Dahod: રોડના બાંધકામમાં હલકી ગુણવત્તાનું મટીરિયલનો ઉપયોગનો આક્ષેપ
સંજેલીથી સંતરામપુર તરફ્ જવાના RCC રોડના બાંધકામમાં હલકી ગુણવત્તાની માટી વાળી રેતીનો ઉપયોગ કરી તેમજ સિમેન્ટ અને લોખંડ તેમજ નિયમોને નેવે મૂકી રસ્તાની કામગીરી કરાઈ હોવાનો આક્ષેપ કરી સ્થાનિક નાગરિકે જિલ્લા બાંધકામ શાખાને લેખિત રજૂઆત કરી તપાસની માંગ કરી છે.સંજેલીથી સંતરામપુર તરફ્ જતા મુખ્ય માર્ગ પર વાસિયા ક્રોસિંગથી બનાવાઈ રહેલા RCC રોડના બાંધકામમાં ગંભીર બેદરકારી અને હલકી ગુણવત્તાનું કામ થઈ રહ્યું હોવાની ફરિયાદ ઉઠી છે. કોન્ટ્રાક્ટરની મીલી ભગત હોય તેમ માટી વાળી રેતીનો ઉપયોગ કરી હલકી ગુણવત્તાના લોખંડ સિમેન્ટ ગ્રેવલ નો નિયમોને નેવે મૂકી રસ્તાની કામગીરી શરૂ કરાઈ હોવાનો આક્ષેપ કરાયો છે. વર્ષોથી આ રસ્તો બિસમાર હાલતમાં હોવાથી તાજેતરમાં જ રસ્તો સરકાર દ્વારા મંજૂર કરાયો છે. જે રસ્તો તાત્કાલિક તોડી પાડી યોગ્ય મટીરીયલ અને ચોખ્ખી રેતીનો ઉપયોગ કરી નિયમ મુજબ રસ્તાની કામગીરી કરવાની માંગ સાથે કાર્યપાલક ઈજનેર પંચાયત માર્ગ અને મકાન વિભાગ સચિવ માર્ગ અને મકાન વિભાગ ગાંધીનગરને લેખિત રજૂઆત કરાઈ છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
