Community News & Updates

Stay informed with the latest happenings, achievements, and announcements from our community.

All News

calendar_today September 16, 2026

Surat News: ડિંડોલીમાં પોલીસના સપાટામાં જુગારધામ, દીપકનગર સોસાયટીમાંથી 7 જુગારીઓ રંગે હાથે ઝડપાયા

સુરત શહેરમાં અસામાજિક પ્રવૃત્તિઓ અને જુગારના અડ્ડાઓ સામે પોલીસે લાલ આંખ કરી છે. સુરતની ડિંડોલી પોલીસ દ્વારા બાતમીના આધારે એક મોટી કાર્યવાહી કરવામાં આવી છે. ડિંડોલી વિસ્તારમાં આવેલા દીપકનગર સોસાયટીમાં લાંબા સમયથી ચાલતા જુગારધામ પર પોલીસે અચાનક દરોડો પાડતા જુગારીઓમાં ભારે ફફડાટ ફેલાઈ ગયો હતો.સોસાયટીની અંદર ધમધમતું હતું જુગારધામપોલીસ સૂત્રો દ્વારા મળતી માહિતી મુજબ, ડિંડોલીની દીપકનગર સોસાયટીમાં કેટલાક શખ્સો દ્વારા ગુપ્ત રીતે જુગાર રમાડવામાં આવી રહ્યો હોવાની બાતમી મળી હતી. આ બાતમીના આધારે પોલીસે ચોક્કસ આયોજન કરીને સોસાયટીના મકાનમાં દરોડો પાડ્યો હતો. પોલીસને અચાનક સામે જોઈને જુગારીઓમાં ભાગદોડ મચી ગઈ હતી, પરંતુ પોલીસની સઘન ટીમે તમામ તરફથી ઘેરાબંધી કરીને ઇસમોને ઝડપી લીધા હતા.7 જુગારીઓની ધરપકડ અને મુદ્દામાલ જપ્તઆ દરોડા દરમિયાન પોલીસે સ્થળ પરથી જુગાર રમી રહેલા કુલ 7 જુગારીઓની ધરપકડ કરી છે. પોલીસ તપાસમાં જુગારના પટમાંથી રોકડ રકમ સહિત કુલ 15,000 થી વધુની મુદ્દામાલ કબ્જે કરવામાં આવી છે. પોલીસ દ્વારા પકડાયેલા તમામ આરોપીઓ સામે જુગાર ધારા હેઠળ કાયદેસરની સખત કાર્યવાહી હાથ ધરવામાં આવી છે.વધુ પૂછપરછ અને તપાસ જાહેરડિંડોલી પોલીસે તમામ 7 આરોપીઓની અટકાયત કરી લીધા બાદ આ જુગારધામનો મુખ્ય સંચાલક કોણ હતો અને આ રેકેટ કેટલા સમયથી ચાલતું હતું તે અંગે વધુ સઘન તપાસ શરૂ કરી છે. સ્થાનિક સ્તરે પોલીસની આ સરાહનીય કામગીરીથી બુકીઓ અને અસામાજિક તત્વોમાં ભારે ભયનો માહોલ જોવા મળી રહ્યો છે.આ પણ વાંચો: Surat : રાજ્યસભા સાંસદ ગોવિંદ ધોળકિયાના ડીપફેક વીડિયોથી સાયબર ઠગાઈ કરનારા 2 આરોપી ઝડપાયા

Read Full Story arrow_forward

calendar_today September 16, 2026

Morbi: શેરબજારના નામે 86.25 લાખ ચાઉં કરનાર 3 ઠગ ગણતરીના દિવસોમાં ઝડપાયા, 61 લાખ જપ્ત

શેરબજારમાં રોકાણ કરી ટૂંક સમયમાં મોટો નફો કમાઈ આપવાની લાલચ આપીને નાગરિકોને શિકાર બનાવતી સાયબર ગેંગ સામે મોરબી સાયબર પોલીસે મોટી સફળતા મેળવી છે. મોરબીના એક વેપારી સાથે સ્ટોક માર્કેટમાં રોકાણના નામે રૂ. 86.25 લાખની વિશ્વાસઘાત અને છેતરપિંડી આચરનાર ત્રણ ચાલાક આરોપીઓને પોલીસે ગણતરીના દિવસોમાં જ દબોચી લીધા છે.મોરબીના વેપારી સાથે 86.25 લાખની છેતરપિંડીપોલીસ તપાસમાં ખુલાસો થયો છે કે આ આરોપીઓ મુખ્યત્વે લોકોને અને યુવાનોને ફોન કરીને શેરબજારની વિવિધ લોભામણી સ્કીમો સમજાવતા હતા. સ્ટોક માર્કેટમાં રોકાણ કરવાથી ટૂંકા સમયમાં અનેકગણો ફાયદો થશે તેવી ખાતરી આપીને તેઓ વેપારીઓ પાસે અલગ-અલગ બેંક ખાતાઓમાં લાખો રૂપિયા ટ્રાન્સફર કરાવી લેતા હતા.વેપારીએ સાયબર ફ્રોડ અંગે મોરબી સાયબર પોલીસ સ્ટેશનમાં ફરિયાદ નોંધાવતા જ પોલીસે ટેકનિકલ સર્વેલન્સ અને બેંક એકાઉન્ટ ડિટેલ્સના આધારે તપાસ તેજ કરી હતી. સાયબર પોલીસે સઘન કાર્યવાહી કરીને ગુનામાં સંમેલિત આરોપી નિતીન રબારી, ભલાભાઇ રબારી અને કશ્યપજી ઉર્ફે ચકો ઠાકોરની ધરપકડ કરી લીધી છે.આરોપીઓ પાસેથી 61 લાખની રકમ કબ્જે કરી લીધીપોલીસે ત્વરિત કાર્યવાહી કરીને આરોપીઓ પાસેથી 61 લાખ જેટલી મોટી રકમ પણ કબ્જે કરી લીધી છે. આ સાયબર ગેંગે અન્ય કોઈ લોકો સાથે આ પ્રકારે છેતરપિંડી કરી છે કે કેમ અને તેમની સાથે અન્ય કોઈ મોટા આકાઓ જોડાયેલા છે કે નહીં, તે અંગે મોરબી સાયબર પોલીસે આરોપીઓના રિમાન્ડ મેળવી આગળની સઘન પૂછપરછ હાથ ધરી છે.આ પણ વાંચો: Una: ઉમેદપરા પાસે રૂપેણ નદીના પુલ પરથી માછલી ભરેલો આયશર ટ્રક 15 ફૂટ નીચે ખાબક્યો! અકસ્માતમાં 1 વ્યક્તિનું કરુણ મોત

Read Full Story arrow_forward

calendar_today September 16, 2026

Rajkot: યુવતીની છેડતીની અદાવતમાં પરપ્રાંતીયો વચ્ચે ખેલાયો ખૂની ખેલ; ઓડિશાના યુવક દુખીશ્યામની હત્યા

રાજકોટ શહેરમાં પરપ્રાંતીય શ્રમિકો વચ્ચે જૂની અદાવત અને યુવતીની છેડતી બાબતે એક સનસનાટીભરી હત્યાની ઘટના સામે આવી છે. ઓડિશાના વતની અને રાજકોટમાં છૂટક મજૂરી કામ કરતા દુખીશ્યામ નામના યુવકની યુવતીની છેડતીના મુદ્દે ઝઘડો થતાં ત્રણેય ભાઈઓએ ક્રૂરતાપૂર્વક હત્યા નીપજાવી છે.રાજકોટમાં યુવતીની છેડતી બાબતે ખેલાયો ખૂની ખેલપોલીસ તપાસમાં સામે આવેલી વિગત મુજબ, મૃતક દુખીશ્યામ અને આરોપીઓ છેલ્લા ઘણા સમયથી સાથે રહીને છૂટક મજૂરી કામ કરતા હતા. દરમિયાન મૃતક દુખીશ્યામે આરોપીઓની બહેનનો હાથ પકડી છેડતી કરી હતી. આ બાબતે ઉશ્કેરાયેલા યુવતીના ત્રણ ભાઈઓ પિંજુ ભૂરીયા, રાજેશ ભૂરીયા અને અજીત ભૂરીયાએ દુખીશ્યામને આંતરીને ઢીકા-પાટુ તથા લાકડાના ધોકા વડે ગંભીર માર માર્યો હતો. ત્યારબાદ ફેન્સિંગ વાયર વડે તેનું ગળું દબાવીને સ્થળ પર જ મોતને ઘાટ ઉતારી દીધો હતો.ઘટનાની જાણ થતાં જ રાજકોટ પોલીસનો ઉચ્ચ પોલીસ કાફલો ઘટનાસ્થળે દોડી ગયો હતો.ઓડિશાના યુવક દુખીશ્યામની હત્યા પોલીસે મૃતદેહને પંચનામું કરી પોસ્ટમોર્ટમ અર્થે હોસ્પિટલ ખસેડ્યો હતો.પોલીસે ગણતરીના કલાકોમાં જ ગુનાનો ભેદ ઉકેલીને હત્યા આચરનાર ત્રણેય ભાઈઓ પિંજુ ભૂરીયા, રાજેશ ભૂરીયા અને અજીત ભૂરીયાની અટકાયત કરી લીધી છે. રાજકોટ પોલીસે આરોપીઓ સામે હત્યા સહિતની ગંભીર કલમો હેઠળ ગુનો નોંધી આગળની કાનૂની કાર્યવાહી અને સઘન પૂછપરછ હાથ ધરી છે.આ પણ વાંચો: Morbi: શેરબજારના નામે 86.25 લાખ ચાઉં કરનાર 3 ઠગ ગણતરીના દિવસોમાં ઝડપાયા, 61 લાખ જપ્ત

Read Full Story arrow_forward