android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Abu Road ખાતે લગ્નમાં ગયેલા ગુજરાતના યુવકની છરીના ઘા ઝીંકી હત્યા, હુમલાખોરો ફરાર
calendar_today June 9, 2026

Abu Road ખાતે લગ્નમાં ગયેલા ગુજરાતના યુવકની છરીના ઘા ઝીંકી હત્યા, હુમલાખોરો ફરાર

રાજસ્થાનના શિરોહી જિલ્લામાં આવેલા પ્રસિદ્ધ પ્રવાસન સ્થળ આબુ રોડ નજીક એક લગ્ન સમારંભ દરમિયાન લોહિયાળ ખેલ ખેલાયો છે. લગ્નની ધૂમધામ વચ્ચે ફાટી નીકળેલા નજીવા ઝઘડામાં ગુજરાતના એક 19 વર્ષીય આશાસ્પદ યુવકની છરીના ઘા ઝીંકીને ઘાતક હત્યા કરી દેવામાં આવતા સમગ્ર પંથકમાં સનસનાટી મચી ગઈ છે. આ સનસનાટીપૂર્ણ બનાવઆબુ રોડ સદર પોલીસ સ્ટેશન વિસ્તારની નીચલાગઢ ચોકી અંતર્ગત આવતા ઉપલાખેજ ગામે સોમવારે મોડી રાત્રે બન્યો હતો ઘટનાને પગલે લગ્ન પ્રસંગની ખુશીઓ પલભરમાં માતમમાં ફેરવાઈ ગઈ હતી.યુવગ લગ્નમાં હાજરી આપવા આવ્યો હતો સદર પોલીસ સ્ટેશનના અધિકારી પ્રદીપ ડાંગાએ જણાવ્યું કે, મૃતક યુવકની ઓળખ 19 વર્ષીય કાંતિભાઈ (પિતાનું નામ હોજાભાઈ) તરીકે થઈ છે, જે મૂળ ગુજરાતનો રહેવાસી હતો. કાંતિભાઈ પોતાના પરિવાર સાથે ગુજરાતથી ઉપલાખેજ ગામે યોજાયેલા એક લગ્ન પ્રસંગમાં હાજરી આપવા માટે આવ્યો હતો. સોમવારે રાત્રે લગ્નની વિધિઓ અને ઉજવણી ચાલી રહી હતી તે દરમિયાન કોઈ અગમ્ય કારણોસર કેટલાક સ્થાનિક યુવકો સાથે કાંતિભાઈને ઉગ્ર બોલાચાલી અને ઝઘડો થયો હતો. ઝઘડામાં સ્થાનિક યુવકોએ જીવલેણ હુમલો કર્યો આ વિવાદ એટલો વધી ગયો કે ઉશ્કેરાયેલા શખ્સોએ તીક્ષ્ણ છરી વડે કાંતિભાઈ પર ઉપરાછાપરી જીવલેણ હુમલો કરી દીધો હતો. છરીના ઘા વાગવાના કારણે લોહીલુહાણ હાલતમાં કાંતિભાઈ જમીન પર ઢળી પડ્યો હતો. ત્યાં હાજર સંબંધીઓ અને લોકો તાત્કાલિક તેની વહારે દોડી આવ્યા હતા, પરંતુ ગંભીર ઈજાઓના કારણે વધુ પડતો રક્તસ્રાવ (લોહી વહી જવા) થવાને લીધે ઘટનાસ્થળે જ તેનું કમકમાટીભર્યું મોત નીપજ્યું હતું. આરોપીઓ ફરાર ઘટના બાદ આરોપીઓ અંધારાનો લાભ ઉઠાવી સ્થળ પરથી ફરાર થઈ ગયા હતા. ઘટનાની જાણ થતાં જ મોટી સંખ્યામાં ગ્રામજનો એકઠા થઈ ગયા હતા અને પોલીસ કાફલો દોડી આવ્યો હતો. પોલીસે ગુનો નોંધીને ફરાર હત્યારાઓને પકડવા ચક્રો ગતિમાન કર્યા છે. આ પણ વાંચો----     Gujarat Latest News Live : આબુમાં લગ્ન સમારંભમાં ગુજરાતી યુવકની હત્યા

Read Full Story arrow_forward
Junagadh: આજથી 2 દિવસ સુધી ગિરનાર અભયારણ્યમાં વસ્તી ગણતરી, 150 થી વધુ વનકર્મીઓ તૈનાત
calendar_today June 9, 2026

Junagadh: આજથી 2 દિવસ સુધી ગિરનાર અભયારણ્યમાં વસ્તી ગણતરી, 150 થી વધુ વનકર્મીઓ તૈનાત

વન્યજીવોના સંરક્ષણ અને જંગલની સમતુલા જાળવી રાખવા માટે જૂનાગઢ વન વિભાગ દ્વારા એક ખૂબ જ મહત્વપૂર્ણ પગલું ભરવામાં આવ્યું છે. જૂનાગઢના પ્રખ્યાત અભયારણ્ય વિસ્તારમાં આજથી સત્તાવાર રીતે વન્યજીવોની વસ્તી ગણતરીનો પ્રારંભ થઈ ચૂક્યો છે. આ ગણતરી આગામી બે દિવસ સુધી અવિરતપણે ચાલશે. આ સમગ્ર કવાયત પાછળનો મુખ્ય હેતુ જંગલમાં સિંહ અને દીપડા જેવા હિંસક પ્રાણીઓ માટે સપ્રમાણ ખોરાક (પ્રે-બેઝ) ઉપલબ્ધ છે કે નહીં, તે જાણવા માટે તૃણાહારી પ્રાણીઓની ચોક્કસ સંખ્યા નક્કી કરવાનો છે.અદ્યતન સાધનો સાથે જંગલના ખૂણે-ખૂણે ટીમો ગોઠવાઈઆ વસ્તી ગણતરીને આખરી ઓપ આપવા માટે વન વિભાગના 150થી વધુ કર્મઠ કર્મચારીઓ, જેમાં ફોરેસ્ટર, આરએફઓ (RFO) અને સ્થાનિક વાઇલ્ડલાઇફ એક્સપર્ટ્સ સામેલ છે, તેમને જંગલના અલગ-અલગ બ્લોક્સમાં વહેંચી દેવામાં આવ્યા છે. વનકર્મીઓને જંગલની કપરી ભૌગોલિક પરિસ્થિતિમાં પણ સચોટ આંકડો મળે તે માટે જીપીએસ લોકેશન ટ્રેકર્સ, નાઇટ વિઝન દૂરબીન અને હાઇ-એન્ડ કેમેરા જેવા અદ્યતન સાધનોથી સજ્જ કરવામાં આવ્યા છે.વોટરપોઇન્ટ્સ પર સ્પેશિયલ વોચહાલ ઉનાળાની સિઝન હોવાથી જંગલના અંદરના ભાગે પાણીના સ્ત્રોત મર્યાદિત હોય છે. આ સ્થિતિનો વૈજ્ઞાનિક લાભ લઈને વન વિભાગે જંગલના તમામ મુખ્ય જળાશયો, નદીના પટ અને વન માર્ગોની આસપાસ ગુપ્ત વોચ ગોઠવી છે. વન્યજીવો જ્યારે પાણી પીવા માટે જળાશયો પર એકત્રિત થશે, ત્યારે તેમની ગણતરી કરીને ડેટા શીટમાં એન્ટ્રી કરવામાં આવશે. આ બે દિવસીય ગણતરી પૂર્ણ થયા બાદ તમામ બ્લોકનો ડેટા કમ્પાઈલ કરીને જૂનાગઢ અભયારણ્યમાં વન્યજીવોની વસ્તીનો સત્તાવાર આંકડો જાહેર કરવામાં આવશે, જે આગામી વન નીતિઓ ઘડવામાં ખૂબ જ ઉપયોગી સાબિત થશે.આ પણ વાંચો: Banaskantha: કોન્સ્ટેબલની પત્નીનો ક્વાર્ટરમાંથી શંકાસ્પદ મૃતદેહ મળ્યો, પરિવારે હત્યાનો આરોપ લગાવ્યો

Read Full Story arrow_forward
Ahmedabad : સુરેન્દ્રનગરના કુખ્યાત બુટલેગરને સેટેલાઇટ પોલીસ પકડવા ગઈ ને ચોથા માળેથી પટકાતાં કમકમાટીભર્યું મોત
calendar_today June 9, 2026

Ahmedabad : સુરેન્દ્રનગરના કુખ્યાત બુટલેગરને સેટેલાઇટ પોલીસ પકડવા ગઈ ને ચોથા માળેથી પટકાતાં કમકમાટીભર્યું મોત

અમદાવાદના બોપલ-ઘુમા વિસ્તારમાં એક હૃદયકંપાવનારી ઘટના સામે આવી છે. સુરેન્દ્રનગર જિલ્લાના એક કુખ્યાત અને વોન્ટેડ આરોપીને પકડવા ગયેલી પોલીસ ટીમ કાર્યવાહી કરે તે પહેલા જ આરોપીનું ચોથા માળેથી નીચે પટકાવાના કારણે ઘટનાસ્થળે જ કમકમાટીભર્યું મોત નીપજ્યું છે.મૃતક આરોપીની ઓળખ મહાવીર સિંધવ તરીકે થઈ મૃતક આરોપીની ઓળખ મહાવીર સિંધવ તરીકે થઈ છે, જેની સામે અગાઉથી જ સુરેન્દ્રનગરમાં પ્રોહિબિશન સહિતના અલગ-અલગ ૫ ગંભીર ગુનાઓ નોંધાયેલા હતા અને પોલીસ લાંબા સમયથી તેની શોધખોળ કરી રહી હતી.  નશામાં ધૂત થઈને સ્થાનિક લોકો સાથે તકરાર કરતો હતો મળતી વિગતો મુજબ, આરોપી મહાવીર સિંધવ બોપલના ઘુમા વિસ્તારમાં આવેલી એક બિલ્ડિંગમાં છુપાયો હતો. સોમવારે રાત્રે તે દારૂના નશામાં ધૂત થઈને સ્થાનિક લોકો સાથે ભારે હોબાળો અને તકરાર કરી રહ્યો હોવાની ચોક્કસ બાતમી સેટેલાઇટ પોલીસની ટીમને મળી હતી. આ માહિતીના આધારે સેટેલાઇટ પોલીસની ટીમ તાત્કાલિક લોકેશન પર પહોંચી હતી અને આરોપી જે ફ્લેટમાં હતો ત્યાં દરોડો પાડવા માટે સીડીઓ ચડી રહી હતી. બચવા માટે ભાગતા ચોથા માળેથી પટકાયો પોલીસ આવી પહોંચી હોવાની ગંધ આવી જતાં અને કાયદાના સકંજામાંથી બચવા માટે મહાવીર સિંધવે ભાગવાનો પ્રયાસ કર્યો હતો. જોકે, પોલીસ સત્તાવાર કાર્યવાહી શરૂ કરે કે તેને કોર્ડન કરે તે પહેલા જ તે ચોથા માળેથી નીચે પટકાયો હતો. ચોથા માળેથી નીચે પટકાતાં જ તેને માથા તેમજ શરીરના ભાગે ગંભીર ઈજાઓ થઈ હતી અને જોતજોતામાં તેનું પ્રાણપંખેરું ઊડી ગયું હતું. આ ઘટનાને પગલે સમગ્ર બિલ્ડિંગ અને પંથકમાં અફરાતફરીનો માહોલ સર્જાયો હતો. બોપલ પોલીસે તપાસ શરુ કરી  ઘટનાની જાણ થતાં જ સ્થાનિક બોપલ પોલીસનો કાફલો પણ ઘટનાસ્થળે દોડી આવ્યો હતો. બોપલ પોલીસે હાલમાં આ મામલે અકસ્માતે મોતનો ગુનો નોંધીને મૃતદેહને પીએમ અર્થે ખસેડ્યો છે અને આરોપી બિલ્ડિંગ પરથી કૂદ્યો હતો કે ભાગવા જતાં પગ લપસ્યો તે દિશામાં વધુ તપાસ હાથ ધરી છે.  આ પણ વાંચો----     Gujarat Latest News Live : આબુમાં લગ્ન સમારંભમાં ગુજરાતી યુવકની હત્યા

Read Full Story arrow_forward