Community News & Updates

Stay informed with the latest happenings, achievements, and announcements from our community.

All News

calendar_today September 18, 2026

Rajkot ગ્રામ્ય LCBએ ગોંડલમાં મંદિરોને ટાર્ગેટ કરતી રાજસ્થાની ‘ગરાસિયા ગેંગ’નો કર્યો પર્દાફાશ, 3 સાગરીતોની ધરપકડ

રાજકોટ જિલ્લાના ગોંડલ પંથકમાં આવેલા પવિત્ર મંદિરોને નિશાન બનાવી દાનપેટીઓ તેમજ ચાંદીના છત્તરની ચોરી કરતી કુખ્યાત રાજસ્થાની ‘ગરાસિયા ગેંગ’નો રાજકોટ ગ્રામ્ય એલ.સી.બી. (LCB) ની ટીમે પર્દાફાશ કર્યો છે. પોલીસે દરોડો પાડીને આ ગેંગના ૩ શાતિર સાગરીતોને ઝડપી લીધા છે, જ્યારે ઘટનામાં સંડોવાયેલા અન્ય ૨ આરોપીઓ ફરાર થઈ જતાં તેમને પકડવા ચક્રો ગતિમાન કરાયા છે.158 ચાંદીના છત્તર સહિત લાખોનો મુદ્દામાલ જપ્તપોલીસે પકડેલા આરોપીઓ પાસેથી વિવિધ મંદિરોમાંથી ચોરી કરેલા 158 નંગ ચાંદીના નાના-મોટા છત્તર, ચોરીના ગુનામાં વપરાયેલી ઈકો કાર તથા મોબાઈલ ફોન મળી કુલ રૂ.5.89 લાખનો મુદ્દામાલ જપ્ત કર્યો છે. આ ગેંગની ધરપકડથી ગોંડલના પ્રસિદ્ધ મામાદેવ મંદિર તથા ભરૂડી ગામના ખોડિયાર મંદિરમાં તાજેતરમાં જ થયેલી ચોરીના ગંભીર બનાવોનો ભેદ સફળતાપૂર્વક ઉકેલાઈ ગયો છે.ઘટનાસ્થળે ચોરીનું રિકન્સ્ટ્રક્શન કરાવાયુંઆરોપીઓ મંદિરમાં કઈ રીતે પ્રવેશ કરતા હતા અને ચોરીને અંજામ આપતા હતા તે સમજવા માટે ગોંડલ બી-ડિવિઝન પોલીસે તમામ આરોપીઓને સાથે રાખીને ઘટનાસ્થળે ચોરીનું રિકન્સ્ટ્રક્શન કરાવ્યું હતું. રાજસ્થાનથી આવીને સૌરાષ્ટ્રના મંદિરોને ટાર્ગેટ કરતી આ ગેંગે અન્ય કયા કયા મંદિરોમાં ચોરીઓ આચરી છે તે દિશામાં રાજકોટ ગ્રામ્ય પોલીસ અને LCB ની ટીમ દ્વારા ઊંડાણપૂર્વકની પૂછપરછ હાથ ધરવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 18, 2026

Bharuch Rain Update: આમોદ-જંબુસરમાં મેઘ મહેર, ધોધમાર વરસાદથી રસ્તાઓ જળમગ્ન

ભરૂચ જિલ્લાના આમોદ અને જંબુસર પંથકમાં લાંબા સમયના વિરામ બાદ મેઘરાજાએ ફરી એકવાર ધમાકેદાર બેટિંગ શરૂ કરી છે. છેલ્લા ત્રણ દિવસના વિરામ બાદ વહેલી સવારે જ આકાશમાં કાળા ડિબાંગ વાદળો ઘેરાયા હતા અને ગાજવીજ સાથે ધોધમાર વરસાદ ખાબક્યો હતો. આમોદ અને જંબુસર પંથકમાં ક્યાંક ધોધમાર તો ક્યાંક ધીમીધારે વરસાદ વરસી રહ્યો છે, જેના કારણે વાતાવરણમાં ઠંડક પ્રસરી ગઈ છે.અનેક વિસ્તારો જળમગ્ન, મુખ્ય બજારમાં સન્નાટોવહેલી સવારે પડેલા ભારે વરસાદના કારણે આમોદ શહેર અને જંબુસર શહેરના અનેક નીચાણવાળા વિસ્તારો પાણીમાં ગરકાવ થઈ ગયા છે. વરસાદી ઝાપટાં અને ભરાયેલા પાણીના કારણે જનજીવન ભારે પ્રભાવિત થયું છે. આમોદના મુખ્ય બજારમાં પાણી જ પાણી જોવા મળ્યું હતું, જેને કારણે વહેલી સવારથી જ બજારોમાં સન્નાટો છવાઈ ગયો હતો. ખરાબ હવામાન અને પાણી ભરાવાની સ્થિતિને કારણે મુસાફરો અને ખરીદી માટે આવનારા લોકોએ બહાર જવાનું ટાળ્યું હતું.ખેડૂતોના ઉભા પાકને મળ્યું જીવનદાન, ચિંતા ઘટીએક તરફ શહેરી વિસ્તારોમાં પાણી ભરાવાની સમસ્યા સર્જાઈ છે, તો બીજી તરફ આ વરસાદ અન્નદાતા એટલે કે ખેડૂતો માટે વરદાન સાબિત થયો છે. લાંબા વિરામ બાદ ખેતીલાયક સારો વરસાદ વરસતા ખેડૂતોના ચહેરા ખીલી ઉઠ્યા છે. આ વરસાદથી કપાસ, તુવેર સહિતના મહત્વના ઉભા પાકને મોટા પાયે ફાયદો થયો છે. મેઘરાજાના પુનરાગમનથી ખેડૂતોની ચિંતા ઘટી છે, અને તેમની મહેનતને નવુ જીવન મળ્યું છે.આ પણ વાંચો: Bharuch News: દિલ્હી મુંબઈ એક્સપ્રેસ વે પર વહેલી સવારે ત્રિપલ અકસ્માત, ફાયર વિભાગે બસ ડ્રાઈવરનું રેસ્ક્યૂ કર્યું

Read Full Story arrow_forward

calendar_today September 18, 2026

Sandesh Digital Explainer : આવતીકાલથી ચોમાસું લેશે વિદાય, ચોમાસું અચાનક નથી જતું, આ રીતે થાય છે વિદાય, સમજો ગણિત

નૈઋત્ય ચોમાસાની વિદાય માટે હવે હવામાન પરિસ્થિતિઓ અનુકૂળ બની રહી છે. હવામાન વિભાગના અનુમાન મુજબ, આવતીકાલથી ચોમાસાની વિદાયની પ્રક્રિયા શરૂ થઈ શકે છે.રાજસ્થાનથી શરૂ થશે ચોમાસાની વિદાયસામાન્ય રીતે નૈઋત્ય ચોમાસાની વિદાયની શરૂઆત ઉત્તર-પશ્ચિમ ભારતના રાજસ્થાનથી થાય છે. આ વર્ષે પણ શરૂઆત રાજસ્થાનથી થવાની શક્યતા છે. ચોમાસાની વિદાય માટે જરૂરી હવામાન પરિસ્થિતિઓ હવે અનુકૂળ બની રહી છે.સામાન્ય તારીખ 17 સપ્ટેમ્બરદેશમાંથી ચોમાસાની વિદાય શરૂ થવાની સામાન્ય તારીખ 17 સપ્ટેમ્બર માનવામાં આવે છે. જોકે, આ વર્ષે વિદાયની પ્રક્રિયા સામાન્ય તારીખ કરતાં આશરે 2 દિવસ મોડી શરૂ થઈ શકે છે.15 ઓક્ટોબર સુધીમાં ચોમાસું પાછું ખેંચાશેચોમાસાની વિદાય તબક્કાવાર આગળ વધશે. આગામી અઠવાડિયાઓમાં દેશના વિવિધ વિસ્તારોમાંથી નૈઋત્ય ચોમાસું પાછું ખેંચાતું જશે અને આખા દેશમાંથી 15 ઓક્ટોબર સુધીમાં તેની સમગ્ર પ્રક્રિયા પૂર્ણ થવાની શક્યતા છે.અત્યાર સુધીમાં વરસાદ 84.38 ટકા થયોરાજ્યમાં કુલ 84 ઈંચ વરસાદ નોંધાયો છે. તે છતાંય હજી 42 તાલુકાઓમાં વરસાદની ખેંચ જોવા મળી છે. સૌરાષ્ટ્રના ત્રણ જિલ્લામાં હાલની સ્થિતિએ દુષ્કાળ જેવો માહોલ છે. દેવભૂમિ દ્વારકા જિલ્લામાં તો હજુ માત્ર 10.54 ટકા જ વરસાદ થયો છે. એ સિવાય પોરબંદરમાં 24.76 ટકા અને જામનગરમાં 36.27 ટકા જ વરસાદ થયો છે.42 તાલુકાઓમાં હજુ 50થી લઈને 95 ટકા સુધીની ઘટરાજ્યમાં છેલ્લા ત્રણ દિવસમાં સર્જાયેલી વરસાદી સિસ્ટમના લીધે મોટાભાગના વિસ્તારોમાં વરસાદી માહોલ રહ્યો હતો. પરંતુ એમાંય મધ્ય અને દક્ષિણ ગુજરાતમાં ધોધમાર વરસાદ પડ્યો હતો, જ્યારે ઉત્તર ગુજરાતના મોટાભાગના વિસ્તારોમાં માત્ર ઝરમર વરસાદ જ વરસ્યો હતો. સામાન્ય રીતે સરેરાશ વરસાદ 80 ટકાને વટાવી જાય તો મોટાભાગે ચોમાસુ પાક માટે પૂરતો ગણવામાં આવે છે. આ વખતે અત્યાર સુધીમાં વરસાદ 84.38 ટકા થઈ ગયો છે, તેમ છતાં 42 તાલુકાઓમાં હજુ 50થી લઈને 95 ટકા સુધીની ઘટ છે. ચોમાસાની વિદાય કેવી રીતે થાય છે?વરસાદની સિઝન અચાનક પૂરી થતી નથી, હવામાનમાં ધીમે-ધીમે બદલાવ આવે છે. ચોમાસું ભારતમાં માત્ર વરસાદનું નામ નથી, પરંતુ પવનની દિશા, ભેજ, તાપમાન અને હવાના દબાણમાં થતા મોટા ફેરફારોની પ્રક્રિયા છે. ચોમાસાની વિદાય પણ એક જ દિવસમાં થતી નથી. તે સામાન્ય રીતે તબક્કાવાર થાય છે.1. પવનની દિશા બદલાવા લાગે છેચોમાસા દરમિયાન દક્ષિણ-પશ્ચિમ દિશામાંથી ભેજવાળા પવનો ભારત તરફ આવે છે. ચોમાસાની વિદાય શરૂ થતાં જમીન અને વાતાવરણની સ્થિતિ બદલાય છે અને આ પવનો ધીમે-ધીમે નબળા પડવા લાગે છે.2. વરસાદની સિસ્ટમ નબળી પડે છેચોમાસા દરમિયાન વરસાદ માટે જરૂરી ભેજ અને હવામાનની સિસ્ટમ સક્રિય રહે છે. વિદાયના તબક્કામાં વરસાદ લાવતી સિસ્ટમોની આવર્તન અને તીવ્રતા ઘટવા લાગે છે.3. હવામાં ભેજ ઘટે છેચોમાસું પાછું ખેંચાય ત્યારે વાતાવરણમાં રહેલી ભેજ ધીમે-ધીમે ઓછી થાય છે. પરિણામે વાદળછાયું વાતાવરણ ઘટે છે અને આકાશ વધુ સ્વચ્છ દેખાવા લાગે છે.4. દિવસ-રાતના તાપમાનમાં ફેરફારચોમાસાની વિદાય સાથે દિવસ દરમિયાન ગરમી ફરી અનુભવાય છે, જ્યારે રાત્રિના તાપમાનમાં ધીમે-ધીમે ઘટાડો શરૂ થઈ શકે છે. આ સમયગાળાને ઘણા વિસ્તારોમાં પોસ્ટ-મોન્સૂન ટ્રાન્ઝિશન તરીકે જોવામાં આવે છે.5. હવાનું દબાણ બદલાય છેચોમાસાની વિદાય પાછળ હવાના દબાણમાં થતા ફેરફારો પણ મહત્વપૂર્ણ છે. ઉત્તર-પશ્ચિમ ભારતમાં જમીન ઠંડી પડતાં હવાના દબાણની સ્થિતિ બદલાય છે અને ચોમાસાના પવનો પાછા ખેંચાવા માટે વાતાવરણ તૈયાર થાય છે.6. સૌથી પહેલા ક્યાંથી વિદાય?ભારતમાં સામાન્ય રીતે ચોમાસાની વિદાય ઉત્તર-પશ્ચિમ રાજસ્થાનથી શરૂ થાય છે. ત્યારબાદ તે ધીમે-ધીમે મધ્ય અને અન્ય વિસ્તારો તરફ આગળ વધે છે.ગુજરાતમાં શું થાય?ગુજરાતમાં ચોમાસાની વિદાય દરમિયાન વરસાદની ઘટનાઓ વચ્ચેનું અંતર વધવા લાગે છે. સતત વરસાદના બદલે છૂટોછવાયો વરસાદ જોવા મળે છે અને વાતાવરણમાં ભેજ ઘટવા લાગે છે. જોકે અરબી સમુદ્ર અથવા બંગાળની ખાડીમાં સક્રિય સિસ્ટમ હોય તો વિદાયના સમયગાળામાં પણ વરસાદ થઈ શકે છે.ચોમાસું ગયું કે નહીં તે કેવી રીતે નક્કી થાય?માત્ર 2-3 દિવસ વરસાદ ન પડ્યો એટલે ચોમાસું પૂરું થઈ ગયું એવું કહી શકાય નહીં. હવામાન વિભાગ ચોમાસાની વિદાય નક્કી કરતી વખતે વરસાદની સ્થિતિ સાથે પવનની દિશા, ભેજ અને અન્ય હવામાન પરિબળોને પણ ધ્યાનમાં લે છે.“ચોમાસું અચાનક જતું નથી... કુદરત પહેલા પવન બદલે છે, પછી ભેજ ઘટાડે છે અને અંતે વરસાદને વિદાય આપે છે!”આ પણ વાંચો  :   Vav-Tharad : શું ગુજ્જુ લવ ગુરુને મોતનો આભાસ થઇ ગયો હતો...? અકસ્માતના 3 કલાક પહેલા તેમણે બોલેલા શબ્દો વાયરલ, Video

Read Full Story arrow_forward