Community News & Updates

Stay informed with the latest happenings, achievements, and announcements from our community.

All News

calendar_today September 10, 2026

Deesaમાં સ્પોર્ટ્સ ક્લબ પાછળ રહેણાંક મકાનમાંથી 395 ગ્રામ ગાંજા સાથે એક મહિલાની ધરપકડ

બનાસકાંઠા જિલ્લાના ડીસા શહેરમાં નશાકારક પદાર્થોના વેચાણ સામે પોલીસે ઝુંબેશ ચલાવી છે. આ અંતર્ગત ડીસા ઉત્તર પોલીસની ટીમે બાતમીના આધારે ડીસા સ્પોર્ટ્સ ક્લબ પાછળ આવેલા એક રહેણાંક મકાનમાં દરોડો પાડ્યો હતો. આ દરોડા દરમિયાન રીનાબેન ઠાકોરના મકાનમાંથી 395 ગ્રામ ગાંજાનો ગેરકાયદેસર જથ્થો મળી આવ્યો હતો.પોલીસે મુદ્દામાલ કબ્જે કરી આગળની તપાસ શરૂ પોલીસે સ્થળ પરથી મળેલા ગાંજાનો જથ્થો જપ્ત કરીને કુલ રૂ.29,750નો મુદ્દામાલ કબ્જે કર્યો છે. આ મામલે પોલીસે રીનાબેન ઠાકોરની અટકાયત કરી કાયદેસરની કાર્યવાહી હાથ ધરી છે. આરોપી મહિલા આ ગાંજો ક્યાંથી લાવી હતી અને કોને વેચવાની હતી તે દિશામાં પોલીસે ઊંડાણપૂર્વક પૂછપરછ અને તપાસ શરૂ કરી છે.રહેણાંક મકાનમાંથી 395 ગ્રામ ગાંજાનો જથ્થો મળ્યો ડીસા ઉત્તર પોલીસની આ સફળ કામગીરીથી નશીલા પદાર્થોનો વેપાર કરતા અસામાજિક તત્વોમાં ભારે ફફડાટ વ્યાપી ગયો છે. ઉલ્લેખનીય છે કે, ડીસા ઉત્તર પોલીસે એક જ અઠવાડિયાના ટૂંકા ગાળામાં અલગ-અલગ બે સ્થળોએ દરોડા પાડીને ગાંજાનો જથ્થો ઝડપી પાડ્યો છે, જેને પગલે સ્થાનિકોમાં પોલીસની આકરી કામગીરીની સરાહના થઈ રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 10, 2026

Chhota Udepur : સંખેડામાં પોલીસ કસ્ટડીમાંથી આરોપી ફરાર, પાણી પીવાના બહાને પહેલા માળેથી છટકી ગયો, પોલીસ દોડતી રહી

છોટાઉદેપુર જિલ્લાના સંખેડામાં પોલીસ કસ્ટડીમાંથી આરોપી નાસી છૂટતા પોલીસ તંત્રમાં દોડધામ મચી ગઈ હતી. કોર્ટમાંથી ફિંગરપ્રિન્ટ લેવા માટે આરોપીને સંખેડા પોલીસ સ્ટેશન લાવવામાં આવ્યો હતો. આ દરમિયાન પોલીસ સ્ટેશનના પહેલા માળેથી પાણી પીવા જવાના બહાને આરોપી ફરાર થઈ ગયો હોવાની ઘટના સામે આવી છે.કોર્ટમાંથી પોલીસ સ્ટેશન લવાયો, પણ પછી શું થયું?મળતી માહિતી મુજબ, સંખેડા પોલીસે આરોપી રાકેશભાઈ પ્રવીણભાઈ તડવીને કોર્ટમાંથી ફિંગરપ્રિન્ટની કાર્યવાહી માટે પોલીસ સ્ટેશન લાવ્યો હતો. પોલીસ સ્ટેશનના પહેલા માળે આરોપીએ પાણી પીવા જવાની વાત કરી હતી. આ દરમિયાન તકનો લાભ લઈ તે પોલીસની નજરમાંથી છટકી નાસી ગયો હતો.આરોપી ફરાર થતાં સમગ્ર જિલ્લામાં દોડધામઆરોપી પોલીસ કસ્ટડીમાંથી નાસી છૂટ્યાની જાણ થતાં જ પોલીસ તંત્ર હરકતમાં આવ્યું હતું. આરોપીને શોધવા માટે જિલ્લાભરની પોલીસને દોડતી કરવામાં આવી હતી. જોકે, લાંબી શોધખોળ છતાં રાકેશભાઈ તડવી હાથ લાગ્યો ન હોવાનું જાણવા મળે છે.જે આરોપી પર લૂંટનો આરોપ, તે પોલીસ કસ્ટડીમાંથી જ કેવી રીતે છટક્યો?નાસી છૂટેલો આરોપી ગામના ડેપ્યુટી સરપંચ પાસેથી રૂ.2,000ની લૂંટ કર્યાના આરોપમાં પોલીસ કાર્યવાહીનો સામનો કરી રહ્યો હતો. હવે પોલીસ કસ્ટડીમાંથી જ આરોપી ફરાર થઈ જતા સુરક્ષા વ્યવસ્થા સામે ગંભીર સવાલો ઊભા થયા છે.અંતે પોલીસે જ ફરિયાદ નોંધાવીઆરોપીને પકડવા માટે પોલીસ દ્વારા શોધખોળ હાથ ધરવામાં આવી હોવા છતાં તે ઝડપાયો નહીં. અંતે સંખેડા પોલીસે નાસી છૂટેલા આરોપી વિરુદ્ધ અલગથી ફરિયાદ નોંધી વધુ કાર્યવાહી હાથ ધરી છે. હવે સૌથી મોટો સવાલ એ છે કે પોલીસ સ્ટેશનમાંથી આરોપી કઈ રીતે સુરક્ષિત રીતે બહાર નીકળી ગયો અને ફરજ પર રહેલા પોલીસકર્મીઓની બેદરકારી હતી કે કેમ?  આ પણ વાંચો  :   Statue of Unityમાં રાષ્ટ્રીય ફિલ્મ પુરસ્કાર યોજાતા ઉદ્ધવ ઠાકરેને લાગ્યું મરચું, એક નિવેદનથી રાજકારણ ગરમાયું

Read Full Story arrow_forward

calendar_today September 10, 2026

Gujarat: આદિજાતિના ખોટા પ્રમાણપત્રો સામે સરકારની કડક કાર્યવાહી, 75 પ્રમાણપત્રો રદ

Gujarat વિધાનસભાનું ચોમાસુ સત્ર ચાલી રહ્યું છે ત્યારે આદિજાતિના ખોટા પ્રમાણપત્રો અંગે મહત્વની માહિતી સામે આવી છે. વિધાનસભા ગૃહમાં પૂછાયેલા પ્રશ્નના જવાબમાં આદિજાતિ વિકાસ મંત્રી નરેશ પટેલે જણાવ્યું કે, સાચા આદિવાસીઓના હકનું રક્ષણ કરવા સરકાર કટિબદ્ધ છે.1,776માંથી 619 અરજીઓનો નિકાલ, 75 પ્રમાણપત્રો રદજસ્ટિસ કારીયા કમિટી દ્વારા કરવામાં આવેલી ચકાસણી બાદ રાજ્યમાં 1 ઓગસ્ટ 2024થી 31 જુલાઈ 2026 દરમિયાન કુલ 75 જેટલા ખોટા આદિજાતિ પ્રમાણપત્રો રદ કરવામાં આવ્યા છે. પ્રમાણપત્રોની ખરાઈની પ્રક્રિયા નિયમો અનુસાર હાથ ધરવામાં આવી રહી છે. ગાંધીનગર-2 વિશ્લેષણ સમિતિ સમક્ષ આદિજાતિ પ્રમાણપત્રોની ખરાઈ માટે કુલ 1,776 અરજીઓ આવી હતી. તેમાંથી અત્યાર સુધીમાં 619 અરજીઓનો નિકાલ કરવામાં આવ્યો હોવાનું મંત્રીએ વિધાનસભામાં જણાવ્યું હતું.ખોટું સાબિત થાય તો કાર્યવાહીમંત્રી નરેશ પટેલે જણાવ્યું કે, આદિજાતિ પ્રમાણપત્રો યુવાનોની વર્ષોની મહેનત, નોકરી અને કારકિર્દી સાથે સીધી રીતે જોડાયેલા હોય છે. તેથી પ્રમાણપત્રોની ખરાઈની પ્રક્રિયા ગંભીરતા, પારદર્શિતા અને ઊંડાણપૂર્વક કરવામાં આવે છે. ચકાસણી દરમિયાન કોઈ પ્રમાણપત્ર ખોટું હોવાનું સાબિત થાય તો આદિજાતિ વિભાગ દ્વારા સંબંધિત વિભાગને જાણ કરવામાં આવે છે. ત્યારબાદ નિયમો મુજબ નોકરી અથવા અન્ય મળેલા લાભો પરત ખેંચવા સહિતની જરૂરી દંડાત્મક કાર્યવાહી કરવામાં આવે છે.આદિવાસીઓના હક માટે સરકાર કટિબદ્ધમંત્રીએ સ્પષ્ટ કર્યું કે સાચા આદિવાસીઓના અધિકારો પર કોઈ ખોટા પ્રમાણપત્રધારકનો કબજો ન થાય તે માટે સરકાર જરૂરી કાર્યવાહી કરી રહી છે.આ પણ વાંચો: વિધાનસભામાં હોબાળો, હર્ષ સંઘવીએ ઈમરાન ખેડાવાલા સામે કરી કાર્યવાહીની માગ

Read Full Story arrow_forward