android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabadમાં ACBનો મોટો સપાટો: ધરપડા ગામના સરપંચના પતિ રૂ.1.10 લાખની લાંચ લેતા રંગેહાથ ઝડપાયા
calendar_today June 9, 2026

Ahmedabadમાં ACBનો મોટો સપાટો: ધરપડા ગામના સરપંચના પતિ રૂ.1.10 લાખની લાંચ લેતા રંગેહાથ ઝડપાયા

અમદાવાદ જિલ્લામાંથી ભ્રષ્ટાચારનો એક મોટો કિસ્સો સામે આવ્યો છે, જ્યાં ACBએ મોટી કાર્યવાહી કરીને એક ગ્રામ પંચાયતના જવાબદાર હોદ્દેદારના પતિને લાંચ લેતા ઝડપી પાડ્યા છે. અમદાવાદના ધરપડા ગ્રામ પંચાયતના સરપંચના પતિ વધુજી સુરાજી સોલંકી રેતી અને માટી ખનનની મંજૂરી આપવાના બહાને એક ફરિયાદી પાસેથી લાખો રૂપિયાની લાંચની માંગણી કરી રહ્યા હતા. આ અંગે જાગૃત ફરિયાદીએ એસીબીનો સંપર્ક સાધતાં તંત્ર દ્વારા તાત્કાલિક છટકું ગોઠવવામાં આવ્યું હતું.ઢુવા ચોકડી રોડ પર એસીબીની સફળ ટ્રેપસરપંચના પતિ વધુજી સોલંકીએ ફરિયાદી પાસે માટી ખોદકામની વહીવટી મંજૂરી અપાવવા માટે રૂ. 1,10,000ની લાંચ માંગી હતી અને આ રકમ આપવા માટે તેમને ઢુવા ચોકડી નજીક જાહેર રોડ પર બોલાવ્યા હતા. એસીબીની ટીમે આયોજનબદ્ધ રીતે આ સ્થળે વોચ ગોઠવી દીધી હતી. જેવો જ આરોપી વધુજી ફરિયાદી પાસેથી લાંચની રૂ.1.10 લાખની રોકડ રકમ સ્વીકારવા ગયો, કે તરત જ છુપાઈને ઉભેલા એસીબીના અધિકારીઓએ તેને રંગેહાથ દબોચી લીધો હતો.સંપૂર્ણ રકમ કબજે, ગુનો નોંધી કાયદેસરની કાર્યવાહી શરૂએસીબીની ટીમે સરપંચના લાંચિયા પતિ પાસેથી લાંચની રૂ.1.10 લાખની સંપૂર્ણ રકમ સ્થળ પર જ જપ્ત કરી લીધી છે. એન્ટી કરપ્શન એક્ટ હેઠળ આરોપી વધુજી સુરાજી સોલંકી વિરુદ્ધ ગુનો નોંધવાની તજવીજ હાથ ધરાઈ છે. ગ્રામ્ય વિસ્તારમાં વિકાસના કામો અને મંજૂરીઓ માટે ચાલતા આવા ભ્રષ્ટાચાર સામે એસીબીના આ સફળ ઓપરેશનથી સ્થાનિક સ્તરે લાંચિયા તત્વોમાં ભારે ફફડાટ વ્યાપી ગયો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Bhavnagar News: SPએ ફરજમાં બેદરકારી બદલ બે પોલીસકર્મીઓને સસ્પેન્ડ કર્યા, D સ્ટાફને પરેડની સજા
calendar_today June 9, 2026

Bhavnagar News: SPએ ફરજમાં બેદરકારી બદલ બે પોલીસકર્મીઓને સસ્પેન્ડ કર્યા, D સ્ટાફને પરેડની સજા

ભાવનગર પોલીસ વિભાગમાં ફરજ પ્રત્યે બેદરકારી દાખવનારા કર્મચારીઓ સામે જિલ્લા પોલીસ વડા નીતેશ પાંડેયે લાલ આંખ કરી છે. તેમણે કાર્યવાહીનો સપાટો બોલાવતા બે પોલીસ કર્મચારીઓને તાત્કાલિક અસરથી સસ્પેન્ડ કરવામાં આવ્યા છે.જ્યારે શિસ્તભંગ બદલ સમગ્ર D સ્ટાફ અને અન્ય કર્મચારીઓને પરેડની આકરી સજા ફટકારવામાં આવી છે.સમગ્ર પોલીસ બેડામાં ફફડાટ વ્યાપી ગયોભાવનગરમાં વિવાદોમાં ઘેરાયેલા નીલમબાગ પોલીસ સ્ટેશનના રાઇટર લાલજી ચુડાસમા અને કોન્સ્ટેબલ રણજીતસિંહ મોરી સામે ફરજમાં ઘોર બેદરકારી બદલ સસ્પેન્શનના પગલાં લેવામાં આવ્યા છે.આ કડક કાર્યવાહીથી સમગ્ર પોલીસ બેડામાં ફફડાટ વ્યાપી ગયો છે.માત્ર સસ્પેન્શન જ નહીં પરંતુ પોલીસ વિભાગમાં ડિસિપ્લિન સુધારવા માટે SP દ્વારા સજા પણ ફટકારવામાં આવી છે. શિસ્ત સુધારવા કડક પગલાં લેવાયાનીલમબાગ પોલીસ સ્ટેશનના સમગ્ર D સ્ટાફ સહિત કુલ 10 પોલીસ સ્ટેશનના કર્મચારીઓને શિસ્તના પાઠ ભણાવવા માટે હવેથી દરરોજ સવારે 6 વાગ્યે હેડક્વાર્ટર ખાતે ફરજિયાત પરેડ કરવાની સજા આપવામાં આવી છે.પોલીસ વડાની આ કડક અમલવારીથી સ્પષ્ટ સંદેશ ગયો છે કે ફરજમાં કોઈપણ પ્રકારની આળસ કે બેદરકારી સાંખી લેવામાં નહીં આવે.આ પણ વાંચોઃBanaskantha News: દાંતામાં ચાલકે કાબુ ગુમાવતા જીપ સીધી જ પીક અપ સ્ટેન્ડમાં ઘૂસી, એકનું મોત 7 ઈજાગ્રસ્ત

Read Full Story arrow_forward
Rajkot : દિલ્હીમાં કોળી સમાજના બે અલગ સંમેલનો યોજાતા મોટો વિવાદ, રાષ્ટ્રીય ઉપાધ્યક્ષે કહ્યું- 'આ સમાજ હિત નહીં, વ્યક્તિગત સ્વાર્થ છે!'
calendar_today June 9, 2026

Rajkot : દિલ્હીમાં કોળી સમાજના બે અલગ સંમેલનો યોજાતા મોટો વિવાદ, રાષ્ટ્રીય ઉપાધ્યક્ષે કહ્યું- 'આ સમાજ હિત નહીં, વ્યક્તિગત સ્વાર્થ છે!'

ગુજરાતના રાજકારણમાં સૌથી મોટું પ્રભુત્વ ધરાવતા કોળી સમાજમાં આંતરિક જૂથબંધી અને વિવાદ ચરમસીમાએ પહોંચ્યો છે. દેશની રાજધાની દિલ્હી ખાતે કોળી સમાજના બે દિગ્ગજ નેતાઓ દ્વારા એક જ સમયે બે અલગ-અલગ રાષ્ટ્રીય સંમેલનો બોલાવવામાં આવતા સમાજમાં ભાગલા પડ્યા હોવાની ચર્ચાએ જોર પકડ્યું છે. આ હાઈપ્રોફાઈલ વિવાદને લઈને અખિલ ભારતીય કોળી સમાજના રાષ્ટ્રીય ઉપાધ્યક્ષ પ્રવીણભાઈ કોળીએ એક અત્યંત સનસનાટીપૂર્ણ નિવેદન આપતાં આખો મામલો ગરમાયો છે.સ્વાર્થ માટે અને રાજકીય લાભ માટે 21 તારીખનું આ સંમેલન બોલાવાનું નક્કી કર્યું કુંવરજી બાવળીયાએ વીડિયો જાહેર કરીને કહ્યું કે દિલ્હીમાં ભારતીય કોળી સમાજનું સંમેલન યોજાવાનું છે. મહારાષ્ટ્રના કોળી સમાજને મારી વિનંતી છે કે તમે 14 જૂનના રાષ્ટ્રીય અધિવેશનમાં આવો.હું તમને આમંત્રીત કરું છું. કોઇકે 21 તારીખે અખિલ ભારતીય કોળી સમાજના નામે બીજું સંમેલન બોલાવા એલાન કર્યું છે પણ આ લોકોમાંથી મોટાભાગના પોતાના સ્વાર્થ માટે અને રાજકીય લાભ માટે 21 તારીખનું આ સંમેલન બોલાવાનું નક્કી કર્યું છે. આમાંથી ઘણા એવા છે કે ઘણા વર્ષોથી કોળી સમાજના રાષ્ટ્રીય સંમેલનમાં સામેલ છે પણ સમાજ માટે કંઇ કર્યું નતી. ગુજરાતના ત્રણ ચાર જણ છે. બીજા રાજ્યના પણ છે તેમણે આ સંમેલન બોલાવ્યું છે પણ આ લોકોએ કોળી સમાજ માટે કંઇ કર્યું નથી તે તમને પણ ખબર છે. હું તમને કહીશ કે અખિલ ભારતીય કોળી સમાજના બંધારણમાં યુવા અને મહિલાઓને સામેલ કરવા જુના લોકોએ માત્ર વિરોધ જ કરેલો છે. પણ મને કોળી સમાજનો રાષ્ટ્રીય પ્રમુખ બનાવ્યો ત્યારે મે મહિલા અને યુવાઓને સામેલ કરવાનો પુરો પ્રયાસ કર્યો છે. જેથી સંગઠન સાથે જોડાયેલા કોળી સમાજના બંધુઓને વિનંતી છે કે તેઓ 14 તારીખે ચોક્કસ આવે.એક સંમેલન કુંવરજીભાઈ બાવળિયા દ્વારા આયોજીતમળતી વિગતો મુજબ, દિલ્હીમાં એક સંમેલન ગુજરાતના કદાવર નેતા કુંવરજીભાઈ બાવળિયા દ્વારા આયોજિત કરવામાં આવ્યું છે, જ્યારે બીજું સમાંતર સંમેલન વિરેન્દ્ર કશ્યપ દ્વારા બોલાવવામાં આવ્યું છે. સમાજના બે મોટા માથાઓ વચ્ચેની આ લડાઈ હવે જાહેરમાં આવી ગઈ છે.સમાજમાં મોટું વિભાજન ઊભું કરવાનું કામ આ અંગે રાષ્ટ્રીય ઉપાધ્યક્ષ પ્રવીણભાઈ કોળીએ મીડિયા સાથેની ખાસ વાતચીતમાં આક્રોશ વ્યક્ત કરતા જણાવ્યું છે કે, એક જ જ્ઞાતિના આવા બે અલગ-અલગ કાર્યક્રમો સમાજમાં મોટું વિભાજન ઊભું કરવાનું કામ કરી રહ્યા છે. આ સંમેલનો પાછળ સમાજનું કોઈ હિત છુપાયેલું નથી, પરંતુ નેતાઓનું માત્ર વ્યક્તિગત હિત (સ્વ-હિત) અને રાજકીય રોટલા શેકવાની ગણતરી છે.https://youtu.be/duFynLv0HtA કોઈ પણ વ્યક્તિએ આ બંનેમાંથી એક પણ સંમેલનમાં હાજરી આપવી જોઈએ નહીંપ્રવીણભાઈ કોળીએ દેશ અને ગુજરાતભરના કોળી સમાજના આગેવાનો તેમજ ભાઈઓને ખુલ્લી અપીલ કરી છે કે સમાજના વ્યાપક હિતને ધ્યાનમાં રાખીને કોઈ પણ વ્યક્તિએ આ બંનેમાંથી એક પણ સંમેલનમાં હાજરી આપવી જોઈએ નહીં. જો સમાજના લોકો આવા અલગ પક્ષોમાં વહેંચાશે તો સંગઠનની શક્તિ નબળી પડશે. સંમેલનો ઉપર સૌની નજર રાજકોટ સહિત સમગ્ર ગુજરાતના રાજકીય વર્તુળોમાં આ નિવેદન બાદ ભારે ખળભળાટ મચી ગયો છે અને આગામી દિવસોમાં કોળી સમાજનું આ આંતરિક યુદ્ધ કયું નવું સ્વરૂપ લે છે તેના પર સૌની નજર મંડાયેલી છે.આ પણ વાંચો---    Gujarat Latest News Live : અમદાવાદ ધરપડાના સરપંચના પતિ .1.10 લાખની લાંચ લેતા ACB ટ્રેપમાં ઝડપાયા

Read Full Story arrow_forward