાઈ પટેલની પ્રમુખ તરીકે બિનહરીફ વરણી

અરવલ્લી જિલ્લાના વકીલ આલમમાં ફરી એકવાર એકતાના દર્શન થયા છે. અરવલ્લી જિલ્લા બાર એસોસિએશનની આગામી ટર્મ માટેની ચૂંટણી પ્રક્રિયામાં પ્રમુખ સહિતના તમામ હોદ્દેદારોની બિનહરીફ વરણી કરવામાં આવી છે. આ નિર્ણયને વકીલોની એકતા અને સંગઠન શક્તિના વિજય તરીકે જોવામાં આવી રહ્યો છે. જિલ્લા બાર એસોસિએશનના પ્રમુખ તરીકે હીરાભાઈ પટેલની સર્વાનુમતે અને બિનહરીફ વરણી કરવામાં આવી છે. તેમની સાથે અન્ય સભ્યોની પણ બિનહરીફ વરણી થતા સમગ્ર વકીલ મંડળમાં આનંદની લહેર પ્રસરી ગઈ છે.અરવલ્લી ડિસ્ટ્રિક્ટ કોર્ટ ખાતે યોજાયો સત્કાર સમારંભચૂંટણી વિના જ તમામ હોદ્દેદારો નક્કી થતા સમય અને શક્તિનો બચાવ થયો હોવાનું વકીલો જણાવી રહ્યા છે. આ બિનહરીફ વરણી બાદ અરવલ્લી ડિસ્ટ્રિક્ટ કોર્ટ ખાતે એક ભવ્ય સત્કાર સમારંભનું આયોજન કરવામાં આવ્યું હતું. આ પ્રસંગે નવનિયુક્ત પ્રમુખ હીરાભાઈ પટેલ અને તેમની ટીમનું ફૂલહાર અને મોં મીઠું કરાવીને સ્વાગત કરવામાં આવ્યું હતું. કાર્યક્રમ દરમિયાન જિલ્લાના વિવિધ તાલુકા મથકોના બાર એસોસિએશનના પ્રમુખો અને હોદ્દેદારોનું પણ સન્માન કરવામાં આવ્યું હતું. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 2, 2026

NPS રોકાણકારો માટે ખુશખબર, હવે બેંકો પણ મેનેજ કરી શકશે તમારું પેન્શન ફંડ! PFRDAએ લીધો ઐતિહાસિક નિર્ણય

પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA) એ નેશનલ પેન્શન સિસ્ટમને વધુ મજબૂત બનાવવા માટે અનેક નીતિગત સુધારાઓને મંજૂરી આપી છે. આ સુધારાઓનો ઉદ્દેશ્ય પેન્શન ફંડની પસંદગી વધારવાનો, સિસ્ટમમાં સ્પર્ધા લાવવાનો અને રોકાણકારો એટલે કે સબ્સ્ક્રાઇબર્સના હિતોનું વધુ સારી રીતે રક્ષણ કરવાનો છે. બેંકોને પેન્શન ફંડ શરૂ કરવાની મંજૂરી PFRDA એ સૈદ્ધાંતિક રીતે શિડ્યુલ્ડ કોમર્શિયલ બેંકોને સ્વતંત્ર રીતે પેન્શન ફંડ સ્થાપવા અને NPS હેઠળ થાપણોનું સંચાલન કરવાની મંજૂરી આપી છે. આ દરખાસ્તનો ઉદ્દેશ્ય જૂના નિયમનકારી નિયંત્રણોને દૂર કરવાનો છે જેના કારણે બેંકો અત્યાર સુધી પેન્શન ફંડ સેગમેન્ટમાં મર્યાદિત ભૂમિકા ભજવી શકતી હતી. કઈ બેંકોને મળશે પેન્શન ફંડની મંજૂરી નિયમનકારે સ્પષ્ટતા કરી છે કે દરેક બેંકને આ પરવાનગી આપવામાં આવશે નહીં. ફક્ત તે બેંકો જે મજબૂત નાણાકીય સ્થિતિ ધરાવે છે અને વ્યવસ્થિત રીતે વિશ્વસનીય માનવામાં આવે છે તે પેન્શન ફંડને સ્પોન્સર કરી શકશે. RBIના નિયમો અનુસાર બેંકની નેટવર્થ, માર્કેટ કેપિટલાઈઝેશન અને નાણાકીય શક્તિના આધારે પાત્રતાનું મૂલ્યાંકન કરવામાં આવશે. આ સંદર્ભમાં વિગતવાર ધોરણો પછીથી સૂચિત કરવામાં આવશે, જે નવા અને હાલના બંને પેન્શન ફંડને લાગુ પડશે.NPS ટ્રસ્ટ બોર્ડના નવા ટ્રસ્ટી ગવર્નન્સને મજબૂત બનાવવા માટે, PFRDAએ પસંદગી પ્રક્રિયા પછી NPS ટ્રસ્ટના બોર્ડમાં ત્રણ નવા ટ્રસ્ટીઓની નિમણૂક કરી છે. આમાં SBIના પૂર્વ ચેરમેન દિનેશ કુમાર ખારા, UTI એસેટ મેનેજમેન્ટ કંપનીના પૂર્વ એક્ઝિક્યુટિવ વાઇસ પ્રેસિડેન્ટ સ્વાતિ અનિલ કુલકર્ણી અને ડિજિટલ ઇન્ડિયા ફાઉન્ડેશનના કો ફાઉન્ડર અરવિંદ ગુપ્તાનો સમાવેશ થાય છે. દિનેશ કુમાર ખારાને NPS ટ્રસ્ટ બોર્ડના અધ્યક્ષ તરીકે નિયુક્ત કરવામાં આવ્યા છે. ઈન્વેસ્ટમેન્ટ મેનેજમેન્ટ ફીમાં ફેરફાર પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA) એ પેન્શન ફંડ માટે રોકાણ વ્યવસ્થાપન ફી એટલે કે IMF સ્ટ્રક્ચરમાં પણ સુધારો કર્યો છે. આ નવું સ્ટ્રક્ચર 1 એપ્રિલ 2026થી અમલમાં આવશે. આમાં, સરકારી અને બિન-સરકારી ક્ષેત્રોના સબ્સ્ક્રાઇબર્સ માટે અલગ અલગ ફી દર નક્કી કરવામાં આવ્યા છે, જેથી રોકાણકારોના હિતોનું વધુ સારી રીતે રક્ષણ થઈ શકે. આ સુધારેલુ ફી માળખું મલ્ટીપલ સ્કીમ ફ્રેમવર્ક હેઠળની યોજનાઓ પર પણ લાગુ પડશે, જ્યાં દરેક યોજના માટે ફંડ અલગથી ગણવામાં આવશે. જોકે, નિયમનકારે એ પણ સ્પષ્ટ કર્યું છે કે પેન્શન ફંડ દ્વારા ચૂકવવામાં આવતી 0.015 ટકાની એન્યુલ રેગ્યુલેટરી ફીમાં કોઈ ફેરફાર કરાયો નથી. આ સુધારાઓ પાછળનો હેતુ PFRDA અનુસાર, આ બધા નિર્ણયોનો ઉદ્દેશ્ય NPS ઇકોસિસ્ટમને લાંબા ગાળે વધુ સ્પર્ધાત્મક, વધુ સારી રીતે સંચાલિત અને ટકાઉ બનાવવાનો છે. વધુમાં આ સરકાર, કોર્પોરેટ, રિટેલ અને ઉભરતા વર્કફોર્સના સબ્સ્ક્રાઇબર્સને નિવૃત્તિ પછી વધુ સુરક્ષિત ભવિષ્ય પ્રદાન કરશે. આ પણ વાંચો: PAN-Aadhaar લિંક કરવાની ડેડલાઈન વધી કે નહીં? જાણો લેટેસ્ટ અપડેટ અને સ્ટેપ-બાય-સ્ટેપ પ્રોસેસ

Read Full Story arrow_forward

calendar_today January 2, 2026

Indore Water Contamination: લોકો પાણી પીને મરી રહ્યા છે...ઇન્દોર HCએ પ્રશાસનને લગાવી ફટકાર

કોર્ટે કહ્યું કે ઈન્દોર એક ખૂબ જ સુંદર શહેર છે તેની સ્વચ્છતાની સમગ્ર દેશમાં પ્રશંસા થાય છે. આ સુંદરતા અને પ્રતિષ્ઠા જાળવી રાખવાની જવાબદારી અધિકારીઓની છે. સુનાવણી દરમિયાન, અરજદારના વકીલે કોર્ટને જાણ કરી કે સ્થાનિક લોકોમાં હજુ પણ સ્વચ્છ પાણીનો અભાવ છે. એક ટેન્કરથી શું થાય? - HCસેંકડો પરિવારો પાણી માટે એક જ ટેન્કર પર આધાર રાખે છે. કોર્ટે પ્રશ્ન કર્યો ફક્ત એક ટેન્કર શું કરશે? અને તાત્કાલિક વધારાના પાણીના ટેન્કર મોકલવાનો આદેશ આપ્યો. કોર્ટે આદેશ આપ્યો કે આગામી 10 મિનિટમાં વધારાના ટેન્કર વિસ્તારમાં પહોંચવા જોઈએ, અને તેમના ફોટા વકીલો સાથે શેર કરવા જોઈએ. કોર્ટે એમ પણ કહ્યું હતું કે કલેક્ટર અથવા એસડીએમ જેને પણ જરૂર હોય, તેને બોલાવવા જોઈએ, પરંતુ પાણીના ટેન્કર દરેક કિંમતે પહોંચવા જોઈએ. ઇન્દોર મ્યુનિસિપલ કોર્પોરેશને હાઇકોર્ટને જાણ કરી હતી કે અત્યાર સુધીમાં 30 પાણીના ટેન્કર મોકલવામાં આવ્યા છે અને તાત્કાલિક ચાર વધુ મોકલવામાં આવશે. મ્યુનિસિપલ કોર્પોરેશને કોર્ટમાં સ્ટેટસ રિપોર્ટ પણ દાખલ કર્યો હતો. મફત તબીબી સારવાર અને સ્વચ્છ પાણી પુરુ પાડવા આપ્યા હતા નિર્દેશ આ મામલે 31 ડિસેમ્બરે બે જાહેર હિતની અરજીઓ દાખલ કરવામાં આવી હતી. પહેલી અરજી હાઇકોર્ટ બાર એસોસિએશનના પ્રમુખ રિતેશ ઇનાની દ્વારા અને બીજી અરજી ભૂતપૂર્વ કાઉન્સિલર મહેશ ગર્ગ અને કોંગ્રેસના પ્રવક્તા પ્રમોદ કુમાર દ્વિવેદી દ્વારા દાખલ કરવામાં આવી હતી, જેનું પ્રતિનિધિત્વ એડવોકેટ મનીષ યાદવે કર્યું હતું. 31 ડિસેમ્બરની સુનાવણી દરમિયાન હાઇકોર્ટે મ્યુનિસિપલ કોર્પોરેશનને તમામ અસરગ્રસ્ત લોકોને મફત તબીબી સારવાર અને સ્વચ્છ પીવાનું પાણી પૂરું પાડવા માટે વચગાળાના નિર્દેશો આપ્યા હતા. 2 જાન્યુઆરીના રોજ આ આદેશોના પાલન અંગે સ્ટેટસ રિપોર્ટ રજૂ કરવામાં આવ્યો હતો. હવે 6 અને 19 જાન્યુઆરીએ કરાશે વધુ સુનાવણી ત્રીજી જાહેર હિતની અરજીની પણ સુનાવણી કરવામાં આવી હતી, જેના પર હાઇકોર્ટે ઇન્દોર કલેક્ટર શિવમ વર્મા અને મ્યુનિસિપલ કોર્પોરેશન કમિશનર દિલીપ કુમાર યાદવને નોટિસ ફટકારી કરી હતી. ત્રીજી અરજી પર આગામી સુનાવણી 19 જાન્યુઆરીએ થશે, જ્યારે પહેલી બે અરજીઓ પર 6 જાન્યુઆરીએ થવાની છે. સુનાવણી દરમિયાન એડવોકેટ મનીષ યાદવે મૃતકોના પરિવારોને આપવામાં આવતી વળતર રકમમાં વધારો કરવાની માંગ કરી હતી, અને દલીલ કરી હતી કે સ્ટેટસ રિપોર્ટમાં ફક્ત ચાર મૃત્યુનો ઉલ્લેખ છે, જ્યારે વાસ્તવિક સંખ્યા વધુ હોઈ શકે છે.

Read Full Story arrow_forward