Community News & Updates

Stay informed with the latest happenings, achievements, and announcements from our community.

All News

calendar_today September 18, 2026

Vapi : વડાપ્રધાનના જન્મદિને ડુંગરા સ્ટેશને દીવડા પ્રગટાવાયા

વાપી : વડાપ્રધાન મોદીના જન્મદિવસ નિમિત્તે ડુંગરા બુલેટ ટ્રેન સ્ટેશન ઉપર આશીર્વાદના દીવડા પ્રગટાવાયા હતા. આ પ્રસંગે આયોજીત કાર્યક્રમના ઇન્ચાર્જ પરેશભાઈ દેસાઈ (હાલ ઉમરગામ શહેર ભાજપ પ્રભારી તથા વાપી નગરપાલિકા માજી પ્રમુખ ) તથા વોર્ડ નંબર ચારના મહાનષરપાલિકાના સભ્ય દર્પણભાઈ, ચાર્મી બેન, દેવેન્દ્રભાઈ, રાજુભાઈ, વાપી શહેર મહામંત્રી હાર્દિકભાઈ તથા નિલેશભાઈ રાઠોડ તથા ભૂતપૂર્વ કાઉન્સિલરો ભૂતપૂર્વ ભારતીય જનતા પાર્ટીના હોદ્દેદારો હાલના ચાલુ હોદ્દેદારો અને ગામજનો મોટી સંખ્યામાં હાજર હતા. આ પ્રસંગે નરેન્દ્ર મોદીએ જન સેવા અને સુશાસનના 25 વર્ષ પૂર્ણ કર્યા હોય, એના માટે અને એમના આયુષ્ય માટે આશીર્વાદનો દીવડો પ્રગટાવાયો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 18, 2026

Gandhinagar :મગોડી રાવળવાસમાં ઝાડ પર

મગોડી ગામમાં વીજળી પડતાં ઝાડ પર રાતવાસો કરી રહેલા ત્રણ વાનરોના મોત થયા, જેને સ્થાનિકોએ સન્માનપૂર્વક અંતિમ વિધિ આપી.ગાંધીનગર તાલુકાના ચિલોડા પંથકમાં ગત રાત્રે તેમજ વહેલી સવારે ભારે વરસાદ પડયો હતો. આ દરમિયાન નજીકમાં આવેલા મગોડી ગામમાં રાવ ળવાસ રામાપીરના મંદીર પાસે એક ઝાડ પર રાત્રે વીજળી ત્રાટકી હતી. ગાજવીજ અને પવનની ગતીથી ત્રાટકેલી વીજળી લીમડાના ઝાડ પર પડી હતી અને આ ઝાડ પર રાત્રીવાસો કરી રહેલા ત્રણ ત્રણ કપિરાજોના મોત નિપજ્યા હતા. ત્રણેય વાનરો પર વીજળી ત્રાટકતા નીચે પટકાયા હતા અને સ્થળ પર જ મોત થયા હતા. વીજળીએ ઝાડની ડાળીઓને પણ નુકસાન પહોંચાડયુ હતુ. સવારે રાવળવાસના રહીશોએ લીમડાના ઝાડ નીચે ભારે વરસાદના લીધે ભરાઇ ગયેલા પાણીમાં ત્રણ કપિરાજોના મૃતદેહ જોયા હતા. ત્રણેય મૃતદેહ પાણીમાં ડુબેલા હતા. જે બાદ મગોડીના સદભાવના ફાઉન્ડેશનના સેવાપ્રેમી અરવિંદ ઝાલાને ઘટનાની જાણ થયા બાદ ત્રણેય મૃતદેહને પાણીમાંથી બહાર કાઢવામાં આવ્યા હતા અને બાદમાં સન્માનપુર્વક નજીકમાં આવેલી કોરી જગ્યામાં ખાડો કરીને ત્રણેય કપિરાજની અંતીમ વિધી કરવામાં આવી હતી. આ ઘટનાથી રાવળવાસ સહીત ગ્રામજનોમાં પણ શોકની લાગણી ફેલાઇ હતી. કપિરાજને હનુમાનજીનો અવતાર માનવામાં આવતો હોવાથી સ્થાનિક રહીશો આસ્થા સાથે કપિરાજના દર્શન કર્યા હતા. આ ઘટનામાં કોઇ માનવહાની પહોચી ના હોવાની વિગતો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 18, 2026

Valsad : ઉમરગામ બીચને ચોખ્ખોચણાંક કરવાના સંકલ્પ સાથે ઝુંબેશ

ઉમરગામ : ઉમરગામના નાયબ કલેક્ટર (પ્રાંત અધિકારી) નીરવભાઈ પટેલના માર્ગદર્શન હેઠળ ઉમરગામ ટાઉન બીચ ખાતે સ્વચ્છતા અંગે જનજાગૃતિ સાથે વિશેષ બીચ ક્લીનિંગ ડ્રાઇવ યોજાઈ હતી. સવારે 8 વાગ્યે યોજાયેલા આ અભિયાનમાં ઉમરગામ ઇન્ડસ્ટ્રીઝ એસોસિએશન, એમ.એમ. હાઇસ્કૂલ, અગ્રથા સ્કૂલ, તાલુકા પંચાયત અને ઉમરગામ નગરપાલિકાના પ્રતિનિધિઓ તથા વિદ્યાર્થીઓ જોડાયા હતા. કાર્યક્રમમાં મહાનુભાવો ઉપસ્થિત રહ્યા હતા. આ પ્રસંગે નાયબ કલેક્ટર નીરવભાઈ પટેલે જણાવ્યું હતું કે ઉમરગામ ટાઉન બીચ પર મોટી સંખ્યામાં પ્રવાસીઓ આવે છે. જેમ આપણે આપણું ઘર અને આંગણું સ્વચ્છ રાખીએ છીએ, તેમ જાહેર સ્થળો અને દરિયા કિનારાને પણ સ્વચ્છ રાખવાની જવાબદારી સૌની છે. કાર્યક્રમના અંતે વિદ્યાર્થીઓ અને ઉપસ્થિત લોકોએ ઉમરગામ બીચ સહિત તમામ જાહેર સ્થળોને સ્વચ્છ રાખવાનો સંકલ્પ લીધો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward