Community News & Updates

Stay informed with the latest happenings, achievements, and announcements from our community.

All News

calendar_today September 9, 2026

Vadodara: તબીબી શિક્ષણ ક્ષેત્રે સમર્પણ, માર્ગદર્શન અને નવતર પ્રયોગો માટે ઍવૉર્ડ એનાયત

વડોદરા : બરોડા મેડિકલ કોલેજના ફિઝિયોલોજી વિભાગના સહ-પ્રાધ્યાપક ડો. સ્વપ્નિલ પારલીકરને પ્રતિષ્ઠિત MEU ઇન્ડિયા ટીચર્સ ડે એવોર્ડ-2026થી નવાજવામાં આવ્યા છે. ભારતભરમાંથી તબીબી શિક્ષણક્ષેત્રે પોતાના સમર્પણ, માર્ગદર્શન, નવતર પ્રયોગો અને નિષ્ઠા દ્વારા અનન્ય પ્રદાન આપનાર માત્ર આઠ મેડિકલ એજ્યુકેટર્સની આ એવોર્ડ માટે પસંદગી કરવામાં આવી છે, જેમાં ડો. પારલીકરનો સમાવેશ થાય છે.MEU ઇન્ડિયા એ સમગ્ર ભારતમાં ફેલાયેલું 30 હજારથી વધુ આરોગ્ય ક્ષેત્રના શિક્ષકો અને તબીબી શિક્ષણકારોનું એક મોટું નેટવર્ક છે. આ સંસ્થા વિષય કે સ્પેશિયાલિટીના ભેદભાવ વગર જ્ઞાનના તફાવતોને દૂર કરવા અને તબીબી શિક્ષણની વિવિધ શાખાઓને એકબીજા સાથે જોડવા માટે વિવિધ કોર્સ અને તાલીમનું આયોજન કરે છે. ડો. સ્વપ્નિલ પારલીકર 1993ની બેચના મેડિકલ કોલેજ, બરોડાના ભૂતપૂર્વ વિદ્યાર્થી છે અને હાલમાં ત્યાં જ ફિઝિયોલોજી વિભાગમાં ફરજ બજાવે છે. તેમણે એમ.એસ. યુનિવર્સિટી ઓફ્ બરોડામાંથી ફિઝિયોલોજીમાં એમ.ડી. કર્યું છે. મેડિકલ શિક્ષણમાં 20થી વધુ વર્ષોનો વિશાળ અનુભવ ધરાવતા ડો. પારલીકર એક્ટિવ લર્નિંગ, ફ્લિપ્ડ ક્લાસરૂમ, માઇન્ડ મેપિંગ અને કન્સેપ્ટ મેપિંગ જેવા આધુનિક શૈક્ષણિક અભિગમોમાં ખાસ રસ ધરાવે છે. આ ઉપરાંત, તેમણે સીએમસી, લુધિયાણા (2015-17) ખાતેથી પ્રતિષ્ઠિતF AIMER ફેલોશિપ પ્રાપ્ત કરી છે. ફાઉન્ડેશન ફોર એડવાન્સમેન્ટ ઇન ઇન્ટરનેશનલ મેડિકલ એજ્યુકેશન એન્ડ રિસર્ચએ યુ.એસ.એ. સ્થિત એક નન-પ્રોફ્ટિ સંસ્થા છે. જેની સ્થાપના વર્ષ 2000માં થઈ હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 9, 2026

Mandal: નોકરીમાંથી છુટા કર્યાનું મનદુઃખ રાખીને સુપરવાઈઝર ઉપર પાઈપ વડે હુમલો

માંડલ તાલુકાના જાલીસણા પાસેની એક ખાનગી કંપનીના સુપરવાઈઝર ઉપર નોકરીમાંથી છુટા કરવાના મનદુઃખમાં બે કર્મચારીઓએ હુમલો કર્યો હોવાનો મામલો બહાર આવ્યો છે. આ મામલે વિઠલાપુર પોલીસે બે આરોપી વિરૂદ્ધમાં ગુનો નોંધી વધુ તપાસ હાથ ધરી છે.વિઠલાપુર પોલીસ મથકેથી મળતી માહિતી અનુસાર મુળ યૂપીના અને હાલ બેચરાજીમાં રહેતાં મનોજભાઈ શારદાદીન મીશ્રા જેઓ જાલીસણા ખાતે આવેલ ખાનગી કંપનીમાં સુપરવાઇઝર તરીકે ફરજ બજાવે છે. કંપનીમાં નોકરી કરતાં પ્રફુલસિંહ સિદ્ધરાજસિંહ ઝાલા અને પ્રકાશસિંહ નનુભા ઝાલા બંને ગત તા.5મી ઓગસ્ટે કંપનીમાં જાણ કર્યા વગર નોકરી ઉપર હાજર રહ્યાં નહોતાં જેથી સુપરવાઈઝર મનોજભાઈએ બંનેને નોકરીમાંથી છુટા કરવાનું જણાવી, નોકરી પર આવવું હોય તો મેનેજરની મંજૂરી લેવાનું ફરિયાદમાં જણાવ્યું છે. એથી બંનેએ તેનું મનદુખ રાખીને તા.7મી ઓગસ્ટે રાત્રે મનોજભાઈ કંપનીમાંથી બાઈક લઈને ઘરે જતાં હતાં તે દરમ્યાન જાલીસણા નજીક 1 આરોપીએ બાઈકને ધીમી કરાવી હતી અને અન્ય આરોપીએ પાઈપથી સુપરવાઈઝર પર હુમલો કરીને ઈજાઓ પહોંચાડી હતી. આ બનાવને લઈ વિઠલાપુર પોલીસ મથકે સુપરવાઈઝરની ફરિયાદ દાખલ કરાવી હતી અને વિઠલાપુર પોલીસ દ્વારા બંને આરોપીઓને પકડી પાડીને વધુ તપાસ હાથ ધરવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 9, 2026

Vadodara: પ્રોજેક્ટ્સને સ્ટાર્ટ-અપ્સમાં પરિવર્તિત કરવા વિશે માહિતગાર કરાયા

MSUની પોલિટેકનિક ખાતે શિક્ષક દિનની ઉજવણીના ભાગરૂપે રિસર્ચ, ઈનોવેશન અને સ્ટાર્ટઅપ ઈકૉસિસ્ટમ વિષય પર ફેકલ્ટી કોલોક્વિયમનું આયોજન કરવામાં આવ્યું હતું. કોલોક્વિયમમાં પોલિટેકનિકના 80થી વધુ અધ્યાપકોએ ભાગ લીધો હતો. કાર્યક્રમનો મુખ્ય હેતુ અધ્યાપકોમાં સંશોધન, નવીનતા અને ઉદ્યોગસાહસિકતાને પ્રોત્સાહન આપવા સાથે પેટન્ટ, બૌદ્ધિક સંપદા અધિકાર, નવીન પ્રોજેક્ટ્સ અને સ્ટાર્ટ-અપ્સ માટે ઉપલબ્ધ માર્ગદર્શન તથા નાણાકીય સહાયની તકો અંગે જાગૃતિ લાવવાનો હતો.પોલિટેકનિકના પ્રિન્સિપાલ જિતેન્દ્ર વાધવાએ શિક્ષક દિન નિમિત્તે તમામ અધ્યાપકોને શુભેચ્છા પાઠવી હતી. તેમણે સતત અધ્યયન, સંશોધન અને નવીનતા દ્વારા વ્યક્તિગત તથા વ્યાવસાયિક વિકાસ સાધવા માટે અધ્યાપકોને પ્રોત્સાહિત કર્યા હતા. સાથે જ વિદ્યાર્થીઓને ઔદ્યોગિક અને સામાજિક પડકારોના વ્યવહારુ ઉકેલો વિકસાવવા માટે માર્ગદર્શન આપવામાં શિક્ષકોની મહત્વપૂર્ણ ભૂમિકા હોવાનું જણાવ્યું હતું.કાર્યક્રમના વક્તા અને ફેસિલિટેટર ડૉ. પ્રશાંત મુર્મકરે વિદ્યાર્થીઓમાં સંશોધન, સર્જનાત્મકતા અને ઉદ્યોગસાહસિકતાની ભાવના વિકસાવવામાં શિક્ષકોની ભૂમિકા અંગે માર્ગદર્શન આપ્યું હતું.સ્ટુડન્ટ જર્ની : માઈન્ડ ટુ માર્કેટ વિષય પર તેમણે સમજાવ્યું હતું કે, વિચારને જ્યારે વ્યવહારુ અથવા વ્યાવસાયિક ઉપયોગિતા મળે અને તે સમાજ માટે મૂલ્યનું સર્જન કરે ત્યારે તે નવીનતામાં પરિવર્તિત થાય છે.ડૉ. મુર્મકરે MSUના SSIP 2.0 અંતર્ગત વિદ્યાર્થીઓના વિચારોને પ્રોટોટાઇપ, નવીન પ્રોજેક્ટ્સ તથા સ્ટાર્ટ-અપ્સમાં પરિવર્તિત કરવા માટે ઉપલબ્ધ સહાય અને તકો અંગે માહિતી આપી હતી. તેમણે અધ્યાપકો સાથે સંવાદ કરી સંશોધન,IPR, પેટન્ટ અને ફ્ંડિંગ અંગેના પ્રશ્નોના જવાબો પણ આપ્યા હતા. અંતે ડૉ. મુકેશ ચાવડાએ આભારવિધિ કરી હતી. ફેકલ્ટી કોલોક્વિયમ દ્વારા પોલિટેકનિકમાં સંશોધન, નવીનતા અને સ્ટાર્ટ-અપ સંસ્કૃતિને વધુ વેગ આપવાની દિશામાં મહત્વપૂર્ણ પહેલ કરવામાં આવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward