Kalol :કલોલમાં માત્ર બે ઈંચ વરસાદમાં તંત્રની
કલોલમાં ભારે વરસાદથી મુખ્ય માર્ગો અને નીચાણવાળા વિસ્તારોમાં પાણી ભરાતાં વાહનવ્યવહાર અને શૈક્ષણિક પ્રવૃત્તિઓ પર અસર પડી.કલોલમાં વહેલી સવારે મેઘરાજાએ રૌદ્ર સ્વરૂપ ધારણ કરતા માત્ર બે જ કલાકમાં બે ઈંચ ધોધમાર વરસાદ ખાબક્યો હતો. અચાનક તૂટી પડેલા વરસાદના કારણે શહેરના મુખ્ય માર્ગો, ચોક તેમજ નીચાણવાળા વિસ્તારોમાં જળબંબાકારની સ્થિતિ સર્જાતા જનજીવન સંપૂર્ણપણે અસ્તવ્યસ્ત થઈ ગયું હતું. બે ઈંચ વરસાદે તંત્રની કામગીરી પોલ ખોલી દીધી હોવાનું સામે આવ્યું હતુંકલોલમાં મેઘરાજાએ ધબધબાટી બોલાવતા સવારના બે કલાકમાં બે ઈંચ વરસાદ તૂટી પડયો હતો. ભારે વરસાદથી નિચાણવાળા વિસ્તારોમાં જળબંબકારની સ્થિતિ સર્જાઈ હતી. જેમાં કલોલના મુખ્ય વિસ્તારો બગીચા ચાર રસ્તા તેમજ કોબ્રા સર્કલ વખારીયા ચાર રસ્તા તેમજ શહેરના પોશ વિસ્તાર ગણાતા પંચવટી વિસ્તાર સહિત પૂર્વ વિસ્તાર અને નીચાણવાળા વિસ્તારોમાં ઠેર ઠેર પાણી ભરાઈ ગયા હતા. રસ્તા ઉપર ધુંટણ સમા પાણી ભરાઈ જતા વાહન વ્યવહાર ઠપ્પ થઈ ગયો હતો. તેમજ પૂર્વ પિૃમને જોડતો અંડર બ્રીજ પણ પાણીથી છલોછલ ભરાઈ જતા વાહન વ્યવહારને અસર પહોંચી હતી. કલોલના હાઈવે ઉપર આવેલ એસ.ટી. વર્કશોપ પાસે બળીયાદેવના મંદીર પાસે પણ પાણી ભરાઈ જતા લોકોને મુશ્કેલીઓ પડી હતી. વહેલી સવારે મેઘરાજાએ તોફાની બેટિંગ શરૂ કરતા નોકરી ધંધે જતા લોકોને ભારે પરેશાવી વેઠવી પડી હતી. માર્ગો ઉપર જળબંબાકાર થતા અનેક લોકો સમયસર ઓફીસે પહોંચી શક્યા ન હતા. આ ઉપરાંત સવારથી પાળીમાં શાળા કોલેજ જતા બાળકો પણ પાણી ભરાવાના કારણે ઘર બહાર નીકળી શકયા ન હોવાથી શિક્ષણકાર્ય પર પણ અસર પડી હતી.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
