Rajkot News: મવડી વિસ્તારમાં પાર્ક કરેલા ટુ-વ્હીલરમાં આગ લાગી, અફરાતફરીનો માહોલ
રાજકોટ શહેરમાં વાહનોમાં અચાનક આગ લાગવાની ઘટનાઓ સતત વધી રહી છે, ત્યારે શહેરમાં ટુ-વ્હીલરમાં આગ લાગવાનો વધુ એક ચોંકાવનારો કિસ્સો સામે આવ્યો છે. રાજકોટના જાણીતા મવડી વિસ્તારમાં આવેલા બાપાસીતારામ ચોક પાસે એક પાર્ક કરેલા ટુ-વ્હીલરમાં અચાનક જ ભયાનક આગ ફાટી નીકળી હતી. જોતજોતામાં આગે આખા વાહનને લપેટમાં લઈ લીધું હતું. આ ઘટનામાં વાહન બળીને ખાખ થઈ ગયું હતું.સ્થાનિકોમાં અફરાતફરીનો માહોલઘટનાની મળતી માહિતી અનુસાર, બાપાસીતારામ ચોક નજીક રોડની સાઈડમાં એક ટુ-વ્હીલર પાર્ક કરેલું હતું, જેમાં અચાનક જ ધુમાડા નીકળ્યા બાદ મોટી જ્વાળાઓ ઉઠવા લાગી હતી. ધોળા દિવસે જાહેર રોડ પર બાઇક ભડભડ સળગવા લાગતા આસપાસના લોકો અને વાહનચાલકોમાં થોડીવાર માટે ભારે અફરાતફરી અને દોડધામ મચી ગઈ હતી. આગ એટલી ઝડપથી ફેલાઈ કે, સ્થાનિકો કંઈ સમજે તે પહેલાં જ આખું વાહન આગની ચપેટમાં આવી ગયું હતું.આગનું કારણ અકબંધ, વાહન બળીને ખાખઆ શોર્ટ સર્કિટના કારણે કે અન્ય કોઈ ટેકનિકલ ખામીને લીધે આગ લાગી છે, તેનું ચોક્કસ કારણ હજૂ સુધી જાણી શકાયું નથી. જોકે, સદનસીબે વાહન પાર્ક કરેલું હોવાથી અને કોઈ તેના પર સવાર ન હોવાને કારણે મોટી જાનહાનિ ટળી ગઈ છે. પરંતુ આ ભીષણ આગમાં ટુ-વ્હીલર સંપૂર્ણપણે બળીને ખાખ થઈ ગયું છે. ઉનાળાની સિઝન અને વધતા તાપમાન વચ્ચે વાહનોમાં આગ લાગવાની આ પ્રકારની ઘટનાઓએ વાહનચાલકોમાં ચિંતા વધારી દીધી છે.આ પણ વાંચો - Rajkot News: જ્વેલર્સની દુકાનમાં ચાંદીના દાગીના ચોરતી 3 મહિલાઓ રંગેહાથ ઝડપાઈ
Read Full Story arrow_forward