Ahmedabad : અંજલી બ્રિજ પર રોંગ સાઈડમાં આવતી ટ્રકે બાઈકને ટક્કર મારી, યુવકનું મોત
શહેરના અંજલી બ્રિજ પર વહેલી સવારે બ્રિજ પર રોંગ સાઈડમાં પૂરપાટ ઝડપે ધસી આવેલી એક ટ્રકે બાઈકને જોરદાર ટક્કર મારતા 23 વર્ષીય યુવકનું ઘટનાસ્થળે જં મોત નીપજ્યું હતું, જ્યારે તેનો મિત્ર ગંભીર રીતે ઘાયલ થયો હતો. આ અંગે એન ડિવિઝન ટ્રાફ્કિ પોલીસે ટ્રકચાલકની ધરપકડ કરી કાયદેસરની કાર્યવાહી હાથ ધરી છે. બનાવની વિગત મુજબ, 23 વર્ષીય મિલન વાઘેલા પોતાના મિત્ર કુલદીપ સાથે બાઈક પર સવાર થઈને પસાર થઈ રહ્યો હતો. તે દરમિયાન અંજલી બ્રિજ પર સામેથી રોંગ સાઈડમાં આવી રહેલી બેકાબૂ ટ્રકે તેમના બાઈકને અડફેટે લીધું હતું. અકસ્માત એટલો ભયાનક હતો કે મિલન વાઘેલાનું સ્થળ પર જ મોત નીપજ્યું હતું, જ્યારે પાછળ બેઠેલા તેના મિત્ર કુલદીપને ગંભીર ઈજાઓ પહોંચતા તાત્કાલિક હોસ્પિટલ ખસેડવામાં આવ્યો હતો. ઘટનાની જાણ થતાં જ એન ડિવિઝન ટ્રાફ્કિ પોલીસ મથકનો કાફ્લો તુરંત સ્થળ પર દોડી ગયો હતો. પોલીસે મૃતદેહને પોસ્ટમોર્ટમ અર્થે મોકલી આપી અકસ્માત સર્જીને નાસી છૂટવાનો પ્રયાસ કરતા ટ્રકચાલકને સ્થળ પરથી જ ઝડપી લીધો હતો. પોલીસે ચાલક સામે ગફ્લતભરી અને જોખમી રીતે વાહન હંકારી માનવવધ કરવા અંગેનો ગુનો નોંધી વધુ તપાસ હાથ ધરી છે. મહત્ત્વનું છે કે શહેરમાં છેલ્લા કેટલાય સમયથી ભારે વાહનો, ટ્રકો, ડમ્પરો બેફામ રીતે દોડી રહ્યા છે. છતાં ટ્રાફિક પોલીસ, આરટીઓ તંત્ર નિંદ્રાધીન અવસ્થામાં હજુ પણ દેખાય રહ્યું છે. આવા બનાવ ટાળવા નક્કર કાર્યવાહી જરૂરી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
