Community News & Updates

Stay informed with the latest happenings, achievements, and announcements from our community.

All News

calendar_today January 1, 2026

Ahmedabad News : નવા વર્ષની ભેટ, ગુજરાતમાં CNG ના ભાવમાં થયો ઘટાડો, જાણો શું છે નવા રેટ

નવા વર્ષ 2026 ના પ્રથમ દિવસથી જ રાજ્યના લાખો વાહનચાલકો માટે ખુશખબર સામે આવ્યા છે. મોંઘવારીના સમયમાં રાહત આપતા ગેસ કંપનીઓએ CNG (કોમ્પ્રેસ્ડ નેચરલ ગેસ) ના ભાવમાં પ્રતિ કિલો રૂ. 1.20 નો ઘટાડો કરવાની જાહેરાત કરી છે. આ ભાવ ઘટાડા પાછળનું મુખ્ય કારણ 'પેટ્રોલિયમ એન્ડ નેચરલ ગેસ રેગ્યુલેટરી બોર્ડ' (PNGRB) દ્વારા લાગુ કરાયેલી નવી ટેરિફ સિસ્ટમ માનવામાં આવે છે, જેનાથી ટ્રાન્સપોર્ટેશન ખર્ચમાં ઘટાડો થયો છે અને તેનો સીધો લાભ હવે ગ્રાહકોને મળી રહ્યો છે.મોંઘવારીના મોરચે રાહત ભાવમાં સુધારા બાદ હવે CNGનો નવો ભાવ રૂ. 81.17 પ્રતિ કિલો થયો છે, જે અગાઉ રૂ. 82.37 હતો. આ ઘટાડાથી ખાસ કરીને ઓટોરિક્ષા ચાલકો, ટેક્સી ઓપરેટરો અને મધ્યમ વર્ગના કાર માલિકોને આર્થિક રીતે મોટી રાહત મળશે. નવા વર્ષની શરૂઆતમાં જ ઈંધણના ભાવ ઘટતા બજારમાં અન્ય ચીજવસ્તુઓના પરિવહન ખર્ચમાં પણ ઘટાડો થવાની આશા સેવાઈ રહી છે. આ નવા દરો આજથી એટલે કે 1 જાન્યુઆરીથી સમગ્ર રાજ્યના પંપો પર અમલી બની ગયા છે. આ પણ વાંચો : Happy New Year 2026 : શક્તિ, શિવ અને કૃષ્ણના શરણોમાં નૂતન વર્ષનો પ્રારંભ, પાવાગઢ, સોમનાથ અને દ્વારકામાં માનવ મહેરામણ

Read Full Story arrow_forward

calendar_today January 1, 2026

Gandhinagar માં ‘સૂર્ય નમસ્કાર અને ધ્યાન’ સત્ર યોજાયું,ભારતીય સંસ્કૃતિ અપનાવવા GenZને DyCMનું આહ્વાન

નવા વર્ષની શરૂઆતમાં આજે સવારે ગાંધીનગરમાં વિશેષ “સૂર્ય નમસ્કાર અને ધ્યાન” સત્ર યોજાયું, જેમાં દેશભરમાં અને વિદેશમાં રહેલા લોકો સોશિયલ મીડિયા માધ્યમથી જોડાયા અને સૂર્ય નમસ્કાર કર્યા હતા.GenZને ભારતીય સંસ્કૃતિ અપનાવવા માટે પ્રોત્સાહિત કર્યા  ડેપ્યુટી ચીફ મિનિસ્ટર હર્ષભાઈ સંઘવી પણ આ વર્ચ્યુઅલી કાર્યક્રમમાં જોડાયા અને GenZને ભારતીય સંસ્કૃતિ અપનાવવા માટે પ્રોત્સાહિત કર્યા. તેમણે જણાવ્યું કે, “2026 ગુજરાત માટે સ્વાસ્થ્ય અને સમૃદ્ધિનું વર્ષ બની રહેશે.” તેમજ નવા વર્ષની પ્રથમ સૂર્યકિરણને નમસ્કાર કરીને 1 જાન્યુઆરી 2027માં ‘ઓમ સૂર્ય નમસ્કાર’* માટે વિશ્વ રેકોર્ડ બનાવવાની યોજનાનું આહ્વાન કર્યું. આપણે પોતાની સંસ્કૃતિના ઐતિહાસિક મુલ્યને જીવંત રાખવું જોઈએ કાર્યક્રમ માટે યોગ બોર્ડના ચેરમેનને અભિનંદન આપતાં DyCM હર્ષભાઈએ જણાવ્યું કે, પશ્ચિમી દેશોમાં નવા વર્ષની ઉજવણી થાય છે, ત્યારે આપણે પોતાની સંસ્કૃતિના ઐતિહાસિક મુલ્યને જીવંત રાખવું જોઈએ. તમામ નાગરિકોને ડિજિટલ સર્ટિફિકેટ આપવામાં આવ્યું સવારે 7થી 8 કલાકે યોજાયેલા આ  કાર્યક્રમમાં લાખો લોકો એકસાથે જોડાયા. ગૃહ રાજ્યમંત્રી હર્ષભાઈ સંઘવીએ પણ આ ઐતિહાસિક સત્રમાં જોડાઈ યુવાધનને પ્રોત્સાહન આપ્યું. સહભાગી થનાર તમામ નાગરિકોને ડિજિટલ સર્ટિફિકેટ આપવામાં આવ્યું. આ પણ વાંચો----    LPG Price Hike: નવા વર્ષે જ LPG સિલિન્ડર વધુ મોંઘા થયા, પ્રતિ સિલિન્ડર 111 રુપિયા સુધીનો વધારો

Read Full Story arrow_forward

calendar_today January 1, 2026

Surat News : સુરત શહેરમાં ભર શિયાળે કમોસમી વરસાદ ખાબકયો, ખેડૂતોને ફરી પડતા પર પાટુ જેવી સ્થિતિ

સુરત શહેરમાં વાતાવરણમાં પલટો આવ્યો છે અને હજીરા વિસ્તારમાં કમોસમી વરસાદ ખાબકતા ખેડૂતો ચિંતામાં મૂકાયા છે, વરસાદને પગલે ખેડૂતોને ભારે નુકસાન થવાની ભીતિ છે. ધુમ્મસભર્યા વાતાવરણને લઈ સ્થાનિકો પણ ચિંતામાં મૂકાયા છે અને વિઝીબિલીટી ઝીરો થઈ હોવાની વાત સામે આવી છે.ભર શિયાળે ગુજરાતમાં કમોસમી વરસાદ ખાબકયો બે દિવસથી ગુજરાતના વાતાવરણમાં અચાનક જ પલટો આવતા ભરશિયાળે અનેક વિસ્તારમાં ચોમાસા જેવો માહોલ સર્જાયો છે. સૌરાષ્ટ્ર-કચ્છના વિવિધ વિસ્તાર તેમજ ઉત્તર ગુજરાતના બનાસકાંઠાના કેટલાક ભોગમાં કમોસમી વરસાદ પડતા ખેડૂતો ચિંતિત થયા છે. કમોસમી વરસાદના પગલે જીરું, રાયડો, એરંડા, ઘઉં, ચણા, તુવેર, ધાણા, ઈસબગુલ સહિતના રવિ પાકમાં નુકસાનની ભીતિ સેવાઈ રહી છે. કચ્છના રાપર તાલુકામાં ચોમાસા જેવો વરસાદ પડતા પાણી વહેવા લાગ્યા હતા. સૌરાષ્ટ્રમાં ધોરાજી પંથકમાં તેજ પવન સાથે વરસાદી માહોલ સર્જાયો હતો પોરબંદર, દ્વારકા, કલ્યાણપુર, જુનાગઢ સહિતના વિસ્તારોમાં પણ વરસાદી ઝાપટા પડયાં હતાં. ભુજ, નખત્રાણા, રાપર, ભચાઉ, લખપત, અબડાસા અને ગાંધીધામ તાલુકાનાં ગામોમાં કમોસમી વરસાદી ઝાપટાં પડયાં હતાં. કમોસમી વરસાદને લીધે રવિ પાકને નુકસાન થવાની ભીતિ ખેડૂતોએ વ્યક્ત કરી હતી. બનાસકાંઠાના ભાભર પંથકમાં અચાનક વાતાવરણમાં પલટો આવતાં ભર બપોરે આકાશમાં વાદળો ઘેરાયા હતા અને અચાનક કમૌસમી વરસાદ શરૂ થયો હતો. વાતાવરણમાં પલટો આવતા કમોસમી વરસાદી ઝાપટાં પડયાં વાવ, થરાદ, સુઈગામ અને ધરણીધર સહિતના પંથકમાં અચાનક વાતાવરણમાં પલટો આવતા કમોસમી વરસાદી ઝાપટાં પડયાં છે. સૌરાષ્ટ્રમાં રાજકોટ શહેરમાં સાંજે ૫ વાગ્યાથી કાલાવડ રોડ સહિતના વિસ્તારમાં વરસાદ પડયો હતો. એ સિવાય ધોરાજી પંથકમાં સાંજે ૪ વાગ્યા બાદ ગાજવીજ અને તેજ પવન સાથે વરસાદ શરૂ થયો હતો. શહેરના ગેલેક્સી ચોક, અવેડા ચોક, સ્ટેશન રોડ, જમનાવાડ રોડ જેવા મુખ્ય વિસ્તારોમાં વરસાદી પાણી વહેતા થયાં હતાં. એ સિવાય પોરબંદર, દ્વારકા, કલ્યાણપુર સહિતના વિસ્તારોમાં પણ ઝરમર વરસાદ થયો હતો. જૂનાગઢના માળિયાહાટીના પંથકમાં પણ સામાન્ય વરસાદી ઝાપટા પડયાં હતાં. આ પણ વાંચો : Agriculture News : કમોસમી વરસાદની આગાહીને લીધે ખેડૂતોને આગોતરી સાવચેતી રાખવા બોટાદ જિલ્લા ખેતીવાડી અધિકારી દ્વારા અનુરોધ

Read Full Story arrow_forward