Community News & Updates

Stay informed with the latest happenings, achievements, and announcements from our community.

All News

calendar_today September 9, 2026

ગુજરાત વિધાનસભામાં આપનો હલ્લાબોલ, અરવિંદ રૈયાણીનો પરાજય, iPhone 18 પ્રો લોન્ચ થશે સહિતના મોટા સમાચાર

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર1. Gujarat Assembly session Live : AAP ધારાસભ્યો ઘાસચારો લઈને પહોંચતા જ પોલીસે રોક્યા, ખેડૂતોને પાણી આપો જેવા નારા લગાવ્યા2. Rajkot News: લોધિકા સંઘની ચૂંટણીમાં અરવિંદ રૈયાણીનો પરાજય, માધાપર બેઠક પર વિજય સખીયાની જીત3. iPhone 18 Launch : iPhone 18 પ્રો અને પહેલો ફોલ્ડેબલ ફોન આજે કરાશે લોન્ચ! જાણો શાનદાર ફીચર્સ અને કિંમત4. PM Modi Birthday 2026: 17 સપ્ટેમ્બરે સેવા દિવસની ઉજવણી, PMના જન્મ દિવસ અને કાર્યકાળને લઇને BJPનો પ્લાન5. Uber - Rapido License suspension: ભારતના આ રાજ્યમાં ઉબેર અને રેપિડો એપ પર પ્રતિબંધ6. Maharashtra: ગરબામાં મુસ્લિમોની એન્ટ્રી પર BJPમાં બે-મત, CMની પત્નીએ કહ્યું, પ્રવેશ આપો તેમાં ખોટું શું છે ?7. Team Indiaમાં વાપસી પર મુકેશ કુમારનો હુંકાર, કહ્યું-આ સીઝન...!8. Delhi: બિલ્ડીંગ ધરાશાયી મામલે હવે PG ઓપરેટરની ધરપકડ, પોલીસ કરી રહી છે સુધાંશુની પૂછપરછ9. Asian Games 2026 : ટીમ ઈન્ડિયાના ખેલાડીઓ ક્યાં રોકાશે? BCCIએ કરી સ્પષ્ટતા10. NSE IPO Price Band: NSEના IPOને લઇને મોટા સમાચાર, કંપનીએ શેરની કિંમત ઘટાડવાનો લીધો નિર્ણય

Read Full Story arrow_forward

calendar_today September 9, 2026

Gir Somnath News: વરસાદ ખેંચાતા સિંચાઈના અભાવે મગફળીનો તૈયાર પાક નિષ્ફળ, વાવણીનો ખર્ચો માથે પડ્યો

ગીર સોમનાથ જિલ્લામાં લાંબા સમયથી વરસાદ ખેંચાતા ખેડૂતો ઉપર સંકટના વાદળો ઘેરાયા છે.વરસાદની અછતથી અન્નદાતાઓની હાલત દયનીય બની છે. જિલ્લાના ઉના અને ગિરગઢડા પંથકમાં સમયસર વરસાદ નહીં થતાં ખેતરોમાં લહેરાતો મગફળીનો પાક પાણીના અભાવે પીળો પડીને સૂકાવા લાગ્યો છે.પિયત માટે પૂરતા પાણીની અછત સર્જાતા મગફળીનો તૈયાર પાક હવે સંપૂર્ણપણે નિષ્ફળ જવાની અણી પર છે.જેને જોઈને ખેડૂતોની ચિંતામાં મોટો વધારો થયો છે.પાક બચી શકે તેમ ન હોવાથી અને નુકસાન સિવાય કોઈ વિકલ્પ ન બચતા આખરે ભારે હૈયે એક અન્નદાતાએ પોતાની ઊભી મગફળીના પાકમાં ટ્રેક્ટર ફેરવી દેવાની ફરજ પડી છે.સમયસર પાકને પિયત પૂરું પાડવું અશક્ય બન્યુંઆ પરિસ્થિતિમાં માત્ર એક-બે નહીં પરંતુ છ વીઘા જેટલી જમીનમાં વાવેલો મગફળીનો મબલખ પાક નિષ્ફળ જવાથી ખેડૂતની આર્થિક કમર ભાંગી ગઈ છે.કુદરતી પ્રકોપ અને વરસાદના અભાવ વચ્ચે ખેડૂતોની મુશ્કેલીઓમાં બેવડો વધારો કરવા માટે કુવાના ભૂગર્ભ જળસ્તર પણ ઘટી ગયા છે અને ઉપરથી વીજળીના અસહ્ય ધાંધીયાને કારણે સમયસર પાકને પિયત પૂરું પાડવું અશક્ય બન્યું છે.સિંચાઈના અભાવે જે પાક સંપૂર્ણ બગડી ગયો છે તેને બચાવવા માટે હવે મજૂરો રોકીને મગફળી જમીનમાંથી બહાર કાઢવાની લાચારી પડી રહી છે.મોંઘા ભાવનું બિયારણ,રાસાયણિક ખાતર,જંતુનાશક દવાઓ અને ખેતરમાં મજૂરી પાછળ કરેલો હજારો રૂપિયાનો માતબર ખર્ચ હવે સીધો ખેડૂતોના માથે નુકસાન તરીકે પડી રહ્યો છે.પાક નુકસાનીનો સર્વે હાથ ધરવામાં આવેએક વીઘે અંદાજે રૂપિયા 15થી 20 હજાર જેટલો તોતિંગ ખર્ચ કર્યો હોવા છતાં સામે પક્ષે પાક નિષ્ફળ જવાથી ખેડૂતોને લાખો રૂપિયાનું માતબર આર્થિક નુકસાન સહન કરવાનો વારો આવ્યો છે. આજના આ કપરા સમયમાં સમગ્ર ગિર સોમનાથ પંથકમાં સર્જાયેલી દુષ્કાળ જેવી પરિસ્થિતિને ધ્યાનમાં રાખીને તંત્ર દ્વારા આ વિસ્તારને તાત્કાલિક ધોરણે દુષ્કાળગ્રસ્ત જાહેર કરવામાં આવે તેવી ઉગ્ર માંગ ખેડૂતો દ્વારા કરવામાં આવી રહી છે. સરકાર અને કૃષિ વિભાગ દ્વારા તાત્કાલિક ધોરણે પાક નુકસાનીનો સર્વે હાથ ધરવામાં આવે અને પાયાની રાહત તેમજ વિશેષ આર્થિક સહાય ચૂકવવામાં આવે તેવી પ્રબળ માંગ સાથે અન્નદાતાઓએ સરકાર સમક્ષ મદદની ગુહાર લગાવી છે.આ પણ વાંચોઃ Rajkot News: લોધિકા સંઘની ચૂંટણીમાં અરવિંદ રૈયાણીનો પરાજય, માધાપર બેઠક પર વિજય સખીયાની જીત

Read Full Story arrow_forward

calendar_today September 9, 2026

Maharashtra: ગરબામાં મુસ્લિમોની એન્ટ્રી મળે તેમાં ખોટું શું ? અમૃતા ફડણવીસના નિવેદનની પક્ષમાં બે-મત

Maharashtra Navratri:  નવરાત્રિ પહેલા ગરબા અને દાંડિયા કાર્યક્રમોમાં મુસ્લિમોના પ્રવેશ અંગે મહારાષ્ટ્રમાં વિવાદ વધુ તીવ્ર બન્યો છે. વિશ્વ હિન્દુ પરિષદ (VHP) એ મુસ્લિમોને ગરબા કાર્યક્રમોથી દૂર રાખવાની અપીલ કરી છે. સંગઠને આયોજકો માટે ઓળખ કાર્ડ તપાસવા અને સહભાગીઓને તિલક અને કલાવા (પવિત્ર દોરો) પહેરવાની ફરજ પાડવા જેવી શરતો પણ સૂચવી છે.નવરાત્રિમાં મુસ્લિમના પ્રવેશને લઇને બેમત  ભાજપના નેતા અને મહારાષ્ટ્ર સરકારમાં મંત્રી નિતેશ રાણેએ VHPની આ માંગને સમર્થન આપ્યું છે. દરમિયાન, મુખ્યમંત્રી દેવેન્દ્ર ફડણવીસના પત્ની અમૃતાએ ગરબા કાર્યક્રમોમાં મુસ્લિમોના પ્રવેશને સમર્થન આપ્યું છે.  લવ જેહાદ હિંદુ તહેવારોમાં થાય છે- નિતેશ રાણે નિતેશ રાણેએ દલીલ કરી કે કથિત 'લવ જેહાદ'ની ઘટનાઓ ગરબા અને અન્ય હિન્દુ તહેવારો દ્વારા થાય છે. રાણેએ વધુમાં જણાવ્યું હતું કે જે લોકો મૂર્તિ પૂજામાં માનતા નથી તેમને હિન્દુ ધાર્મિક કાર્યક્રમોમાં ભાગ લેવાનો અધિકાર ન હોવો જોઈએ. તેમણે પ્રવેશ માટેની શરતો પણ સૂચવી, જેમ કે આધાર કાર્ડ રજૂ કરવું અને હનુમાન ચાલીસાનો પાઠ કરવો. તહેવારો બધાને એકસાથે લાવવા માટે- અમૃતા ફડણવીસમહારાષ્ટ્રના મુખ્યમંત્રી દેવેન્દ્ર ફડણવીસના પત્ની અમૃતા ફડણવીસે જણાવ્યું છે કે તહેવારો બધાને એકસાથે લાવવા માટે હોય છે, અને જો કોઈ મુસ્લિમ વ્યક્તિ ઉજવણીમાં ભાગ લે તો તેમાં કંઈ ખોટું નથી.તેમણે કોઈપણ ધર્મના વ્યક્તિઓને ગરબામાં હાજરી આપવા પર પ્રતિબંધ મૂકવાનું સમર્થન કર્યું ન હતું. જોકે, તેમણે એ પણ ભાર મૂક્યો હતો કે જાહેર કાર્યક્રમોમાં નિયમોનું પાલન કરવું જોઈએ અને કોઈને પણ અસુવિધા ન થવી જોઈએ.  "જો કોઈ મુસ્લિમ વ્યક્તિ ત્યાં આવે છે અને ઉત્સવનો યોગ્ય રીતે આનંદ માણે છે, તો મને તેમાં કંઈ ખોટું દેખાતું નથી." તેણીએ ઉમેર્યું હતું કે ગરબા એ આંતરરાષ્ટ્રીય સ્તરે ઉજવાતો રાષ્ટ્રીય તહેવાર છે. "જો કોઈ પણ જાતિ કે ધર્મનો વ્યક્તિ શાંતિપૂર્ણ રીતે, કોઈ મુશ્કેલી ઊભી કર્યા વિના, તેને જોવા આવવા માંગે છે, તો મને લાગે છે કે તે ઠીક છે."મુસ્લિમો માટે પ્રવેશ પ્રતિબંધની VHPની જાહેરાત ગયા અઠવાડિયે, VHP એ જાહેરાત કરી હતી કે 11 ઓક્ટોબરથી શરૂ થઈ રહેલા નવરાત્રી ઉત્સવ દરમિયાન રાજ્યભરમાં આયોજિત ગરબા અને દાંડિયા કાર્યક્રમોમાં મુસ્લિમોને પ્રવેશ આપવામાં આવશે નહીં. સોમવારે, રાજ્ય મંત્રી નિતેશ રાણેએ VHPના વલણને સમર્થન આપતા આરોપ લગાવ્યો હતો કે આવા તહેવારો દરમિયાન 'લવ જેહાદ'ના કિસ્સાઓ વધે છે. તેમણે ભારપૂર્વક જણાવ્યું હતું કે જે લોકો મૂર્તિ પૂજા કરતા નથી તેઓએ હિન્દુ ધાર્મિક કાર્યક્રમોમાં ભાગ લેવો જોઈએ નહીં.VHP એ આયોજકો માટે ચોક્કસ "માર્ગદર્શિકાઓ" જાહેર કરી છે. આમાં નવરાત્રી ગરબા અને દાંડિયા કાર્યક્રમોમાં ભાગ લેનારાઓના આધાર કાર્ડની ચકાસણી કરવી અને તેમની ઓળખની પુષ્ટિ કરવા માટે તેમના કપાળ પર તિલક લગાવવાનો સમાવેશ થાય છે.'લવ જેહાદ'નો દ્રષ્ટિકોણ શું છે?રાણેએ આરોપ લગાવ્યો હતો કે આવા તહેવારો દરમિયાન 'લવ જેહાદ'ની ઘટનાઓ વધે છે. તેમણે માંગ કરી હતી કે ઉપસ્થિતોની ઓળખ ચકાસવામાં આવે અને પ્રવેશ મેળવતા પહેલા તેમને હનુમાન ચાલીસાનો પાઠ કરવો ફરજિયાત બનાવવામાં આવે.'લવ જેહાદ' શબ્દનો ઉપયોગ જમણેરી કાર્યકરો દ્વારા કરવામાં આવે છે. તે એક ષડયંત્રના આરોપોનો ઉલ્લેખ કરે છે જેમાં મુસ્લિમ પુરુષો હિન્દુ સમુદાયની મહિલાઓને ઇસ્લામમાં રૂપાંતરિત કરવા માટે પ્રેમ સંબંધોમાં ફસાવે છે. 

Read Full Story arrow_forward