Community News & Updates

Stay informed with the latest happenings, achievements, and announcements from our community.

All News

calendar_today September 16, 2026

Ahmedabad SVP હોસ્પિટલમાં ગંદકીના ગંભીર દ્રશ્યો સામે આવતાં તંત્ર લાલઘૂમ, સફાઈ એજન્સીને નોટિસ ફટકારી ખુલાસો મંગાયો!

અમદાવાદની પ્રખ્યાત SVP (સરદાર વલ્લભભાઈ પટેલ) હોસ્પિટલમાં સફાઈ વ્યવસ્થા સામે ગંભીર સવાલો ઊભા થયા છે. હોસ્પિટલના ચેરમેન અને કમિટીના સભ્યો દ્વારા કરવામાં આવેલા સરપ્રાઈઝ રાઉન્ડ અને નિરીક્ષણ દરમિયાન હોસ્પિટલ પરિસરમાં ઠેર-ઠેર ગંદકી જોવા મળી હતી. હોસ્પિટલમાં સફાઈની કથળેલી સ્થિતિને પગલે તંત્ર દ્વારા ગંભીર નોંધ લેવામાં આવી છે અને સફાઈ કોન્ટ્રાક્ટ ધરાવતી એજન્સીને કારણદર્શક નોટિસ ફટકારીને કડક કાર્યવાહી માટે ખુલાસો માંગવાનો નિર્ણય લેવાયો છે.ફરિયાદ નિવારણ માટે હવે સ્કેન કરો QR કોડદર્દીઓ અને તેમના સગાં-સંબંધિઓને પડતી મુશ્કેલીઓને ધ્યાનમાં રાખીને હોસ્પિટલ પ્રશાસન દ્વારા એક નવો ડિજિટલ અભિગમ અપનાવવામાં આવ્યો છે. હોસ્પિટલમાં સફાઈ કે અન્ય આરોગ્ય સંબંધિત સેવાઓ અંગેની ફરિયાદો માટે ખાસ QR કોડ મુકવામાં આવ્યા છે. હોસ્પિટલમાં આવનાર કોઈપણ નાગરિક હવે પોતાના મોબાઈલથી આ QR કોડ સ્કેન કરીને સફાઈ કે સુવિધાઓ અંગે સીધી રીતે પોતાની ફરિયાદ નોંધાવી શકશે.ફોટો પુરાવા વિના ફરિયાદનો આખરી નિકાલ નહીં થાયનવી વ્યવસ્થાને વધુ પારદર્શક અને પરિણામલક્ષી બનાવવા માટે હોસ્પિટલ તંત્ર દ્વારા કડક સૂચના આપવામાં આવી છે. જે મુજબ, નોંધાયેલી ફરિયાદના સ્થળ પર સફાઈ કે સુધારાત્મક કામગીરી પૂર્ણ થઈ ગઈ છે તે અંગેના ફોટોગ્રાફ્સ અપલોડ ન થાય ત્યાં સુધી સિસ્ટમમાં તે ફરિયાદનો આખરી નિકાલ (Resolved) ગણવામાં આવશે નહીં. આ આકરા નિયમથી સફાઈ એજન્સીઓ પર કડક મોનિટરિંગ રાખી શકાશે.આ પણ વાંચો : Bharuchના વાલીયામાં દર્દનાક દુર્ઘટના, મોદલીયા ગામમાં ખુલ્લી ગટરની કુંડીમાં પડી જતાં 4 વર્ષીય બાળકીનું મોત

Read Full Story arrow_forward

calendar_today September 16, 2026

Ambaji Bhadarvi Poonam Mela 2026: ભાદરવી પૂનમ મહામેળાને લઈને અંબાજી તંત્ર સજ્જ, ભક્તોને ખાસ અપીલ

પ્રસિદ્ધ યાત્રાધામ અંબાજી ખાતે આગામી 20 થી 26 સપ્ટેમ્બર દરમિયાન ભાદરવી પૂનમના ભવ્ય મહામેળાનું આયોજન કરવામાં આવ્યું છે. લાખો માઈભક્તોની અતૂટ આસ્થા સાથે જોડાયેલા આ મહામેળાને સફળ અને સુરક્ષિત રીતે સંપન્ન કરવા માટે વહીવટી અને પોલીસ તંત્ર પૂરજોશમાં તૈયારીઓમાં લાગી ગયું છે. આ અંગે આજે બનાસકાંઠા જિલ્લા કલેક્ટર અને જિલ્લા પોલીસ વડા દ્વારા સંયુક્ત પ્રેસ કોન્ફરન્સ યોજવામાં આવી હતી, જેમાં મેળાની વ્યવસ્થા, સુરક્ષા અને યાત્રાળુઓની સુવિધાઓ અંગે મહત્વપૂર્ણ માહિતી આપવામાં આવી હતી.માઈભક્તો માટે તંત્રની ખાસ અપીલમેળા દરમિયાન લાખોની સંખ્યામાં પદયાત્રીઓ અંબાજી પહોંચતા હોય છે. વિશાળ જનમેદની અને મંદિર પરિસરમાં ભીડ નિયંત્રણને ધ્યાનમાં રાખીને વહીવટી તંત્ર દ્વારા પદયાત્રીઓ અને સંઘોને ખાસ અપીલ કરવામાં આવી છે. માઈભક્તોને મંદિર પરિસરમાં વ્યવસ્થા જળવાઈ રહે તે માટે 5 મીટર થી નાની લંબાઈની ધજા સાથે જ અંબાજી આવવા અનુરોધ કરાયો છે. આ ઉપરાંત, પદયાત્રીઓના માર્ગો પર આવતા વિવિધ સેવા કેમ્પોમાં પણ શ્રદ્ધાળુઓ માટે પૂરતી સુવિધાઓ અને સુરક્ષા ઉપલબ્ધ કરાવાશે.ચુસ્ત પોલીસ બંદોબસ્ત અને હાઇ-ટેક સર્વેલન્સમેળામાં સુરક્ષા વ્યવસ્થાને લઈને પોલીસ તંત્ર સંપૂર્ણપણે એલર્ટ મોડ પર છે. જિલ્લા પોલીસ વડા પ્રશાંત સુંબેએ જણાવ્યું હતું કે, સમગ્ર મેળો ચુસ્ત પોલીસ બંદોબસ્ત હેઠળ યોજાશે. મહિલા યાત્રિકોની સુરક્ષા માટે વિશેષ SHE Teams સતત કાર્યરત રહેશે. અંબાજી ધામ અને સમગ્ર મેળાના વિસ્તારને સીસીટીવી (CCTV) નેટવર્કથી સજ્જ કરી 24 કલાક ઝીણવટભર્યું સર્વેલન્સ રાખવામાં આવશે.જિલ્લા પોલીસ વડા પ્રશાંત સુંબેએ વધુમાં જણાવ્યું હતું કે, અસામાજિક તત્વો અને ખિસ્સાકાતરુઓ પર બાજ નજર રાખવા માટે એન્ટી-પીકપોકેટિંગ સ્ક્વોડ, QRT, SOG અને LCB ની ટીમો પણ તૈનાત કરવામાં આવશે. માઈભક્તોને કોઈપણ પ્રકારની અગવડ ન પડે અને તેઓ સુરક્ષિત રીતે મા અંબાના દર્શન કરી ધન્યતા અનુભવી શકે તે માટે તંત્ર દ્વારા વ્યાપક અને સઘન આયોજન કરવામાં આવ્યું છે.આ પણ વાંચો: Palanpur : અંબાજી ખાતે ભાદરવી પૂનમનો મહામેળો, માર્ગો પર 200થી વધુ સેવા કેમ્પ ધમધમશે

Read Full Story arrow_forward

calendar_today September 16, 2026

Gir Somnath: આલીદ્રાની સોમનાથ એકેડમીની માન્યતા રદ; ધો. 9 થી 12 ના વિદ્યાર્થીઓ અન્ય શાળામાં શિફ્ટ કરાશે

ગીર સોમનાથ જિલ્લાના સુત્રાપાડા તાલુકાના આલીદ્રા ગામે આવેલી સોમનાથ એકેડમી સ્કૂલ સામે શિક્ષણ બોર્ડ દ્વારા મોટી અને કડક કાર્યવાહી કરવામાં આવી છે. બોર્ડની તપાસ બાદ આલીદ્રાની સોમનાથ એકેડમી સ્કૂલની માન્યતા રદ કરવાનો સત્તાવાર હુકમ કરવામાં આવ્યો છે.ગીર સોમનાથમાં શિક્ષણ બોર્ડની મોટી કાર્યવાહીઆ કેસમાં ગત 11 સપ્ટેમ્બરના રોજ બોર્ડની વિશેષ કમિટી સમક્ષ ઓનલાઇન હિયરિંગ (સુનાવણી) યોજાઈ હતી. જેમાં બોર્ડની કમિટીએ બંને પક્ષોને સાંભળ્યા બાદ શાળાની માન્યતા રદ કરવાનો નિર્ણય લીધો હતો. બોર્ડના આ આદેશ બાદ સ્થાનિક શિક્ષણ કચેરી દ્વારા શાળા સંચાલકોને હુકમની બજવણી કરી દેવામાં આવી છે.સોમનાથ એકેડમી સ્કૂલમાં ધોરણ ૯થી ૧૨ સુધીના વર્ગો ચાલતા હતા. માન્યતા રદ થવાને કારણે શાળા બંધ થવાના આરે પહોંચી છે, જેનાથી વિદ્યાર્થીઓ અને વાલીઓમાં ચિંતાનું મોજું ફરી વળ્યું હતું.આલીદ્રાની ‘સોમનાથ એકેડમી સ્કૂલ’ની માન્યતા કરાઈ રદજોકે, શિક્ષણ વિભાગ અને સ્થાનિક કચેરી દ્વારા સ્પષ્ટતા કરવામાં આવી છે કે કોઈ પણ બાળકનું શિક્ષણ કાર્ય અટકશે નહીં. શાળા બંધ થવાની સ્થિતિમાં તમામ વિદ્યાર્થીઓને નજીકની અન્ય સરકારી કે ગ્રાન્ટેડ શાળાઓમાં સરળતાથી પ્રવેશ મળી રહે તે માટે સ્થાનિક કચેરી દ્વારા જરૂરી સૂચનાઓ અને આદેશો જારી કરવામાં આવ્યા છે.આ પણ વાંચો: Ahmedabad: શારદાબેન હોસ્પિટલની જૂની બિલ્ડિંગ જર્જરિત; હોસ્પિટલ અન્ય બિલ્ડિંગમાં શિફ્ટ કરાશે

Read Full Story arrow_forward