Community News & Updates

Stay informed with the latest happenings, achievements, and announcements from our community.

All News

calendar_today September 14, 2026

Kheda Rain Update: જિલ્લામાં મેઘરાજાની સાર્વત્રિક ધોધમાર બેટિંગ, નડિયાદમાં 2 કલાકમાં 2 ઇંચ વરસાદ

હવામાન ખાતાની તીવ્ર આગાહી વચ્ચે ખેડા જિલ્લામાં મેઘરાજાએ ધમાકેદાર બેટિંગ શરૂ કરી છે. દિવસભરના અસહ્ય ઉકળાટ અને અસહ્ય ગરમી બાદ બપોરે ત્રણ વાગ્યા પછી વાતાવરણમાં એકાએક પલ્ટો આવ્યો હતો. માતર, નડિયાદ, મહેમદાબાદ, મહુધા, કપડવંજ અને ઠાસરા સહિત સમગ્ર જિલ્લામાં સાર્વત્રિક વરસાદ નોંધાયો છે. લાંબા વિરામ બાદ શરૂ થયેલી આ મેઘમહેરથી જિલ્લાના ધરતીપુત્રોમાં ભારે ખુશીનો માહોલ જોવા મળી રહ્યો છે.નડિયાદમાં 2 કલાકમાં 2 ઇંચ વરસાદનડિયાદ શહેરમાં માત્ર 2 કલાકના ટૂંક સમયગાળામાં 2 ઇંચથી વધુ મુસળધાર વરસાદ વરસી પડ્યો હતો. ભારે વરસાદના કારણે શહેરના નીચાણવાળા વિસ્તારોમાં પાણી ભરાઈ ગયા હતા. ખાસ કરીને ખોડિયાર ગરનાળું, શ્રેયસ ગરનાળું, માઇમાતા ગરનાળું અને વૈશાલી ગરનાળામાં પાણી ભરાઈ જતાં વાહનવ્યવહાર સંપૂર્ણપણે ખોરવાયો હતો. ગરનાળાં બંધ થતાં નડિયાદ શહેર પૂર્વ અને પશ્ચિમ એમ બે ભાગમાં વહેંચાઈ ગયું હતું. તમામ વાહનોને બે ઓવરબ્રિજ તરફ ડાયવર્ટ કરવામાં આવતાં ભારે ટ્રાફિક જામના દ્રશ્યો સર્જાયા હતા.હાઇવે પર લો વિઝિબિલિટી, વાહનચાલકો હેડલાઇટ ચાલુ રાખવા મજબૂરમહેમદાબાદ અને તેની આસપાસના ગ્રામ્ય વિસ્તારોમાં સતત ત્રીજા દિવસે મુસળધાર વરસાદ વરસી રહ્યો છે. ખાસ કરીને ખાત્રજથી મહેમદાબાદ-અમદાવાદ રોડ પર ધોધમાર વરસાદના કારણે વિઝિબિલિટી અત્યંત ઘટી ગઈ હતી. હાઇવે પર સામેનું દ્રશ્ય પણ સ્પષ્ટ ન દેખાતાં વાહનચાલકોએ અકસ્માતથી બચવા માટે દિવસ દરમિયાન પણ વાહનોની હેડલાઇટ ચાલુ રાખી સાવચેતીપૂર્વક વાહનો હંકારવા પડ્યા હતા.ડાંગર, તમાકુ, કપાસ અને શાકભાજીના પાકને મળ્યું નવું જીવનદાનઆ વરસાદ ખેડા જિલ્લાના કૃષિ ક્ષેત્ર માટે વરદાનરૂપ સાબિત થયો છે. કપડવંજ, મહેમદાબાદ અને અન્ય પંથકોમાં વરસાદ પડતાં જમીનમાં જરૂરી ભેજ જળવાઈ રહેશે. ડાંગર, તમાકુ, શાકભાજી, મગફળી અને કપાસના ઊભા પાકને સુકાઈ જતાં પહેલાં જ મોટું જીવતદાન મળ્યું છે. સતત ગરમી બાદ પડેલા આ વરસાદથી સમગ્ર વાતાવરણમાં આહલાદક ઠંડક પ્રસરી ગઈ છે.ખેડા જિલ્લાના વિવિધ તાલુકાના વરસાદના આંકડાછેલ્લા કલાકો દરમિયાન ખેડા જિલ્લાના વિવિધ તાલુકાઓમાં નોંધાયેલો વરસાદનડિયાદ: 50 મીમીવસો: 34 મીમીકપડવંજ: 14 મીમીખેડા: 8 મીમીમાતર: 6 મીમીમહુધા: 5 મીમીમહેમદાબાદ: 4 મીમીકઠલાલ: 3 મીમીઠાસરા: 3 મીમીફાગવેલ: 2 મીમી આ પણ વાંચો: Kheda : મેઘરાજાની ધમાકેદાર એન્ટ્રી, નડિયાદમાં 2 કલાકમાં 2 ઇંચથી વધુ વરસાદ, ખેડૂતોમાં ખુશીનો માહોલ

Read Full Story arrow_forward

calendar_today September 14, 2026

ઓ બાપરે... દિશા સાલિયાન કેસમાં મોટી ઉલટફેર, FIRમાં દિગ્ગજ નેતાઓ સહિત અભિનેતાઓના નામ પણ સામેલ

સેન્ટ્રલ બ્યુરો ઓફ ઇન્વેસ્ટિગેશન (CBI) એ દિવંગત અભિનેતા સુશાંત સિંહ રાજપૂતના ભૂતપૂર્વ મેનેજર દિશા સાલિયનના મૃત્યુ અંગે FIR નોંધી છે. બોમ્બે હાઈકોર્ટના આદેશ બાદ CBIએ આ પગલું ભર્યું છે. નોંધપાત્ર વાત એ છે કે, આ FIRમાં ઉદ્ધવ ઠાકરે અને આદિત્ય ઠાકરે સહિત અનેક દિગ્ગજ હસ્તીઓના નામ સામેલ છે. કેન્દ્રીય એજન્સી હવે આ કેસની નવી તપાસ હાથ ધરશે, જે લગભગ છ વર્ષ જૂનો છે.2 સપ્ટેમ્બરના રોજ, જસ્ટિસ સારંગ કોટવાલ અને જસ્ટિસ રણજીતસિંહ રાજા ભોંસલેની બનેલી બોમ્બે હાઈકોર્ટની બેન્ચે દિશા સાલિયનના મૃત્યુની તપાસ CBIને સોંપવાનો આદેશ આપ્યો હતો. કોર્ટે CBIને આ મામલાની તપાસ માટે એક અનુભવી વરિષ્ઠ અધિકારીની નિમણૂક કરવાનો નિર્દેશ પણ આપ્યો હતો. દિશા સાલિયનનું મૃત્યુ એક બિલ્ડિંગની અગાશી પરથી પડી જવાથી શંકાસ્પદ સંજોગોમાં થયું હતું.8 જૂન, 2020ના રોજ દિશા સાલિયનનું મૃત્યુસુશાંત સિંહ રાજપૂતના ભૂતપૂર્વ મેનેજર દિશા સાલિયનનું 8 જૂન, 2020ના રોજ મુંબઈના મલાડ વિસ્તારમાં આવેલી એક રહેણાંક ઈમારતના 12મા માળેથી પડી જવાથી મૃત્યુ થયું હતું. તેના માત્ર એક અઠવાડિયા પછી, 14 જૂન, 2020ના રોજ સુશાંત સિંહ રાજપૂત તેમના એપાર્ટમેન્ટમાં મૃત હાલતમાં મળી આવ્યા હતા, જેના કારણે બંને મૃત્યુ વચ્ચે સંભવિત જોડાણ હોવાની અટકળો શરૂ થઈ હતી.સુશાંત સિંહ રાજપૂતના મૃત્યુ બાદ થયેલા હોબાળા વચ્ચે, મહારાષ્ટ્ર સરકારે આ મામલે CBI તપાસનો આદેશ આપ્યો હતો. બાદમાં એજન્સીએ 'ક્લોઝર રિપોર્ટ' (કેસ બંધ કરવાનો અહેવાલ) દાખલ કર્યો હતો અને મૃત્યુને આત્મહત્યા ગણાવી હતી. મુંબઈ પોલીસે દિશા સાલિયનના કેસમાં તેને આકસ્મિક મૃત્યુ ગણાવીને 'એક્સિડેન્ટલ ડેથ રિપોર્ટ' (ADR) નોંધ્યો હતો. આ અભિગમ પર સવાલ ઉઠાવતા હાઈકોર્ટે તપાસ CBIને સોંપવાનો નિર્દેશ આપ્યો હતો.FIR ન નોંધવા બદલ મુંબઈ પોલીસની ઝાટકણીકોર્ટે તપાસમાં બેદરકારી બદલ મુંબઈ પોલીસની ઝાટકણી પણ કાઢી હતી. કોર્ટે FIR નોંધ્યા વિના છ વર્ષ સુધી આ કેસને માત્ર આકસ્મિક મૃત્યુ તરીકે ગણવા બદલ પોલીસની ટીકા કરી હતી અને તપાસમાં "સ્પષ્ટ વિસંગતતાઓ" હોવાનું ધ્યાન દોર્યું હતું. દિશા સાલિયન કેસમાં FIR નોંધાયા બાદ, CBI હવે ઘટનાક્રમની સંપૂર્ણ તપાસ ફરીથી કરશે. સાલિયનના પિતાએ હાઈકોર્ટમાં અરજી દાખલ કરીને આરોપ મૂક્યો હતો કે તેમની પુત્રી પર બળાત્કાર ગુજારવામાં આવ્યો હતો અને તેની હત્યા કરવામાં આવી હતી; તેમણે આ મામલે CBI તપાસની માંગણી કરી હતી. તેમણે શિવસેના (UBT)ના નેતા આદિત્ય ઠાકરે વિરુદ્ધ FIR નોંધવાની પણ માંગ કરી હતી.CBIની FIRમાં કયા વ્યક્તિઓના નામનો ઉલ્લેખ છે?CBI દ્વારા દાખલ કરવામાં આવેલી FIRમાં સામેલ નામો આ મુજબ છે: શિવસેના (UBT)ના વડા ઉદ્ધવ ઠાકરે, તેમના પુત્ર આદિત્ય ઠાકરે, રોહન રાય, ડીનો મોરિયા, સૂરજ પંચોલી, આદિત્ય ઠાકરેના અંગત સુરક્ષાકર્મી (બોડીગાર્ડ), રિયા ચક્રવર્તી, શોવિક ચક્રવર્તી, સચિન વાઝે, પરમબીર સિંહ, ડીસીપી વિશાલ ઠાકુર, અનિલ દેશમુખ, એપીઆઈ અશોક દેવધે અને પીઆઈ જગદેવ કલાપડ વગેરે.આ ઉપરાંત, આ યાદીમાં માલવણી પોલીસ સ્ટેશનના સંબંધિત અધિકારીઓ, પોસ્ટમોર્ટમમાં વિલંબ માટે જવાબદાર ડોક્ટરો અને સ્ટાફ, રીજન્ટ ગેલેક્સી બિલ્ડિંગના સુરક્ષા રક્ષક અને SITના વરિષ્ઠ સભ્યો (જેમાં સામેલ તમામ વરિષ્ઠ પોલીસ અધિકારીઓનો સમાવેશ થાય છે)નો પણ સમાવેશ થાય છે. આ તમામ લોકો પર કેસને દબાવવાનો પ્રયાસ કરવાનો અને સત્તાવાર રેકોર્ડ્સ સાથે છેડછાડ કરવાનો આરોપ છે.આ પણ વાંચો: લો બોલો... નફ્ફટ પાકિસ્તાનનો નવો પેંતરો! મસૂદ અઝહર પર હવે રાખ્યું 70 લાખનું ઈનામ

Read Full Story arrow_forward

calendar_today September 14, 2026

Gujarat Latest News Live: અમદાવાદમાં રસ્તા બન્યા નદી, એકલવ્ય સ્કૂલની બસ પાણીમાં ફસાઈ

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 14 સપ્ટેમ્બર ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો

Read Full Story arrow_forward