Community News & Updates

Stay informed with the latest happenings, achievements, and announcements from our community.

All News

calendar_today January 1, 2026

Rajkot News : ઓડિયો ક્લિપ વિવાદ પર રાજુ સોલંકીનો ખુલાસો, "વાયરલ ક્લિપ જૂની છે, તોડબાજ ગેંગથી સાવધાન"

ગોંડલના ધારાસભ્યના પુત્ર ગણેશ જાડેજા (ગણેશ ગોંડલ) ના જન્મદિવસની ઉજવણીમાં દલિત અગ્રણી રાજુ સોલંકીની હાજરીએ રાજકીય વર્તુળોમાં ચર્ચા જગાવી છે. આ પ્રસંગે રાજુ સોલંકીએ વિરોધ કરનારા તત્વોને આડે હાથ લેતા જણાવ્યું હતું કે, અમુક લોકો સમાજમાં ગેરસમજ ઉભી કરવાનો પ્રયાસ કરી રહ્યા છે. તેમણે સ્પષ્ટ શબ્દોમાં કહ્યું કે, સમગ્ર એસસી (SC) સમાજ ગણેશ જાડેજાની સાથે છે અને જે લોકો વિરોધ કરી રહ્યા છે તેઓ માત્ર અફવા ફેલાવવાનું કામ કરે છે. સોલંકીએ લોકોને અપીલ કરી હતી કે કોઈએ પણ 'તોડબાજ ગેંગ'ની વાતોમાં આવી ભ્રમિત થવાની જરૂર નથી.ગણેશ ગોંડલ બર્થડે સેલિબ્રેશન તાજેતરમાં વાયરલ થયેલી એક ઓડિયો ક્લિપ અંગે પણ રાજુ સોલંકીએ મોટું નિવેદન આપ્યું હતું. તેમણે સ્પષ્ટતા કરી હતી કે જે ઓડિયો ક્લિપ હાલ સોશિયલ મીડિયામાં વાયરલ થઈ રહી છે તે ખરેખર 2 થી 3 મહિના જૂની છે અને તેને અત્યારે જાણીજોઈને ખોટા સંદર્ભમાં રજૂ કરવામાં આવી રહી છે. તેમણે આક્ષેપ કર્યો હતો કે કેટલાક લોકો અંગત સ્વાર્થ માટે સમાજમાં ભાગલા પાડવા અને ગેરસમજ ઉભી કરવા માટે આ પ્રકારના પેંતરા રચી રહ્યા છે. ગણેશ ગોંડલના જન્મદિવસે બંને અગ્રણીઓની એકસાથે હાજરીએ વિરોધીઓના પ્રચાર પર પૂર્ણવિરામ મૂકવાનો પ્રયાસ કર્યો છે. આ પણ વાંચો : Gir Somnath News : તાલાલામાં ફરી ધારા ધ્રૂજી, 2.6 ની તીવ્રતાનો ભૂકંપનો આંચકો અનુભવાયો

Read Full Story arrow_forward

calendar_today January 1, 2026

GST Collection : જીએસટીથી સરકારની તિજોરી છલકાઈ, ડિસેમ્બરમાં થયું 1.74 લાખ કરોડનું કલેક્શન

દેશના ગુડસ એન્ડ સર્વિસ ટેક્સનું કલેક્શન ડિસેમ્બર 2025માં ગયા વર્ષની તુલનામાં 6.1 ટકાનો વધારો થઈને 1.74 ટ્રિલિયન થઈ ગયું છે. સરકાર દ્વારા જાહેર કરાયેલા આંકડા મુજબ ડિસેમ્બર 2025માં ગ્રોસ જીએસટી કલેક્શન 6.1 ટકા વધીને 1.74 લાખ કરોડ રૂપિયાથી વધારે થઈ ગયું છે. જો મોટા ટેક્સ ઘટાડા બાદ જ ઘરેલુ વેચાણથી રેવેન્યુમાં ધીમી ગ્રોથનું કારણ બન્યું.ડિસેમ્બર 2024માં જીએસટી રેવેન્યુ 1.64 લાખ કરોડરથી વધારેનું થયું હતું. ઘરેલુ ટ્રાન્ઝેક્શનથી ગ્રોસ રેવેન્યુ 1.2 ટકા વધીને 1.22 લાખ કરોડ રૂપિયાથી વધારેનું થઈ ગયું, જ્યારે ડિસેમ્બર 2025 દરમિયાન ઈમ્પોર્ટેડ સામાનથી રેવેન્યુ 19.7 ટકા વધીને 51,977 કરોડ રૂપિયા થઈ ગયું.375 વસ્તુઓ પર જીએસટી દર ઓછા કરવામાં આવ્યા ડિસેમ્બરમાં રિફંડ 31 ટકા વધીને 28,980 કરોડ રૂપિયા થઈ ગયું છે. નેટ જીએસટી રેવન્યુ રિફંડ એડજસ્ટ કર્યા બાદ 1.45 લાખ કરોડ રૂપિયાથી વધારે રહ્યું, જે દર વર્ષે 2.2 ટકા વધારે છે. ગયા મહિને સેસ કલેક્શન ઘટીને 4,238 કરોડ રૂપિયા થઈ ગયું, જ્યારે ડિસેમ્બર 2024માં આ 12,003 કરોડ રૂપિયા હતું. 22 સપ્ટેમ્બર 2025થી લગભગ 375 વસ્તુઓ પર જીએસટી દર ઓછા કરવામાં આવ્યા, જેનાથી સામાન સસ્યો થઈ ગયો, સાથે જ હવે કમ્પેનસેશન સેસ માત્ર તમાકુ અને સંબંધિત પ્રોડક્ટસ પર લગાવવામાં આવે છે, જ્યારે પહેલા આ લગ્ઝરી, સિન અને ડીમેરિટ ગુડ્સ પર લાગતો હતો. GST દરમાં ઘટાડાની અસર રેવેન્યુ કલેક્શન પર પડી છે. નવેમ્બરમાં ઘણા રાજ્યના કલેક્શનમાં થયો હતો વધારો દેશમાં નવેમ્બર મહિનામાં જીએસટી રેટ કટમાં પોઝિટિવ પ્રભાવ જોવા મળ્યો છે. નવેમ્બરેમાં ગ્રોસ જીએસટી કલેક્શન 0.7 ટકાથી વધીને 1.70 લાખ કરોડ રૂપિયા થઈ ગયું. નવેમ્બર 2024માં ગ્રોસ ગુડસ એન્ડ સર્વિસ ટેક્સ કલેક્શન 1.69 લાખ કરોડ રૂપિયા હતું. જો કે આ વર્ષે તેમાં વધારો થયો છે. નવેમ્બર મહિનામાં ગયા વર્ષની સરખામણીમાં ના માત્ર દેશના ઓવર ઓલ કલેક્શનમાં વધારો થયો હતો પણ દેશના મોટા રાજ્યોના પણ કલેક્શનમા વધારો થયો હતો. હરિયાણાનું કલેક્શન 17 ટકા, કેરળનું કલેક્શન 8 ટકા અને અસમનું કલેક્શન 18 ટકા વધ્યું હતું. આ સિવાય ગુજરાત, તમિલનાડુનું કલેકશન 1-2 ટકા વધ્યું હતું. આ પણ વાંચો: જયશંકરના હાથ મિલાવવાથી PAK ઉત્સાહિત,પોતાની જ પીઠ થપથપાવી

Read Full Story arrow_forward

calendar_today January 1, 2026

Cigarette price hike: મોંઘી થશે સિગારેટ! એક્સાઇઝ ડ્યુટીમાં વધારો, જાણો તમારા ખિસ્સા પર કેટલી થશે અસર

આ સમાચાર સિગારેટ પીનારાઓ અને પાન મસાલા ખાનારાઓ માટે મોટો ઝટકો સાબિત થઈ શકે છે. કેન્દ્ર સરકારે 1 ફેબ્રુઆરી 2026થી સિગારેટ પર એક્સાઇઝ ડ્યુટી લાદવાનો નિર્ણય લીધો છે. સરકારે બુધવારે એટલે કે 31 ડિસેમ્બર 2025ની રાત્રે આ સંદર્ભમાં એક સત્તાવાર આદેશ જારી કર્યો હતો. અગાઉ, ડિસેમ્બર 2025માં સરકારે સેન્ટ્રલ એક્સાઇઝ (સુધારા) બિલ, 2020ને મંજૂરી આપી હતી, જેણે તમાકુ ઉત્પાદનો પર કર વ્યવસ્થા કડક બનાવવાનો માર્ગ મોકળો કર્યો હતો. તમાકુ ઉત્પાદનો પર તગડો ટેક્સ નવી સિસ્ટમ હેઠળ, સિગારેટ પર એક્સાઇઝ ડ્યુટી તેની લંબાઈના આધારે નક્કી કરવામાં આવશે. આ ડ્યુટી 2,050 રૂપિયાથી 8,500 રૂપિયા પ્રતિ હજાર સ્ટીક સુધીની હશે. આનો અર્થ એ થયો કે સિગારેટ જેટલી લાંબી હશે, તેટલો ટેક્સ વધારે લાગશે. આ નિર્ણય પછી, સિગારેટના ભાવમાં વધારો નિશ્ચિત માનવામાં આવે છે, જેની સીધી અસર ગ્રાહકોના ખિસ્સા પર પડશે. સરકારનો ઉદ્દેશ્ય માત્ર આવક વધારવાનો જ નથી, પરંતુ તમાકુ ઉત્પાદનોના વ્યસનને અટકાવવાનો અને જાહેર આરોગ્ય અંગે કડક પગલાં લેવાનો પણ છે. સૂચના અનુસાર, તમાકુ અને પાન મસાલા પરના નવા કર (વસુલી) લાગુ GST દરો ઉપરાંત હશે. આ નવી જોગવાઈઓ હાલના GST વળતર ઉપકરનું સ્થાન લેશે, જે હાલમાં 'સિન પ્રોડક્ટ્સ' પર અલગ અલગ દરે વસૂલવામાં આવે છે. 1 ફેબ્રુઆરીથી, પાન મસાલા, સિગારેટ, તમાકુ અને અન્ય સંબંધિત ઉત્પાદનો પર GST હેઠળ 40 ટકા ટેક્સ લાગશે, જ્યારે બીડી પર 18 ટકા ટેક્સ લાગશે. સરકારે જાહેર કર્યું નોટિફિકેશન GST ઉપરાંત, પાન મસાલા પર હેલ્થ અને નેશનલ સિક્યુરિટી સેસ પણ લાગશે. નાણા મંત્રાલયની એક સૂચના મુજબ, તમાકુ અને તમાકુ સંબંધિત ઉત્પાદનો પર પણ વધારાની એક્સાઇઝ ડ્યુટી લાગશે. આ ફેરફારોથી તમાકુ ઉત્પાદનો પર એકંદરે ટેક્સનો બોજ વધવાની અપેક્ષા છે, જેના કારણે કિંમતો વધી શકે છે.

Read Full Story arrow_forward