Rajkot News: લોધિકા સંઘની ચૂંટણીમાં ભારે ઉત્તેજના, આજે પાંચ બેઠક પર મતદાન
રાજકોટ જિલ્લાની પ્રતિષ્ઠિત ગણાતી રાજકોટ-લોધિકા સહકારી ખરીદ વેચાણ સંઘની ચૂંટણીમાં ભાજપના બે જૂથો વચ્ચે આંતરિક લડાઈ ચરમસીમાએ પહોંચતા હવે સીધી ચૂંટણીનો જંગ જામ્યો છે. સમાધાનના તમામ પ્રયાસો નિષ્ફળ જતા આજે પાંચ ડાયરેક્ટરોની બેઠકો માટે મતદાન યોજાશે અને બુધવારે મતગણતરી હાથ ધરવામાં આવશે. સંઘની ચૂંટણીમાં આ વખતે ભાજપના પૂર્વ મંત્રી અરવિંદ રૈયાણી અને તેમના હરીફ જૂથ વચ્ચે ખરાબરીનો જંગ થવાનો છે.તેવી જ રીતે ઘંટેશ્વરના ઘોઘુભા અને મોટા મવાના વિજય સખીયા વચ્ચે કાંટાની ટક્કર છે. ભાજપના જ કાર્યકરો અંદરોઅંદર ચૂંટણી લડી રહ્યા છેભાજપના ટોચના આગેવાનો દ્વારા છેલ્લી ઘડી સુધી બંને જૂથો વચ્ચે સમાધાન કરાવી બિનહરીફ ચૂંટણી કરાવવાના પ્રયાસો હાથ ધરાયા હતા, પરંતુ તેમાં માં સફળતા મળી ન હતી.ભાજપના જ કાર્યકરો અંદરોઅંદર ચૂંટણી લડી રહ્યા હોવાથી ભારે ઉત્તેજના ફેલાઈ છે. પક્ષ દ્વારા ઉમેદવારો માટે સત્તાવાર વ્હીપ પણ જાહેર કરવામાં આવ્યો છે. આજે સવારે જૂની કલેક્ટર કચેરી ખાતે શરૂ થયેલા મતદાનમાં કુલ 21 મતદારો પોતાના મતાધિકારનો ઉપયોગ કરશે. મતદારોની સંખ્યા ઓછી હોવાથી દરેક મત અત્યંત મહત્વનો બની ગયો છે. એક ઉમેદવારો પોલીસ પ્રોટેક્શન માંગ્યુંમતદારોને અંકે કરવા માટે સામ, દામ, દંડ, ભેદ જેવા પ્રલોભનો આપવામાં આવી રહ્યા હોવાની ચર્ચા છે. કેટલાક મતદારોને તો હરિફ જૂથના સંપર્કથી દૂર રાખવા ભૂગર્ભમાં પણ ઉતારી દેવાયા છે. સંઘની ચૂંટણીના ઉમેદવાર વિજય સખીયાએ પોલીસ કમિશનરને લેખિત અરજી કરી પોલીસ પ્રોટેક્શન આપવા માંગણી કરી છે.તેમણે અરજીમાં જણાવ્યું છે કે, આજે શરૂ થયેલ મતદાન પારદર્શક રીતે થાય અને ઉમેદવાર તરીકે સુરક્ષા મળે તે માટે પોલીસ બંદોબસ્ત આપવા માંગણી કરી છે.આ પણ વાંચોઃ Gandhinagar News : વેપારીને 7 દિવસમાં 90 ટકા રિફંડ મળશે, ડિસ્કાઉન્ટને કરાર સાથે જોડવાની શરત દૂર કરાશે
Read Full Story arrow_forward
