બનાસકાંઠામાં બટાકાએ ખેડૂતોને રડાવ્યા, ન મૂડી આવી કે ન કોલ્ડ સ્ટોરેજનું ભાડું નીકળ્યું
બનાસકાંઠામાં ચાલુ સાલે બટાકામાં આર્થિક મંદીના કારણે ખેડૂતો પાયમાલ તરફ ધકેલાઈ રહ્યા છે. હાલમાં ખેડૂતોને બટાકામાં મૂડી તો શું કોલ્ડ સ્ટોરેજના ભાડા પણ આવતા નથી તેના કારણે ખેડૂતો લાચાર બની ગયા છે. સૌથી મોંધી અને ખર્ચાળ જે બટાકાની ખેતી ગણાય છે ગુજરાતમાં 8 કરોડ કટ્ટાનું ઉત્પાદન દર વર્ષે થાય છે જેમાંથી 50 ટકા બટાકા પ્રોસેસીંગમાં અને 50 ટકા રાશનમાં એટલે કે માર્કેટમાં ખાવામાં ઉપયોગમાં લેવામાં આવે છે. પરંતુ ચાલુ સાલે ચાર કરોડ કટ્ટામાં ખેડૂતોને હાલમાં મૂડીની જગ્યાએ કટ્ટા દીઠ રૂ.200 નું નુકસાન આવી રહ્યું છે. આ ખેડૂતો ન કોઈને કહી શકે કે ન સહી શકે તેવી વિકટ સ્થિતિ પેદા થઈ છે. હાલમાં ડીસા પંથક સહિત બનાસકાંઠા અને ગુજરાતમાં થઈને ખેડૂતોને મૂડીમાં રૂ.700 કરોડનું નુકસાન સ્પષ્ટ દેખાઈ રહ્યું છે. હાલમાં એક તરફ વરસાદ ખેંચાતા ચોમાસુ પાકમાં પણ ખેડૂતોને નુકસાન થઈ રહ્યું છે અને ચોમાસુ પાક હાલ નિષ્ફળ જઈ રહ્યું છે. બીજી તરફ વરસાદ ના થતા શિયાળામાં પણ વાવેતર કરવાના ખેડૂતોને ફાંફા પડી જશે તેવી સ્થિતિ પેદા થઈ છે.ખેડૂતોએ રાજ્ય સરકાર પાસે સહાયની માંગ સાથે આવેદનપત્ર પાઠવ્યું હતું. જેને એક માસ સુધી વીતી ગયું છતાં સરકારે હજુ સુધી આ બાબતે કશું જ વિચારણા થઈ નથી. જેથી ખેડૂતો ચિંતામાં છે. ખેડૂતોની માંગણી છે કે સરકાર કટ્ટા દીઠ સહાય જાહેર કરીઅને અમોને મદદરૂપ થાય તો કોલ્ડ સ્ટોરેજના ભાડા અને મજૂરીમાં અમને રાહત મળી શકે તે પણ સરકાર હવે તાત્કાલિક ધોરણે સ્ટોરેજમાં પડેલા બટાકાનું સર્વે હાથ ધરી અને આ સહાય ચૂકવવામાં આવે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
