android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Surat News: વરાછા ઝોનનો આકારણી ક્લાર્ક લાંચ લેતા ઝડપાયો, ACBએ રંગેહાથ દબોચ્યો
calendar_today June 9, 2026

Surat News: વરાછા ઝોનનો આકારણી ક્લાર્ક લાંચ લેતા ઝડપાયો, ACBએ રંગેહાથ દબોચ્યો

સુરત શહેરમાંથી ભ્રષ્ટાચારનો વધુ એક કિસ્સો પ્રકાશમાં આવ્યો છે, જ્યાં લાંચ રુશ્વત વિરોધી બ્યુરો (ACB) એ મોટી કાર્યવાહી કરીને સુરત મહાનગરપાલિકાના એક લાંચિયા કર્મચારીને રંગેહાથ ઝડપી પાડ્યો છે. સુરત મનપાના વરાછા ઝોનમાં આકારણી ક્લાર્ક તરીકે ફરજ બજાવતો રાકેશ વનમાળી એક સન્માનિત નાગરિક પાસેથી ગેરકાયદેસર રીતે પૈસા પડાવતા એસીબીના સકંજામાં આવી ગયો છે.વેરો રેસિડન્ટ તરીકે ચાલુ રાખવા માંગી હતી લાંચએક મિલકતનો ટેક્સ વ્યવસાયિક (કોમર્શિયલ) ને બદલે રહેણાંક (રેસિડન્ટ) તરીકે જ ચાલુ રાખવા માટે આકારણી ક્લાર્ક રાકેશ વનમાળીએ ફરિયાદી પાસે રૂ.3,500ની લાંચની માંગણી કરી હતી. જો આ લાંચ ન આપવામાં આવે તો મિલકત વેરો વધારી દેવાની ગર્ભિત ધમકી પણ આપવામાં આવી હોવાનું ચર્ચાઈ રહ્યું છે. આ અંગે જાગૃત ફરિયાદી લાંચ આપવા માંગતા ન હોવાથી, તેમણે તાત્કાલિક સુરત એસીબી ઓફિસનો સંપર્ક સાધીને આ ભ્રષ્ટાચારી કર્મચારી વિરુદ્ધ ફરિયાદ નોંધાવી હતી.એસીબીએ છટકું ગોઠવી ભ્રષ્ટ ક્લાર્કને જેલભેગો કર્યોફરિયાદના આધારે એસીબીની ટીમે વ્યાપક આયોજન કરીને વરાછા ઝોનની કચેરી નજીક એક સફળ લાંચનું છટકું (ટ્રેપ) ગોઠવ્યું હતું. ફરિયાદી જ્યારે નિયત કરાયેલી રૂ.3,500ની લાંચની રોકડ રકમ આપવા પહોંચ્યા, ત્યારે ક્લાર્ક રાકેશ વનમાળીએ નફ્ફટાઈપૂર્વક લાંચની રકમ સ્વીકારી હતી. આ જ સમયે અગાઉથી જ વોચમાં ઉભેલી એસીબીના અધિકારીઓની ટીમે ત્રાટકીને આરોપી રાકેશને લાંચની સંપૂર્ણ રકમ સાથે રંગેહાથ દબોચી લીધો હતો. હાલમાં એસીબી દ્વારા આરોપી ક્લાર્ક વિરુદ્ધ ભ્રષ્ટાચાર નિવારણ ધારા હેઠળ ગુનો નોંધી આગળની કાયદેસરની તપાસ તેજ કરવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
વાંચો 10 જૂનના રોજ બનનારી મહત્વની ઘટનાઓ વિશે
calendar_today June 9, 2026

વાંચો 10 જૂનના રોજ બનનારી મહત્વની ઘટનાઓ વિશે

મોદી કેબિનેટની બેઠક, મોદી સરકારના 12 વર્ષની ઉજવણી, ભારત અને રશિયા વચ્ચે દ્વિપક્ષીય બેઠક, 17 રાજ્યોમાં ભારે વરસાદ-વાવાઝોડાની ચેતવણી અને ગુજરાતમાં મહત્વની ઘટનાઓ.1: PM મોદીની NDA રાજ્યોના મુખ્યમંત્રીઓ સાથે બેઠકઆવતીકાલે પીએમ મોદીની અધ્યક્ષતામાં NDA શાસિત રાજ્યોના મુખ્યમંત્રીઓ સાથે બેઠક યોજાશે. બપોરે 3 વાગ્યે ભારત મંડપમમાં આ બેઠક થશે. બેઠકમાં મોદી સરકારના 12 વર્ષ પૂર્ણ થવાની ઉપલબ્ધિઓની સમીક્ષા કરવાની સાથે આગામી રાજકીય અને વિકાસલક્ષી વ્યૂહરચનાઓ પર મંથન કરવામાં આવશે.2: મોદીના દીર્ધાયુષ્યની કામના માટે મંદિરોમાં પ્રાર્થનાનો કાર્યક્રમપીએમ મોદીના દીર્ધાયુષ્યની કામના માટે મંદિરોમાં પ્રાર્થના કરવામાં આવશે. રાષ્ટ્રીય અધ્યક્ષ નીતિન નવીન ઝંડેવાલાન મંદિરમાં પૂજા અર્ચના કરશે. દિલ્હીના 20 મંદિરોમાં પૂજા કરવામાં આવશે. 10 જૂનના રોજ નરેન્દ્ર મોદીના શાસનકાળને 12 વર્ષ પૂર્ણ થશે. 10 જૂન 2026ના રોજ વડાપ્રધાન નરેન્દ્ર મોદી એક ઐતિહાસિક કીર્તિમાન સ્થાપિત કરશે, જેમાં સતત 4,399 દિવસ સુધી વડાપ્રધાન પદ પર રહીને તેઓ 64 વર્ષ જૂનો રેકોર્ડ તોડશે. આ સાથે જ મોદી, જવાહરલાલ નેહરુને પાછળ છોડીને ભારતમાં સૌથી લાંબા સમય સુધી સતત સેવા આપનારા લોકતાંત્રિક વડાપ્રધાન બની જશે.3: આવતીકાલે મોદી સરકારની કેબિનેટની બેઠક મળશેમોદી કેબિનેટની બેઠક આવતીકાલે મળશે, જેમાં કેટલાક મહત્વના પ્રસ્તાવો અને નીતિગત નિર્ણયો પર મંજૂરીની મહોર લાગી શકે છે. વડાપ્રધાન નરેન્દ્ર મોદીની અધ્યક્ષતામાં કેન્દ્રીય કેબિનેટની બેઠક આવતીકાલે સવારે 11 વાગ્યે યોજાશે.4: ભારત અને રશિયા વચ્ચે દ્વિપક્ષીય બેઠકઇન્દોરમાં આયોજિત બ્રિક્સ (BRICS) કૃષિ સંમેલનના બીજા દિવસે ભારત અને રશિયા વચ્ચે દ્વિપક્ષીય બેઠક યોજાઈ હતી. બંને દેશોએ કૃષિ સહયોગ, કૃષિ વિસ્તરણ સેવાઓ, ખાદ્ય સુરક્ષા અને કૃષિ વ્યાપાર વધારવા પર ચર્ચા કરી. બેઠકમાં ટેકનોલોજી, સંશોધન, રોકાણ અને ખેડૂતોની આવક વધારવા માટે ભાગીદારી મજબૂત કરવા પર પણ ભાર મૂકવામાં આવ્યો હતો.5: ભારતના વિદેશ મંત્રી બલ્ગેરિયા અને ફિનલેન્ડની સત્તાવાર મુલાકાતેવિદેશ મંત્રી ડૉ. એસ. જયશંકર 10-11 જૂનના રોજ બલ્ગેરિયા અને ફિનલેન્ડની સત્તાવાર મુલાકાતે રહેશે.10 જૂને સોફિયામાં તેઓ બલ્ગેરિયાના નેતૃત્વ અને તેમના સમકક્ષ સાથે દ્વિપક્ષીય સંબંધો પર ચર્ચા કરશે.11 જૂને ફિનલેન્ડમાં 14મી કુલ્તારંતા વાર્તાલાપમાં ભાગ લઈને વૈશ્વિક, પ્રાદેશિક અને સ્થાનિક મુદ્દાઓ પર વિચાર-વિમર્શ કરશે.6: 17 રાજ્યોમાં ભારે વરસાદ-વાવાઝોડાની ચેતવણી10 જૂન હવામાન એલર્ટ: 17 રાજ્યોમાં ભારે વરસાદ-વાવાઝોડાની ચેતવણી, 80 કિમી/કલાકની ઝડપે પવન ફૂંકાશે.10 જૂને દેશના ઘણા ભાગોમાં હવામાનનું રૌદ્ર સ્વરૂપ જોવા મળી શકે છે... હવામાન વિભાગે યુપી, બિહાર સહિત 17 રાજ્યોમાં ભારે વરસાદ, વાવાઝોડું અને વીજળી પડવાનું એલર્ટ જાહેર કર્યું છે.70-80 કિમી/કલાકની ઝડપે તેજ પવન ફૂંકાવાની શક્યતા છે.ખેડૂતોને સતર્ક રહેવાની સલાહ આપવામાં આવી છે, જ્યારે પૂર્વીય અને ઉત્તરીય રાજ્યોમાં વીજળી પડવા અને વૃક્ષો ધરાશાયી થવાનું જોખમ તોળાઈ રહ્યું છે.17 રાજ્યો - યુપી, બિહાર, દિલ્હી, હરિયાણા, રાજસ્થાન, ઉત્તરાખંડ, પંજાબ, હિમાચલ પ્રદેશ, ઝારખંડ, પશ્ચિમ બંગાળ, મધ્ય પ્રદેશ, છત્તીસગઢ, અરૂણાચલ પ્રદેશ, આસામ, તમિલનાડુ, આંધ્ર પ્રદેશ અને કર્ણાટકમાં ભારે વરસાદ અને વાવાઝોડાની ચેતવણી જાહેર કરવામાં આવી છે, આ દરમિયાન 80 કિલોમીટર પ્રતિ કલાકની ઝડપે વાવાઝોડું આવવાની શક્યતા છે.7: આરએસએસ (RSS) પ્રમુખ મોહન ભાગવતનો પ્રવાસબિહારમાં આરએસએસ (RSS) પ્રમુખ મોહન ભાગવતનો પ્રવાસ, 10 જૂને બરૌની જંક્શન પર આગમન.RSS પ્રમુખ મોહન ભાગવતના 10 જૂને બરૌની જંક્શન આગમનને લઈને વહીવટીતંત્ર હાઈ એલર્ટ પર છે.સ્ટેશન પરિસર અને આસપાસના વિસ્તારોમાં ચુસ્ત સુરક્ષા વ્યવસ્થા કરવામાં આવી રહી છે.પોલીસ અને સુરક્ષા એજન્સીઓએ વિશેષ દેખરેખ વધારી દીધી છે અને સમગ્ર વિસ્તારને સુરક્ષા ઘેરામાં લેવાની તૈયારી કરવામાં આવી છે.8: કેન્દ્રમાં ભાજપની સરકારના 12 વર્ષ પૂર્ણકેન્દ્રમાં વડાપ્રધાન નરેન્દ્ર મોદીના નેતૃત્વવાળી ભાજપ સરકારના ૧૨ વર્ષ પૂર્ણ થવાના અવસરે ભાજપ દ્વારા રાજ્યભરમાં ભવ્ય મહા આરતીનું આયોજન કરવામાં આવ્યું છે, જે અંતર્ગત આવતીકાલે ગુજરાતના વિવિધ જાણીતા મંદિરોમાં વિશેષ આરતી કરવામાં આવશે. આ ધાર્મિક મહોત્સવમાં રાજ્ય સરકારના તમામ મોટા નેતાઓ અને મંત્રીઓ જુદા જુદા મંદિરોમાં ખાસ હાજરી આપશે, જેમાં મુખ્યમંત્રી ભૂપેન્દ્ર પટેલ સવારે ૭ વાગ્યે ગાંધીનગરના ત્રિમંદિર ખાતે ઉપસ્થિત રહીને આરતીનો લાભ લેશે, જ્યારે ભાજપ પ્રદેશ અગ્રણી જગદીશ વિશ્વકર્મા સાંજે ૭ વાગ્યે વડનગર ખાતે યોજાનારી મહા આરતીમાં સહભાગી થશે.9: કોંગ્રેસનું પ્રતિનિધિમંડળ ચૂંટણી પંચને મળશેમધ્યપ્રદેશમાં કોંગ્રેસના કદાવર નેતા મીનાક્ષી નટરાજનનું રાજ્યસભાનું ઉમેદવારી ફોર્મ રદ થતાં મામલો ગંભીર બન્યો છે. જેને લઈને આવતીકાલે દિલ્હીમાં કે. સી. વેણુગોપાલની આગેવાની હેઠળ કોંગ્રેસનું પ્રતિનિધિમંડળ બપોરે 12 વાગ્યે ચૂંટણી પંચને મળશે.

Read Full Story arrow_forward
Gujarat News:  પોરબંદરમાં વસ્તી ગણતરીમાં ગેરહાજર રહેતા રોડ પ્રાથમિક શાળાના આચાર્યની ધરપકડ
calendar_today June 9, 2026

Gujarat News: પોરબંદરમાં વસ્તી ગણતરીમાં ગેરહાજર રહેતા રોડ પ્રાથમિક શાળાના આચાર્યની ધરપકડ

પોરબંદરમાંથી એક ચોંકાવનારો કિસ્સો સામે આવ્યો છે. જ્યાં રાષ્ટ્રીય ફરજ એવી વસ્તી ગણતરીની કામગીરીમાં હાજર ન રહેવા બદલ રોડ પ્રાથમિક શાળાના આચાર્ય પુનિતકુમાર પંડ્યાની પોલીસ દ્વારા અટકાયત કરવામાં આવી છે.આચાર્ય સામે વોરંટ જારી કરી તેમની અટકાયત કર્યા બાદ તેમને મામલતદાર કચેરી ખાતે હાજર કરવામાં આવ્યા હતા.આ કાર્યવાહીને પગલે શૈક્ષણિક આલમમાં ભારે ખળભળાટ મચી ગયો છે.વસ્તી ગણતરીમાં હાજર ન રહેતા કાર્યવાહીઆ ઘટના અંગે રાષ્ટ્રીય શૈક્ષણિક મહાસંઘ તાત્કાલિક એક્શનમાં આવ્યું છે અને કલેક્ટરને રજૂઆત કરી છે. મહાસંઘ દ્વારા આચાર્ય સામેનું વોરંટ તાત્કાલિક રદ્દ કરવા અને શિક્ષકને સન્માનપૂર્વક શાળામાં કામ કરવા દેવા માટે ઉચ્ચ કક્ષાએ રજૂઆત કરવામાં આવી છે.બીજી તરફ, અટકાયત કરાયેલા આચાર્ય પુનિતકુમાર પંડ્યાએ પોતાનું નિવેદન આપતા શાળાની વાસ્તવિક અને કડવી સ્થિતિ મીડિયા સમક્ષ રજૂ કરી છે. શિક્ષકને મામલતદાર કચેરી હાજર કરાયાતેમણે જણાવ્યું કે, અમારી શાળામાં સ્ટાફની ભારે અછત છે. મને ગણીને શાળામાં માત્ર બે જ શિક્ષકો છે, અને હાલ હું આચાર્ય તરીકેની પણ ફરજ બજાવી રહ્યો છું. શાળામાં શિક્ષકોની આટલી મોટી ઘટ હોય ત્યારે બાળકોનું શિક્ષણ બગાડીને આ સ્થિતિમાં વસ્તી ગણતરીની કામગીરી કેવી રીતે કરવી? આચાર્યના આ નિવેદન બાદ વહીવટી તંત્રના કડક વલણ અને શાળાઓમાં શિક્ષકોની ઘટની વાસ્તવિકતા વચ્ચે નવો વિવાદ સર્જાયો છે.આ પણ વાંચોઃ Kachchh News : આરોપી સ્ત્રીનો વેશ ધારણ કરી લોકોનો સંપર્ક કરતો, ઘરમાં જઈ દુઃખ દૂર કરવાના નામે રૂપિયા પડાવતો

Read Full Story arrow_forward