Community News & Updates

Stay informed with the latest happenings, achievements, and announcements from our community.

All News

calendar_today September 8, 2026

Ahmedabad News : 100 ટોલ પ્લાઝા પર નકલી એપથી ગેરકાયદે વસૂલી! દેશભરમાં 14 સ્થળે EDના દરોડા, રૂ.1 કરોડથી વધુની રોકડ જપ્ત

અમદાવાદ સહિત દેશભરમાં ચકચાર મચાવનારા બહુચર્ચિત ટોલ પ્લાઝા કૌભાંડ મામલે એન્ફોર્સમેન્ટ ડિરેક્ટોરેટ (ED) દ્વારા દેશવ્યાપી આકરી કાર્યવાહી હાથ ધરવામાં આવી છે. કેન્દ્રીય તપાસ એજન્સી ED દ્વારા ઉત્તર પ્રદેશ, રાજસ્થાન, મધ્ય પ્રદેશ, જમ્મુ-કાશ્મીર, પશ્ચિમ બંગાળ અને દિલ્હી સહિત 6 રાજ્યોમાં કુલ 14 જેટલા સ્થળોએ સામૂહિક દરોડા પાડવામાં આવ્યા છે. નકલી મોબાઇલ એપ્લિકેશનનો ઉપયોગ કરીને દેશના વિવિધ ટોલ પ્લાઝા પર ગેરકાયદેસર રીતે ટોલ ટેક્સની વસૂલી કરીને નેશનલ હાઇવે ઓથોરિટી ઓફ ઇન્ડિયા (NHAI) ને કરોડો રૂપિયાનું મોટું આર્થિક નુકસાન પહોંચાડવાના ગુના હેઠળ આ કડક પગલાં લેવામાં આવ્યા છે.'MobData' અને 'Any' એપથી વસૂલીતપાસમાં બહાર આવેલી વિગતો અનુસાર, કૌભાંડીઓ દ્વારા 'MobData' અને 'Any' નામની બોગસ એપ્લિકેશન્સ બનાવીને અંદાજે 100 જેટલા ટોલ પ્લાઝા પરથી ગેરકાયદેસર રીતે કરોડો રૂપિયાની વસૂલાત કરવામાં આવતી હતી. આ સમગ્ર નેટવર્કમાં ખાનગી ટોલ એજન્સીઓની સીધી મિલીભગત હોવાની પ્રબળ આશંકા સેવાઈ રહી છે. ED દ્વારા પાડવામાં આવેલા દરોડા દરમિયાન સ્થળ પરથી રૂ.1.03 કરોડની શંકાસ્પદ રોકડ રકમ જપ્ત કરવામાં આવી છે, જ્યારે કૌભાંડ સાથે સંકળાયેલા 8 બેંક લોકર્સને તાત્કાલિક અસરથી ફ્રીઝ કરી દેવામાં આવ્યા છે. આ ઉપરાંત, કૌભાંડના મૂળ સુધી પહોંચવા માટે અનેક ડિજિટલ ઉપકરણો, લેપટોપ, હાર્ડ ડિસ્ક અને શંકાસ્પદ દસ્તાવેજો કબજે લેવાયા છે.ટોલ એજન્સીઓ સામે કડક કાનૂની કાર્યવાહીની તૈયારીNHAI ને કરોડો રૂપિયાનો ચૂનો ચોપડનારા આ ટેકનોલોજી આધારિત મોટા કૌભાંડનું નેટવર્ક અત્યંત ઊંડું અને દેશના અનેક રાજ્યોમાં ફેલાયેલું હોવાથી ED દ્વારા સમગ્ર સિન્ડિકેટ અંગે ઊંડાણપૂર્વક તપાસ ચલાવવામાં આવી રહી છે. નકલી એપ્લિકેશન ડેવલપ કરનારા ટેકનિકલ નિષ્ણાતોથી લઈને ટોલ સંચાલકો સુધીના તમામ નામો અને નાણાકીય વ્યવહારોની બારીકાઈથી છાનબીન થઈ રહી છે. ED ના આ દેશવ્યાપી દરોડા બાદ આ કૌભાંડમાં સામેલ અનેક મોટા આકાઓ તથા એજન્સીઓ પર કાયદાનો શિકંજો વધુ તંગ બનવાની અને આગામી દિવસોમાં મોટા નામો સામે આવવાની પૂરેપૂરી સંભાવના છે.આ પણ વાંચો : PM Modi In Gujarat : PM મોદીએ ગુજરાતને આપી રૂ.35 હજાર કરોડની વિકાસ ભેટ, અનેક પ્રોજેક્ટનું ઉદ્ઘાટન

Read Full Story arrow_forward

calendar_today September 8, 2026

Shashi Tharur: વિયેનાની ગલીઓમાં જ્યારે રાજાની જેમ નીકળ્યા શશી થરૂર.. જુઓ Video

કોંગ્રેસના સાંસદ શશી થરૂરે તાજેતરમાં વિયેનામાં 'પ્રોસી' નામના મલયાલી રેસ્ટોરન્ટની મુલાકાત લીધી હતી અને સ્થાનિક મલયાલી સમુદાય સાથે ઓણમની ઉજવણી કરી હતી. તેમણે આ કાર્યક્રમના ફોટા અને વીડિયો સોશિયલ મીડિયા પર શેર કર્યા હતા. આ પ્રસંગે, કોંગ્રેસના સાંસદ પરંપરાગત પોશાક પહેરેલા જોવા મળ્યા હતા જે પોશાક તેમણે ઉધાર લીધો હતો. વિયેનામાં ઓણમની ઉજવણી થરૂરે સોશિયલ મીડિયા પર ઉજવણીની ઝલક શેર કરી હતી, જેમાં વિયેનામાં તેમના સમય અને ત્યાંના સમુદાય સાથેની તેમની વાતચીતનો ઉલ્લેખ કર્યો હતો. તેમણે મજાકમાં એવો પણ ઉલ્લેખ કર્યો હતો કે તેમણે એ વાત તરફ ધ્યાન દોરવાનું ટાળ્યું હતું કે કેરળ અને ભારતના અન્ય ભાગોમાં ઓણમની ઉજવણી દસ દિવસ કરતાં વધુ સમય પહેલા પૂર્ણ થઈ ગઈ હતી.કપડા ઉધાર લઇને પહેર્યા હતા ફોટા શેર કરતા, શશી થરૂરે લખ્યું હતું કે તેઓ સપ્તાહના અંતે ઓણમની ઉજવણી કરવા માટે વિયેનામાં મલયાલીઓ દ્વારા સંચાલિત 'પ્રોસી' રેસ્ટોરન્ટની મુલાકાત લીધી હતી (જોકે થોડી મોડી). તેમણે આ પ્રસંગ માટે પરંપરાગત કપડાં ઉધાર લીધા હતા અને મેળાવડાને સંબોધિત કરી હતી, જેમાં નોંધપાત્ર સંખ્યામાં જિજ્ઞાસુ ઓસ્ટ્રિયન લોકો સામેલ હતા. સોશિયલ મીડિયા પર વીડિયો વાયરલ સોશિયલ મીડિયા પર આ વીડિયોને જોતા લોકોએ તેમની ઉજવણીને વધાવી લીધી હતી.  તેને મલયાલી સમુદાય દ્વારા વિદેશમાં તેમની સંસ્કૃતિને પ્રોત્સાહન આપવાના ઉદાહરણ તરીકે ટાંકીને અન્ય લોકોએ આ કાર્યક્રમના કેટલાક પાસાઓની ટીકા કરી. એક ટિપ્પણીકર્તાએ પ્રશ્ન કર્યો કે શું ઉજવણી જાહેર જગ્યામાં થવી જોઈતી હતી, ખાસ કરીને પરંપરાગત ઉત્સવો - છત્રીઓ અને પરંપરાગત પોશાક દર્શાવતા  જાહેર શેરી પર યોજાવા સામે વાંધો ઉઠાવ્યો. એક યુઝરે સૂચવ્યું કે આવી પ્રવૃત્તિઓ ખાનગી સ્થળે પણ યોજાઈ શકે છે.

Read Full Story arrow_forward

calendar_today September 8, 2026

આંતરજાતિય પ્રેમ લગ્ન અંગે Aniruddhacharya Maharajનો ખુલાસો, 'પ્રેમમાં પડતા પહેલા આધાર કાર્ડ તપાસો

અનિરુદ્ધાચાર્ય મહારાજે આંતરજાતિય પ્રેમ વિવાહ મામલે સલાહ આપી હતી કે, કોઈપણ સંબંધમાં ભવિષ્યનો વિચાર કરવો મહત્વપૂર્ણ છે.ભવિષ્યનો વિચાર કરવો જરુરીઃ અનિરુદ્ધાચાર્ય હરિયાણાના કરનાલ જિલ્લાના તારાવાડીમાં કથાકર અનિરુદ્ધાચાર્ય દ્વારા કથા દરમિયાન, એક યુવતીએ તેમને આંતરજાતિય પ્રેમ લગ્ન વિશે પૂછ્યું. અનિરુદ્ધાચાર્યએ જવાબ આપ્યો કે પ્રેમમાં પડતા પહેલા, વ્યક્તિએ પોતાના પરિવાર, મૂલ્યો અને ભવિષ્યનો વિચાર કરવો જોઈએ. તેમણે એમ પણ કહ્યું કે પ્રેમમાં પડતા પહેલા વ્યક્તિએ પોતાનું આધાર કાર્ડ તપાસવું જોઈએ.યુવતીએ શુ પૂછ્યો હતો પ્રશ્ન ? સવાલ-જવાબ સત્ર દરમિયાન, અનિરુદ્ધાચાર્યએ યુવતીને પ્રેમની વ્યાખ્યા પૂછી. મહિલાએ કહ્યું કે તે યુવાનને નિઃસ્વાર્થ પ્રેમ કરે છે. અનિરુદ્ધાચાર્યએ જવાબ આપ્યો કે તેણીએ તેની માતાનો નિઃસ્વાર્થ પ્રેમ પણ જોવો જોઈતો હતો. તેમણે પ્રશ્ન કર્યો કે તેણીને જન્મ આપનાર, તેને ઉછેરનાર, શિક્ષિત કરનાર અને તેના સપના પૂરા કરવા માટે પ્રોત્સાહિત કરનાર માતાના પ્રેમને કેમ સમજી શકતી નથી. તેમણે કહ્યું કે યુવતીએ તેની માતાનો પ્રેમ જોયો નહીં, પરંતુ તેણીએ છોકરાનો પ્રેમ જોયો.આજના સમયમાં, તે પ્રેમ નથી...: અનિરુદ્ધાચાર્યઅનિરુદ્ધાચાર્યએ આજે પ્રેમ સંબંધો પર પણ ટિપ્પણી કરી. તેમણે કહ્યું કે તેમના મતે, આકર્ષણ, વાસના અને ઇચ્છા આજે ઘણા સંબંધો પર પ્રેમ કરતાં વધુ પ્રભુત્વ ધરાવે છે. બાહ્ય સુંદરતા વિશે, તેમણે કહ્યું કે, જો કોઈ વ્યક્તિ સુંદર હોય, તો તેમને હજારો પ્રશંસકો મળી શકે છે. પરંતુ જો કોઈ શ્યામ અથવા ઓછો આકર્ષક હોય, તો લોકોનો તેમના પ્રત્યેનો દ્રષ્ટિકોણ બદલાઈ જાય છે. તેમણે યુવતીને કહ્યું કે ફક્ત બાહ્ય આકર્ષણને પ્રેમ સમજવું યોગ્ય નથી. તેમના મતે, સંબંધને સમજવા માટે વ્યક્તિના ઉછેર, કુટુંબ અને જીવન મૂલ્યો જોવાની જરૂર છે.માતા-પિતાના સંબંધનું ઉદાહરણ યુવતીને સમજાવતી વખતે, અનિરુદ્ધાચાર્યે તેના માતાપિતાના સંબંધનું ઉદાહરણ આપ્યું. તેમણે પૂછ્યું કે શું તેની માતા તેના પતિને પ્રેમ કરે છે. જ્યારે યુવતીએ હામાં જવાબ આપ્યો, ત્યારે તેમણે સમજાવ્યું કે તેની માતા તેના પતિથી ભાગી નથી, પરંતુ પરિવાર સાથે રહી છે. તેમણે યુવતીને કહ્યું કે તેના માતાપિતાએ જીવનમાં ચોક્કસ માર્ગ પસંદ કર્યો હોવાથી, તેણીએ પણ તેના પરિવાર અને સંબંધોના આધારે નિર્ણયો લેવા જોઈએ. તેમણે યુવતીને તેની માતા સાથે વાત કરવાની સલાહ પણ આપી હતી.આ પણ વાંચોઃ Strait of Hormuz વિવાદ વચ્ચે USની ધમકી સામે ઝૂકી રહ્યું છે Canada!, તો Iranએ કેમ વ્યક્ત કરી નારાજગી?, જાણો

Read Full Story arrow_forward