Panchmahal: પંચમહાલ જિલ્લા પોલીસ દ્વારા યોજાયેલી રાષ્ટ્રગીત સ્પર્ધામાં શહેરાની ધ્યાનવી પ્રથમ
શહેરા : પંચમહાલ જિલ્લા પોલીસ અધિક્ષક કચેરી દ્વારા ગણેશ ઉત્સવ અને વિસર્જનના ઉપલક્ષમાં તાલીમ ભવન ખાતે રાષ્ટ્રગીત સ્પર્ધા યોજાઈ હતી, સ્પર્ધામાં પ્રથમ ત્રણ વિજેતાને જિલ્લા પોલીસવડા દ્વારા ટ્રોફી અને પ્રમાણપત્ર આપી પ્રોત્સાહિત કરાયા હતા. જિલ્લા પોલીસ તાલીમ ભવન કેન્દ્ર ખાતે યોજાયેલી સ્પર્ધામાં સમગ્ર જિલ્લાની વિવિધ શાળાઓના વિદ્યાર્થીઓએ ઉત્સાહભેર ભાગ લઈને પોતાની દેશભક્તિની ભાવના વ્યક્ત કરી હતી. જેમાં શહેરાની શારદા મંદિર હાઇસ્કુલમાં ધોરણ 9ની વિદ્યાર્થીની ધ્યાનવી પિયુષકુમાર ભાટીયાએ પ્રથમ સ્થાન પ્રાપ્ત કરી શાળા તથા પરિવારનું નામ રોશન કર્યું હતું. સ્પર્ધાના અંતે જિલ્લા પોલીસવડા ડૉ. હરેશ દુધાત દ્વારા ધ્યાનવી ભાટીયા સહિત દ્વિતીય અને તૃતીય ક્રમ મેળવનાર વિજેતા વિદ્યાર્થીઓને ટ્રોફી અને પ્રશંસાપત્ર આપીને પ્રોત્સાહિત કરાયા હતા. નિર્ણાયક તરીકે ગોધરાના સંગીતજ્ઞાતા ગોપાલભાઈ પટેલે સેવા આપી હતી.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
