Community News & Updates

Stay informed with the latest happenings, achievements, and announcements from our community.

All News

calendar_today January 1, 2026

Rajkot ના ન્યારા ગામમાં કમોસમી વરસાદથી પાકને નુકસાન, ખેતરમાં ઊભા રહેલા ઘઉં ઢળી પડ્યા

રાજ્યમાં છેલ્લા 2 દિવસથી પલટાયેલા હવામાનના કારણે વિવિધ વિસ્તારોમાં માવઠું થઇ રહ્યું છે અને તેના કારણે શિયાળુ પાકને નુકશાન થઇ રહ્યું છે જેથી ખેડૂતોને ફરી એક વાર નુકશાન સહન કરવાનો વારો આવ્યો છે.રાજકોટના ન્યારા ગામમાં કમોસમી વરસાદ  રાજકોટના ન્યારા ગામમાં ગઈકાલે બપોર બાદ આવેલા કમોસમી વરસાદને કારણે ખેતપાકને મોટું નુકસાન થયું છે. ખાસ કરીને ઉભા રહેલા ઘઉંના પાક ઢળી પડતા ખેડૂતોને ગંભીર ચિંતાનો સામનો કરવો પડ્યો છે. ધાણાના પાકને પણ ભારે નુકસાન પહોંચ્યું કમોસમી વરસાદના કારણે ખેતરમાં ઘઉં સિવાયના ધાણાના પાકને પણ ભારે નુકસાન પહોંચ્યું છે. ખેડૂતોનું કહેવું છે કે આ અચાનક વરસાદથી તેમને આ સિઝનમાં મોટા આર્થિક નુકસાનનો સામનો કરવો પડશે. આ પણ વાંચો---   LPG Price Hike: નવા વર્ષે જ LPG સિલિન્ડર વધુ મોંઘા થયા, પ્રતિ સિલિન્ડર 111 રુપિયા સુધીનો વધારો

Read Full Story arrow_forward

calendar_today January 1, 2026

Banaskantha News : અંબાજીમાં વહેલી સવારથી 'બોલ માડી અંબે'ના નાદ સાથે મંદિર ગૂંજી ઉઠ્યું

નવા વર્ષ 2026 ના પ્રથમ દિવસે સુપ્રસિદ્ધ યાત્રાધામ અને શક્તિપીઠ અંબાજી ખાતે ભક્તોનું અભૂતપૂર્વ ઘોડાપૂર ઉમટી પડ્યું હતું. વર્ષના પ્રારંભે જ માતાજીના આશીર્વાદ મેળવવા માટે વહેલી સવારથી જ મંદિર પરિસરમાં શ્રદ્ધાળુઓની લાંબી કતારો જોવા મળી હતી. "બોલ માડી અંબે, જય જય અંબે" ના ગગનભેદી નાદ સાથે સમગ્ર મંદિર પરિસર અને અંબાજીના માર્ગો ભક્તિમય બની ગયા હતા. ભક્તોએ ભારે ઉત્સાહ સાથે માતાજીના દર્શન કરી નવા વર્ષમાં સુખ, શાંતિ અને સમૃદ્ધિની કામના કરી હતી.અંબાજી ધામમાં શ્રદ્ધાનો ઘોષ સ્થાનિક વહીવટી તંત્ર અને મંદિર ટ્રસ્ટ દ્વારા ભક્તોની ભારે ભીડને જોતા દર્શનની વ્યવસ્થા સુચારૂ જળવાય તે માટે ખાસ આયોજન કરવામાં આવ્યું હતું. વહેલી સવારની મંગળા આરતીથી જ ભક્તોનો પ્રવાહ શરૂ થયો હતો, જે મોડી સાંજ સુધી અવિરત રહ્યો હતો. ગુજરાત સહિત દેશભરમાંથી આવેલા યાત્રાળુઓએ ચાચર ચોકમાં ગરબે રમી અને માતાજીના ચરણોમાં શીશ ઝુકાવી ધન્યતા અનુભવી હતી. રજાનો માહોલ અને નવા વર્ષનો ઉત્સાહ હોવાથી અંબાજીના બજારોમાં પણ ભારે ચહલપહલ જોવા મળી રહી છે. આ પણ વાંચો : Ahmedabad News : નવા વર્ષની ભેટ, ગુજરાતમાં CNG ના ભાવમાં થયો ઘટાડો, જાણો શું છે નવા રેટ

Read Full Story arrow_forward

calendar_today January 1, 2026

Vadodara News: રોડ પર પાઇપો નાખી દેતા વાહન ચાલકો અટવાયા

સંસ્કારી નગરી વડોદરામાં વિકાસના કામો વચ્ચે અવારનવાર તંત્રની બેદરકારી સામે આવતી હોય છે. તાજેતરમાં શહેરના ધમધમતા વાસણા રોડ પર વીજ કંપનીની કામગીરી દરમિયાન ગંભીર લાપરવાહી જોવા મળી હતી. વાસણા રોડની વચ્ચે કોઈ પણ જાતના સુરક્ષા સાઈન બોર્ડ મૂક્યા વિના જ પાઈપોના થપ્પા લગાવી દેવાતા વાહનચાલકો ભારે હાલાકીમાં મુકાયા હતા અને અકસ્માતની ભીતિ સેવાઈ રહી હતી.શું છે સમગ્ર ઘટના? ઘટનાની મળતી માહિતી અનુસાર, વીજ કંપની દ્વારા વાસણા રોડ પર 66 KV લાઈન નાખવાની કામગીરી ચાલી રહી છે. દિવસે ટ્રાફિકની સમસ્યા ન સર્જાય તે હેતુથી કોન્ટ્રાક્ટર દ્વારા રાત્રિના સમયે કામગીરી શરૂ કરવામાં આવી હતી. જોકે, કામગીરી દરમિયાન રોડ પર જ મોટી પાઈપો નાખી દેવામાં આવી હતી. આશ્ચર્યની વાત એ હતી કે, અંધારામાં દૂરથી આવતા વાહનચાલકોને ચેતવવા માટે કોઈપણ પ્રકારના રિફ્લેક્ટર, બેરિકેડ કે સાઈન બોર્ડ મૂકવામાં આવ્યા ન હતા. સ્થાનિકે કોન્ટ્રાક્ટરનો લીધો ઉધડો રોડ પર અચાનક પાઈપો આવી જતાં વાહનચાલકો અટવાયા હતા. આ જોખમી સ્થિતિને ધ્યાનમાં રાખીને એક સ્થાનિક અગ્રણી વસીમ શેખ તાત્કાલિક સ્થળ પર પહોંચ્યા હતા. તેમણે કોન્ટ્રાક્ટરની આ પ્રકારની બેદરકારી સામે લાલ આંખ કરી હતી અને ભારે ઉધડો લીધો હતો. તેમણે સવાલ ઉઠાવ્યો હતો કે, જો રાત્રિના સમયે કોઈ સ્પીડમાં આવતું વાહન આ પાઈપો સાથે અથડાય અને જાનહાનિ થાય, તો તેનો જવાબદાર કોણ? માનવતાનું ઉદાહરણ માત્ર વિરોધ કરવા પૂરતું મર્યાદિત ન રહીને, વસીમ શેખે ત્યાં ઊભા રહીને પસાર થતા વાહનચાલકોને અટકાવ્યા હતા અને તેમને સાવચેતીપૂર્વક પસાર થવા સૂચના આપી અકસ્માતથી બચાવ્યા હતા. લોકોમાં એવી ચર્ચાઓ જાગી છે કે, સરકારી કામોમાં કોન્ટ્રાક્ટરો નફો કમાવવા માટે જનતાની સુરક્ષાને નેવે મૂકે છે, જે સાંખી લેવાય નહીં. હાલમાં આ મામલે સ્થાનિકોમાં તંત્ર સામે ભારે રોષ જોવા મળી રહ્યો છે. આ પણ વાંચો - Vadodara News : વડોદરામાં નવા વર્ષની શરૂઆતમાં 550 નબીરા પોલીસના મહેમાન બન્યા, અલગ-અલગ પોલીસ સ્ટેશનમાં નોંધાયા ગુનો

Read Full Story arrow_forward