android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Viramgam: ખુડદ પાસે પાણી પુરવઠા વિભાગની PVC પાઇપોના જથ્થામાં આગ ભભૂકી
calendar_today June 7, 2026

Viramgam: ખુડદ પાસે પાણી પુરવઠા વિભાગની PVC પાઇપોના જથ્થામાં આગ ભભૂકી

વિરમગામ તાલુકાના ખુડદ ગામ પાસે પાણી પુરવઠાનો સ્ટોરેજ વિભાગ આવેલો છે.જે સ્થળે તાલુકામાં કામગીરી માટે પાણીની પિવિસી પાઈપોનો મોટો જથ્થો ખુલ્લામાં રાખવામાં આવ્યો હતો.જે પીવીસી પાઇપલાઇનના જથ્થામાં રવિવારે આગ લાગી હતી.બનાવની જાણ વિરમગામ પાલિકા ફાયર ટીમને થતા સ્થળ પર પહોંચી હતી અને આગ બુઝાવવા કામગીરી હાથ ધરી આગ પર કાબુ મેળવ્યો હતો.સાંભળવા મળેલી ચર્ચા મુજબ સ્થળ પર કોઈ હાજર નહતુ.પસાર થતા જાગૃત આગેવાન દ્વારા બનાવની જાણ કરાઇ હતી. તંત્રની બેદરકારીના કારણે મોટો જથ્થો બળીને ખાખ થયાનુ જાણવા મળ્યુ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Halvad: ક્રોસ રોડ હોટેલમાં વહેલી સવારે આગ ભભૂકી ઉઠતાં દોડધામ
calendar_today June 7, 2026

Halvad: ક્રોસ રોડ હોટેલમાં વહેલી સવારે આગ ભભૂકી ઉઠતાં દોડધામ

હળવદ હાઈવે રોડ ઉપર આવેલા ક્રોસ રોડ કોમ્પ્લેક્સ માં આવેલ હોટલમાં અગમ્ય કારણોસર આગ લાગેલ હોય જેની જાણ થતા હળવદ નગર પાલિકા ના ફાયર સ્ટાફ્ વાહનો સાથે તાત્કાલિક ઘટના સ્થળે પહોંચી આગ જે જગ્યા પર લાગી હતી ત્યાં પાણીનો મારો ચલાવી આગ પર સંપૂર્ણપણે કાબુ મેળવેલ હતો.આગના કારણે આકાશમાં દૂર-દૂર સુધી ધુમાડાના કાળા ગોટેગોટા જોવા મળ્યા હતા, જેને પગલે લોકોના ટોળા એકઠા થઈ ગયા હતા.  મોરબી જિલ્લામાં હળવદના હાઇવે રોડ ઉપર આવેલ ક્રોસરોડ કોમ્પલેક્ષમાં આવેલી હોટલ ક્રોસ રોડ ના રસોડા માં કોઈ અગમ્ય કારણોસર આગ લાગી હતી હોટલમાં ફાયર સેફ્ટીના સાધનો ઉપલબ્ધ હતા. પરંતુ આગે અચાનક રૌદ્ર સ્વરૂપ ધારણ કરી લેતા ત્યાં હાજર લોકો ફાયર સેફ્ટીના સાધનો હોવા છતાં આગ પર કાબુ મેળવી શક્યા ન હતા. આગ બેકાબૂ બનતા તાત્કાલિક હળવદ પાલિકા ના ફાયર વિભાગને જાણ કરવામાં આવી હતી. ઘટનાની જાણ થતાં જ હળવદ ફાયર બ્રિગેડની ટીમ તાત્કાલિક ઘટનાસ્થળે પહોંચી ગઈ છે અને પાણીનો મારો ચલાવીને આગ પર કાબુ મેળવવાની સઘન કામગીરી હાથ ધરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Bavla: પાણી ભરેલા અંડરપાસમાં ઝંપલાવી યુવકનો આપઘાત
calendar_today June 7, 2026

Bavla: પાણી ભરેલા અંડરપાસમાં ઝંપલાવી યુવકનો આપઘાત

અમદાવાદ જિલ્લાના બાવળા શહેરમાં પોલીસ મથક નજીક આવેલા રેલવે નીચેના પાણી ભરેલા નાળામાં યુવકે ઝંપલાવી પોતાનું જીવન ટુંકાવ્યું હતુ બનાવ અંગે બાવળા પોલીસે યુવકની લાશને પીએમ અર્થે મોકલી આપી વધુ તપાસ હાથ ધરી હતી  પ્રાપ્ત વિગત મુજબ બાવળાની અવધપૂરી સોસાયટી ખાતે રહેતા કિરણભાઈ વાલજીભાઈ સારોલા ગત તા.6ઠ્ઠીને શનિવાર સાંજથી ઘરમાં કોઈને જાણ કર્યા વગર નીકળી ગયા હતા. જ્યારે રવિવારે રેલવેની એક ટીમ અંડરપાસમાં પાણી ભરાઈ રહેતું હોવાના કારણે ઇન્સ્પેક્શન કરવા આવી હોવાથી બંધ અંડરપાસમાં કોઈ વ્યક્તિની લાશ તરતી જોઈ રેલવે કર્મચારીઓ દ્વારા બાવળા પોલીસ મથક જાણ કરવામાં આવતા પોલીસ તાત્કાલિક ઘટના સ્થળે આવી પહોંચી હતી અને નગરપાલિકાને જાણ કરતા પાલિકાની ટીમ આવી યુવકની લાશને બહાર કાઢી હતી. પોલીસ દ્વારા તપાસ કરતા મૃતક વ્યક્તિ અવધપુરી સોસાયટીનો રહીશ હોવાની જાણકારી મળતા પોલીસે તેના પરિવારજનોને જાણ કરી બોલાવી લીધા હતા. જ્યાં મૃતકના પરિવાનો દ્વારા જણાવ્યું હતુ કે કિરણભાઈ શનિવારની સાંજે ઘરમાં કોઈને જાણ કર્યા વિના બહાર નીકળી ગયા હતા. પોલીસ દ્વારા મૃતકની લાશને પીએમ અર્થે મોકલી આપી વધુ તપાસ હાથ ધરી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward