android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Latest News Live :  મધ્યપ્રદેશ રાજ્યસભાની ચૂંટણીમાં કોંગ્રેસના ઉમેદવાર મીનાક્ષી નટરાજનનું નામાંકન રદ
calendar_today June 9, 2026

Latest News Live : મધ્યપ્રદેશ રાજ્યસભાની ચૂંટણીમાં કોંગ્રેસના ઉમેદવાર મીનાક્ષી નટરાજનનું નામાંકન રદ

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 09JUNE ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Ahmedabad ગ્રામ્ય LCBનો સપાટો: નળસરોવરના વાસણ ગામે સ્મશાન નજીકથી ઝડપાઈ દેશી દારૂની ભઠ્ઠી
calendar_today June 9, 2026

Ahmedabad ગ્રામ્ય LCBનો સપાટો: નળસરોવરના વાસણ ગામે સ્મશાન નજીકથી ઝડપાઈ દેશી દારૂની ભઠ્ઠી

અમદાવાદ ગ્રામ્ય લોકલ ક્રાઈમ બ્રાન્ચએ પ્રોહિબિશનના કાયદાના કડક અમલીકરણ અંતર્ગત એક બહુ મોટી કાર્યવાહી કરીને સફળ દરોડો પાડ્યો છે. અમદાવાદના સુપ્રસિદ્ધ નળસરોવર વિસ્તારમાં મોટા પાયે ગેરકાયદેસર દેશી દારૂ બનાવવાની પ્રવૃત્તિ ચાલી રહી હોવાની ચોક્કસ બાતમી પોલીસને મળી હતી. આ વ્યાપક નશાના કારોબારને નાબૂદ કરવા માટે એલસીબીની ટીમે વાસણ ગામના તળાવ કાંઠે આવેલા સ્મશાન ગૃહની નજીક ઓચિંતો દરોડો પાડીને દેશી દારૂ બનાવવાની ધમધમતી ભઠ્ઠી ઝડપી પાડી છે.હજારો લીટર દારૂનો વોશ અને લાખોનો મુદ્દામાલ જપ્તપોલીસના આ સફળ ઓપરેશન દરમિયાન ઘટનાસ્થળેથી અંદાજે 4,650 લીટર જેટલો દેશી દારૂ બનાવવાનો કાચો માલ એટલે કે 'વોશ' ઝડપાયો હતો, જેને પોલીસે સ્થળ પર જ નષ્ટ કર્યો હતો. આ ઉપરાંત, વેચાણ માટે સંપૂર્ણ રીતે તૈયાર રાખવામાં આવેલો 105 લીટર દેશી દારૂ પણ પોલીસે કબ્જે કર્યો છે. એલસીબીની ટીમે દારૂ ગાળવાના સાધનો, વાસણો અને અન્ય સામગ્રી સહિત કુલ રૂપિયા 1,37,000 (1.37 લાખ) નો મુદ્દામાલ જપ્ત કરીને કાયદેસરની કાર્યવાહી હાથ ધરી છે.દારૂના કારોબારમાં ત્રણ મહિલાઓ વોન્ટેડઆ સમગ્ર ગેરકાયદેસર દેશી દારૂની ભઠ્ઠી ચલાવવાના કેસમાં ચોંકાવનારો ખુલાસો થયો છે કે આ નેટવર્ક મહિલાઓ દ્વારા ઓપરેટ કરવામાં આવી રહ્યું હતું. પોલીસ દરોડા દરમિયાન આ કેસના મુખ્ય ત્રણ મહિલા આરોપીઓ નાસી છૂટવામાં સફળ રહ્યા હતા, જેમને પોલીસે ચોપડે વોન્ટેડ જાહેર કર્યા છે. ફરાર થઈ ગયેલી મહિલાઓમાં સવિતાબેન ઠાકોર, શકરીબેન ઠાકોર અને નાનીબેન ઠાકોરનો સમાવેશ થાય છે. અમદાવાદ ગ્રામ્ય પોલીસે આ ત્રણેય મહિલા આરોપીઓને ઝડપી પાડવા માટે અલગ-અલગ ટીમો બનાવીને ચક્રો ગતિમાન કર્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Kachchh News : આરોપી સ્ત્રીનો વેશ ધારણ કરી લોકોનો સંપર્ક કરતો, ઘરમાં જઈ દુઃખ દૂર કરવાના નામે રૂપિયા પડાવતો
calendar_today June 9, 2026

Kachchh News : આરોપી સ્ત્રીનો વેશ ધારણ કરી લોકોનો સંપર્ક કરતો, ઘરમાં જઈ દુઃખ દૂર કરવાના નામે રૂપિયા પડાવતો

ગુજરાતમાં અંધશ્રદ્ધાના અનેક બનાવો સામે આવી રહ્યાં છે. આજના આધુનિક યુગમાં પણ અંધશ્રદ્ધાના નામે ગામડાના ભોળા માણસોને ઠગતી ગેંગ સક્રિય થઈ ગઈ છે. આવી જ એક ગેંગને પોલીસે ઝડપી પાડી છે. કચ્છમાં ધંધામાં બરકત લાવવી, ઘરની નડતર દૂર કરવી અને દુઃખ તકલીફમાંથી મુક્તિ અપાવવાના બહાને લોકો પાસેથી રૂપિયા પડવાતા ત્રણ આરોપીને પધ્ધર પોલીસે ઝડપી પાડયા છે.ઠગાઈ આચરતી ત્રિપુટી ઝડપી પાડવામાં આવીકચ્છ પોલીસે તાંત્રિક વિધિના નામે લોકો સાથે ઠગાઈ આચરતી ત્રિપુટી ઝડપી પાડવામાં આવી છે. આરોપીઓમાનો એક ઈસમ સ્ત્રીનો વેશ ધારણ કરી લોકોનો સંપર્ક કરીને તેમના ઘરમાં પ્રવેશી નડતર દૂર કરવાના નામે ઠગાઈ આચરતો હતો. પધ્ધર પોલીસ પેટ્રોલિંગમાં હતી તે દરમિયાન બાતમી મળી હતી કે, એક મારુતિ અલ્ટો કારમાં ત્રણ શંકાસ્પદ ઈસમો ફરી રહ્યા છે. બાતમીના આધારે પોલીસે વાહન રોકી તપાસ કરતા ચોંકાવનારી હકીકતો સામે આવી હતી.પોલીસ તપાસમાં બહાર આવ્યું કે, આરોપીઓ અલગ અલગ ગામોમાં જઈ લોકોનો સંપર્ક કરતા હતા. આરોપી વિશેષ શક્તિઓ હોવાનો ભાસ ઉભો કરતોજેમાંથી એક ઈસમ સ્ત્રીનો વેશ ધારણ કરી પોતાની પાસે વિશેષ શક્તિઓ હોવાનો ભાસ ઉભો કરતો હતો. ત્યારબાદ લોકોના ધંધામાં બરકત નથી આવતી, ઘરમાં નડતર છે અથવા દુઃખ તકલીફો છે તેવી વાતો કરી વિશ્વાસમાં લેતા હતાં. આરોપીઓ બાદમાં ખાસ પૂજા-પાઠ અને તાંત્રિક વિધિ કરવાની જરૂર હોવાનું કહી લોકો પાસેથી રોકડ રકમ તેમજ કિંમતી વસ્તુઓ મેળવતા હોવાનું તપાસમાં સામે આવ્યું છે. પોલીસે ત્રિપુટીને રોકડ, કાર, મોબાઈલ, શ્રીફળ, ઘી સહિતના મુદામાલ સાથે ઝડપી પાડી છે. અરવિંદનાથ પરમાર સમગ્ર ઠગાઈ કેસમાં માસ્ટર માઈન્ડઝડપાયેલા આરોપીમાં અરવિંદનાથ પરમાર સમગ્ર ઠગાઈ કેસમાં માસ્ટર માઈન્ડ હોવાનું સામે આવ્યું છે. આરોપી ગુન્હાહિત ઇતિહાસ ધરાવે અને તેના સામે રાજકોટ, ગોંડલ, મોરબી, પડધરી, ગાંધીનગર સહિતના પોલીસ સ્ટેશનમાં ગુન્હા નોંધાયેલા છે. હાલ પોલીસે અરવિંદનાથ પરમાર, બળવંત હીરાલાલ વાદી , પરબત નથુભાઈ રાઠોડના રિમાન્ડ મેળવી આરોપીએ અત્યાર સુધીમાં કેટલા લોકો સાથે છેતરપીંડી કરી છે તે દિશામાં તપાસ હાથ ધરી છે.આ પણ વાંચોઃ Madhya Pradesh rajya sabha election: કોંગ્રેસના કદાવર ઉમેદવાર મીનાક્ષી નટરાજનનું ફોર્મ રદ કરાયુ

Read Full Story arrow_forward