Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 04 સપ્ટેમ્બર ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
રાજકોટમાં શરૂ થયેલા વિરાસતથી વિકાસ લોકમેળાના પ્રથમ દિવસે જ જનઆરોગ્યની સુરક્ષાને ધ્યાનમાં રાખીને આરોગ્ય વિભાગની ટીમે ખાદ્ય પદાર્થોના સ્ટોલ્સ પર સરપ્રાઈઝ ચેકિંગ હાથ ધર્યું હતું. ટીમે મેળામાં વેચાતી ફરાળી ચિપ્સ, ભૂંગળા બટેટા, ઢોકળા,ખીચું સહિતની વિવિધ ખાદ્યચીજોની કડક તપાસ કરી હતી.આ સરપ્રાઈઝ ચેકિંગ દરમિયાન ભૂંગળા બટેટાના એક સ્ટોલ પરથી મોટી માત્રામાં સડેલા બટેટા મળી આવ્યા હતા જેનો આરોગ્યની ટીમે તાત્કાલિક ધોરણે જપ્ત કરી નાશ કર્યો હતો.આરોગ્ય વિભાગની ટીમે સ્ટીમ ઢોકળા બનાવવા માટે વપરાતું તેલ, ચટણી તેમજ વિવિધ મસાલાઓની પણ ગુણવત્તા ચકાસી હતી.મોટા પ્રમાણમાં અખાદ્ય અને વાસી ખોરાક ઝડપી પાડ્યોલોકમેળામાં સાતમ આઠમની રજા હોવાથી હવે વધારે લોકો મુલાકાત લઈ રહ્યાં છે. બીજી તરફ તહેવારોમાં લોકોને ઉપવાસ હોય અને શ્રાવણ મહિનો આખો ઉપવાસ કર્યા હોય તે લોકો પણ મેળાની મજા માણવા આવતા હોય છે. હવે મેળામાં જે ફૂડ સ્ટોલ લાગેલા છે ત્યાં ફરારી વાનગીઓ પર વેચાઈ રહી છે અને લોકો હોંશે હોંશે ખાઈ પણ રહ્યાં છ. ત્યારે મનપાના આરોગ્ય વિભાગની ટીમે મેળામાં વેચાઈ રહેલી ખાદ્ય સામગ્રીને લઈને એક્શન શરૂ કરી છે. લોકમેળામાં ત્રીજા દિવસે પણ આરોગ્ય વિભાગની ટીમે સઘન ચેકિંગ હાથ ધરીને મોટા પ્રમાણમાં અખાદ્ય અને વાસી ખોરાક ઝડપી પાડી તેનો સ્થળ પર જ નાશ કર્યો હતો. આઠમના ઉપવાસ તૂટે તેવી ફરાળી વસ્તુઓનું વેચાણઆરોગ્ય વિભાગના ચેકિંગ દરમિયાન સૌથી ચોંકાવનારી બાબત એ સામે આવી હતી કે લોકોના આઠમના ઉપવાસ તૂટે તે રીતે ફરાળના નામે ભેળસેળયુક્ત વસ્તુઓનું વેચાણ થઈ રહ્યું હતું.આરોગ્ય વિભાગે ફરાળી ચિપ્સને વધુ કરકરી બનાવવા માટે તેને ચોખાના લોટના દ્રાવણમાં ડૂબાડવામાં આવતી હોવાનું પકડી પાડ્યું હતું. લોકમેળામાં ફરાળી વાનગીઓના નામે થતી આ ગંભીર ભેળસેળને કારણે શ્રદ્ધાળુઓનો ઉપવાસ તૂટી શકે તેવી સ્થિતિ નિર્માણ પામતાં તંત્રે ખાણીપીણીના સ્ટોલ ધારકો સામે કડક કાર્યવાહી હાથ ધરી છે.તંત્ર દ્વારા લોકોને અપીલ કરવામાં આવી છે કે લોકમેળામાં કોઈપણ ખાદ્ય સ્ટોલ પરથી ખોરાક આરોગતા પહેલા તેની હાઈજેનિક કન્ડિશન ખાસ તપાસી લેવી. આ પણ વાંચોઃ Dangમાં મોટી હોનારત ટળી, સાપુતારા જતી લક્ઝરી બસ રિવર્સમાં ખાડામાં ખાબકી, 54 મુસાફરોનો ચમત્કારિક બચાવ!
Read Full Story arrow_forward
PM નરેન્દ્ર મોદીના આગામી વડોદરા પ્રવાસને લઈને સંસ્કારી નગરીમાં તડામાર તૈયારીઓ શરૂ કરી દેવામાં આવી છે. ‘નમો ફોર વિકસિત ભારત’ બ્રાન્ડિંગ હેઠળ એક અત્યંત ભવ્ય અને ઐતિહાસિક કાર્યક્રમનું આયોજન કરવામાં આવી રહ્યું છે. આ કાર્યક્રમ દરમિયાન કેન્દ્ર અને રાજ્ય સરકાર દ્વારા મધ્ય ગુજરાત માટે કરોડો રૂપિયાના વિકાસ કાર્યોની મોટી ભેટોની જાહેરાત કરવામાં આવશે. આ મહા-આયોજનમાં વડીલો, યુવાનો અને સમાજના તમામ વર્ગો ઉત્સાહભેર જોડાશે, જ્યાં દેશના ઘડતરમાં વડીલોના અમૂલ્ય યોગદાનને બિરદાવવામાં આવશે તથા આગામી 20 વર્ષના ‘વિકસિત ભારત’ના સ્પષ્ટ રોડમેપ પર ખાસ ભાર મુકાશે.FIFA અને આંતરરાષ્ટ્રીય ક્રિકેટ ઈવેન્ટ્સની તર્જ પર 4K કેમેરાથી લાઈવ પ્રોડક્શનઆ વખતના કાર્યક્રમની સૌથી મોટી વિશેષતા તેનું આંતરરાષ્ટ્રીય કક્ષાનું ટેકનિકલ પ્રોડક્શન કવરેજ બની રહેશે. FIFA વર્લ્ડ કપ અને આંતરરાષ્ટ્રીય ક્રિકેટ ઈવેન્ટ્સના ધોરણે અત્યાધુનિક 4K કેમેરા અને હાઈ-ટેક ટેકનોલોજી સાથે લાઈવ પ્રોડક્શન કરવામાં આવશે. આ ભવ્ય કવરેજને સફળ બનાવવા માટે દેશ અને વિદેશની જાણીતી પ્રોડક્શન ટીમો વડોદરા ખાતે કાર્યક્રમ સાથે જોડાઈ છે. ટેકનોલોજીના આ ઉત્કૃષ્ટ સમન્વયથી PMના આ કાર્યક્રમનું પ્રસારણ વૈશ્વિક સ્તરનું અને દ્રશ્ય-શ્રાવ્ય માધ્યમથી અત્યંત પ્રભાવશાળી બની રહેશે.વહીવટી તંત્ર દ્વારા આખરી ઓપ, નાગરિકોને મળશે અનોખો વિઝ્યુઅલ અનુભવકાર્યક્રમ સ્થળે સુરક્ષા, બેઠક વ્યવસ્થા અને મંડપ સહિતની તમામ કામગીરીને વડોદરા વહીવટી તંત્ર દ્વારા ઝડપથી આખરી ઓપ આપવામાં આવી રહ્યો છે. ઉચ્ચ અધિકારીઓ સ્થળ પર હાજર રહીને તમામ પાસાઓનું બારીકાઈથી નિરીક્ષણ કરી રહ્યા છે. આ કાર્યક્રમના અંતે ઉપસ્થિત રહેનારા તમામ નાગરિકો તેમજ લાઈવ જોનારા દર્શકો માટે એક અનોખો અને અદ્ભુત વિઝ્યુઅલ અનુભવ તૈયાર કરવામાં આવ્યો છે. આ ભવ્ય આયોજન વડોદરા અને સમગ્ર મધ્ય ગુજરાત માટે એક યાદગાર ક્ષણ બની રહેશે.આ પણ વાંચો : Suratના ઉત્રાણમાં વેપારી હનીટ્રેપમાં ફસાયો, નગ્ન વીડિયો બનાવી રૂ.70 લાખ અને આખું મકાન હડપવાનો ખેલ, પોલીસ ચોંકી!
Read Full Story arrow_forward