android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujarat Latest News Live:   આસામના જોરહાટ એરફોર્સ સ્ટેશન પર ભારતીય વાયુસેનાનું AN-32 ટ્રાન્સપોર્ટ વિમાન ક્રેશ
calendar_today June 13, 2026

Gujarat Latest News Live: આસામના જોરહાટ એરફોર્સ સ્ટેશન પર ભારતીય વાયુસેનાનું AN-32 ટ્રાન્સપોર્ટ વિમાન ક્રેશ

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 13JUNE ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Surat : ભૂતિયા ડિમોલિશનમાં ખુલાસો, માસ્ટરમાઇન્ડ સુજલ પ્રજાપતિએ કૌભાંડ આચરી ઘર તોડ્યા, 5 લોકો સાથે 3 લાખમાં ડીલની ચર્ચા
calendar_today June 13, 2026

Surat : ભૂતિયા ડિમોલિશનમાં ખુલાસો, માસ્ટરમાઇન્ડ સુજલ પ્રજાપતિએ કૌભાંડ આચરી ઘર તોડ્યા, 5 લોકો સાથે 3 લાખમાં ડીલની ચર્ચા

સુરતના નાસિર નગર વિસ્તારમાં થયેલા ગેરકાયદે અને વિવાદાસ્પદ 'ભૂતિયા ડિમોલિશન' મામલે રોજ નવા વળાંક અને ચોંકાવનારા ખુલાસા થઈ રહ્યા છે. આ સમગ્ર કૌભાંડનો મુખ્ય સૂત્રધાર પાલિકાનો અધિકારી સુજલ પ્રજાપતિ હોવાનું સામે આવ્યું છે. સુજલ પ્રજાપતિએ પોતાનો ઝોન ન હોવા છતાં, સત્તાનો દુરુપયોગ કરીને શ્રી રામ એજન્સીને 3 પોકલેન, 2 બ્રેકર અને 60 માણસો સાથે ઘટનાસ્થળે પહોંચવાની સૂચના આપી હતી. આટલું જ નહીં, મૂળ જવાબદાર અધિકારીઓને સાઈડલાઈન કરીને પોલીસની હાજરીમાં જ આખું ડિમોલિશન કરાવી દીધું હતું. આ ગંભીર ઘટના બાદ સુજલ પ્રજાપતિ છેલ્લા 15 દિવસથી ઓફિસ આવ્યા નથી અને ભૂગર્ભમાં ઉતરી ગયા છે.પીડિતો ખુલ્લામાં રહેવા મજબૂર બીજી તરફ, આ ડિમોલિશનનો એક ડ્રોન વીડિયો પણ સોશિયલ મીડિયા પર વાયરલ થયો છે. ઘટનાના 15 દિવસ વીતી ગયા હોવા છતાં પાલિકા કે તંત્રનો કોઈ વરિષ્ઠ અધિકારી પીડિતોની વહારે આવ્યો નથી, જેના કારણે અસરગ્રસ્ત પરિવારો આ ચોમાસાની ઋતુમાં ખુલ્લામાં રહેવા મજબૂર બન્યા છે.  5 લોકો સાથે 3 લાખમાં ડીલની ચર્ચા સૂત્રોના જણાવ્યા મુજબ, બિલ્ડરે મામલો દબાવવા માટે અમુક રહીશો સાથે અંદરખાને સમાધાન શરૂ કર્યું છે, જેમાં 5 લોકો સાથે 3 લાખમાં ડીલ થઈ હોવાની ચર્ચા છે. ગરીબોને રૂપિયા આપીને તેમની પાસે "અમે સ્વેચ્છાએ ઘર તોડ્યા છે" તેવું બોલાવીને સેલ્ફી વીડિયો પણ શૂટ કરાવવામાં આવ્યા છે. કાયદેસરનો રસ્તો શોધવાની કવાયત આ આખી ઘટનામાં પહેલાં તોડફોડ કરી નાખ્યા બાદ હવે સુરત મહાનગરપાલિકા નું તંત્ર દોડતું થયું છે. ગત 12 જૂનના રોજ ટાઉન પ્લાનિંગના અધિકારીઓ ગુપ્ત રીતે બહુમાળી ભવનના 7મા માળે આવેલી સિટી સર્વે ઓફિસે પહોંચ્યા હતા. ત્યાં જમીનની નોંધ નંબર 1267(3) ના નકશાઓ ઉથલાવીને કાયદેસરનો રસ્તો શોધવાની કવાયત હાથ ધરી છે. સ્થાનિકો સવાલ ઉઠાવી રહ્યા છે કે જો નકશા અને મંજૂરીની ખબર જ નહોતી, તો કોના ઈશારે આટલા પરિવારોના આશિયાના છીનવી લેવામાં આવ્યા?  આ પણ વાંચો----     Gujarat Latest News Live: આસામના જોરહાટ એરફોર્સ સ્ટેશન પર ભારતીય વાયુસેનાનું AN-32 ટ્રાન્સપોર્ટ વિમાન ક્રેશ

Read Full Story arrow_forward
Surat: અડાજણમાં હાઈ-પ્રેશર પાઈપલાઈનમાં મોટું ભંગાણ, પાકો રસ્તો ચીરીને પાણીના ફુવારા ઉડ્યા
calendar_today June 13, 2026

Surat: અડાજણમાં હાઈ-પ્રેશર પાઈપલાઈનમાં મોટું ભંગાણ, પાકો રસ્તો ચીરીને પાણીના ફુવારા ઉડ્યા

સુરત મહાનગરપાલિકા દર વર્ષે ચોમાસા પહેલા પ્રિ-મોન્સૂન કામગીરીના નામે કરોડો રૂપિયાના ટેન્ડરો બહાર પાડે છે અને આખા શહેરમાં બધું બરાબર હોવાના મોટા-મોટા દાવાઓ કરે છે. પરંતુ આજે સુરતના પશ્ચિમ ઝોન હેઠળ આવતા પ્રખ્યાત અડાજણ વિસ્તારમાં બનેલી એક ઘટનાએ પાલિકા શાસકો અને એન્જિનિયરોની બેદરકારીની સરેઆમ પોલ ખોલી નાખી છે. અડાજણના મુખ્ય માર્ગ પરથી પસાર થતી પીવાના પાણીની મુખ્ય લાઈનમાં અચાનક મસમોટું ભંગાણ સર્જાયું હતું.ભૂકંપ જેવો આંચકો અને રસ્તાના ટુકડાપાઈપલાઈન ફાટવાનો આ નજારો એટલો ભયાનક હતો કે જાણે કોઈ નાનો ભૂકંપ આવ્યો હોય તેમ હાઈ-પ્રેશરના કારણે રોડ પર મોટા લાટીકા ટુકડા હવામાં ઉડ્યા હતા અને મજબૂત ડામરનો રોડ વચ્ચેથી ચીરાઈ ગયો હતો. રોડ તૂટતાંની સાથે જ અંદરથી લાખો લીટર શુદ્ધ પીવાનું પાણી પ્રચંડ ફુવારાની જેમ બહાર ફેંકાવા લાગ્યું હતું. ગણતરીની મિનિટોમાં જ અડાજણના પોશ સોસાયટીવાળા રોડ પર ઘૂંટણસમા પાણી ભરાઈ ગયા હતા અને આખેઆખો હાઇવે જાણે નદીમાં ફેરવાઈ ગયો હતો. વાહનચાલકોના વાહનો પાણીમાં ફસાઈ જતાં પીક અવર્સ દરમિયાન કિલોમીટરો લાંબો ટ્રાફિક જામ સર્જાયો હતો.કરોડોના પ્રિ-મોન્સૂન ખર્ચ સામે સવાલોસ્થાનિક નાગરિકોનો આક્રોશ છે કે પાલિકા જ્યારે કરોડો રૂપિયા ટેક્સ પેયર્સના પૈસાથી પ્રિ-મોન્સૂન લાઈન ચેકિંગ અને ડ્રેનેજ સફાઈ પાછળ વાપરે છે, તો લાઈનનું પ્રેશર ટેસ્ટિંગ કેમ કરવામાં આવતું નથી? જો સામાન્ય દિવસોમાં લાઈન ફાટવાથી આખો રોડ તૂટી જતો હોય, તો ભારે ચોમાસામાં સુરતની સ્થિતિ શું થશે? ઘટનાની જાણ થતાં જ હાઇડ્રોલિક વિભાગની ટીમો કામે લાગી હતી અને મુખ્ય લાઈનનો સપ્લાય વાલ્વ બંધ કરવામાં આવ્યો હતો. જો કે, આ ભંગાણના કારણે અડાજણના હજારો પરિવારોને આગામી ૨૪ કલાક સુધી પાણી કાપ વેઠવો પડી શકે છે. હાલ જેસીબી (JCB) ની મદદથી રસ્તો ખોદીને લાઈન રીપેર કરવાની કવાયત હાથ ધરવામાં આવી છે.આ પણ વાંચો: Kutch: રાપરમાં કાળઝાળ ગરમીએ લીધો નિર્દોષનો ભોગ,નોકરી શોધવા નીકળેલા UP ના યુવકનું લૂ લાગવાથી મોત

Read Full Story arrow_forward