Community News & Updates

Stay informed with the latest happenings, achievements, and announcements from our community.

All News

calendar_today October 16, 2026

Dhanera : ની મધુસૂદન રેસીડેન્સી ખાતે પર્યાવરણ જાળવણીનો સંદેશાત્મક કાર્યક્રમ

ધાનેરા સ્થિત મધુસૂદન રેસીડેન્સી સોસાયટી દ્વારા આયોજિત નવરાત્રી મહોત્સવમાં પાંચમા નોરતે ખેલૈયાઓ વિવિધ આકર્ષક વેશભૂષામાં સજ્જ થઈ ગરબે ઘૂમ્યા હતા. આ પ્રસંગે માતાજીની મહાઆરતી બાદ પર્યાવરણ જાળવણી અને ધાનેરા શહેરને 'પ્લાસ્ટિક મુક્ત' બનાવવાના હેતુથી એક વિશેષ જાગૃતિ કાર્યક્રમ યોજાયો હતો. ધાનેરા નગરપાલિકા દ્વારા 'ભારત વિકાસ પરિષદ' ના વિશેષ સહયોગથી સોસાયટીના દરેક પરિવારને રોજિંદા વપરાશમાં ઉપયોગી થાય તેવી કાપડની થેલીઓનું વિતરણ કરવામાં આવ્યું હતું. આ પ્રસંગે નગરપાલિકા પ્રમુખ ઈશ્વરભાઈ પટેલ સહિત પાલિકાના પદાધિકારીઓ તેમજ ભારત વિકાસ પરિષદના હોદ્દેદારો ખાસ ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

Ambaji : મંદિર ટ્રસ્ટ દ્વારા જરૂરિયાતમંદ મહિલાઓને સાડીઓનું વિનામૂલ્યે વિતરણ

અંબાજી : સપ્રસિદ્ધ યાત્રાધામ અંબાજી ખાતે આરાસુરી અંબાજી માતા દેવસ્થાન ટ્રસ્ટ દ્વારા બનાસકાંઠા જિલ્લા કલેક્ટર અને ટ્રસ્ટના અધ્યક્ષ મિહિર પટેલના માર્ગદર્શન હેઠળ સેવાકીય અને સામાજિક જવાબદારીના ભાગરૂપે જરૂરિયાતમંદ મહિલાઓના કલ્યાણ માટે વિશેષ પહેલ હાથ ધરવામાં આવી છે. રિલાયન્સ ફાઉન્ડેશન દ્વારા ક્કઅનંત સેવાક્રના સેવાભાવી સંકલ્પ અંતર્ગત નવરાત્રીના પાવન પર્વ નિમિત્તે મહિલા માઈભક્તો તથા અંબાજી અને તેની આસપાસના વિસ્તારોમાં વસવાટ કરતી જરૂરિયાતમંદ મહિલાઓને વિતરણ કરવા માટે આરાસુરી અંબાજી માતા દેવસ્થાન ટ્રસ્ટને સાડીઓ દાન સ્વરૂપે અર્પણ કરવામાં આવી છે. આ કાર્યક્રમમાં અંબાજી મંદિરના વહીવટદાર અને અધિક કલેક્ટર કૌશિક મોદી, મંદિર ટ્રસ્ટના એસ્ટેટ ઓફ્સિર સિવિલ ઇજનેર સહિત ટ્રસ્ટના વિવિધ વિભાગોના અધિકારીઓ અને કર્મચારીઓ ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

Palanpur : અમીરગઢ સરકારી વિનયન કોલેજમાં સાયબર ક્રાઈમ લોકજાગૃતિ સેમિનાર યોજાયો

પાલનપુર : સરકારી વિનયન કોલેજ, અમીરગઢમાં સાયબર ક્રાઈમ પોલીસ મથક, પાલનપુર - બનાસકાંઠા અને કવચ પ્રકલ્પ, સરકારી વિનયન કોલેજ, અમીરગઢના સંયુક્ત ઉપક્રમે સાયબર ક્રાઈમ લોકજાગૃતિ સેમિનારનું આયોજન કરવામાં આવ્યું હતું. જેમાં જિગ્નેશ એ.બારોટ એ.એસ.આઈ સાયબર ક્રાઈમ બ્રાન્ચ પાલનપુર ઉપસ્થિત રહ્યા હતા. સંસ્થાના વડા ર્ડા.એન.કે.સોનારા દ્વારા જિગ્નેશ એ.બારોટનું સૂતરની આટી અને બુકે દ્વારા સ્વાગત કરવામાં આવ્યું હતું. પ્રો.જય બુદ્ધદેવ, ર્ડા.ભાવેશ પ્રજાપતિ, ર્ડા.હિતેશ ઠક્કર, ર્ડા.નિતિન જાદવ સહિતના શૈક્ષણિક અને બિન શૈક્ષણિક સ્ટાફ મિત્રો ઉપસ્થિત રહ્યા હતા. આ પ્રસંગે આચાર્ય ર્ડા.એન.કે.સોનારા દ્વારા સાયબર અવેરનેસ અંગે ઉંડાણપૂર્વકની માહિતી આપવામાં આવી હતી. જિગ્નેશ એ. બારોટ દ્વારા પીપીટી દ્વારા સાયબર ફ્રોડનાં પ્રકાર, તેને લગતા ગુનાઓ અને તેનાથી બચવાના ઉપાયો વિશે રસપ્રદ શૈલીમાં વ્યાખ્યાન આપ્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward