Community News & Updates

Stay informed with the latest happenings, achievements, and announcements from our community.

All News

calendar_today September 18, 2026

Tamil Naduમાં નવજાત બાળકોને મળશે સોનાની વીંટી, જાણો કોણ લઈ શકશે લાભ

Tamil Nadu Gold Ring Scheme: તમિલનાડુના મુખ્યમંત્રી જોસેફ વિજયે જાહેરાત કરી છે કે સરકારી હોસ્પિટલોમાં જન્મ લેનારા બાળકોને એક ગ્રામ સોનાની વીંટી આપવામાં આવશે. 28 સપ્ટેમ્બરથી સીએમ વિજય નવજાત બાળકો માટે એક ગ્રામ ગોલ્ડ રિંગ યોજના શરૂ કરશે. તમિલનાડુ સરકારે યોજનાના પ્રથમ હપ્તા માટે 1.28 લાખ એક ગ્રામ સોનાની વીંટીઓ ખરીદી છે.યોજનાની શરૂઆત ક્યારથી થશે?ન્યૂઝ એજન્સી પીટીઆઈના રિપોર્ટ મુજબ, તમિલનાડુ સરકારના જણાવ્યા અનુસાર, એક ગ્રામ સોનાની વીંટી પર યુનિક સીરિયલ નંબર હશે અને તેનું પેકિંગ ટેમ્પર્ડ પ્રૂફ હશે. અન્નાદુરાઈની જન્મજયંતિ નિમિત્તે 15 સપ્ટેમ્બરે આની શરૂઆત થવાની હતી, પરંતુ સીએમ વિજયના લંડન પ્રવાસને કારણે કાર્યક્રમ આગળ ધપાવવામાં આવ્યો હતો.રાજ્યના રહેવાસી હોવું જરૂરીઆ યોજનાનો લાભ લેવા માટે કેટલીક શરતો નક્કી કરવામાં આવી છે. આ યોજનાનો લાભ લેવા માટે લાભાર્થીઓનું તમિલનાડુનું કાયમી નિવાસી હોવું અનિવાર્ય છે. એટલે કે માત્ર રાજ્યના કાયમી રહેવાસીઓના બાળકોને જ ગોલ્ડ રિંગ સ્કીમની ભેટ આપવામાં આવશે.ચૂંટણી દરમિયાન આપ્યું હતું વચનવિજયે તમિલનાડુ વિધાનસભા ચૂંટણી દરમિયાન પોતાના ઘોષણાપત્રમાં વચન આપ્યું હતું કે જો તેમની સરકાર બનશે તો તેઓ નવજાત બાળકોને 1 ગ્રામ સોનાની વીંટી આપશે. હવે જ્યારે તેઓ રાજ્યના સીએમ બની ગયા છે, ત્યારે ચૂંટણી દરમિયાન કરેલું પોતાનું વચન પૂરું કરવાનું કામ કરી રહ્યા છે. ટીવીકેએ ઘોષણાપત્રમાં આ યોજનાનું નામ 'થાઈ મામન ગોલ્ડ રિંગ સ્કીમ' જણાવ્યું હતું. આ પણ વાંચો:  થલપતિ વિજયે વિધાનસભામાં કર્યો એવો ઇશારો કે મચી ગઇ બબાલ, હવે આપી રહ્યા છે સફાઈ

Read Full Story arrow_forward

calendar_today September 18, 2026

19 September Top News: PM મોદીનું દિલ્હીમાં સંબોધન, 19 સપ્ટેમ્બરથી ચોમાસાની વિદાય અને DUSU ચૂંટણી પરિણામો

પીએમ મોદી આવતીકાલે સવારે 10 વાગ્યે દિલ્હીના વિજ્ઞાન ભવનમાં "પર્યાવરણ અને આબોહવા ગતિશીલતાનું ભવિષ્ય" વિષય પર એક આંતરરાષ્ટ્રીય પરિષદનું ઉદ્ઘાટન કરશે. બે દિવસીય આ પરિષદમાં પર્યાવરણીય નિષ્ણાતો, સુપ્રીમ કોર્ટ, હાઇકોર્ટ અને જિલ્લા અદાલતોના ન્યાયાધીશો અને 17 દેશોના પ્રખ્યાત ન્યાયાધીશો હાજરી આપશે.જાપાનમાં એશિયન ગેમ્સ 2026 નો પ્રારંભએશિયન ગેમ્સ 2026 આવતીકાલે જાપાનમાં શરૂ થશે. ઉદ્ઘાટન સમારોહ આવતીકાલે યોજાશે. મનુ ભાકર અને તેજિન્દર પાલ સિંહ તૂર ભારતીય ટુકડીના ધ્વજવંદનકર્તા રહેશે.ભારતના કુલ 496 રમતવીરો એશિયન ગેમ્સમાં ભાગ લેશે, જેમાં 265 પુરુષો અને 231 મહિલાઓનો સમાવેશ થાય છે. 19 સપ્ટેમ્બરે રોજગાર મેળોભારત સરકાર દ્વારા 20મો વાર્ષિક રોજગાર મેળો યોજાશે. પીએમ મોદી આ મેળામાં 51,000 થી વધુ યુવાનોને નિમણૂક પત્રો વિતરણ કરશે. આ કાર્યક્રમ 19 સપ્ટેમ્બરના રોજ બપોરે 12:30 વાગ્યે શરૂ થશે, જ્યાં દેશભરના 50,000 થી વધુ યુવાનો વીડિયો કોન્ફરન્સિંગ દ્વારા તેમના નોકરી નિમણૂક પત્રો પ્રાપ્ત કરશે. પીએમ પણ સભાને સંબોધિત કરશે.ઇન્દોરમાં રાહુલ ગાંધીનો "વિદ્યાર્થીઓનો ગુંજ" કાર્યક્રમરાહુલ ગાંધીનો "વિદ્યાર્થીઓનો ગુંજ" કાર્યક્રમ કાલે સાંજે 5 વાગ્યે મધ્યપ્રદેશના ઇન્દોરમાં યોજાશે. મધ્યપ્રદેશ વહીવટીતંત્રે કડક શરતો સાથે વિદ્યાર્થી સંવાદ કાર્યક્રમને મંજૂરી આપી છે. આ રેલી મધ્યપ્રદેશના ભારત જોડો મેદાનમાં યોજાશે.19 સપ્ટેમ્બરથી ચોમાસાની વિદાય શરૂદક્ષિણ-પશ્ચિમ ચોમાસું 19 સપ્ટેમ્બરથી વિદાય લેવાનું શરૂ કરે તેવી શક્યતા છે. હવામાન વિભાગ અનુસાર, પરિસ્થિતિઓ અનુકૂળ છે. ચોમાસાની વિદાય માટે સામાન્ય તારીખ 17 સપ્ટેમ્બર છે. સમગ્ર દેશ માટે વિદાય લેવાની અપેક્ષિત તારીખ 15 ઓક્ટોબર છે.GenZ કોની સાથે છે?દિલ્હીમાં વિદ્યાર્થીઓના વિરોધ બાદ, દિલ્હી યુનિવર્સિટીમાં 18 સપ્ટેમ્બરે વિદ્યાર્થી સંઘની ચૂંટણીઓ યોજાઈ હતી. પરિણામો 19 સપ્ટેમ્બરે જાહેર કરવામાં આવશે.વડોદરા ની એમ. એસ. યુનિવર્સીટીમાં કોનવોકેશનઆગામી 23 મી તારીખના રોજ વડોદરા ની એમ. એસ. યુનિવર્સીટીમાં રાષ્ટ્રપતિના હસ્તે કોનવોકેશનમાં વિદ્યાર્થીઓને ગોલ્ડ મેડલ અને પદવીદાન કરાશે જેની તૈયારીઓને આખરી ઓપ અપાઈ રહ્યો છે.આ પણ વાંચો: Sandesh Digital Explainer : આવતીકાલથી ચોમાસું લેશે વિદાય, ચોમાસું અચાનક નથી જતું, આ રીતે થાય છે વિદાય, સમજો ગણિત

Read Full Story arrow_forward

calendar_today September 18, 2026

Cyclone Alert : બંગાળની ખાડીમાંથી આવી રહ્યું છે 'અર્નવ' વાવાઝોડું..!

બંગાળની ખાડી અને તેની આસપાસના દરિયાઈ વિસ્તારમાં હવામાનની નવી સિસ્ટમ સક્રિય થવાના સંકેતો મળી રહ્યા છે. થાઈલેન્ડ ઉપર બનેલું વાતાવરણનું ચક્રવાતી ઘેરું હવે ધીમે-ધીમે પશ્ચિમ તરફ આગળ વધી રહ્યું છે અને આજે સાંજ સુધી ઉત્તર અંડમાન સમુદ્ર ઉપર પહોંચવાની શક્યતા છે. આ સિસ્ટમના પ્રભાવથી 19 સપ્ટેમ્બરની સાંજ સુધી ઉત્તર અંડમાન સમુદ્રના વિસ્તારમાં લો પ્રેશર એરિયા એટલે કે નિમ્ન દબાણનું ક્ષેત્ર બનવાની પ્રબળ શક્યતા વ્યક્ત કરવામાં આવી છે.થાઈલેન્ડથી અંડમાન સમુદ્ર સુધી સિસ્ટમની ગતિહવામાન માહિતી મુજબ થાઈલેન્ડ ઉપર હાલ ઉપલા વાતાવરણમાં ચક્રવાતી પરિભ્રમણ એટલે કે વમળ જેવી સ્થિતિ બનેલી છે. આ સિસ્ટમ આગળ વધીને આજે સાંજ સુધી ઉત્તર અંડમાન સમુદ્રના વિસ્તારમાં પહોંચી શકે છે.19 સપ્ટેમ્બર સુધી લો પ્રેશર એરિયા બની શકેજો આ સિસ્ટમ વધુ સંગઠિત થશે તો તેના પ્રભાવથી બંગાળની ખાડીમાં હવામાનનું દબાણ ઘટી શકે છે અને 19 સપ્ટેમ્બર સુધી લો પ્રેશર એરિયા બની શકે છે. ત્યારબાદ સિસ્ટમની દિશા અને તેની તીવ્રતા પર હવામાન વિભાગની નજર રહેશે.આગામી 3-4 દિવસ મહત્વપૂર્ણસિસ્ટમ બન્યા બાદ આગામી 3-4 દિવસ દરમિયાન તેમાં ધીમે-ધીમે તીવ્રતા વધવાની શક્યતા વ્યક્ત કરવામાં આવી છે. આ દરમિયાન સિસ્ટમ પશ્ચિમ-ઉત્તરપશ્ચિમ દિશામાં આગળ વધી શકે છે. હવામાનની આ સિસ્ટમ આગળ વધીને દક્ષિણ ઓડિશા અને ઉત્તર આંધ્ર પ્રદેશના દરિયાકાંઠા તરફ પહોંચે તેવી શક્યતા દર્શાવવામાં આવી રહી છે. સિસ્ટમની સ્થિતિ પ્રમાણે તેની ગતિ અને માર્ગમાં ફેરફાર થઈ શકે છે.ડિપ્રેશન કે ડીપ ડિપ્રેશન બની શકેઆપેલી માહિતી અનુસાર બંગાળની ખાડીમાં બનનારી અથવા સક્રિય થયેલી નિમ્ન દબાણની સિસ્ટમ આગામી દિવસોમાં વધુ મજબૂત બની શકે છે. તીવ્રતા વધે તો તે ડિપ્રેશન અથવા ડીપ ડિપ્રેશનમાં પરિવર્તિત થવાની શક્યતા પણ વ્યક્ત કરવામાં આવી છે. સિસ્ટમ કઈ ઝડપે આગળ વધે છે, તેની આસપાસના વાતાવરણની સ્થિતિ કેવી રહે છે અને સમુદ્ર ઉપર તેને કેટલો અનુકૂળ માહોલ મળે છે તેના આધારે તેની તીવ્રતા નક્કી થશે.23 અને 24 સપ્ટેમ્બરે ફાસ્ટ મૂવમેન્ટની શક્યતાઆ સિસ્ટમ માટે 23 અને 24 સપ્ટેમ્બર મહત્વપૂર્ણ બની શકે છે. આ સમયગાળા દરમિયાન સિસ્ટમની ગતિમાં વધારો થઈ શકે છે. ખાસ કરીને 24 સપ્ટેમ્બરની આસપાસ તે ઉત્તર ઓડિશા તરફ આગળ વધવાની શક્યતા દર્શાવવામાં આવી છે. સિસ્ટમ જો વધુ મજબૂત બનશે તો ઓડિશા અને આંધ્ર પ્રદેશના કેટલાક વિસ્તારોમાં વરસાદની તીવ્રતા વધવાની શક્યતા રહેશે. દરિયાકાંઠાના વિસ્તારોમાં પણ હવામાનની સ્થિતિ પર સતત નજર રાખવી જરૂરી બનશે.ભારે વરસાદની શક્યતાસિસ્ટમના પ્રભાવથી દક્ષિણ ઓડિશા અને ઉત્તર આંધ્ર પ્રદેશના કેટલાક વિસ્તારોમાં ભારે વરસાદની શક્યતા વ્યક્ત કરવામાં આવી છે. નિમ્ન દબાણનું ક્ષેત્ર વધુ સંગઠિત બનશે તો વરસાદનો વિસ્તાર અને તીવ્રતા પણ બદલાઈ શકે છે. ખાસ કરીને દરિયાકાંઠાના વિસ્તારોમાં વરસાદની સાથે પવનની ગતિમાં પણ વધારો થઈ શકે છે. જોકે ચોક્કસ સ્થળે કેટલો વરસાદ પડશે અથવા પવનની ગતિ કેટલી રહેશે તે અંગે આગાહી સિસ્ટમની આગળની સ્થિતિના આધારે વધુ સ્પષ્ટ થઈ શકે છે.શું ભારતમાં વાવાઝોડું આવવાનું છે?હાલ સૌથી મહત્વનો સવાલ એ છે કે શું આ સિસ્ટમ આગળ જઈને વાવાઝોડાનું સ્વરૂપ ધારણ કરશે? આપેલી માહિતી મુજબ હાલ વાવાઝોડું બનવાની કોઈ સત્તાવાર આગાહી કરવામાં આવી નથી. હાલ તબક્કે સિસ્ટમને લઈને લો પ્રેશર, ત્યારબાદ ડિપ્રેશન અથવા ડીપ ડિપ્રેશન જેવી શક્યતાઓ પર નજર છે. જો સિસ્ટમ વધુ મજબૂત બનશે તો આગળની સ્થિતિ પ્રમાણે ચક્રવાતમાં પરિવર્તન થવાની શક્યતા અંગે નિર્ણય થઈ શકે છે.વાવાઝોડાનું નામ અર્નવ રખાયુંજો બંગાળની ખાડીમાં આ સિસ્ટમ આગળ જઈને સત્તાવાર રીતે સમુદ્રી તોફાન એટલે કે વાવઝોડું બને, તો તેનું નામ ‘અર્નવ’ હોઈ શકે છે, જે નામ બાંગ્લાદેશ દ્વારા આપવામાં આવ્યું છે. પરંતુ હાલમાં વાવાઝોડાની સત્તાવાર આગાહી નથી. તેથી ‘અર્નવ’ નામ માત્ર સંભવિત પરિસ્થિતિ સાથે જોડાયેલું છે અને સિસ્ટમ ચક્રવાતના સ્તરે પહોંચે છે કે નહીં તે આગામી દિવસોમાં તેની તીવ્રતા પર નિર્ભર રહેશે.દરિયામાં સ્ટોર્મ વોર્નિંગ પણ નથીહાલ સમુદ્રી વિસ્તારો માટે કોઈ સ્ટોર્મ વોર્નિંગ જાહેર કરવામાં આવી નથી. એટલે હાલમાં ચક્રવાત અંગે સીધી ચેતવણી આપવામાં આવી નથી. હવામાન વિભાગ સમગ્ર સિસ્ટમની ગતિવિધિ પર સતત નજર રાખી રહ્યું છે. આગામી દિવસોમાં સિસ્ટમ અંડમાન સમુદ્ર અને ત્યારબાદ બંગાળની ખાડીમાં કેવી રીતે આગળ વધે છે તે મહત્વનું રહેશે. તેની દિશા, ગતિ અને તીવ્રતામાં ફેરફારના આધારે ઓડિશા અને આંધ્ર પ્રદેશના હવામાન પર તેની અસર સ્પષ્ટ થશે.24 સપ્ટેમ્બર સુધી નજર રાખવી પડશેહાલ સમગ્ર ઘટનાક્રમમાં 19 સપ્ટેમ્બરથી 24 સપ્ટેમ્બર સુધીનો સમય મહત્વપૂર્ણ બની શકે છે. 19 સપ્ટેમ્બરે લો પ્રેશર બનવાની શક્યતા બાદ આગામી 3-4 દિવસમાં સિસ્ટમ મજબૂત થવાની અને 23-24 સપ્ટેમ્બરે ઝડપી ગતિથી ઉત્તર ઓડિશા તરફ આગળ વધવાની શક્યતા દર્શાવવામાં આવી છે.વધુ અપડેટ આવી શકે આથી હાલ વાવાઝોડાને લઈને કોઈ નિશ્ચિત આગાહી કરવાને બદલે સિસ્ટમના વિકાસ પર નજર રાખવી જરૂરી છે. હવામાન વિભાગ દ્વારા આગામી અપડેટમાં તેની તીવ્રતા, માર્ગ અને સંભવિત અસર અંગે વધુ સ્પષ્ટતા કરવામાં આવી શકે છે. આ પણ વાંચો  :   Sandesh Digital Explainer : આવતીકાલથી ચોમાસું લેશે વિદાય, ચોમાસું અચાનક નથી જતું, આ રીતે થાય છે વિદાય, સમજો ગણિત

Read Full Story arrow_forward