Community News & Updates

Stay informed with the latest happenings, achievements, and announcements from our community.

All News

calendar_today September 14, 2026

Ahmedabad : મેઘરાજાની તોફાની બેટિંગ, વાહનચાલકો અટવાયા

શહેરમાં ભારે વરસાદને કારણે સમગ્ર શહેર થંભી ગયું હતું માત્ર બે કલાકમાં જ તૂટી પડેલા ધોધમાર વરસાદથી નીચાણવાળા વિસ્તારો અને મુખ્ય માર્ગો પર પાણી ભરાઈ ગયા હતા. રસ્તાઓ નદીમાં ફેરવાઈ જતાં વહેલી સવારથી જ ટ્રાફ્કિ જામના દ્રશ્યો સર્જાયા હતા.પાણી ભરાવાને કારણે અનેક કાર, બાઇક અને ઓટોરિક્ષા જેવા વાહનોના એન્જિનમાં પાણી ઘૂસી જતાં વાહનો બંધ પડી ગયા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 14, 2026

Porbandar : માણેકચોકમાં અનોખું મંદિરઃ 100 વર્ષથી ત્રીજા માળે બિરાજતા ગણપતિ

પોરબંદર શહેરમાં આવેલા માણેકચોક વિસ્તારમાં એક અત્યંત અનોખું અને ઐતિહાસિક ગણેશ મંદિર આવેલું છે. સામાન્ય રીતે મંદિરો ભોંયતળિયે અથવા પહેલા માળે હોય છે, પરંતુ અહીં વિઘ્નહર્તા ગણેશજી છેક ત્રીજા માળે રવેશમાં (ગેલેરીમાં) બિરાજમાન છે. સૌથી વિશેષ વાત એ છે કે, ભક્તોને દાદાના દર્શન કરવા માટે નીચે આવેલી એક દુકાનમાંથી પસાર થઈને જવું પડે છે. ગણેશ ચતુર્થીના પાવન પર્વે આ ઐતિહાસિક મંદિરે દર્શનાર્થીઓ ઉમટયા હતા. આ અનોખી જગ્યાએ ગણેશજીની સ્થાપના પાછળ એક રસપ્રદ ઇતિહાસ છે. એક સદીથી પણ વધુ સમય પહેલાં એટલે કે વર્ષ 1911માં ભાટિયા જ્ઞાતિના માણેકબાઈ નામની મહિલાએ કીર્તિમંદિર પાસે આવેલી પુષ્ટિમાર્ગીય શ્રીનાથજીની હવેલીમાં એક 'લોટી' ઉત્સવનું આયોજન કર્યું હતું. તે સમયે હાલ જ્યાં ગાંધીજીની પ્રતિમા છે તે આખા ચોકને જ મંડપનું સ્વરૂપ આપવામાં આવ્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 14, 2026

Junagadh : ભાઈઓમાં ભૂદેવે 14 લાડુ, બહેનોમાં 15 વર્ષીય બાળાએ 9 લાડુ આરોગ્યા

ગણેશ ચતુર્થીના પાવન પર્વ નિમિત્તે કેશોદમાં ભારત વિકાસ પરિષદ દ્વારા બરસાના વિસ્તારમાં આવેલા ગણેશ મંદિરે એક રસપ્રદ મોદક (લાડુ) ખાવાની સ્પર્ધાનું આયોજન કરવામાં આવ્યું હતું.ધાર્મિક ઉત્સવની સાથે લોકોના મનોરંજન માટે યોજાયેલી આ મોદક સ્પર્ધામાં વિવિધ ઉંમરના આશરે 60 જેટલા ભાઈ-બહેનો તથા બાળકોએ ભારે ઉત્સાહભેર ભાગ લીધો હતો.મોદક (લાડુ) ખાવાની આ સ્પર્ધામાં ભાઈઓ અને બહેનો માટે અલગ-અલગ બે વિભાગ રાખવામાં આવ્યા હતા. સ્પર્ધકો માટે 100 ગ્રામ વજનના લાડુ સાથે દાળની વ્યવસ્થા ગોઠવવામાં આવી હતી. સ્પર્ધાના પરિણામોમાં ભાઈઓના વિભાગમાં રસિકભાઈ પંડયાએ સૌથી વધુ 14 લાડુ આરોગીને પ્રથમ સ્થાન પ્રાપ્ત કર્યું હતું. જ્યારે બહેનોના વિભાગમાં 15 વર્ષની બાળા નેવ્યા સેંગરે 9 લાડુ ખાઈને આ સ્પર્ધામાં મેદાન માર્યું હતું અને પ્રથમ ક્રમાંક મેળવ્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward