Community News & Updates

Stay informed with the latest happenings, achievements, and announcements from our community.

All News

calendar_today September 10, 2026

Surendranagar SOGએ લોકોના આરોગ્ય સાથે ખીલવાડ કરતા બોગસ ડોક્ટરની કરી ધરપકડ

સુરેન્દ્રનગર એસ.ઓ.જી. (SOG) ટીમે મેડિકલ ક્ષેત્રે ગેરકાયદેસર પ્રવૃત્તિઓ આચરતા તત્વો સામે કડક કાર્યવાહી હાથ ધરી છે. આ ઝુંબેશ અંતર્ગત છતરીયાળા ગામે કોઈપણ અધિકૃત મેડિકલ ડિગ્રી વિના જ ક્લિનિક ખોલીને બોગસ ડોક્ટર બની દવાનો વેપલો ચલાવતા હિતેશભાઈ પ્રેમજીભાઈ કિહલા નામના શખ્સને ઝડપી પાડવામાં આવ્યો છે. આ શખ્સ ગામના નિર્દોષ દર્દીઓના આરોગ્ય અને જીવ સાથે ગંભીર ખિલવાડ કરી રહ્યો હતો.એલોપેથી દવાઓ સહિત રૂ.15,612નો મુદ્દામાલ જપ્ત એસ.ઓ.જી.ની ટીમે બાતમીના આધારે દરોડો પાડીને આરોપીની અટકાયત કરી હતી. ક્લિનિકની તલાશી લેતા સ્થળ પરથી અલગ-અલગ જાણીતી કંપનીઓની એલોપેથી દવાઓ, એલોપેથિક ઇન્જેક્શન્સ અને તબીબી સાધનોનો મોટો જથ્થો મળી આવ્યો હતો. પોલીસે રૂ.15,612ની કિંમતનો તમામ એલોપેથી દવાનો જથ્થો અને સાધનો કબ્જે કરીને કાયદેસરની જપ્તી હાથ ધરી છે.ચુડા પોલીસ મથકે ગુનો નોંધાયો, આગળની કાર્યવાહી શરૂ આ ગેરકાયદેસર મેડિકલ પ્રેક્ટિસ અંગે ચુડા પોલીસ સ્ટેશનમાં આરોપી હિતેશ કિહલા વિરુદ્ધ 'મેડિકલ પ્રેક્ટિશનર એક્ટ'ની કલમ-30 મુજબ ગુનો દાખલ કરવામાં આવ્યો છે. વગર લાયકાતે તબીબી સારવાર આપતા આ બોગસ ડોક્ટરની ધરપકડ બાદ પોલીસે વધુ તપાસ હાથ ધરી છે કે તે કેટલા સમયથી આ પ્રવૃત્તિ ચલાવી રહ્યો હતો અને તેને દવાનો જથ્થો કોણ સપ્લાય કરતું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 10, 2026

Anand : વિદેશ મોકલવાના નામે 79.80 લાખનું ફુલેકું, નકલી વિઝા આપી ‘બંટી-બબલી’એ યુવાનોને ફસાવ્યા

આણંદ શહેરના નાવલીવાળા બિલ્ડિંગમાં ‘ક્રિશ્ના ઓવરસીઝ કન્સલ્ટન્સી’ નામની ઓફિસ ખોલી વિદેશ જવા ઇચ્છુક યુવાનોને UK, દુબઈ અને યુરોપના દેશોમાં મોકલવાની લાલચ આપી લાખો રૂપિયાની ઠગાઈ કર્યાનો ચોંકાવનારો કિસ્સો સામે આવ્યો છે. પ્રાથમિક ફરિયાદ મુજબ 13 લોકો સાથે રૂ.79.80 લાખની ઠગાઈ કરવામાં આવી છે. મામલો બહાર આવતા ઓફિસ સંચાલક અને તેનો ભાગીદાર ફરાર થઈ ગયા, જ્યારે ફરાર થવાની તૈયારીમાં રહેલી સંચાલકની પત્નીને લોકો દ્વારા ઝડપી પોલીસને સોંપવામાં આવી હતી.પહેલા સર્બિયા, પછી UK... વાયદાઓ બદલાતા ગયાપેટલાદ તાલુકાના સુણાવ ખાતે રહેતા કુંદનબેન યોગેશભાઈ પટેલ વિદેશ જવા ઇચ્છતા હોવાથી સોશિયલ મીડિયા પર ક્રિશ્ના ઓવરસીઝ કન્સલ્ટન્સીની જાહેરાત જોઈ હતી. ઓફિસમાં હાર્દિક હસમુખ શાહ અને તેની પત્ની અંકિતા શાહનો સંપર્ક કર્યા બાદ સર્બિયા જવા માટે રકમ ભરાવવામાં આવી હતી.4 લાખ પડાવી લેવાયાબાદમાં રશિયા-યુક્રેન યુદ્ધને કારણે સર્બિયાનું કામ નહીં થાય તેમ કહી UKના વિઝિટર વિઝા માટે રૂ.14 લાખનો ખર્ચ થશે તેમ જણાવાયું હતું. રૂ.4 લાખ લીધા બાદ પણ વિદેશ મોકલવામાં ન આવતા પૈસા પરત માંગવામાં આવ્યા હતા.ઓફિસને તાળું માર્યું, ત્યારે શંકા વધુ ઘેરી બનીપૈસા પરત મેળવવા કન્સલ્ટન્સીની ઓફિસે ધક્કા ખાતા અન્ય લોકો સાથે પણ ઠગાઈ થઈ હોવાનું સામે આવ્યું હતું. ત્યારબાદ હાર્દિક શાહ અને તેનો ભાગીદાર નંદકુમાર ઉકાણી ઓફિસને તાળું મારી ફરાર થઈ ગયા હતા.અંકિતા શાહ ઝડપાઇ ગઇ દરમિયાન અંકિતા શાહ પણ મકાનમાંથી સામાન પેક કરીને ફરાર થવાની તૈયારીમાં હોવાની જાણ થતાં ઠગાઈનો ભોગ બનેલા લોકોએ તેને ઝડપી પોલીસ મથકે પહોંચાડી હતી.નકલી વિઝા અને નોટરી કરારથી કેવી રીતે વિશ્વાસ જીત્યો?પોલીસ તપાસમાં ઠગાઈનો ભોગ બનેલા લોકોને વિશ્વાસમાં લેવા માટે હાર્દિક શાહે આપેલા યુરોપના વિઝા નકલી હોવાનું સામે આવ્યું હોવાનું જણાવાયું છે. બીજી તરફ ભાગીદાર નંદકુમાર ઉકાણીએ કેટલાક લોકો સાથે નોટરી કરાર પણ કરી આપ્યા હતા. આણંદ ટાઉન પોલીસે હાર્દિક શાહ, અંકિતા શાહ અને નંદકુમાર ઉકાણી વિરુદ્ધ ઠગાઈનો ગુનો નોંધી તપાસ હાથ ધરી છે.79.80 લાખથી વાત હવે 4 કરોડને પાર?દરમિયાન વિદેશ જવાના નામે છેતરાયેલા વધુ લોકો પણ આણંદ ટાઉન પોલીસ મથકે પહોંચ્યા છે. વધુ ફરિયાદો સામે આવતાં ત્રણેય આરોપીઓએ રૂ.4 કરોડથી વધુનું ફુલેકું ફેરવ્યું હોવાની આશંકા વ્યક્ત થઈ રહી છે. હવે પોલીસની તપાસમાં ઠગાઈનો સાચો આંકડો કેટલો બહાર આવે છે તેના પર સૌની નજર છે.  આ પણ વાંચો :   Statue of Unityમાં રાષ્ટ્રીય ફિલ્મ પુરસ્કાર યોજાતા ઉદ્ધવ ઠાકરેને લાગ્યું મરચું, એક નિવેદનથી રાજકારણ ગરમાયું

Read Full Story arrow_forward

calendar_today September 10, 2026

Dahodમાં સોલાર પેનલના નામે રૂ.19.94 લાખની ઓનલાઈન ઠગાઈ, સાયબર પોલીસે ફરીદાબાદથી આરોપીને દબોચ્યો

દાહોદના એક વેપારી સાથે સોલાર પેનલના નામે રૂ. 19.94 લાખની મોટી ઓનલાઈન છેતરપિંડી આચરાઈ હોવાનો સનસનાટીભર્યો કિસ્સો સામે આવ્યો છે. ગઠિયાઓએ ઇન્સ્ટાગ્રામ પર સસ્તા ભાવે સોલાર પેનલ આપવાની લોભામણી લાલચ આપીને વેપારીને પોતાની જાળમાં ફસાવ્યો હતો. આ ઠગબાજોએ બોગસ જીએસટી (GST) નંબર અને ખોટા ઇન્વોઇસ બતાવીને વેપારીનો વિશ્વાસ કેળવ્યો હતો અને ટુકડે-ટુકડે લાખો રૂપિયા પડાવી લીધા હતા. છેતરપિંડી થઈ હોવાની જાણ થતાં જ વેપારીએ દાહોદ સાયબર ક્રાઇમ પોલીસ મથકે ફરિયાદ નોંધાવી હતી.હરિયાણાના ફરીદાબાદમાં દરોડોવેપારીની ફરિયાદના આધારે દાહોદ સાયબર પોલીસે તાત્કાલિક ટેકનિકલ એનાલિસિસ અને સર્વેલન્સના આધારે તપાસનો ધમધમાટ શરૂ કર્યો હતો. તપાસના તાર હરિયાણા સુધી લંબાતાં પોલીસે ફરીદાબાદ ખાતે સફળ દરોડો પાડ્યો હતો. આ દરોડા દરમિયાન મૂળ દિલ્હીના રહેવાસી એવા આરોપી અમનકુમાર રાજુકુમારની ફરીદાબાદથી ધરપકડ કરવામાં આવી હતી. આરોપી વિરુદ્ધ કાયદેસરના ગુના હેઠળ અટકાયત કરી આગળની તજવીજ હાથ ધરાઈ હતી.દાહોદ સાયબર પોલીસે પૂરેપૂરી રકમ રૂ.19.94 લાખ રિકવર કરીદાહોદ સાયબર ક્રાઇમ પોલીસે ઉત્કૃષ્ટ કામગીરી દાખવતાં છેતરાયેલા વેપારીના પૂરેપૂરા રૂ. 19,94,175/- રિકવર કરી લીધા છે, જેથી વેપારીએ રાહતનો શ્વાસ લીધો છે. પોલીસની આ ત્વરિત કામગીરીથી સાયબર ગુનેગારોમાં ફાળ પડી છે. હાલમાં પોલીસે આ ગુનામાં વપરાયેલા અન્ય બેંક ખાતાઓ અને આ કૌભાંડમાં સામેલ અન્ય સાગરીતોને ઝડપી પાડવા માટે વધુ ઊંડાણપૂર્વક તપાસ તેજ કરી છે.આ પણ વાંચો : Amreliના ખાંભા ગીર પંથકમાં મેઘરાજાનું આગમન, ભાડ ગામે વરસાદી ઝાપટાથી ખેડૂતોમાં આનંદ

Read Full Story arrow_forward