android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
MP Rajya Sabha Election :3 બેઠક માટે 18 જૂને મતદાન,ધારાસભ્યોને બચાવવા કોંગ્રેસે કેમ મોકલ્યા કર્ણાટક?
calendar_today June 9, 2026

MP Rajya Sabha Election :3 બેઠક માટે 18 જૂને મતદાન,ધારાસભ્યોને બચાવવા કોંગ્રેસે કેમ મોકલ્યા કર્ણાટક?

મધ્ય પ્રદેશમાં રાજ્યસભાની ત્રણ બેઠકો માટે 18 જૂનના રોજ યોજાનારી ચૂંટણી પહેલા રાજકીય માહોલ ગરમાયો છે.ભાજપ દ્વારા છેલ્લી ઘડીએ ત્રીજો ઉમેદવાર ઉતારવામાં આવતા કોંગ્રેસ છાવણીમાં ફફડાટ ફેલાયો છે.ક્રોસ વોટિંગ ટાળવા અને પોતાના ધારાસભ્યોને એકજૂથ રાખવાના હેતુથી કોંગ્રેસે તમામ ધારાસભ્યોને ભોપાલથી કર્ણાટક મોકલી દીધા છે. કોંગ્રેસના ધારાસભ્યે શું કહ્યું કોંગ્રેસના ધારાસભ્ય વિજય રેવાનાથ ચૌરેએ જણાવ્યું હતું કે ભાજપ દ્વારા ધારાસભ્યોના ખરીદ-વેચાણના પ્રયાસો થઈ રહ્યા હોવાથી હાઈકમાન્ડે આ નિર્ણય લીધો છે.નેતા વિપક્ષ ઉમંગ સિંઘારના નિવાસે મળેલી બેઠક બાદ ધારાસભ્યોને બેંગલુરુ રવાના કરાયા હતા.આ બેઠકમાં વરિષ્ઠ નેતા કમલનાથ પણ ઓનલાઇન જોડાયા હતા. બે બેઠકો પર ભાજપ મજબૂત,ત્રીજી બેઠક પર પેચ ફસાયો મધ્ય પ્રદેશ વિધાનસભાના આંકડાકીય સમીકરણો મુજબ 3 માંથી 2 બેઠકો પર ભાજપની જીત નક્કી માનવામાં આવે છે.ભાજપે રાષ્ટ્રીય મહાસચિવ તરુણ ચુઘ અને રાજ્ય સચિવ રજનીશ અગ્રવાલને મેદાનમાં ઉતાર્યા છે.જ્યારે ત્રીજી બેઠક માટે ભાજપે મધ્ય પ્રદેશ મત્સ્યઉદ્યોગ કલ્યાણ બોર્ડના અધ્યક્ષ મહેશ કેવટ પર દાવ ખેલ્યો છે.બીજી તરફ કોંગ્રેસે પૂર્વ સાંસદ મીનાક્ષી નટરાજનને પોતાના ઉમેદવાર બનાવ્યા છે,જેથી ત્રીજી બેઠક માટે મુકાબલો રસપ્રદ બન્યો છે. શું છે રાજ્યસભાની જીતનું ગણિત? 230 સભ્યોની મધ્ય પ્રદેશ વિધાનસભામાં હાલ 229 ધારાસભ્યો છે.જેમાંથી ભાજપ પાસે 164 અને કોંગ્રેસ પાસે 64 ધારાસભ્યો છે.જ્યારે એક બેઠક ભારત આદિવાસી પાર્ટી પાસે છે.કોંગ્રેસના રાજેન્દ્ર ભારતીનું સભ્ય રદ્દ થયું છે અને મુકેશ મલ્હોત્રાના વોટિંગ પર હાઈકોર્ટે રોક લગાવી છે. આ પણ વાંચો - Monsoon 2026: સિક્કિમ અને નોર્થ બંગાળ પહોંચ્યુ ચોમાસુ, આ 4 રાજ્યોમાં ભારે વરસાદનું એલર્ટ

Read Full Story arrow_forward
Fertility Rate: ભારતનો પ્રજનન દર 54 વર્ષમાં 5.2થી ઘટીને 1.9 થયો, જાણો શું કહે છે બિહાર અને દિલ્હીના આંકડા?
calendar_today June 9, 2026

Fertility Rate: ભારતનો પ્રજનન દર 54 વર્ષમાં 5.2થી ઘટીને 1.9 થયો, જાણો શું કહે છે બિહાર અને દિલ્હીના આંકડા?

2024માં પ્રકાશિત થયેલા નવીનતમ નમૂના નોંધણી પ્રણાલી અહેવાલ આ ચર્ચાને એક નવા સ્તરે લઈ ગયુ છે. કુટુંબ નિયોજન અભિયાન 1971માં, ભારતનો કુલ પ્રજનન દર 5.2 હતો. આનો અર્થ એ થયો કે સરેરાશ, એક ભારતીય મહિલાએ તેના જીવનકાળમાં પાંચથી વધુ બાળકોને જન્મ આપ્યો હતો. આજે, આ સંખ્યા ઘટીને 1.9 થઈ છે. પાંચ દાયકામાં આ ઘટાડો ભારતના વસ્તી વિષયક ઇતિહાસની સૌથી મોટી ઘટનાઓમાંની એક છે. SRS અહેવાલ ઘણા વિવિધ પાસાઓ પર માહિતી પ્રદાન કરે છે. આ ફેરફાર અચાનક આવ્યો નથી. 1967માં શરૂ કરાયેલા કુટુંબ નિયોજન અભિયાન અને ત્યારબાદ "બે બાળકો પૂરતા છે" સંદેશના લોકપ્રિયતાએ નાના પરિવારોની વિભાવનાને પ્રોત્સાહન આપ્યું છએ. શું છે TFR, 2.1નો આંકડો શા માટે મહત્વનો ? કુલ પ્રજનન દર એટલે કે, TFR દર્શાવે છે કે, જો વર્તમાન વય-વિશિષ્ટ જન્મ દર યથાવત રહે તો સ્ત્રી તેના પ્રજનન જીવનકાળ એટલ કે 15થી 49 વર્ષ દરમિયાન સરેરાશ કેટલા બાળકો પેદા કરશે. વસ્તી વિષયક દ્રષ્ટિએ, 2.1ના TFRને "રિપ્લેસમેન્ટ લેવલ" કહેવામાં આવે છે. આનો અર્થ એ છે કે, સરેરાશ, દરેક સ્ત્રીને વર્તમાન પેઢીને બદલવા માટે પૂરતા બાળકો હોવા જોઈએ. જો કોઈ દેશનો TFR લાંબા સમય સુધી 2.1 થી નીચે રહે છે. તો વસ્તી વૃદ્ધિ ધીમે ધીમે ધીમી પડે છે, અને ભવિષ્યમાં વસ્તી સ્થિર થવા અથવા ઘટવા લાગે છે. રાષ્ટ્રીય પ્રજનન દરમાં સતત ઘટાડો ભારતનો TFR હવે 1.9 છે, જેનો અર્થ છે કે દેશ રાષ્ટ્રીય રિપ્લેસમેન્ટ સ્તરથી નીચે પહોંચ્યો છે. આ પરિસ્થિતિ અગાઉ યુરોપ, જાપાન, દક્ષિણ કોરિયા અને ચીન જેવા દેશોમાં જોવા મળી છે. જો કે, ભારતની પરિસ્થિતિઓ અલગ છે. તાજેતરના ડેટા દર્શાવે છે કે, પ્રજનન દરમાં ઘટાડો તાજેતરની ઘટના નથી કે એકલ વલણ નથી. છેલ્લા દાયકામાં રાષ્ટ્રીય પ્રજનન દરમાં સતત ઘટાડો થઈ રહ્યો છે. તે 2012-14 દરમિયાન 2.3 થી ઘટીને 2022-24 દરમિયાન 1.9 થયું છે. જે લગભગ 17.4 ટકાનો ઘટાડો દર્શાવે છે. ભારતનો પ્રજનન દર ઘટ્યો 1971થી2024: એક મોટો ફેરફાર છેલ્લા પાંચ દાયકામાં ભારતના વસ્તી વિષયક સૂચકાંકોમાં નોંધપાત્ર સુધારો થયો છે. -જન્મ દર 36.9 થી ઘટીને 18.3 પ્રતિ હજાર થયો છે. -મૃત્યુ દર 14.9 થી ઘટીને 6.4 પ્રતિ હજાર થયો છે. -શિશુ મૃત્યુ દર 129 થી ઘટીને 24 પ્રતિ હજાર થયો છે. -કુલ પ્રજનન દર 5.2 થી ઘટીને 1.9 થયો છે. બિહાર ટોચ પર, દિલ્હી સૌથી નીચેના સ્તેરે જનન દર માટે રાષ્ટ્રીય સરેરાશ1.9 છે, પરંતુ રાજ્યો વચ્ચે નોંધપાત્ર તફાવત ચાલુ રહે છે. બિહારમાં સૌથી વધુ પ્રજનન દર છે, જ્યારે રાજધાની, દિલ્હી, તળિયે રહે છે. બિહાર દેશનું એકમાત્ર મુખ્ય રાજ્ય છે જ્યાં TFR 2.9 છે, જેનો અર્થ છે કે પ્રજનન દર ઘણો ઊંચો રહે છે. આ રાષ્ટ્રીય સરેરાશ કરતા આશરે 53 ટકા વધારે છે. દિલ્હીમાં દેશમાં સૌથી ઓછો પ્રજનન દર છે. અહીં એક મહિલા સરેરાશ 1.2 બાળકોને જન્મ આપે છે. કયા રાજ્યોમાં સૌથી ઓછો પ્રજનન દર ? અહેવાલ મુજબ, ઘણા રાજ્યો રિપ્લેસમેન્ટ સ્તરથી ઘણા નીચે આવ્યા છે. દિલ્હી - 1.2 કેરળ - 1.3 તમિલનાડુ - 1.3 મહારાષ્ટ્ર - 1.4 આંધ્રપ્રદેશ - 1.4 જમ્મુ અને કાશ્મીર - 1.4 પંજાબ - 1.4 કર્ણાટક - 1.5 તેલંગાણા - 1.5 હિમાચલપ્રદેશ - 1.5 ભારતમાં પ્રજનન દરમાં સૌથી મોટો તફાવત ગ્રામીણ અને શહેરી વિસ્તારો વચ્ચે જોવા મળે છે. ગ્રામીણ ભારત માટે TFR - 2.1 શહેરી ભારત માટે TFR - 1.5 શું ભારતની વસ્તી નિયંત્રણમાં રહેશે ? આ પ્રશ્નનો જવાબ 'તાત્કાલિક નહીં' છે. જોકે TFR 2.1થી નીચે આવ્યો છે. ભારતની વસ્તી ઘણા દાયકાઓ સુધી વધતી રહેશે. આ 'વસ્તી ગતિ'ને કારણે છે. ભારતમાં હજુ પણ પ્રજનન વય જૂથમાં પ્રવેશતા યુવાનોની સંખ્યા મોટી છે. તેથી, નીચા પ્રજનન દર હોવા છતાં, જન્મની કુલ સંખ્યા થોડા સમય માટે ઊંચી રહી શકે છે. જોકે, લાંબા ગાળે વસ્તી વૃદ્ધિ નોંધપાત્ર રીતે ધીમી રહેવાની ધારણા છે. આ પણ વાંચોઃ મિત્રની અંતિમ વિદાયમાં ભાવુક થયા સલમાન ખાન, દુઃખની ઘડીમાં સમગ્ર પરિવાર જોવા મળ્યો એકસાથે

Read Full Story arrow_forward
Madhya Pradesh rajya sabha election: કોંગ્રેસના કદાવર ઉમેદવાર મીનાક્ષી નટરાજનનું ફોર્મ રદ કરાયુ
calendar_today June 9, 2026

Madhya Pradesh rajya sabha election: કોંગ્રેસના કદાવર ઉમેદવાર મીનાક્ષી નટરાજનનું ફોર્મ રદ કરાયુ

રાજ્યસભા ચૂંટણી પહેલા કોંગ્રેસને મોટો ઝટકો લાગ્યો છે. મધ્યપ્રદેશથી કોંગ્રેસના રાજ્યસભા ઉમેદવાર મીનાક્ષી નટરાજનનું નામાંકન રદ કરવામાં આવ્યું છે. રિટર્નિંગ ઓફિસરે આ નામાંકન રદ કરી નાંખ્યું છે. તેમની પર આરોપ છે કે, તેમણે ઉમેદવારી ફોર્મમાં હૈદરાબાદની એક કોર્ટમાં ચાલી રહેલા મામલાની જાણકારી છુપાવી છે. ભાજપે મીનાક્ષી નટરાજનના ફોર્મ સામે વાંધો ઉઠાવ્યોરાજ્યસભાની ઉમેદવારી અંગે ભાજપે મીનાક્ષી નટરાજનના ફોર્મ સામે વાંધો ઉઠાવ્યો હતો. તેમના ફોર્મમાં માહિતી છુપાવવાનો આરોપ લગાવાયો હતો. ભાજપે એવો આરોપ લગાવ્યો હતો કે, હૈદરાબાદની એક કોર્ટમાં ચાલી રહેલા એક ફોજદારી કેસ ઉમેદવારી ફોર્મમાં જાહેર કર્યો નથી. કર્ણાટકના મીનાક્ષી નટરાજનને સોનિયા ગાંધી અને રાહુલ ગાંધી બંનેની નજીક માનવામાં આવે છે.કોંગ્રેસ પાર્ટીના સાંસદે શું કહ્યુંઆ દરમિયાન કોંગ્રેસ તરફથી સાંસદ વિવેક તંખાએ કહ્યું હતું કે, મીનાક્ષી નટરાજનની ઉમેદવારીને ળઈને ભ્રમ ફેલાવાઈ રહ્યો છે. કોઈ ફોજદારી કેસ નોંધવામાં આવ્યો નથી. માત્ર એક નોટીસ જાહેર કરાઈ છે. જેમાં સવાલ કરાયો છે કે, તેમના અને અન્ય લોકો સામે 10 કરોડ રૂપિયાના વળતરની કાર્યવાહી કેમ શરૂ ના થવી જોઈએ. મીનાક્ષી નટરાજનના વકીલે આ નોટીસનો જવાબ આપ્યો છે પરંતુ કોઈ ફરિયાદ દાખલ કરાઈ નથી. આ પણ વાંચોઃ CM યોગીની ચેતવણી,‘રામનો દ્રોહ કરનારાઓને ધરતી પર જગ્યા નથી,ભારત કોઈ ધર્મશાળા નથી’

Read Full Story arrow_forward