android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Mahisagarમાં સર્જાઈ મોટી દુર્ઘટના: નદીમાં નાહવા પડેલા બે યુવકો તણાયા
calendar_today June 8, 2026

Mahisagarમાં સર્જાઈ મોટી દુર્ઘટના: નદીમાં નાહવા પડેલા બે યુવકો તણાયા

મહિસાગરના લુણાવાડાથી એક અત્યંત દુઃખદ સમાચાર સામે આવ્યા છે, જ્યાં મહીસાગર નદીના ધસમસતા પ્રવાહમાં નાહવા પડેલા બે આશાસ્પદ યુવાનો પાણીમાં ગરકાવ થઈ ગયા છે. આ બંને યુવકો લુણાવાડાથી નજીક આવેલા લીંબોદરા ગામ પાસે નદીમાં નાહવા માટે આવ્યા હતા. ચોમાસાની શરૂઆતને પગલે નદીમાં પાણીનો પ્રવાહ તેજ હોવાથી નાહતી વખતે અચાનક આ અકસ્માત સર્જાયો હતો, જેને પગલે સ્થાનિક પંથકમાં અરેરાટી વ્યાપી ગઈ છે.મિત્રને બચાવવા જતાં બીજો મિત્ર પણ તણાયો નદીના ઊંડા પાણીમાં નાહવા ઉતરેલા આઝમખાન નામના યુવાનનો પગ લપસતાં તે અચાનક પાણીમાં ડૂબવા લાગ્યો હતો અને બૂમાબૂમ કરી મૂકી હતી. પોતાના મિત્રને આ રીતે મરણિયા તરફડિયા મારતો જોઈને કિનારે ઉભેલો આસિફ નામનો બીજો યુવાન પણ તેને બચાવવા માટે નદીના પાણીમાં કૂદી પડ્યો હતો. જોકે, પાણીનો પ્રવાહ એટલો જોરદાર હતો કે આઝમખાનને બચાવવાના ચક્કરમાં આસિફ પોતે પણ કાળના ખપ્પરમાં હોમાઈ ગયો હતો અને બંને યુવકો જોતજોતામાં નદીમાં તણાઈ ગયા હતા. પોલીસ અને ફાયર વિભાગ દ્વારા શોધખોળઆ હૃદયદ્રાવક ઘટનાની જાણ આસપાસના ગ્રામજનોને થતાં જ મોટી સંખ્યામાં લોકો નદી કિનારે એકઠા થઈ ગયા હતા અને સ્થાનિક પોલીસ તેમજ ફાયર વિભાગને જાણ કરી હતી. ઘટનાની ગંભીરતાને જોઈને લુણાવાડા ફાયર ફાઈટર્સની ટીમ અને પોલીસ કાફલો તાત્કાલિક ઘટનાસ્થળે દોડી આવ્યો હતો અને સ્થાનિક તરવૈયાઓની મદદથી નદીમાં સઘન શોધખોળ આદરી હતી. બચાવ કામગીરી દરમિયાન કોલવણ ગામ નજીકથી એક યુવક મળી આવ્યો હોવાની પ્રાથમિક માહિતી મળી રહી છે, જ્યારે અન્ય યુવકની શોધખોળ હજુ પણ યુદ્ધના ધોરણે ચાલુ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Kachchh News:  નિરોણા અનામત જંગલ વિસ્તારમાં 180 હેક્ટર પરનું ખેતી વિષયક દબાણ દૂર કરાયું
calendar_today June 8, 2026

Kachchh News: નિરોણા અનામત જંગલ વિસ્તારમાં 180 હેક્ટર પરનું ખેતી વિષયક દબાણ દૂર કરાયું

કચ્છ જિલ્લાના નિરોણા અનામત જંગલ વિસ્તારમાં વન વિભાગ અને પોલીસ વિભાગ દ્વારા સંયુક્ત રીતે એક મેગા ડિમોલિશન ડ્રાઈવ હાથ ધરવામાં આવી છે.અહીં વર્ષોથી જંગલની કિંમતી જમીન પર થઈ ગયેલા મોટા પાયાના દબાણો હટાવવાની કામગીરીનો આજથી વિધિવત પ્રારંભ કરી દેવામાં આવ્યો છે.આ ઓપરેશનના પ્રથમ દિવસે જ તંત્રએ આક્રમક વલણ અપનાવીને અંદાજે 180 હેક્ટર જેટલી જમીન પરથી ગેરકાયદેસર રીતે કરાયેલું ખેતીવિષયક દબાણ સંપૂર્ણપણે દૂર કરી દીધું છે.પોલીસ બંદોબસ્ત પણ ગોઠવી દેવાયોસરકારી રેકોર્ડ અનુસાર આ વિસ્તારમાં કુલ 1680.74 હેક્ટર જેટલો અનામત જંગલ વિસ્તાર આવેલો છે.જેમાંથી આશરે 300 હેક્ટર જેટલી જમીન છેલ્લા 30 વર્ષ જેટલા લાંબા સમયથી દબાણકારોના ગેરકાયદેસર કબજા હેઠળ હતી.વન વિભાગની જમીનને ખુલ્લી કરાવવા માટે તંત્ર દ્વારા અગાઉથી જ આયોજનબદ્ધ તૈયારીઓ કરવામાં આવી હતી.આ ઓપરેશન દરમિયાન કોઈપણ કાયદો અને વ્યવસ્થાની સ્થિતિ ન બગાડે તે માટે ચુસ્ત પોલીસ બંદોબસ્ત પણ ગોઠવી દેવાયો હતો.દબાણકારોમાં ભારે ફફડાટ વ્યાપી ગયોઆ વિશાળ દબાણ હટાવવાની કામગીરી માટે વન વિભાગ અને પોલીસની સંયુક્ત ટીમો દ્વારા 20 જેટલા જેસીબી (JCB) મશીનો અને 15 ટ્રેક્ટરોની મદદ લેવામાં આવી હતી.ભારે મશીનરીના ઉપયોગથી ગેરકાયદેસર દબાણો પળવારમાં જમીનદોસ્ત કરી દેવાયા હતા. આગામી દિવસોમાં બાકી રહેતી જમીન પરથી પણ દબાણ હટાવીને તમામ 300 હેક્ટર જંગલની જમીન સંપૂર્ણપણે પ્રશાસન હસ્તક મેળવી લેવાશે.જેને પગલે ભૂમાફિયાઓ અને દબાણકારોમાં ભારે ફફડાટ વ્યાપી ગયો છે.આ પણ વાંચોઃ Sabarkantha News: પોશીના નજીક જાનૈયાઓથી ભરેલી જીપ ખાડામાં ખાબકી, 20થી વધુ લોકો થયા ઈજાગ્રસ્ત

Read Full Story arrow_forward
Ahmedabad News: સ્માર્ટ સિટીના દાવા સામે પ્રશ્ન, રિ ડેવલપમેન્ટના વાયદા માત્ર કાગળ પર
calendar_today June 8, 2026

Ahmedabad News: સ્માર્ટ સિટીના દાવા સામે પ્રશ્ન, રિ ડેવલપમેન્ટના વાયદા માત્ર કાગળ પર

અમદાવાદના જમાલપુર, ગોમતીપુર, અસારવા સહિતના વિસ્તારોમાં AMCના કર્મચારીઓ માટે બનાવાયેલા સરકારી ક્વાર્ટર આજે વિકાસના નહીં,પરંતુ વેરાનગતિના પ્રતીક બની ગયા છે.50થી 60 વર્ષ જૂના આ આવાસો વર્ષોથી રિડેવલપમેન્ટની રાહ જોઈ રહ્યા છે.2016થી નવી યોજનાઓના વાયદા થઈ રહ્યા છે.પરંતુ હકીકતમાં લોકો હજુ પણ ખંડેર જેવા મકાનોમાં જીવવા મજબૂર છે.ચોમાસું માથે છે અને મકાનોની હાલત એવી છે કે દીવાલો ખખડી રહી છે.દીવાલોમાંથી સળિયા બહાર દેખાઈ રહ્યા છેઅમદાવાદના જમાલપુરમાં આવેલી સરદાર હેલ્થ ક્વાર્ટરના 50થી 60 વર્ષ જૂના આ આવાસોની દીવાલોમાંથી સળિયા બહાર દેખાઈ રહ્યા છે.છતના પોપડા સતત પડી રહ્યા છે.ચોમાસું આવે એટલે ઘરની અંદર જ વરસાદ વરસતો હોવાની ફરિયાદો ઉઠી રહી છે.વર્ષ 2016થી આ ક્વાર્ટરોના રિડેવલપમેન્ટની ચર્ચા થઈ રહી છે.અનેક વખત જાહેરાતો થઈ, યોજનાઓ ઘડાઈ, પરંતુ જમીન પર પરિણામ હજુ પણ શૂન્ય છે.સરકાર અને તંત્રના વાયદાઓની સ્થિતિ એવી થઈ ગઈ છે કે તારીખ પર તારીખ મળે છે પરંતુ મકાન નથી મળતું.માત્ર મકાન જ નહીં પરંતુ સલામતી પણ જોખમમાંસ્થાનિકોનું કહેવું છે કે માત્ર મકાન જ નહીં પરંતુ સલામતી પણ જોખમમાં છે. દરેક ચોમાસું આવે ત્યારે પરિવારના સભ્યોને ડર રહે છે કે ક્યાંક છતનો ભાગ તૂટી ન પડે.ક્યાંક દીવાલ ખસી ન જાય. સ્માર્ટ સિટીના દાવાઓ વચ્ચે આ ક્વાર્ટરો એક એવો સવાલ ઉભો કરે છે કે વિકાસના પોસ્ટર પર ચમકતું શહેર અને જમીન પરનું શહેર એક જ છે કે અલગ અલગ પણ આ છે તો હેલ્થ સ્ટાફ ક્વાર્ટર પરંતુ આ ક્વાર્ટરની જ હાલત વેન્ટિલેટરમાં રહેલા દર્દી જેવી થઈ ગઈ છે. 

Read Full Story arrow_forward