Community News & Updates

Stay informed with the latest happenings, achievements, and announcements from our community.

All News

calendar_today September 18, 2026

Weather Updates: દિલ્હી યુપી સહિત 18 રાજ્યોમાં ભારે વરસાદનું એલર્ટ, લોકોને સાવચેત રહેવાની સલાહ

દેશમાંથી ચોમાસાની વિદાય પહેલાં મેઘરાજાએ ફરી એકવાર જોરદાર બેટિંગ શરૂ કરી દીધી છે. ભારતીય હવામાન વિભાગ (IMD) દ્વારા દિલ્હી, ઉત્તર પ્રદેશ અને બિહાર સહિત દેશના ૧૮ રાજ્યોમાં ભારે વરસાદની ચેતવણી જારી કરવામાં આવી છે. ચોમાસું વિદાય લેતી વખતે મેદાની વિસ્તારોમાં સારો વરસાદ છોડી રહ્યું છે, જેના કારણે હવામાનમાં અચાનક પલટો આવ્યો છે.૧૮ રાજ્યોમાં યલો અને ઓરેન્જ એલર્ટહવામાન વિભાગના જણાવ્યા અનુસાર, ઉત્તર પ્રદેશ, બિહાર, દિલ્હી-એનસીઆર, હરિયાણા, રાજસ્થાન, મધ્ય પ્રદેશ, છત્તીસગઢ, આસામ, મેઘાલય, અરુણાચલ પ્રદેશ, ગુજરાત અને મહારાષ્ટ્ર સહિતના રાજ્યોમાં વરસાદ માટે યલો એલર્ટ આપવામાં આવ્યું છે. જ્યારે ઓડિશા, ઝારખંડ અને પશ્ચિમ બંગાળમાં ભારે વરસાદની સંભાવનાને ધ્યાનમાં રાખીને ઓરેન્જ એલર્ટ જારી કરવામાં આવ્યું છે. આગામી બે દિવસ સુધી મેદાની વિસ્તારોમાં મેઘરાજા મન મૂકીને વરસી શકે છે.યુપી અને બિહારમાં પૂર જેવી સ્થિતિ વચ્ચે વરસાદઉત્તર પ્રદેશ અને બિહારમાં ચોમાસું અત્યારે પૂરજોશમાં સક્રિય છે. યુપીના ૨૫ જિલ્લાઓ અને બિહારના ૧૮ જિલ્લાઓમાં આજે ભારે વરસાદની આગાહી છે. પહેલાથી જ ગંગા નદી અને અન્ય નદીઓમાં પૂરની સ્થિતિ સર્જાઈ છે ત્યારે આ નવા વરસાદે તંત્રની ચિંતા વધારી દીધી છે. પૂર્વી ઉત્તર પ્રદેશમાં વરસાદ પડવાથી પાણી ભરાવાની સમસ્યા સર્જાઈ શકે છે, જેથી લોકોને સાવચેત રહેવાની સલાહ આપવામાં આવી છે.પર્વતીય વિસ્તારોમાં હિમવર્ષા અને ઠંડીની શરૂઆતમેદાની વિસ્તારોમાં વરસાદની સાથોસાથ પર્વતીય રાજ્યોમાં પણ હવામાનનો મિજાજ બદલાયો છે. જમ્મુ-કાશ્મીરના બાંદીપોરા, હિમાચલ પ્રદેશના મનાલી અને રોહતાંગ તેમજ ઉત્તરાખંડના હેમકુંડ સાહિબમાં સિઝનની પહેલી હિમવર્ષા (બરફવર્ષા) નોંધાઈ છે. આ હિમવર્ષાના કારણે પર્વતીય વિસ્તારોમાં વિઝિબિલિટી ઘટી ગઈ છે અને તાપમાન ગગડવાથી વહેલી સવારે અને મોડી રાત્રે હળવી ઠંડીનો અનુભવ થવા લાગ્યો છે.દિલ્હી-એનસીઆરમાં પણ છેલ્લા બે દિવસથી વાદળછાયું વાતાવરણ છે અને ગળું પલાળતા વરસાદની પ્રબળ શક્યતા છે. ચોમાસાની આ વિદાય વેળાની બેટિંગે ગરમીથી રાહત આપી છે, પરંતુ ખેડૂતો અને તંત્ર માટે ચિંતા પણ વધારી દીધી છે.આ પણ વાંચોઃ iPhone 18 Pro માટે લોકોમાં ગાંડો ક્રેઝ! દિલ્હીથી મુંબઇ સુધી લોકો રાતથી લોકોએ લગાવી લાંબી લાઇનો

Read Full Story arrow_forward

calendar_today September 18, 2026

Air Indiaના પાઇલટ સહિત 8 ક્રૂ મેમ્બરને 3 મહિના માટે સસ્પેન્ડ કરાયા, 35 મિનિટ મોડા પહોંચતા કાર્યવાહી

આ નિયમોમાં ક્રૂ મેમ્બરના પોસ્ટ-ફ્લાઇટ બ્રેથ એનાલાઇઝર ટેસ્ટનો પણ સમાવેશ થાય છે. હવે એ જ નિયમનું સમયસર પાલન ન કરવા બદલ Air India એક્સપ્રેસના 8 ક્રૂ મેમ્બરને ત્રણ મહિના માટે સસ્પેન્ડ કરવામાં આવ્યા છે. સસ્પેન્ડ કરવામાં આવેલા કર્મચારીઓમાં ચાર પાઇલટ અને ચાર કેબિન ક્રૂ મેમ્બરનો સમાવેશ થાય છે. આ સમગ્ર મામલો 2 ઓગસ્ટ 2026નો હોવાનું સામે આવ્યું છે.બે કલાકની અંદર પોસ્ટ-ફ્લાઇટ અલ્કોહોલ ટેસ્ટ કરાવવો જરૂરીમળતી માહિતી મુજબ, Air India એક્સપ્રેસની ફ્લાઇટ AX-192 દુબઈથી ઉડાન ભરીને સવારે 9:50 વાગ્યે અમૃતસરના શ્રી ગુરુ રામદાસ જી ઇન્ટરનેશનલ એરપોર્ટ પર પહોંચી હતી. ડીજીસીએના નિયમો અનુસાર, આંતરરાષ્ટ્રીય ફ્લાઇટનું સંચાલન કરનારા ભારતીય એરલાઇનના ક્રૂ મેમ્બરે ભારતમાં લેન્ડિંગ કર્યા બાદ બે કલાકની અંદર પોસ્ટ-ફ્લાઇટ અલ્કોહોલ ટેસ્ટ કરાવવો જરૂરી હોય છે.પરંતુ આ ફ્લાઇટ સાથે જોડાયેલા આઠેય ક્રૂ મેમ્બર નિર્ધારિત સમયમર્યાદામાં ટેસ્ટ માટે પહોંચી શક્યા નહોતા. તેઓ ફ્લાઇટ લેન્ડ થયાના બે કલાક અને 35 મિનિટ બાદ બ્રેથ એનાલાઇઝર ટેસ્ટ માટે પહોંચ્યા હતા. એટલે કે નિર્ધારિત બે કલાકની સમયમર્યાદા કરતાં 35 મિનિટનો વિલંબ થયો હતો.ખાસ વાત એ છે કે, જ્યારે તમામ આઠ ક્રૂ મેમ્બરનો ટેસ્ટ કરવામાં આવ્યો ત્યારે તેમની તમામ રિપોર્ટ નેગેટિવ આવી હતી. એટલે કે ટેસ્ટમાં કોઈ પણ ક્રૂ મેમ્બર દ્વારા દારૂનું સેવન કરવામાં આવ્યું હોવાનું સામે આવ્યું નહોતું. તેમ છતાં, નિર્ધારિત સમયમર્યાદાનું પાલન ન કરવા બદલ તેમની સામે કાર્યવાહી કરવામાં આવી.એક ક્રૂ મેમ્બરની તબિયત બગડી હતીસૂત્રોના જણાવ્યા અનુસાર, ફ્લાઇટ અમૃતસર એરપોર્ટ પર ઉતર્યા બાદ એક ક્રૂ મેમ્બરની તબિયત અચાનક ખરાબ થઈ ગઈ હતી. આ પરિસ્થિતિને કારણે ક્રૂ મેમ્બર્સે પોસ્ટ-અરાઇવલની જરૂરી ઔપચારિકતાઓ પૂર્ણ કરી અને ત્યારબાદ પોતાના નિર્ધારિત હોટેલ તરફ ગયા હતા.બાદમાં તમામ ક્રૂ મેમ્બર બ્રેથ એનાલાઇઝર ટેસ્ટ કરાવવા માટે ફરી એરપોર્ટ પર પરત ફર્યા હતા. જોકે, ત્યાં સુધીમાં ફ્લાઇટના લેન્ડિંગને બે કલાક અને 35 મિનિટનો સમય વીતી ગયો હતો. પરિણામે ડીજીસીએ દ્વારા નક્કી કરવામાં આવેલી બે કલાકની સમયમર્યાદાનું પાલન થઈ શક્યું નહોતું.Air India એક્સપ્રેસે ડીજીસીએને જાણ કરીઆ ઘટનાની જાણ Air India  એક્સપ્રેસ દ્વારા ડીજીસીએને કરવામાં આવી હતી. સૂત્રોના જણાવ્યા અનુસાર, નિયમો હેઠળ એરલાઇને આઠેય ક્રૂ મેમ્બરને તાત્કાલિક ડ્યૂટી પરથી હટાવી દીધા હતા અને ત્રણ મહિના માટે સસ્પેન્ડ કર્યા હતા.આ કાર્યવાહીનો સામનો કરનારા કર્મચારીઓમાં ચાર પાઇલટ અને ચાર કેબિન ક્રૂ મેમ્બરનો સમાવેશ થાય છે. હાલ આ આઠેય કર્મચારીઓની ઓળખ અથવા તેમની સાથે જોડાયેલી અન્ય વિગતો જાહેર કરવામાં આવી નથી.આ સમગ્ર ઘટનામાં નોંધપાત્ર બાબત એ છે કે બ્રેથ એનાલાઇઝર ટેસ્ટના પરિણામો તમામ ક્રૂ મેમ્બર માટે નેગેટિવ આવ્યા હતા. તેમ છતાં, પોસ્ટ-ફ્લાઇટ ટેસ્ટ માટે નક્કી કરવામાં આવેલી સમયમર્યાદાનું પાલન ન થવાને કારણે નિયમો મુજબ કાર્યવાહી કરવામાં આવી છે.

Read Full Story arrow_forward

calendar_today September 18, 2026

NEET Paper Leak: જામીન મળ્યા બાદ તિહાર જેલ બહાર હાઈ-વોલ્ટેજ ડ્રામા, મીડિયાથી બચીને ભાગ્યા સ્વતંત્ર ભારદ્વાજ!

કોકરોચ જનતા પાર્ટીના નેતા સ્વતંત્ર ભારદ્વાજને ત્રણ અઠવાડિયાના જામીન મળ્યા બાદ ગઈકાલે મોડી રાત્રે દિલ્હીની તિહાર જેલમાંથી મુક્ત કરવામાં આવ્યા હતા. જેલમાંથી બહાર આવતાની સાથે જ ભારે હાઈ-વોલ્ટેજ ડ્રામા જોવા મળ્યો હતો. સુરક્ષા કર્મચારીઓ અને સમર્થકો તેમને તાત્કાલિક એક કારમાં બેસાડીને ઝડપથી રવાના થઈ ગયા હતા, જેના કારણે તેઓ મીડિયા સમક્ષ આવી શક્યા ન હતા અને મીડિયાથી ભાગતા નજરે પડ્યા હતા.જામીનની કડક શરતો અને મીડિયા પ્રતિબંધપટિયાલા હાઉસ કોર્ટના એડિશનલ સેશન્સ જજ સૌરભ પ્રતાપ સિંહ લાલરે ૧૫ સપ્ટેમ્બરના રોજ સ્વતંત્ર ભારદ્વાજને ₹૫૦,૦૦૦ ના વ્યક્તિગત બોન્ડ પર ૩ અઠવાડિયાના જામીન મંજૂર કર્યા હતા. આ જામીન આપતી વખતે કોર્ટે અત્યંત કડક વલણ અપનાવ્યું હતું. કોર્ટના સ્પષ્ટ આદેશ મુજબ, ભારદ્વાજ કેસ સાથે સંકળાયેલા કોઈપણ સાક્ષી કે પીડિતનો સંપર્ક કરી શકશે નહીં. આ ઉપરાંત, કોર્ટે તેમને સોશિયલ મીડિયા, પ્રિન્ટ મીડિયા કે ઇલેક્ટ્રોનિક મીડિયા પર આ વિવાદ સંબંધિત કોઈપણ પ્રકારનું નિવેદન આપવા પર સંપૂર્ણ પ્રતિબંધ મૂક્યો છે. આ જ કાનૂની ગૂંચવણો અને કોર્ટની કડક શરતોના કારણે જેલમાંથી બહાર આવતાની સાથે જ તેમને મીડિયાના કેમેરાથી દૂર રાખવામાં આવ્યા હતા.તિહાર જેલના ગેટ નંબર 3 બહાર હાઈ-વોલ્ટેજ ડ્રામાસ્વતંત્ર ભારદ્વાજને તિહાર જેલના ગેટ નંબર ૩ માંથી સુરક્ષાકર્મીઓ અને સમર્થકોના ચુસ્ત ઘેરા વચ્ચે બહાર લાવવામાં આવ્યા હતા. મોટી સંખ્યામાં મીડિયાકર્મીઓ તેમનું નિવેદન લેવા માટે હાજર હતા, પરંતુ સુરક્ષા અને કાનૂની મર્યાદાઓને કારણે તેમને મીડિયા સાથે વાત કરવાની મંજૂરી આપવામાં આવી ન હતી. પ્રત્યક્ષદર્શીઓના જણાવ્યા મુજબ, તેઓ બહાર આવતા જ તેમને તાત્કાલિક સફેદ કારમાં બેસાડી દેવામાં આવ્યા હતા અને કાફલો ત્યાંથી રવાના થઈ ગયો હતો. શું છે સમગ્ર કેસ?દિલ્હીના જંતર-મંતર પર કોકરોચ જનતા પાર્ટી (CJP) દ્વારા NEET પેપર લીક વિરુદ્ધ એક વિરોધ પ્રદર્શનનું આયોજન કરવામાં આવ્યું હતું. આ પ્રદર્શન દરમિયાન કેટલાક દલિત કાર્યકરો પર કથિત રીતે હુમલો કરવાનો અને જાતિવાદી ટિપ્પણી કરવાનો ગંભીર આરોપ લાગ્યો હતો. આ ઘટનાનો વીડિયો સોશિયલ મીડિયા પર વાયરલ થયા બાદ દિલ્હી પોલીસે સ્વતંત્ર ભારદ્વાજ અને તેમના સહયોગીઓ વિરુદ્ધ SC/ST એક્ટ હેઠળ ગુનો નોંધ્યો હતો. ઉત્તર પ્રદેશના બુલંદશહેરમાંથી તેમની ધરપકડ કરીને તિહાર જેલમાં મોકલવામાં આવ્યા હતા, જ્યાંથી હાલ તેમને મર્યાદિત સમય માટે જામીન મળ્યા છે.આ પણ વાંચોઃ Weather Updates: દિલ્હી યુપી સહિત 18 રાજ્યોમાં ભારે વરસાદનું એલર્ટ, લોકોને સાવચેત રહેવાની સલાહ

Read Full Story arrow_forward