Community News & Updates

Stay informed with the latest happenings, achievements, and announcements from our community.

All News

calendar_today January 1, 2026

Mehsana: મ્યુનિસિપલ કોર્પોરેશનના એક વર્ષની ઉજવણી, CMના હસ્તે જિલ્લાને રૂ. 836 કરોડના વિકાસકામોની ભેટ

ઉત્તર ગુજરાતના હાર્દ સમાન મહેસાણા શહેર માટે આજનો દિવસ ઐતિહાસિક સાબિત થયો છે. મહેસાણા મ્યુનિસિપલ કોર્પોરેશનની સ્થાપનાને એક વર્ષ પૂર્ણ થતા મુખ્યમંત્રી ભૂપેન્દ્ર પટેલની વિશેષ ઉપસ્થિતિમાં 'વિકસિત મહેસાણા' કાર્યક્રમનું ભવ્ય આયોજન કરવામાં આવ્યું હતું. આ પ્રસંગે મુખ્યમંત્રીએ મહેસાણા શહેર અને જિલ્લા માટે કરોડો રૂપિયાના વિકાસ પ્રકલ્પોની ભેટ આપી હતી.'વિકસિત મહેસાણા' કાર્યક્રમ અને લોકાર્પણમહેસાણાના પંડિત દીનદયાળ ટાઉન હોલ ખાતે આયોજિત આ કાર્યક્રમમાં મુખ્યમંત્રી ભુપેન્દ્ર પટેલે મહેસાણા મ્યુનિસિપલ કોર્પોરેશનના રૂ. 140 કરોડના વિવિધ વિકાસકામોના લોકાર્પણ અને ખાતમુહૂર્ત કર્યા હતા. આ ઉપરાંત, સમગ્ર મહેસાણા જિલ્લા માટે રૂ. 696 કરોડના માતબર રકમના વિકાસ પ્રકલ્પોની જાહેરાત અને ખાતમુહૂર્ત કરવામાં આવ્યા હતા. આમ, એક જ દિવસમાં જિલ્લાને કુલ રૂ. 836 કરોડના વિકાસકામોની સોગાદ મળી છે.મહાનુભાવોની ઉપસ્થિતિઆ કાર્યક્રમમાં મુખ્યમંત્રીની સાથે રાજ્યના આરોગ્ય મંત્રી અને મહેસાણાના પ્રભારી મંત્રી ઋષિકેશ પટેલ, મંત્રી પ્રવીણભાઈ માળી, સ્થાનિક સાંસદ, ધારાસભ્યો તેમજ જિલ્લાના ઉચ્ચ અધિકારીઓ અને પદાધિકારીઓ મોટી સંખ્યામાં ઉપસ્થિત રહ્યા હતા. મ્યુનિસિપલ કોર્પોરેશન બન્યા બાદ મહેસાણાના આંતરમાળખાકીય વિકાસમાં જે તેજી આવી છે, તેની મહાનુભાવોએ સરાહના કરી હતી.મહેસાણાનો બદલાતો ચહેરોમુખ્યમંત્રીએ પોતાના સંબોધનમાં જણાવ્યું હતું કે, મહેસાણા મ્યુનિસિપલ કોર્પોરેશનના ગઠનથી સ્થાનિક પ્રશ્નોના નિકાલમાં ઝડપ આવી છે અને લોકોની સુખાકારીમાં વધારો થયો છે. આગામી સમયમાં મહેસાણાને સ્માર્ટ સિટીની સુવિધાઓથી સજ્જ કરવા સરકાર કટિબદ્ધ છે.આ પણ વાંચો: અંબાજી મંદિરમાં દાંતા રાજવી પરિવારને પૂજાનો અધિકાર પુનઃ આપવા માગ, કડાણામાં સનાતન હિન્દુ સમાજનું આવેદન

Read Full Story arrow_forward

calendar_today January 1, 2026

Ahmedabad Gandhinagar હાઇવે પર અક્સ્માત, ઉભેલી કારમાં લાગી ભીષણ આગ

અમદાવાદ ગાંધીનગર હાઇવે પર અડાલજ કેનાલની પાસે એક કારમાં લાગેલી ભીષણ આગને કારણે લગ્નની તૈયારીઓ માટે નીકળેલા પરિવારે ખરીદેલો બધો જ સામાન બળીને ખાખ થઇ ગયો હતો. કારમાં રાખેલા ૫ લાખ રૂપિયા રોકડા, લગ્ન માટે ખરીદેલા નવા કપડાં અને મોંઘી સાડીઓ બળીને ખાખ થઈ ગયા હતા. અડાલજ કેનાલ પાસે ગાડીમાં લાગી ભીષણ આગ મળતી માહિતી પ્રમાણે પરિવારના બે સભ્યો લગ્ન પ્રસંગ માટેની ખરીદી કરવા માટે કાર લઇને નીકળ્યા હતા.જ્યારે તેમની કાર અડાલજ કેનાલ પાસેથી પસાર થઇ રહી હતી. તે સમયે અચાનક જ બોનેટમાંથી ધુમાડા નીકળવા લાગ્યા હતા. કારમાં સવાર બંને વ્યક્તિઓએ ગણતરીની સેકન્ડોમાં જ સમય સૂચકતા વાપરીને કારમાંથી નીચે ઉતરી ગયા જેના કારણે મોટી જાનહાનિ ટળી હતી. જેવી આગળ આગ લાગી કે જોતજોતામાં આગે એટલું રૌદ્ર સ્વરૂપ ધારણ કર્યુ કે આખે આખી કાર આગની લપેટમાં આવીને બળીને ખાખ થઇ ગઇ હતી.  જમા પૂંજી પણ ગાડી સાથે બળીને ખાખ થઇ આગ એટલી ભયાનક હતી કે તે માત્ર ગાડી જ નહીં પરંતુ જમા પૂંજી પણ તેમાં હોમાઇ ગઇ. ખરીદી કરવા નીકળેલા પરિવારના 5 લાખ રોકડ રૂપિયા અને નવા ખરીદેલા કપડાં, મોંઘી સાડીઓ પણ બળીને સ્વાહા થઇ ગઇ. પરિવારને માથે જાણે આભ તૂટ્યુ હોય તેવો માહોલ પણ સર્જાયો હતો.કારણ કે પ્રસંગની તૈયારી માટે રાખેલી તમામ સામગ્રી અને રોકડ રૂપિયા સેકન્ડોમાં રાખમાં ફેરવાઇ ગયા.આગની ઘટના બાદ તરત જ ફાયર બ્રિગેડની ટીમે આગ પર કાબૂ મેળવ્યો હતો. આગ લાગવાનું કારણ કારમાં શોર્ટ સર્કિટ બતાવવામાં આવી રહ્યુ છે. આ પણ વાંચોઃ Gandhinagar: ડિસેમ્બર 2025માં રાજ્યની GSTની આવકમાં 12.37 ટકાનો વધારો

Read Full Story arrow_forward

calendar_today January 1, 2026

NTPC સાથે મળીને અમેરિકાની કંપની કરશે કામ, ન્યુક્લિયર એનર્જીને અપાશે નવી દિશા

ભારતની ઊર્જા જરૂરિયાતો સતત વધી રહી છે અને દેશ હવે એવા વિકલ્પો પર ધ્યાન કેન્દ્રિત કરી રહ્યો છે જે લાંબા ગાળે સલામત, સસ્તું અને ટકાઉ હોય. આ દિશામાં એક મહત્વપૂર્ણ પગલા તરીકે યુએસ પરમાણુ ટેકનોલોજી કંપની અને ભારતની સૌથી મોટી પાવર કંપની, NTPC વચ્ચે ભાગીદારી ચાલી રહી છે. આ સહયોગનો હેતુ ભારતમાં થોરિયમ આધારિત પરમાણુ ઈંધણને આગળ વધારવાનો છે.ભારતનું ધ્યાન થોરિયમ પર કેમ છે? ભારત પાસે યુરેનિયમનો મર્યાદિત ભંડાર છે, જ્યારે તેની પાસે વિશ્વના સૌથી મોટા થોરિયમ ભંડારોમાંનો એક છે. આ જ કારણ છે કે દાયકાઓથી થોરિયમને દેશની ઉર્જા સુરક્ષાનું ભવિષ્ય માનવામાં આવે છે. થોરિયમ વીજ ઉત્પાદન લાંબા સમય સુધી વિશ્વસનીય નથી, પરંતુ તે પ્રમાણમાં ઓછો પરમાણુ કચરો પણ ઉત્પન્ન કરે છે. અમેરિકાની કંપની NTPC સાથે કરશે કામ અમેરિકામાં શિકાગો સ્થિત એક પરમાણુ બળતણ ટેકનોલોજી કંપની હવે ભારતમાં NTPC સાથે કામ કરવાની યોજના બનાવી રહી છે. આ ભાગીદારી હેઠળ, NTPC યુએસ કંપનીમાં મર્યાદિત હિસ્સો ખરીદી શકે છે. તેનો ઉદ્દેશ્ય નવી ટેકનોલોજીઓ સુધી પહોંચ મેળવવાનો અને ભવિષ્યમાં પરમાણુ બળતણની જરૂરિયાતો માટે તૈયારી કરવાનો છે. આ સહયોગનું સૌથી મહત્વપૂર્ણ પાસું એ છે કે નવા થોરિયમ આધારિત બળતણનો ઉપયોગ ભારતના હાલના દબાણયુક્ત ભારે પાણીના રિએક્ટરમાં થઈ શકે છે. આનો અર્થ એ છે કે દેશને તેના સમગ્ર પરમાણુ માળખાને શરૂઆતથી ફરીથી બનાવવાની જરૂર રહેશે નહીં. આનાથી ખર્ચમાં ઘટાડો થશે અને ઊર્જા ઉત્પાદનમાં વધારો થશે. નવા પરમાણુ ઉર્જા કાયદાએ આવી ભાગીદારીને સરળ બનાવી તાજેતરમાં પસાર થયેલા નવા પરમાણુ ઉર્જા કાયદાએ આવી ભાગીદારીને સરળ બનાવી છે. પહેલી વાર, ખાનગી અને વિદેશી કંપનીઓને ભારતના પરમાણુ ક્ષેત્રમાં, ખાસ કરીને ઇંધણ અને ટેકનોલોજીના ક્ષેત્રોમાં મર્યાદિત ભૂમિકા ભજવવાની મંજૂરી આપવામાં આવી છે. આનાથી ભારતને અદ્યતન ટેકનોલોજી અને રોકાણ બંનેની ઍક્સેસ મળી શકે છે. આ પણ વાંચો: UPI Transaction : ડિસેમ્બર 2025માં UPIનું શાનદાર પ્રદર્શન, 21.6 બિલિયનથી વધારે ટ્રાન્ઝેક્શન થયા

Read Full Story arrow_forward