Community News & Updates

Stay informed with the latest happenings, achievements, and announcements from our community.

All News

calendar_today September 4, 2026

Suratના ઉત્રાણમાં વેપારી હનીટ્રેપમાં ફસાયો, નગ્ન વીડિયો બનાવી રૂ.70 લાખ અને આખું મકાન હડપવાનો ખેલ, પોલીસ ચોંકી!

સુરત શહેરના ઉત્રાણ વિસ્તારમાં એક યુવાન વેપારીને હનીટ્રેપની માયાજાળમાં ફસાવીને લાખો રૂપિયા તથા મકાન પડાવી લેવાનો સનસનાટીભર્યો કિસ્સો સામે આવ્યો છે. યુવાન વેપારી પોતાના મકાનનું ભાડું લેવા માટે ગયો હતો ત્યારે ભાડૂઆત મહિલા અને તેના સાથીદારે તેને છરી બતાવીને માર માર્યો હતો. ત્યારબાદ બળજબરીથી વેપારીના કપડાં ઉતરાવીને તેનો નગ્ન વિડીયો શૂટ કરી લીધો હતો. આ વિડીયો સોશિયલ મીડિયા પર વાયરલ કરવાની ધમકી આપીને પ્રાથમિક તબક્કે વેપારી પાસેથી રૂ.2.60 લાખની રકમ બળજબરીથી પડાવી લેવામાં આવી હતી.બળાત્કારની અરજી કરી રૂ.70 લાખની માંગણી અને મકાન લખાવી આપવા દબાણપ્રાથમિક રકમ મેળવ્યા બાદ પણ આ ઠગ ટોળકી ધરાઈ નહોતી અને વધુ રૂપિયા પડાવવા માટે વેપારી વિરુદ્ધ પોલીસ સ્ટેશનમાં બળાત્કારની ખોટી અરજી કરી દીધી હતી. આ કેસ રફેદફે કરવાના બહાને ટોળકીએ શરૂઆતમાં રૂ.70 લાખની માતબર રકમની માંગણી કરી હતી. આખરે કહેવાતા સમાધાનના નામે વેપારી પર રૂ.38 લાખ રોકડા આપવા અથવા તો પોતાનું આખું મકાન મહિલાના નામે કરી આપવા માટે તોતિંગ માનસિક અને કાયદાકીય દબાણ કરવામાં આવ્યું હતું.ઉત્રાણ પોલીસે બે મહિલા અને વકીલ સહિત 5 સામે ગુનો નોંધી તપાસ હાથ ધરીસતત શારીરિક, માનસિક ત્રાસ અને તોતિંગ રકમની માંગણીથી કંટાળીને આખરે પીડિત વેપારીએ હિંમત દર્શાવી ઉત્રાણ પોલીસ સ્ટેશનનો સંપર્ક કર્યો હતો. વેપારીની વિધિવત ફરિયાદના આધારે ઉત્રાણ પોલીસે ઘટનામાં સંકળાયેલી બે મહિલાઓ, એક વકીલ સહિત કુલ 5 આરોપીઓ વિરુદ્ધ ગંભીર કલમો હેઠળ ગુનો દાખલ કર્યો છે. પોલીસે આ હનીટ્રેપ રેકેટના તમામ આરોપીઓને ઝડપી પાડવા માટે ચક્રો ગતિમાન કર્યા છે.આ પણ વાંચો : Gandhinagar સિવિલમાં અંધશ્રદ્ધાનો ચોંકાવનારો કિસ્સો, પુત્રની માનતામાં ગળેલી રૂ.100ની નોટ કાઢવા યુવકે પેટમાં ચાકુ મારી દીધું!

Read Full Story arrow_forward

calendar_today September 4, 2026

Gandhinagar News: મુંબઈમાં વાઈબ્રન્ટ ગુજરાત સમિટનો રોડ શો, મુખ્યમંત્રી ભૂપેન્દ્ર પટેલે મુકેશ અંબાણી સાથે બેઠક કરી

ગુજરાતમાં આગામી સમયમાં વાઈબ્રન્ટ ગુજરાત સમિટ 2027નું આયોજન કરવામાં આવ્યું છે.આ સમિટને લઈને મુખ્યમંત્રી અને ગુજરાતનું ડેલિગેશન વિદેશ પ્રવાસે ગયું હતું.વિદેશના ઉદ્યોગપતિઓ સાથે તેમણે ગુજરાતમાં રોકાણ લાવવા માટે ચર્ચાઓ કરી હતી.ત્યાર બાદ દિલ્હી અને મુંબઈમાં પણ મુખ્યમંત્રી ભૂપેન્દ્ર પટેલે વાઈબ્રન્ટ સમિટને લઈને એક બેઠક કરી હતી.રાજ્યમાં આ સમિટને લઈને વિવિધ ક્ષેત્રના ઉદ્યોગપતિઓ સાથે મુખ્યમંત્રી મુલાકાત કરી રહ્યાં છે.તેમણે ગઈકાલે અલગ અલગ ઉદ્યોગપતિઓ સાથે વન ટુ વન મુલાકાત કરી હતી. આજે તેઓ રિલાયન્સ ઈન્ડસ્ટ્રીઝના ચેરમેન મુકેશ અંબાણીને મળ્યા હતાં. વાઈબ્રન્ટ સમિટ અંતર્ગત મુખ્યમંત્રી ભૂપેન્દ્ર પટેલ મુકેશ અંબાણીને મળ્યામુખ્યમંત્રીએ એક્સ પર પોસ્ટ કરીને કહ્યું હતું કે, વાઈબ્રન્ટ ગુજરાત સમિટ 2027ના મુંબઈ રોડશોના કાર્યક્રમો દરમિયાન રિલાયન્સ ઈન્ડસ્ટ્રીઝના ચેરમેન એન્ડ મેનેજિંગ ડિરેક્ટર મુકેશ અંબાણી અને અનંત અંબાણી સાથે મુલાકાત કરીને અત્યંત આનંદ થયો હતો. આ મુલાકાત દરમિયાન ગ્રીન એનર્જી ઈકોસિસ્ટમ,પેટ્રોકેમિકલ્સ,રિટેલ સપ્લાય ચેઈન અને ડિજિટલ ઈન્ફ્રાસ્ટ્રક્ચરમાં નેતૃત્વ મજબૂત કરવાની સાથે ગુજરાતમાં રિલાયન્સના પરિવર્તનકારી યોગદાન અને ચાલી રહેલા વિશાળ રોકાણો અંગે સઘન ચર્ચા કરવામાં આવી હતી.જામનગરમાં સોલાર, ગ્રીન હાઈડ્રોજન અને એડવાન્સ્ડ મટિરિયલ્સ ક્ષેત્રે વર્લ્ડ-ક્લાસ મેન્યુફેક્ચરિંગના વિસ્તરણ માટે તેમની પ્રતિબદ્ધતાને આવકારવામાં આવી હતી.જે ભારતના ક્લીન એનર્જી ટ્રાન્ઝિશનને આગળ ધપાવવામાં ગુજરાતની ભૂમિકાને વધુ મજબૂત બનાવશે.ગઈકાલે પણ ઉદ્યોગપતિઓ સાથે વન ટુ વન બેઠક કરી હતીગઈકાલે મુંબઈ ખાતે મુખ્યમંત્રીએ મહિન્દ્રા ગ્રુપના ચેરમેન આનંદ મહિન્દ્રા, હિંડાલ્કો ઈન્ડસ્ટ્રીઝના મેનેજિંગ ડિરેક્ટર સતીશ પાઈ, વેલસ્પન લિવિંગ લિમિટેડના સીઈઓ અને મેનેજિંગ ડિરેક્ટર દીપાલી ગોએન્કા અને AM/NS ઈન્ડિયાના ચીફ એક્ઝિક્યુટિવ ઓફિસર અમિત હરલાલકા સાથે મુલાકાત કરી હતી. જેમાં રાજ્યમાં રોકાણ લાવવા માટે ચર્ચાઓ કરવામાં આવી હતી. આ બેઠકો દરમિયાન ગિફ્ટ સિટીમાં પણ રોકાણ લાવવા માટે ચર્ચાઓ કરાઈ હતી. ગુજરાતનું વિશ્વસ્તરીય પોર્ટ-લેડ લોજિસ્ટિક્સ, સુદ્રઢ ઈન્ફ્રાસ્ટ્રક્ચર અને ભવિષ્યલક્ષી ઔદ્યોગિક નીતિઓ નેક્સ્ટ જનરેશન મેન્યુફેક્ચરિંગ તેમજ ફાઇનાન્સિયલ સર્વિસિસ માટે ઉત્તમ વાતાવરણ પૂરું પાડે છે તે બાબત પર વિશેષ ભાર મૂકવામાં આવ્યો હતો.આ પણ વાંચોઃ Dangમાં મોટી હોનારત ટળી, સાપુતારા જતી લક્ઝરી બસ રિવર્સમાં ખાડામાં ખાબકી, 54 મુસાફરોનો ચમત્કારિક બચાવ!

Read Full Story arrow_forward

calendar_today September 4, 2026

Bengaluru: ઓ બાપરે... લોકોને પીરસવામાં આવતું હતું આટલું ગંદુ ખાવાનું! બેંગલુરુમાં દરોડા દરમિયાન જે જોવા મળ્યું તે ચોંકાવનારું

Bengaluru:  કર્ણાટકની રાજધાની બેંગલુરુમાં ફૂડ સેફ્ટી એન્ડ ડ્રગ એડમિનિસ્ટ્રેશન વિભાગે મોટી કાર્યવાહી કરી છે. આરોગ્ય અને પરિવાર કલ્યાણ મંત્રી યુ.ટી. ખાદરની સૂચના પર કાર્ય કરતા, વિભાગના ફૂડ સેફ્ટી વિભાગે ગુરુવારે રાત્રે સહકારનગર વિસ્તારમાં ડોલર્સ કોલોનીમાં સ્થિત ચેરમેન ક્લબમાં એક ખાસ નિરીક્ષણ અભિયાન હાથ ધર્યું હતું. અહેવાલો દર્શાવે છે કે નિરીક્ષણ દરમિયાન એક આઘાતજનક પરિસ્થિતિ સામે આવી હતી, જેનાથી બધા આશ્ચર્યચકિત થઈ ગયા હતા. આ કાર્યવાહીના પરિણામે, વિભાગે ચેરમેન ક્લબના રસોડાને સીલ કરી દીધું છે.કઈ ખામીઓ મળી આવી?અહેવાલો અનુસાર, આ કાર્યવાહી ફૂડ સેફ્ટી એન્ડ સ્ટાન્ડર્ડ્સ એક્ટ, 2006 અને ફૂડ સેફ્ટી એન્ડ સ્ટાન્ડર્ડ્સ (ફૂડ બિઝનેસનું લાઇસન્સિંગ અને નોંધણી) રેગ્યુલેશન્સ, 2011 ની જોગવાઈઓ હેઠળ કરવામાં આવી હતી. વિભાગના નિરીક્ષણ દરમિયાન નીચેના મુખ્ય ઉલ્લંઘનો જોવા મળ્યા:- એક્સપાયરી મરચાનો સંગ્રહ: 40 કિલો મરચાંનો સંગ્રહ ખાદ્ય સ્ટોક તરીકે જોવા મળ્યો.- અયોગ્ય લેબલિંગ: 5 કિલો બ્રેડક્રમ્સ અને 2 કિલો શાહી જીરું (કાળા જીરા) પર FSSAI નિયમોનું પાલન ન કરતું લેબલિંગ જોવા મળ્યું.- અત્યંત અસ્વચ્છ પરિસ્થિતિઓ: ખોરાકની તૈયારી અને સંગ્રહ વિસ્તારોમાં વધુ પડતી ગંદકી અને અસ્વચ્છ પરિસ્થિતિઓ મળી આવી.- અનધિકૃત કૃત્રિમ રંગોનો ઉપયોગ: ખાદ્ય પદાર્થોમાં અનધિકૃત અથવા પ્રતિબંધિત કૃત્રિમ રંગોનો ઉપયોગ અથવા સંગ્રહ થતો જોવા મળ્યો.- સુરક્ષા પગલાંની અવગણના: ખાદ્ય પદાર્થોના સંગ્રહ અને સંચાલન અંગે આવશ્યક ખાદ્ય સુરક્ષા ધોરણોનું પાલન કરવામાં આવી રહ્યું ન હતું.- શાકાહારી અને માંસાહારી ખોરાકનું મિશ્રણ: શાકાહારી અને માંસાહારી ખાદ્ય પદાર્થો એકસાથે સંગ્રહિત કરવામાં આવ્યા હતા.- વંદાની હાજરી: રસોડાના વિસ્તારમાં વંદા મળી આવ્યા.રસોડું ખૂબ જ અસ્વચ્છ સ્થિતિમાંનિરીક્ષણ દરમિયાન, રસોડું ખૂબ જ અસ્વચ્છ સ્થિતિમાં કાર્યરત હોવાનું જાણવા મળ્યું. વધુમાં, સમાપ્ત થયેલ ખાદ્ય પદાર્થો જપ્ત કરવામાં આવ્યા હતા. ખાદ્ય સલામતી અને સ્વચ્છતા અંગેની આ ગંભીર ભૂલોને ધ્યાનમાં રાખીને, ક્લબના રસોડાને સીલ કરવામાં આવ્યું છે અને ફૂડ સેફ્ટી એન્ડ સ્ટાન્ડર્ડ્સ એક્ટ, 2006 અને 2011 ના નિયમો હેઠળ વધુ કાનૂની કાર્યવાહી શરૂ કરવામાં આવી છે. નોંધનીય છે કે FDA પડોશી રાજ્ય મહારાષ્ટ્રમાં પણ તેની અમલીકરણ કાર્યવાહી ચાલુ રાખી રહ્યું છે.ફૂડ સેફ્ટી એન્ડ ડ્રગ એડમિનિસ્ટ્રેશન વિભાગે ચેતવણી આપીકર્ણાટકમાં ફૂડ સેફ્ટી એન્ડ ડ્રગ એડમિનિસ્ટ્રેશન વિભાગે સ્પષ્ટતા કરી છે કે ખાદ્ય સલામતી અને ગુણવત્તા ધોરણોનું ઉલ્લંઘન કરતી કોઈપણ ખાદ્ય ઉત્પાદન, સંગ્રહ અથવા વેચાણ એકમ સામે નિરીક્ષણ ચાલુ રહેશે અને કાયદા અનુસાર કડક કાનૂની કાર્યવાહી કરવામાં આવશે.આ પણ વાંચો: India: ભાગેડુ મેહુલ ચોક્સીને ભારત પરત લાવવામાં આવશે! બેલ્જિયમ સરકાર સાથે બેઠક બાદ ચર્ચા

Read Full Story arrow_forward