Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 17 સપ્ટેમ્બર ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
વડાપ્રધાન નરેન્દ્ર મોદીના જન્મદિન અને ભગવાન વિશ્વકર્મા પૂજનના પવિત્ર અવસરે તેમની જન્મભૂમિ વડનગરના ઐતિહાસિક શર્મિષ્ઠા તળાવ ખાતેથી એક માસ સુધી ચાલનારી ‘સેવા યાત્રા’નો પ્રારંભ કરવામાં આવ્યો છે. આ પ્રસંગે કેન્દ્રીય ગૃહમંત્રી અમિત શાહ, ગુજરાતના મુખ્યમંત્રી ભૂપેન્દ્ર પટેલ, મહારાષ્ટ્રના મુખ્યમંત્રી એકનાથ શિંદે અને ગૃહ રાજ્યમંત્રી હર્ષ સંઘવી ખાસ ઉપસ્થિત રહ્યા હતા. કાર્યક્રમ દરમિયાન ભાજપ પ્રદેશ પ્રમુખ જગદીશ વિશ્વકર્માએ પીએમ મોદીના દીર્ઘાયુની કામના સાથે તેમના જાહેર સેવાના ૨૫ વર્ષ પૂર્ણ થવા બદલ અભિનંદન પાઠવ્યા હતા. જન્મભૂમિથી કર્મભૂમિ સુધી યોજાનારી આ યાત્રા અંતર્ગત આગામી એક મહિના સુધી ગરીબ, કિસાન અને યુવા કલ્યાણને કેન્દ્રમાં રાખીને વિવિધ સેવાકીય પ્રવૃત્તિઓ હાથ ધરવામાં આવશે.મહારાષ્ટ્રના DyCM એકનાથ શિંદેનું નિવેદનવડનગરની પવિત્ર ભૂમિ પરથી સંબોધન કરતાં મહારાષ્ટ્રના ડીવાયસીએમ એકનાથ શિંદેએ પોતાના વક્તવ્યની શરૂઆત ગુજરાતી ભાષામાં કરી હતી. તેમણે જણાવ્યું હતું કે વડનગરના સપૂત નરેન્દ્ર મોદી આજે સમગ્ર દેશના લાડલા નેતા બની ગયા છે, અને તેમની ઉંમર જોવાને બદલે તેમણે દેશ માટે કરેલી કામગીરી જોવી જોઈએ જેનું કદ હિમાલય જેવડું છે. વર્ષ ૨૦૧૪ પછી ગરીબોને રોટી, કપડાં અને મકાન પૂરાં પાડી તેમના જીવન બદલવાનું કાર્ય થયું છે. યોજનાઓ કાગળ પરથી નીકળીને સીધી લાભાર્થી સુધી પહોંચે તે જ સાચી સેવા છે અને કેન્દ્ર સરકારની દરેક યોજના ગરીબો માટે આશીર્વાદ સમાન સાબિત થઈ છે. તેમણે ઉમેર્યું હતું કે વડાપ્રધાનની વૈશ્વિક સ્વીકૃતિના પરિણામે જ વિશ્વના 36 દેશોએ તેમને પોતપોતાના સર્વોચ્ચ સન્માનથી નવાજ્યા છે.G20નું સફળ આયોજન અને વેક્સિન મૈત્રી દ્વારા ભારતની વૈશ્વિક છબી થઈ મજબૂતવડાપ્રધાન નરેન્દ્ર મોદીના સાર્વજનિક અને શાસન સેવા ક્ષેત્રે ૨૫ વર્ષ પૂર્ણ થવાના અવસરે તેમના નેતૃત્વ હેઠળ મેળવેલી વિવિધ દેશી-વિદેશી સિદ્ધિઓ રેખાંકિત કરવામાં આવી છે. તેમના શાસનકાળ દરમિયાન યોજનાઓ અને સુશાસનના લાભો છેવાડાના માનવી સુધી પહોંચાડવાની સાથે દેશની અર્થવ્યવસ્થાને મજબૂત બનાવવા પર ભાર મૂકવામાં આવ્યો છે, જેના પરિણામે તાજેતરમાં દેશનો જીડીપી (GDP) ગ્રોથ રેટ ૭.૮% નોંધાયો છે. આ ઉપરાંત, ભારતમાં સફળતાપૂર્વક યોજાયેલી G20 સમિટથી વૈશ્વિક સ્તરે દેશનું માન-સન્માન વધ્યું છે. મહામારી દરમિયાન ૧૦૦થી વધુ દેશોને વેક્સિન પહોંચાડીને 'વેક્સિન મૈત્રી' દ્વારા ભારત પર વિશ્વનો ભરોસો વધુ મજબૂત બન્યો છે.વ્ય અને સાંસ્કૃતિક કાર્યક્રમોનું ભવ્ય આયોજનPM નરેન્દ્ર મોદીના જન્મદિન નિમિત્તે તેમની જન્મભૂમિ વડનગરમાં વિવિધ દિવ્ય અને સાંસ્કૃતિક કાર્યક્રમોનું ભવ્ય આયોજન કરવામાં આવ્યું છે. આ વિશેષ પ્રસંગે મહામંડલેશ્વર અખિલેશ્વર દાસજી ખાસ વડનગર ખાતે પધાર્યા હતા. PM મોદીના જન્મદિવસની ઉજવણીને લઈને સમગ્ર વડનગર નગરીમાં ભારે ઉત્સાહ અને ભક્તિમય માહોલ જોવા મળી રહ્યો છે. વડનગરના વિવિધ ધાર્મિક અને ઐતિહાસિક સ્થળો પર સવારથી જ ઉજવણીની ધામધૂમ શરૂ થઈ ગઈ છે.200 ઋષિકુમારો દ્વારા ડમરુનાદ અને શંખનાદ સાથે મહાનુભાવોનું સ્વાગતઆ ઉજવણી અંતર્ગત વડનગરમાં ડમરુનાદ અને શંખનાદ માટે એક વિશેષ અને ભવ્ય આયોજન હાથ ધરવામાં આવ્યું છે. સિદ્ધપુરથી ખાસ પધારેલા 200 જેટલા ઋષિકુમારો દ્વારા એકસાથે શંખનાદ અને ડમરુનાદ કરીને કાર્યક્રમમાં પધારેલા આમંત્રિત મહાનુભાવોનું ભવ્ય સ્વાગત કરવામાં આવશે. આ ઉપરાંત સાંજના સમયે વડનગરના ઐતિહાસિક શર્મિષ્ઠા તળાવ ખાતે આયોજિત થનારી મહાઆરતી દરમિયાન પણ આ 200 ઋષિકુમારો દ્વારા દિવ્ય શંખનાદ અને ડમરુનાદ કરીને સમગ્ર વાતાવરણને શિવમય બનાવવામાં આવશે."હિન્દુ સંસ્કૃતિનું જતન અને વિશ્વ સ્તરે ભારતનો ડંકો": અખિલેશ્વર દાસજીવડનગર ખાતે ઉપસ્થિત રહેલા મહામંડલેશ્વર અખિલેશ્વર દાસજીએ PMના નેતૃત્વની સરાહના કરતાં જણાવ્યું હતું કે, દેશમાં આજે ભવ્ય રામ મંદિરનું નિર્માણ થયું છે અને કશ્મીરમાંથી કલમ 370 હટાવીને દેશને એક તાંતણે બાંધવાનું કામ થયું છે. તેમણે ઉમેર્યું કે PM મોદીના પ્રયાસોથી જ આજે હિન્દુ સંસ્કૃતિનું જતન થઈ રહ્યું છે. જ્યારે પણ કોઈ વિદેશી મહેમાન ભારત આવે છે ત્યારે PM તેમને પવિત્ર મંદિરોના દર્શને લઈ જાય છે અને પવિત્ર શ્રીમદ્ ભગવદ્ ગીતા ભેટમાં આપીને ભારતીય સંસ્કૃતિનો વૈશ્વિક પરિચય કરાવે છે.આ પણ વાંચો : Ahmedabad News: શહેરમાં ડેન્ગ્યુના કેસોમાં ચિંતાજનક વધારો, શરદી અને ખાંસી સાથે વાયરલ ફિવરનો કહેર
Read Full Story arrow_forward
અમદાવાદ શહેરના અતિ પોશ ગણાતા કાવેરી વિવંતા એપાર્ટમેન્ટમાં એક અત્યંત વિચિત્ર અને અનોખી ઘરફોડ ચોરીનો કિસ્સો સામે આવ્યો છે. અહીં રહેતા રહીશના ઘરમાંથી રાતોરાત ટ્રકમાં આખી ઘરવખરી ભરીને અજાણ્યા શખ્સો ગાયબ થઈ ગયા હતા. સૌથી ચોંકાવનારી વાત એ છે કે આ ચોરી સોસાયટીના સિક્યુરિટી ગાર્ડ્સની નજર સામે જ અંજામ આપવામાં આવી હતી. એટલું જ નહીં, ચોરી કર્યા બાદ ચોરોએ ઘરમાં કોઈ પ્રવેશી ન શકે તે માટે ઘરનો આખો દરવાજો જ બદલી નાખ્યો હતો.અંગત વિવાદ, ધમકીની ઓડિયો ક્લિપ અને વીડિયો વાયરલઆ સમગ્ર ચોરીનો આક્ષેપ અંગત વિવાદના કારણે થયો હોવાનું વિગતોમાં સામે આવી રહ્યું છે. ઘટના સંબંધિત કેટલાક ચોંકાવનારા પુરાવા પણ સામે આવ્યા છે, જેમાં ઘર તોડવાનો લાઈવ વીડિયો અને ધમકી આપતી એક ઓડિયો ક્લિપનો સમાવેશ થાય છે. આ ઓડિયો ક્લિપ અને વીડિયો વાયરલ થતાં સમગ્ર વિસ્તારમાં ભારે ચકચાર મચી ગઈ છે. પીડિત પરિવારનો આક્ષેપ છે કે આ ચોરી પાછળ અંગત અદાવત અને મોટું ષડયંત્ર કામ કરી રહ્યું છે.CCTV પુરાવા છતાં ફરિયાદ ના નોંધાતા મામલો હાઈકોર્ટે પહોંચ્યોબનાવ અંગે પીડિત પરિવારે સોસાયટીના CCTV ફૂટેજ અને અન્ય પુરાવાઓ સાથે સ્થાનિક પોલીસ મથકે ફરિયાદ નોંધાવવા પહોંચ્યા હતા. જોકે, પૂરતા પુરાવા હોવા છતાં સ્થાનિક પોલીસે ફરિયાદ ન નોંધી હોવાનો ગંભીર આક્ષેપ પીડિત પક્ષ દ્વારા કરવામાં આવ્યો છે. આખરે પોલીસ દ્વારા કાયદેસરની કાર્યવાહી ન કરાતાં પીડિત પરિવારે ન્યાય મેળવવા માટે ગુજરાત હાઈકોર્ટના દરવાજા ખખડાવ્યા છે અને અરજી દાખલ કરી છે.આ પણ વાંચો : PM Modi’s 76th Birthday LIVE : "રામ મંદિર, 370 અને સંસ્કૃતિનું જતન", PM મોદીના જન્મદિવસ પ્રસંગે અખિલેશ્વર દાસજીનું મોટું નિવેદન
Read Full Story arrow_forward